陳儀興飯店 (嘉悅)

營業中

休息中

陳儀興飯店將軍澳分店最近同經典漫畫《老夫子》合作，推出懷舊潮州菜式同多個打卡位。佢哋嘅招牌滷水鵝片，鵝肉肥瘦啱啱好，滷汁香而唔鹹，肉質嫩滑好食。仲有「各有千秋」蜜椒番薯牛柳粒，用番薯代替薯仔，炸得香脆甜甜，配埋嫩滑牛柳，好有層次。蒜蓉炒番薯苗新鮮爽口，加埋「老夫孑」插牌，好有趣味。黃金番薯片裹住鹹蛋黃炸得香脆，鹹甜剛好，最好趁熱食。餐廳用《老夫子》漫畫做裝飾，打卡一流，氣氛好輕鬆。人多時要排隊，記得提早訂位啦！下載陳儀興app可以免費換（原味蛋卷 / 蔥味蛋卷/ 芋頭酥/辣椒油）選其一份

陳儀興飯店 (嘉悅) (將軍澳).之前黎同今次仍然同老夫子聯乘，佢依家仲有個app join完會員可以嚟拎小禮物，可以拎佢哋嘅蛋捲或者醬料，而今日咁啱佢有嘅係花生糖！.▪️蜜椒蕃薯牛柳粒▪️.深入民心又可愛嘅老夫子入面有個叫大蕃薯，細細粒圓轆轆咁，連薯仔牛柳粒都變咗番薯牛柳粒比薯仔更加甜🩶.▪️蒜蓉炒番薯苗▪️.要食就梗係要叫個菜，咁啱又係番薯苗番薯苗夠爽口又惹味.▪️鹹魚蒸馬友▪️.食潮州嘢嘅地方就可以食到馬友，好耐冇食過呢種魚肉質比較實淨，同埋有淡淡嘅香.▪️韭菜豬紅▪️.唔知點解每次食潮州嘢都好鍾意叫，可能係因為我身邊嘅另一半好鍾意食韭菜又唔會太鹹，恰到好處.📌 陳儀興飯店 (嘉悅) (將軍澳)將軍澳至善街9號嘉悅地下2-3號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今次真係畀我搵到個好地方！將軍澳「陳儀興飯店」竟然同童年回憶《老夫子》玩Crossover，未入門口已經見到「大番薯」舉住餐牌招呼客人，即刻勾起晒細個睇漫畫笑到咔咔聲嘅回憶！😆.🍽️ 懷舊菜式食到舔舔脷👅打冷必點嘅「滷水拼盤」真係大滿足！墨魚片、腩肉、大腸、紅腸、生腸、豬耳、豬頭肉、鹵蛋、豆腐，岩哂每樣想試小小但又唔食得多既我~墨魚片爽到彈牙、豬頸肉滷到入口即化，最正係啲滷水唔會死鹹，仲有淡淡藥材香，配住碗白飯簡直一絕！而「老夫子勢均力敵」鹹魚蒸馬友🐟完全係驚喜——馬友魚肉厚到似棉花咁軟，上面鋪左金黃色霉香鹹魚，鹹鮮味慢慢滲出嚟，超鮮香～連平時怕魚骨嘅我都清晒成碟！🐟.私心推薦「耐人尋味肉餅」🍘，鹹魚蓉同蓮藕碎撞出神奇火花，咬落「索索聲」又帶啲魚香，送飯真係無得頂！仲有蜜椒番薯牛柳粒🍠，焦糖香脆嘅番薯甜到入心，牛柳粒咬開仲有肉汁爆出🐮，好味到停唔到口～🤤.🎪 **漫畫場景打卡一流** 等位嗰陣已經忙住同牆上嘅老夫子四格漫畫自拍，入到去仲發現連牆紙全都是老夫子！真係勁多打卡位📸.埋單先知Download陳儀興App即送懷舊禮盒🎁✨ 貼士：晚市勁多人，記得早少少去拎位影相！

