陳儀興飯店 (嘉悅)

營業中

休息中

陳儀興飯店 (嘉悅)將軍澳至善街9號嘉悅地下2-3號舖係將軍澳區內應該得呢間正宗既潮式打冷食店，餐廳係地鋪所以成日行過見到都幾多人幫襯，今日終於有機會同埋屋企人過黎試一試鹵水鵝片食潮洲嘢點可以唔食鹵水鵝呀，我地揀左鵝片，貪佢起晒骨入口淡淡肉，味道濃郁非常入味潮州蠔仔粥 真材實料既蠔仔粥，粒粒蠔仔都好大隻，而且份量好多，呢個係一碗既size ,但原來都咁大份，提提大家食之前加少少胡椒粉就更加滋味啦焗魚腸而家有得食焗魚腸既餐廳已經買少見少，因為係功夫菜，好驚喜知道呢到有當然要試下啦，做法非常正宗，表面焗到金黃色，內裡就係甘香肥美既魚腸椒鹽鱔球本身都少食魚既，但將鱔魚炸左之後，非常香脆可口，一試就愛上左，而且份量極多，非常抵食油鹽水浸活蜆食左d煎炸嘢，點返呢個就岩晒，蜆肉好多而且幾大隻，最後仲可以飲埋個湯，非常鮮甜係精華所在

每次入開將軍澳行街，都必會去探一探陳儀興🤣……食鹵水鵝😋🥢鹵水鵝件$148鹵水清香唔會死鹹，鵝件嫩滑軟腍，肥瘦適中，墊底有大豆芽及花生🥢招牌手工炸蟹棗$158用腐皮卷住蟹棗炸，所以外皮脆卜卜，內裡蟹肉飽滿，充滿鮮味，炸得唔油膩🥢雲耳勝瓜浸大蜆$118蜆肉鮮甜，配搭雲耳、勝瓜、唐芹及粉絲，清爽又清甜🥢椒鹽鱔球 $198外皮輕輕撲上粉漿，炸得夠哂香脆，鱔球肉質爽彈，魚味濃郁油脂芳香，但完全唔覺得油膩🥢特色懷舊焗魚腸$88面頭焗到微微焦燶，使得蛋味更香濃，魚腸份量超多，裏面仲有好多芫茜，整體滑溜得嚟亦有口感🫖茶介$10/位餐廳裝修新派，比起一般 打冷舖，坐得舒適好多👍，而且服務好好由於餐廳都幾有人氣，我哋為咗避開人潮所以未夠六點鐘就已經入座，同埋最好book定位

位於將軍澳嘅🌟陳儀興飯店🌟，係一家潮州打冷餐廳🦑，閒日晚市亦滿座，十分熱鬧🔥！🌟鹵水拼盤 $138有齊墨魚片、腩肉、大腸、紅腸、生腸、豬耳、豬頸肉、鹵蛋同埋豆腐，超豐盛而且質素頗高，勁滿足！🔥鑊氣小炒皇 $108炒到勁香勁有鑊氣，由魚乾、蝦乾、魷魚、花生、腰果等堆疊嘅鹹香，係送飯嘅佳品！🪱椒鹽鱔球 $198粉漿厚薄適中，入面嘅鱔肉彈牙而鮮甜！🦪潮州蠔餅 $98口感香脆而蠔滑嫩鮮美，有兩大塊夠抵食，係是晚嘅MVP！🐟焗魚腸 $88魚腸帶來一點爽脆同埋油香，適量嘅薑味有助提鮮同埋壓腥！🍠手工芋泥 $48濃厚香甜，香芋控必點！🍺藍妹 $36陳儀興嘅酒水都算幾平，三十幾蚊就有大支裝啤酒！

家人話想食潮州菜，陳儀興是首選，餐廳乾淨企理，店員服務周到。我們點左：鹵水鵝件$148椒鹽鱔球$198薑蔥桶蠔$208潮州炒飯$78脆皮落湯錢$83鹵水鵝件：鵝肉味香很腍滑又夠味，滷水味香濃，不油膩勁美味😋椒鹽鱔球：薄粉漿包住鱔片炸得香脆，鱔肉爽口彈牙，沾喼汁超正好好食😋薑蔥桶蠔：熱烘烘原煲上枱，薑蔥味香氣四溢，蠔頗大隻，味道不錯👍潮州炒飯：勁大碟超抵食，材料豐富，有鮮蝦仁、蝦米、菜脯、雞蛋、四季豆等⋯炒得香口又乾身粒粒分明夠爽口。甜品脆皮落湯錢：是香煎糯米糍粑加碎花生、糖，香軟粉糯都不錯。陳儀興飯店 (嘉悅)將軍澳至善街9號嘉悅地下2-3號舖

