陳六記飯店

營業中

休息中

11月09日20:00食肉獸，肉心引難耐，放棄兩元車費可達的皇崗口岸。花了廿八大洋，取道褔田口岸，直撲上水陳六記。要了慕名已久的炭燒五層樓飯(送例湯)。炭燒五層樓：賣相絕對不俗，層次分明，上圖可作證。第一層是甘香鬆脆的皮，二層是那點點甘美肥肉，個人覺得太少，三層是嫩肉，四層是越嚼越有肉味的瘦肉，五層是那脆脆的軟骨。冬瓜薏米(苡仁)排骨湯：平實的老火湯水，不覺有師父，排骨已鬆化，冬瓜清鮮。街坊老店格式，喜歡食裝修者勿近^m^吃過飯後，便到對面花店買心頭好，祇用了HK$10.-，便買到兩棵小苗。最後去尋找有恩於我的謝太公，話說月前，久咳不止和失聲，最後服用"謝太公"枇杷膏解困。所以再買一樽回家孝敬久咳的太座。

上水對小弟嚟講，絕對係等於邊彊地區，正式十年都唔會去一次，今次為咗一嘗呢度炭燒燒肉飯，遠至上水都值嘅....好典型嘅街坊飯店，啱晒我。坐低後即嚟一碟燒腩飯...賣相絕對係全無嘅，皮肉有D仲係分離添；皮係屬於"光面"皮，一口咬下，脆啪啪，不過有D偏硬，可能因為唔係剛啱出爐la，但炭香味確實十足，肉地肥瘦相間，底層瘦肉夠鹹香。同是炭燒燒肉，賣相可能不及太子永合隆，但味道卻係可分庭抗禮....奉送嘅節瓜豬骨湯一D味精都冇，好老火....不枉此行....

一直據聞上水區有間老食肆出名炭燒燒臘，其中以燒腩排以北區之首。在現今政府已沒有再發炭爐牌照的情況下，所剩下的都是久經歷練而仍未淘汰的老店，上水區只獨這裡。似乎飲食雜誌的威力沒有為這裡帶來什麼幫助，可能一來這位置遠在塞外，未必會有有心人獨為了一件炭火燒腩長途拔涉，二來這裡偏僻難找，加上都是裝修地盤大哥喜歡聚頭的地方，故中午過來幫襯的只限大漢天下。是日到上水交收，見午餐仍未著落，醒起陳六記三個字，難得機會，就嘗試路在口邊，邊找邊問，後生細仔們的沒舍印象，問了兩三個上年紀的老街坊阿伯才有端倪，而最終都能安座這裡。門口張則了不小關於老板六叔及這炭燒五層樓的報道，而幫襯的食客亦以這為膽拖燒味配答，而為試真章，就只來一碟燒腩飯扣底加上例湯一碗。冬瓜排骨湯，清中帶肉的鮮甜，沒有味精招呼過，加上應是厚皮老冬瓜，這例湯已給不小好評。再來的五層樓，可惜獨欠軟骨的那層部份，但其餘脆皮、薄肥膏、嫩肉及瘦肉層都恰到好處，加上有鮮肉香味及不過鹹，果然名不虛傳。若下次經過上水，這炭火燒腩應該是給你一個稍為停步的一個借口吧。後記一：回到吃燒肉的情景，每年總有一兩趟是用大紅金豬來作開場或籌神儀式的，按刀拍照就交給燒臘師

住係上水咁耐都唔知間野D野食幾OK...前排聽朋友講E間野既燒味好味..咁上個星期同BF去食過..的確唔錯..我叫左碟叉雞飯..真係好大碟..我自己個碟就食唔晒..同埋D叉燒真係好正..^^

成日話去陳六記食飯，終於有機會喇！喱度最出名係脆皮燒腩仔，當然要試。嘩！真係好鬼脆！(自家炭爐燒烤的豬腩肉，豬皮脆卜卜，豬肉肥瘦相間，口感爽脆，是全店最好賣的菜式。)我8個人，另外叫個套餐：1) 滷味拼盤 個滷水汁勁正！2) 清蒸海上鮮 係蒸魚，好滑！3) 鮮腐皮煮時菜 腐皮好新鮮，時菜係莧菜，我本人嘛嘛，但菜好嫩 綠。4) 西芹腰果炒鮑貝 鮑貝炒得唔韌，超多腰果，正！5) 豆腐海鮮羹 淡，都o.k.6) 西蘭花花枝片 好味！7) 鹽焗雞 好味，有雞味，唔會「林pat pat」。

21/5(日)夜晚同媽咪2個黎食飯叫左燒腩,焗魚腸,金銀蛋"燕"菜同例湯燒腩真係正,個皮脆到索索聲,入口鬆化,唔會太瘦,好入味,不過下次要走汁,d汁咸左小小焗魚腸有好多材料,有冬菇,馬蹄,當然唔少得油炸鬼,雞蛋同魚腸,又香又口感豐富,不過就焗得濃左小小,偶然有一啖魚腸係苦苦地d菜好嫩綠,入口無渣,咸度適中,清清地例湯只係5蚊一大碗,無味精,好抵飲另加1支啤酒,埋單$11x環境唔多好,下次只會外賣燒肉!!!

我細細個已經成日去o個度食野架喇...d 西湖牛肉羹簡直係所向無敵＞＞芫茜味勁正...係我至愛..我勁buy!!!價錢又平yeah

店裡面的飯菜與其他店差不多..食物也算是不錯~~而價錢都不算太貴~~也值得一食~~~