提早同屋企人一齊慶祝母親節，揀咗間主打潮州菜嘅餐廳，仲同老夫子合作，環境同布置真係帶點懷舊風，不過環境上稍為有啲迫。叫咗幾個餸，埋單千三蚊出頭，性價比算幾高。整體食物質素中規中矩，冇特別驚喜，但幾樣菜式真係值得推介：1. 滷水鵝片 - 鵝肉軟腍入味，滷汁濃香，啱啱好，老人家同小朋友都鍾意食。2. 蒜蓉炒番薯苗 - 新鮮爽口，蒜香撲鼻，簡單但做得好。3. 潮州蠔餅 - 外脆內軟，蠔味濃郁，完全唔油膩其他菜式就一般，例如鹹魚蓉蓮藕煎肉餅，覺得鹹魚嘅味道唔夠突出，肉餅又有啲實蜜椒番薯牛柳粒同春卷都係正常水平，冇乜特別印象。胡椒豬肚湯老人家同細路鍾意，味道溫和啱用黎飲湯，但作為胡椒愛好者嘅我，覺得胡椒味同辣度有啲不足。西芹炒黃鱔（？）更係有啲失望，黃鱔味唔夠，感覺普通到有啲失色。

陳儀興出名潮州菜，每次喺將軍澳區想食中菜，都會諗起呢間。假日通常都要等位，所以平日收工早啲過嚟，可以舒服咁食。Download app做會員有蛋卷送，食滿$500減$100，抵抵☺️今次嚟到有限定老夫子主題，菜式都特別唔同架！勢均力敵- 鹹魚蒸馬友必試煎馬友，魚肉超滑，而且起咗骨，好快就成條魚清晒。耐人尋味- 鹹魚蓉蓮藕煎肉餅菜名同老夫子漫畫相關，勾起好多回憶。味道唔算咸，食落咸香脆口。一舉兩得-鹹魚肉絲韭菜花爆炒夠鑊氣，除咗韭菜肉絲，仲有芽菜。潮州炒飯單尾叫多個炒飯，有蝦、肉鬆同蝦米，香口好食，好滿足。🧸評分：🧸🧸🧸🧸4/5🗺️ 香港將軍澳至善街9號嘉悅地下2-3號舖

今次去咗陳儀興飯店將軍澳分店，撞正佢哋同老夫子搞聯乘，成間餐廳都佈置滿老夫子漫畫元素，仲有特別設計嘅菜名，真係「耐人尋味」又過癮！試咗幾款招牌菜，全部水準在線，仲好有創意，絕對值得推介！🐟「勢均力敵」鹹魚蒸馬友 ($208)呢道菜名玩老夫子經典四字詞，但味道一啲都唔兒戲！馬友魚肉嫩滑無骨，蒸得剛剛好，魚油香濃，配上鹹魚一齊蒸，鹹鮮味滲入魚肉，真係「勢均力敵」——鹹魚嘅濃郁同鮮魚嘅清甜互相平衡，送飯一流！🐮「各有千秋」蜜椒番薯牛柳粒 ($148)牛柳粒炒得夠鑊氣，肉質軟嫩帶少少焦香，配上蜜糖同胡椒調味，甜中帶辣，非常惹味！最特別係加入咗番薯粒，外脆內軟，同牛柳粒形成鮮明對比，真係「各有千秋」，口感同味道都層次豐富！🦆「非同凡響」滷水鵝肝 ($178)潮州菜必試滷水，而呢個鵝肝絕對係「非同凡響」！厚切鵝肝入口即溶，滷水香醇唔會過鹹，下面仲墊咗爽脆芽菜，解膩又增加口感。鵝肝油香豐腴，配白飯簡直係絕配！📸 老夫子打卡位 + 懷舊禮品餐廳佈置咗多個老夫子打卡位，仲有老夫子主題食品禮盒（如芋泥酥、蛋卷）可以買走，粉絲必掃！總結：陳儀興本身已經係老字號潮州打冷，今次聯乘老夫子更加有驚喜，菜式創新得嚟

將軍澳陳儀興飯店與老夫子聯乘合作，推出一系列老夫子菜式，無論店內外佈置抑或菜式擺盤，都注入了老夫子漫畫元，超多打卡位。勢均力敵 鹹魚蒸馬友：馬友肉質鮮甜嫩滑，以薑蔥蒜調味；鹹魚獨特鹹香與馬友魚鮮味互相平衡。各有千秋 蜜汁番薯牛柳粒：牛柳粒軟嫩帶些嚼勁，酸酸甜甜好開胃；番薯則外脆內軟。一舉兩得 鹹魚肉絲韭菜花：鹹魚鹹香突出，韭菜花爽脆，兩者配搭得好好。🔎陳儀興飯店（嘉悅）📍將軍澳至善街9號嘉悅地下2-3號舖