將軍澳食潮州野，一定諗起陳儀興🤓傳統手工潮洲菜❤️座位坐得好闊落😌同埋服務都好好😍一黎到就有得揀茶飲🥳餐牌入面有唔少傳統嘅菜式🥰我哋當然會叫下佢個招牌菜☺️🐟焗魚腸，蛋香味重又唔會太腥，味道較甘香🐟椒鹽鱔球，鱔球係即炸嘅，食落彈牙，外脆唔油膩😋🌸滷水鵝片，鵝片切得岩岩好，夠簿身又入味❤️🌸香芋滑雞煲，食落熱辣辣🥰芋頭夠粉😆雞件嫩滑🤤🌸沙嗲芥蘭牛肉，芥蘭口感脆口，沙嗲夠野味😋牛肉香香，牛味濃

假期在將軍澳南踩單車， 仲可以睇龍舟練習， 住在附近的朋友推介， 離地鐵站不遠的 陳儀興飯店， 重點推介鹵水鵝和椒鹽鱔球。其實之前公司在鰂魚涌商務午餐，也是陳儀興的分店。 將軍澳店除了傳統鹵水鵝， 打冷食品，也較多地道熱炒。鹵水鵝片潮州菜就是必點各式各樣的鹵水美食， 鹵水鵝片、鹵水鵝腸、 鹵水掌翼、鹵水豬大腸、 鹵水鵝肝、鹵水墨魚………… 真係花多眼亂， 每款都好想試。 人多嘅時候可以嗌多幾款， 今次就鎖定鹵水鵝片😋😋， 鵝片肉質彈牙好香鹵水味， 好在底層的大豆芽菜亦都好爽口。椒鹽鱔球見到好多客點海鮮類， 特別係白鱔產品， 豉汁蒸大白鱔好吸引， 陣陣飄香而且好肥美。 不過我哋鍾情香口嘢，椒鹽鱔球更得我哋歡心。 大量嘅炸蒜非常惹味， 鱔球炸得鬆脆爽身，內裏欲則緊緻彈牙。 感受到師傅嘅功力真的不錯，炸物沒有多餘油脂肥膩感， 而且份量也不小。避風塘炒蜆因為椒鹽鱔球非常出色， 炸蒜味道真係好吸引，所以嗌多個避風塘炒蜆， 香辣味道真係好到位， 蜆肉乾淨冇沙 ，而且蜆肉炸到微微金黃好香脆， 鹹香十足又惹味， 即時點了兩碗潮州粥就係完美嘅配搭。食咗咁多熱氣嘢 ，經理推介是日老火燉湯，滋潤又潤喉 ，足

👈🏻陳儀興飯店#japjapjap_將軍澳#japjapjap_潮州菜椒鹽鱔球 $198鱔球好厚肉 又有彈性🤩炸蒜炒得好香 夠曬香口惹味鑊氣十足 好有大排檔風味 推薦呀潮州蠔餅 $982大塊蠔餅 份量十足☺️炸到好香口 但係又唔會油淋淋蠔仔非常新鮮 仲要脹卜卜點埋魚露一齊食更加惹味椒鹽百花大腸 $118爽口嘅墨魚膠配上香脆嘅豬大腸🥰好有驚喜吖手功之作 誠意滿滿不過一定要趁熱食 凍咗嘅話大腸就會硬咗少少啦 滷水拼盤 $138食潮州嘢緊係要食滷水啦😙拼盤嘅款色多多 有墨魚片腩肉大腸紅腸生腸豬頭耳滷蛋同豆腐啱曬happy share胡椒豬肚湯(碗) $78胡椒味好香濃😗飲落亦都好易入口豬肚幾彈牙仲有好多酸菜一碗嘅份量都已經好足夠夠到4個人分脆皮落湯錢 $88有啲似放大版嘅糖不甩🤣沾上砂糖椰絲同芝麻外層煎到金黃色個煙靭程度真係頂呱呱就咁夾起見到佢震吓震吓 都覺得好治癒Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟

