陳儀興飯店 (崇齡街)

營業中

休息中

#陳儀興飯店 平日食都要等位今次提早左book 一於試試打冷同小菜#滷水鵝片皮同肥肉比例啱啱好 炆得入哂味但又唔會太淋唔會太鹹 仲有少少香味 色澤又靚 底層仲有滷水豆腐 索哂味 屋企人都大讚👍🏻✨#滷水拼盤好多材料選擇 有滷水蛋、紅腸、墨魚、豬耳、豬大腸😋#潮州凍蟹每日限定數量 最好預先訂購第一次食 將新鮮嘅蟹煮熟後放入雪櫃冰凍後再食 肉質鮮甜只係個人覺得有啲貴價唔飽一次便好了 建議將quota留比其他菜式🔥#咕嚕豬扒酸甜口味 送飯一流👍🏻#楊州炒飯炒飯粒粒分明 食到一粒不剩👍🏻#豉汁蒸大白鱔豆豉蒸鱔真係好夾 好入味 回味無窮🥰#中菜#小食#打冷#潮州菜#將軍澳#滷水#hkig#hkfood#foodie#18區搵食#18區美食

是日星期五，同朋友一行四人去到陳儀興新蒲崗總店晚飯，好多人等位，建議事前book位較好。 我地4個人共叫左6樣野 👉🏻韮菜豬紅：非常入味, 豬紅唔腥, 4個人清哂。👉🏻方魚肉碎粥（鍋）：調味恰當，唔會太咸，正常水準，可自行決定需唔需要加胡椒粉，份量多，最後吃不完。👉🏻潮式滷味拼盤：有魷魚，豆腐，紅腸，雞蛋，腩肉。魷魚尚算彈牙。豆腐最入味。👉🏻小炒王：有鑊氣，足料兼大磡，如果冇咁咸會更好。👉🏻煎蠔仔餅：蠔仔新鮮，皮煎得香脆鬆化，正。👉🏻蓮藕餅：煎得好脆同爽口，味道正常，但不太驚喜。 最後埋單每人$160，扺。

今日終於去咗新蒲崗頂頂大名嘅陳儀馨食打冷。呢間老鋪疫情前晩市好多人排隊，好墟冚！上星期日晩食，等左10分鐘就有位，不過要搭枱，一張大枱坐三pair 客，都好闊落嘅！由於只有兩個人怕食唔晒，所以只點咗兩味：家鄉炒麵線、奇妙沙拉骨！我哋等咗30分鐘，都未上菜，於是追單，點知話漏咗單😩，再等多15分鐘到先有得食！隔離嗰兩組客已經食飽咁滯！🙈🙈家鄉炒麵缐：$70賣相：正常味道：略嫌淡左啲奇妙沙拉骨：$85賣相：好多沙律醬味道：豬扒夠淋，配埋沙律醬好惹味兩者份量都好充足！下次可以是其他菜式！

打冷嚟講我本人最鍾意食呢一間陳儀興，首先想講佢嘅螄蚶喺香港本身已經比較難食到，其次佢嘅醃製方法真係好好食，我已經嚟過幾次每一次食嘅時候都好新鮮，好彩都冇肚痾🤪🤪 其次馬友我都係必食推介，佢唔係太多骨，本身已經好入味完全唔使點醬汁，魚嘅質地會比較鮮嫩 最後當然唔少得打冷人都會食嘅鵝片，同埋生腸墨魚，雖然我平時都會覺得鵝片係有少少貴，久不久食吓都可以 如果泊車嚟講嘅話佢都會算係方便，就咁放喺街，要注意佢會有抄牌嘅風險

屋企人生日想食潮州菜，聽講新蒲崗依間出品唔錯所以特等book位來食。夜晚18:00左右到餐廳仲唔係好多人，同街有幾間舖頭，有卡位可以入座。野食嘅份量都幾大，三個人三個送已經可以食到好飽了。最出名嘅鹵水拼盤鹵水味道整得唔會太鹹，可以保留到食材原本嘅味道之外，鹵水味也很是突出。拼盤入面有5-6樣肉類同豆卜，美中不足嘅係冇鵝腸，如果想食要單點。不過始終係拼盤，入面點都會有唔太喜歡嘅食材。潮州蠔餅炸得非常酥脆可口，而且唔會太過油膩，蠔仔嘅數量都好多，也夠肥美，質素很唔錯，下次如果來會再食。黃鱔煲非常有驚喜，本身擔心鱔魚嘅分量會好少，但係分量都幾多，唔會全部都係洋蔥青椒。味道方面都幾惹味，但係食到最後就覺得有啲太鹹了。