📍將軍澳嚟講陳儀興潮州菜就最出名，除咗食打冷同潮州菜，呢度仲有幾多小炒同海鮮揀。潮州嘢一定要叫返份滷水鵝片($168)！鵝片切得厚度適中，鵝肉味都好香，點埋醋酸酸甜甜最夾。海鮮揀咗蒜蓉蒸蟶子($58隻)同魚湯浸活蜆($98)，兩個都係海鮮游水櫃即叫即撈，好鍾意蟶子夠晒鮮甜之餘，加埋啲炸蒜喺面夠晒重口味。蒸鱔食得多，椒鹽鱔球($198)第一次試，炸完之後個口感反而冇咁油膩，同埋片片都有厚度，保留到鱔肉嘅爽口感。初次試呢隻潮州甜品脆皮落湯錢($88)，全餐飯最有驚喜。有啲似煎香咗嘅糖不甩，每塊糯米都煎到好香脆又辣口，再加埋花生碎夠哂香口！

電視節目介紹潮州美食，又勾起對潮州菜的思念，所以今晚來到屋企附近的潮州餐館晚餐。 平日也几乎滿座，果真受街坊歡迎。就座後，職員上茶芥小食。淥過餐盤碗筷後，要做最重要的事：點菜潮州蠔餅      到潮州餐館，當要來一份潮州名物～蠔餅。一碟二大塊厚厚的蠔餅，蠔仔勁多不吝嗇，蠔仔飽滿又爆漿，配鴨蛋香的餅身，外脆內軟，難怪多枱客人皆選擇蠔餅。間中來一口鹹酸菜解膩。鹵水鵝件   在鵝片和鵝件之間，最終選擇鵝件。除了價格平尐尐，還因為帶骨的鵝肉更滑溜。椒鹽鱔球      真身：薄薄的金黃色炸皮包著薄身鱔片，並非用粉漿扮大隻。炸過後的鱔片，魚皮收縮，捲起如金錢。 而鱔片薄切，魚骨變得唔明顯唔㓤牙，可直接咬碎，無需吐骨，整體感覺似椒鹽九肚魚。鱔球沾上喼汁，似九肚魚。有蠔餅，鹵水鵝，今期有新款，一於試試。特色懷舊焗魚腸        表面金黃，下層是細碎的魚腸和蛋。魚腸中有薑絲，中和了魚腸的腥，無需再加胡椒粉了！  底層較濕潤，而金黃色表層較薄而軟，估計是先蒸後焗。 涼瓜炆魚雲     看到涼瓜又心思思想來一份。枱上美食都是煎呀炸呀，有涼瓜，感覺健康左。魚雲表面漿粉煙煙韌韌，是地瓜粉?手工芋泥   反沙

諗起潮州菜，就要去九龍城，不過發覺最近新蒲崗嗰間陳儀興喺將軍澳開咗分店，而最近又想食潮州菜，所以就嗱嗱臨過嚟將軍澳試吓。 今晚我哋6:30都達，人客都坐咗六七成， 咁嘅環境都算唔錯了，我哋坐低咗分別叫咗一啲潮州菜分別有椒鹽鱔片， 方魚炒芥蘭，薑蔥桶蠔煲， 整體質素都唔錯。薑蔥桶蠔煲一上枱已經聞到一陣陣薑蔥香味， 全部熱辣辣，啲蠔仲有啲脆口，食落口感，味道都不錯。椒鹽鱔片香口嘢味，一陣陣蒜香的味道，配啤酒一流👍。 方魚炒芥蘭呢個雞蛋都炒得唔錯，啲方魚仲卜卜脆，方魚配芥蘭，其實真係幾夾。 鹵水鵝片好入味，吾會柴，同樣出色

今晚唔想煮飯，家姐話好想食潮州菜，於是同家人喺屋企附近搵間坐得舒服，又好味嘅餐廳食飯。胡椒豬肚湯湯底濃郁滑順，細細品嚐，豬肚肉質彈牙酥嫩。胡椒香氣四溢，帶有一股溫潤的麻辣感，味道極佳。椒鹽鱔球鱔球外皮金黃酥脆，鱔魚肉肉汁四溢，配合椒鹽調味非常香口開胃。蒜蓉蒸蟶皇蟶子肉質飽滿彈牙，鮮甜多汁，上面鋪滿香口的蒜蓉粉絲，令人食過返尋味。脆盞拔絲咕嚕肉咕嚕肉酥脆可口，肉汁滑嫩,完美結合了甜、鹹、香等味道。糯米釀大腸大腸煎得十分香脆，糯米口感軟滑Q彈，是一道美味醇厚、口感絕佳的潮式經典。脆皮落湯錢糯米煎至兩面微脆，口感香糯黏滑，加埋花生、芝麻粉混合，味道不會太甜，難怪是潮州人喜愛的美味小食。