依家位於新蒲崗有好多分店主要售賣地道打冷小菜，佢哋係好有特色嘅小菜每一盤菜式都係大大分份量十足我哋三個人食都真係好飽，我哋嗌咗好多個傳統小吃，譬如係炸鯪魚球，配上佢哋特別調製嘅醬汁真係好好食，熱辣辣10分吹口，我哋亦都飲咗佢哋嘅冬瓜盅適合最近春天嘅天氣唔會有好多糖分天然同埋入邊嘅料十足真的10分正好好食，仲有話我哋嗌咗好多煲 佢哋肉質鮮美醬汁10分好配上白飯，簡直係一流呀佢哋嘅價錢適中特別適合喜歡地道中餐嘅朋友們

相信「陳儀興」好多人都識 陳儀興飯店係香港地道潮州飯店 開左幾十年👍🏻滷水拼盤➕鵝腸（$168）拼盤有齊紅腸 豬耳 滷水蛋 🦑 豆腐 樣樣都好食🤤 不過最好食既都係另加既鵝腸 岩岩熟 新鮮又夠肥美 油脂非常香🫶🏻🫶🏻🫶🏻滷水鵝件（$128）本身order 鵝片 但落單哥哥仔話今日鵝件好食啲😆 鵝件的確好食 腩位特別好食 特別嫩滑 而且好入味😋😋😋醬爆田雞（$95）重口味之選 送飯一流 萵荀爽口 田雞多肉嫩滑鮮甜 唔係到到有得食😝椒鹽九肚魚（$88）入口即化 綿滑到好似豆腐咁 而且炸到酥脆 連魚骨都食得🤭 唔洗吐骨 懶人好岩食😍豉椒炒大蜆（$98）又係送飯必備 夠鑊氣夠惹味 大蜆粒粒都好飽滿 啖啖肉🥰

陳儀興多間分店，而且近年更設有新派分店於太子，雅座舒適，但筆者仍是喜歡老舖，街坊感覺夠貼地。31/12 元旦夜，朋友壽星想吃潮州菜，原先打算在太子分店，但過時過節，油尖旺必定水洩不通，最後大家決定番去老店，喜歡麻甩格局。星期六7:45pm晚上，就算電話預訂，也例牌要等等⋯⋯筆者就是喜歡看著牆上面的餐牌，有圖有真相，有價錢，一路點一路吃，吃得過癮⋯⋯潮州拼盤~鵝腸甘香爽脆，鵝肝不能不吃，大家很快就將它消滅。煎蓮藕餅~從前這道菜送飯一流，而家時興不吃飯，大家一件件咁吃，下酒小吃，也算合適。薑蔥煮魚標~很久沒吃過魚標了，薑蔥並不是配角。雞蛋焗魚腸~越來越少飯店有魚腸這道菜，朋友吃得過癮。麵醬蒸魚雲麵醬恰到好處，大家都讚㕑子調教這味道剛剛好。生炒糯米飯~令人回憶起從前的小販攤檔的味道⋯⋯潮式涼瓜煮雞蛋$80.~苦瓜煎蛋就吃得多，人人都話這個半世瓜，但筆者一向都愛，睇嚟佢令我愛足一世了⋯⋯醋味甚濃，點點胡椒香，甘、苦、酸，筆者當晚至愛的一道菜。芋泥~銀杏嘅香氣相當吸引，芋頭控必然愛上，唯獨是甜度頗甜，調低甜度的話更理想。整體來說:除了冷盤，每度菜都熱騰騰，價錢公道，就是喜歡地道飯店麻甩的格局。

平時夜晚嚟就算book位都要等一陣 今日竟然唔使等 可能聖誕節無人食潮州嘢🤔烏頭新鮮 魚肉綿密唔會好鞋 鹹味適中 好味生醃瀨尿蝦主要係食個汁嘅味同生瀨尿蝦嘅口感呢個汁我覺得偏泰式 有好多辣椒蒜同芹菜 比較惹味 上一次食係甜嘅醬油味多啲 我鍾意以前個汁多啲蠔仔粥好鮮甜 都算多蠔 入面有芹菜同薑 味道豐富 冬天食好舒服辣酒煮花螺真係次次都會叫 辣得嚟好香 花螺有好多粒 四個人食每人都食到八至十粒花螺啲肉好實淨同吸晒啲酒同辣香入面仲有啲薯粉 不過我覺得薯粉索晒汁太鹹鹵水鵝片嫩滑得嚟好夠鹵水味 皮同肥同肉嘅比例都幾好 唔會話太肥鹵水唔會死鹹 食到有香料嘅甜味仲有叫咗鹵水鵝肝 鵝肝熟度啱啱好 好軟嫩 肥而不膩 好好食👍

不得了啊!!! 點估到潮州有咁正美食，大家平時去普通潮州店應該都係打冷阿食下滷水，我經常都係食下餓腸韭菜豬紅咁，原來呢道係隱世潮州美食店!!!個生醃蟹完全俘虜了我的心❤再來有潮式淹獅蚶，相信好多香港人勁鐘意食而且不是經常見到有興趣一定要預早訂，比我地個私訂menu 大家研究下9-10位聚餐menu潮式淹羔蟹兩隻潮式淹尿蝦兩份潮式淹獅蚶五年老鵝頭頸鹵水鵝大拼盆鹵水鵝粉肝原隻手工荷包善 位上手工石榴帶子 酥炸汕尾桶蠔籠仔糯米花蝦潮式春菜煲送甜品緑豆清心丸菜價 $8600