我依D油尖旺人以為將軍澳咁遠未必有好嘢食，點知探朋友又有新發現。離將軍澳站幾分鐘路程的陳儀興，就算唔熟路都好容易去到。源A2出口識路嘅可以行上樓上商場經商場天橋過去，快啲啲。好似我咁少嚟將軍澳，行路面都係幾分鐘兩條馬路就到啦。店內裝修以潮式打冷文化為主題，店面都唔細，分二人枱，四人枱同圓形大枱，我哋訂位平日晚飯時間，已經座滿8成，就連下圖影相嘅大枱都係俾人預訂咗嘅，我見晏啲先到嘅人就未必有位啦。睇餐牌見佢有多款白鱔料理，蒸白鱔食得多，依一道椒鹽鱔球，減去咗食鱔嘅肥膩感，令佢嘅口感更加爽口彈牙，椒鹽加上炸蒜為香味加分，加上白鱔球冇骨啖啖肉簡直令人食唔停口。#白鱔 #補身#必食 去新地點食飯，我一定會周圍睇吓其他人食啲乜，見到每枱都有點的滷水拼盤，材料豐富，食落滷水味鹹香適中，特別係佢嘅墊底豆腐滑嫩無比👍🏻個滷水蛋非常入味，連呢啲配菜都咁精彩，佢中間嘅墨魚片、滷肉、大腸、生腸、紅腸等當然非一般啦#滷水拼盤 潮式鹹菜豬肚湯一直係我哋好鍾意嘅湯品，佢依個湯已經煲到鹹菜出晒味，豬肚腍得嚟仲有少少咬口，我哋多人食就點大鍋，點餐時知道原來小人食嘅話可以點大碗份量就夠二人食啦，好似係大約半價左右。上完

一次起，第二次就即止！訂枱一心想坐得舒服啲，點知同第一次次無訂枱結果一樣都係坐門口，勁迫。 服務態度無得要求，一般正常嘢。食物上菜速度極快，不過同行9位有6位之後都勁眼瞓，好攰。第二朝完全唔想起身返工，食物原來係師傅級，所以唔會再幫襯。將軍澳 The Lohas嗰間好食好多，唔會係師傅上身先囉。咁佢都有好嘅地方就係無追我哋交枱，因為可能落雨同平日無人等枱。其實第一次食時都唔覺咁誇張，係咪換咗厨房班師傅？

我最近和家人來到了陳儀興餐廳，由於家人對潮州菜情有獨鍾，所以我們選擇在這裡用餐。⭐️滷水鵝件這道菜以鵝肉片入味滷製而成，肉質鮮嫩，入口即化。醬汁的味道非常濃郁，帶有一種獨特的香氣。配上白飯或白粥都很適合。⭐️燉烏雞茶樹菇湯這道湯品非常濃郁而滋味。烏雞與茶樹菇的香氣完美融合。湯的湯底清澈，味道鮮美，每一口都能感受到濃郁的雞肉風味。⭐️香煎蓮藕餅蓮藕經過煎炸後，外酥內軟，口感極佳。蓮藕的香氣與餅皮的酥脆完美結合，讓人愛不釋手。⭐️豉汁蒸白鱔白鱔鮮嫩可口，配上豉汁的調味，味道鮮美。蒸煮的過程保留了白鱔的鮮嫩口感，豉汁的味道完美滲入鱔魚肉中，讓每一口都充滿了豐富的風味。

如果問我 邊間係我屋企樓下既飯堂當然係 陳儀興飯店 啦最鐘意就係佢既無味精湯& 蠔餅真係我既必食推介呀蟲草花淮山瘦肉燉湯這道湯品結合左蟲草花、淮山和瘦肉味道豐富且滋補蟲草花可以提高免疫力和滋補身體的功效淮山清甜的口感與瘦肉的鮮嫩搭配得好好燉湯的口感濃郁 湯汁充滿了各種食材的香味冬天飲真係暖心暖胃鹵水鵝片鹵水鵝片係傳統既潮州菜用嫩鵝肉切片 再用特製的鹵水滷一滷鵝肉鮮嫩多汁 仲好入味tim~鵝肉的油脂在鹵水中得到很好的平衡既不會太油膩也不會太鞋好香好好食招牌生炒骨超香脆的口感 加埋波羅真係大人細佬都超鐘意最正係外層則炒至酥脆 但肉質依然香脆嫩滑脆炸潮州蠔餅麵粉&蠔肉混合而成 然後經過油炸 香脆可口外皮酥脆但內部超鬆軟且帶有蠔肉的鮮味蠔肉的仲有海水既鹹香 好天然既調味仲見到有人叫左兩客蠔餅自己食呀 超勁陳儀興飯店將軍澳至善街9號嘉悅地下2-3號舖