蠔餅：新鮮熱辣辣炸起，香脆可口，如果蠔仔可以再多啲就好啦滷水拼盤：有滷水鵝，墨魚，大豆芽，豆腐等，全部都好入味，滷水唔會太咸，但有啲花椒八角嘅香料味豉汁白鱔：白鱔好新鮮好正，豉汁好岩送飯，不過我地叫左蠔仔粥😂芋泥：雖然價錢$45得細細碗，但因為本身好鍾意食芋泥同埋呢個唔係道道地方都有得食，所以都叫左一碗一齊share。芋泥入口好滑，但都有啲甜同漏，所以每人食一小匙就好了。每人都係$150左右，價錢合理，值得再訪。

呢間野一向好出名，平日好多人排隊。好耐冇打冷，久仰大名。個日放工好攰，又唔知點解突然好肚餓。咁啱路過見唔使排隊等位，就即刻入去。自己一個食，所以好唔好都求其又一餐。呢度四款餸嘅份量都ok，不過欠支青島啤（我戒左飲啤酒）！！！食完覺得好飽飽~~~

< 陳儀興飯店 >打冷配啤酒！一班朋友仔去食係唔錯既選擇👯‍♀️ 不過撘車就唔多方便啦 訂座嗰陣餐廳會再send需要預訂嘅電子菜單俾客人落單先 幾先進🤣-滷水鵝粉肝 $138最出名既鵝肝✨ 幾粉嫩同滑 都有10塊左右 滷水味就唔係好重 下面個層豆腐反而吸晒啲滷水味🤭滷水拼盤 $108呢個可嗌可唔嗌 7-8樣野 都係紅腸、墨魚、豬頭肉個啲啦 無特別好食但又唔係難食囉蠔餅 $80炸到好香脆 一啲都唔油 炸漿同蛋比例都可以接受 唔會食到一舊舊炸麵粉 蠔仔都算多 幾乎每一啖都有一至兩隻🦪麻辣田螺 $98打冷最鍾意嗌🥰 個辣到啱啱好 田螺入味又大隻 吉出嚟仲好大舊肉可以添返個汁食仲正 送啤酒一流呀！😙-陳儀興飯店📍新蒲崗崇齡街40號地舖📷IG@myheasharings

全程由馳名嘅酒店餅師監督生產👍潮州手工月餅，帶出傳統家鄉風味💕禮盒裝共八個，四款口味一定有啱你！水晶、🍠芋泥蛋黃、烏豆蛋黃、🥚綠豆蛋黃，我最中意鹹香綠豆！🤤清甜綠豆蓉，清熱又養生。甘香酥皮，一咬即化。流心奶黃💛蛋香甜而不膩，奶皇濃而不膩。用稍稍加熱，濃香餡料，流心難以抗拒🥰

來這裡，真係冇特別預期的，純粹係打完風，想外出走走，就回去我成長的地區—新蒲崗。原本係想去幫襯吓同一區嘅豬油雲吞的，奈何打半日風，唔開，老公興緻盎然提議去呢度。兩個人唔覺唔覺叫咗七樣嘢🥹(排位絶對跟先後😆)1.蠔餅2.滷水鵝片3.普寧浮豆腐4.烏頭5.潮州炒麵線6.滷水拼盤7.百花炸大腸8.可樂這裡食物其實不錯，其中特別係蠔餅，正宗唔hea ，有蠔雖然唔算多，但無被欺騙嘅感覺，最重要係新鮮熱辣炸出嚟，脆口得嚟唔油膩🫶🏼。嗰個普寧浮豆腐，炸出嚟外脆內滑，浸韮菜鹽水，名符其實浮豆腐😙滷水鵝片焾滑，無羶味☺️🫰🏼(開心)另外滷水拼盤嘅生腸同豆腐都好好味，生腸脆，真係堅係爽脆無怪味(這個很重要),墊底豆腐滑一啲都唔老，不過滷水就係滷水，唔會特別好impressed 。條烏頭新鮮，烏頭呢種魚本身肉質唔屬滑嘟嘟，呢度整得唔會死實實，暗藏黃油但又唔會好肥，可能大小適中容易掌握得到火喉，夠味，唔沾普寧豆醬都👌🏼。炒麵線恰味道到好處，麵線本身好食，不論質地定係味道都係好味嘅。試過响其他地方食過太咸，原來麵線本身搓嘅時候已調好了麵線本身味道。但係呢度就無乜配菜，佢哋只係得炒蛋同啲啲🤏🏼芹菜😑，其他地方係有加