閨蜜約我放工後，去位於將軍澳至善街9號嘉悅地下2-3號舖的《陳儀興飯店》與老夫子約會，餐廳佈置充滿了他們老友記的影像😍😍，好多打卡位呀！老夫子的推介：📍勢均力敵 $208咸魚蒸馬友：馬友蒸得非常好，魚肉嫩滑可口，帶有梅香鹹魚的鹹香味。📍各有千秋 $148蜜椒蕃薯牛柳粒：牛柳粒外脆內嫩，牛味香濃，蕃薯軟綿好食。📍非同凡響 $178鹵水鵝肝：鵝肝幼綿，入口即溶，份量夠。📍焗魚腸 $88瓦砵仔魚腸是我兒時的至愛，今日再遇，實是難得。📍白飯一碗 $12飯粒軟綿好食。閨蜜鼓勵我去參加餐廳的迎新禮品券，免費兌換其中一份（原味蛋卷/葱味蛋卷/辣椒油/芋頭酥）。

👧🏻😋👅🍽✨老夫子聯乘好味打冷 🥰-🥢 陳儀興飯店食物同服務都好出色, 除左將軍澳街坊, 都好值得區外居民入黎食! 最近轉左主題, 菜名, 擺盤插牌同佈置都轉晒老夫子🥢 之前未登記過會員既唔好錯過, 而家download app登記會員會送老夫子包裝既芋泥酥/蛋捲禮盒/辣椒油😎▪️勢均力敵 - 鹹魚蒸馬友 $208🐟 靚馬友油潤香滑, 肉質鮮甜, 薑蔥蒜配蒸魚豉油同魚油完美融合; 鹹魚都好滑好creamy, 鹹鮮方面係勢均力敵, 但新鮮魚都係冇得輸🙂‍↕️▫️非同凡響 - 滷水鵝肝 $178🪿 油香係一咬就湧出黎, 厚切軟滑但食多多都唔膩, 送飯一流😍▪️耐人尋味 - 鹹魚蓉蓮藕煎肉餅 $108🧆 香煎到外面脆卜卜, 而肉質起膠彈牙, 亦有爽脆蓮藕粒同軟滑鹹魚蓉, 又一道白飯殺手🤤▫️脆皮落湯錢 $88🍡 類似糖不甩咁用煙韌麵團沾上花生碎, 但呢款有煎過底面都好香脆, 又甜又滑但神奇地唔膩

鍾意食潮州菜嘅朋友對陳儀興飯店應該唔會陌生，最近發現原來將軍澳分店做緊期間限定「 陳儀興飯店 x 老夫子」，推出多款老夫子推介菜式。餐廳仲有唔少老夫子打卡位，好有特色呀。 今次特別試咗幾款老夫子推介菜式，價錢合理，選擇亦相當多元化。耐人尋味 - 鹹魚蓉蓮藕煎肉餅( $108) - 呢個煎肉餅好有驚喜，外層煎得好香脆，肉餅入面有鹹魚蓉同蓮藕，味道好有層次。 各有千秋 - 蜜椒蕃薯牛柳粒 ($88)- 呢個番薯牛柳粒，但感覺同薯仔牛柳粒差不多，配搭三色椒同蜜椒一齊炒，入口夠晒惹味。 一舉兩得 - 鹹魚肉絲韭菜花 ($98 )- 未食已經聞到陣陣香味，鹹魚配搭肉絲帶少少鹹香，仲有爽脆及清新口感嘅芽菜及韭菜。潮州蠔仔粥（$72）- 潮州菜中嘅經典之一，非常足料，入邊有超多蠔仔，粥底非常入味，入口鮮甜。 餐廳設有唔少老夫子打卡位，非常有特色。多款老夫子推介菜式水準亦好高，價錢合理，值得一試。最近仲推出優惠，只要download佢嘅app 就可以免費換到蛋卷、芋頭酥或辣椒油一份。

餐廳都可以同卡通人物 cross over 咁搞笑真係有老夫子嘅推介菜式🤣🤣1) 各有千秋 蜜椒番薯牛柳粒🤎番薯粒半煎炸過 加埋啲蜜糖外脆內軟嘅感覺牛柳粒煎得幾香🍯真係同番薯粒各有千秋 有埋啲青椒紅椒 幾惹味🥰2) 勢均力敵 鹹魚蒸馬友🎣肉多骨少油豐味濃嘅馬友 蒸嘅火候啱啱好 😌😌有埋啲鹹魚就再多咗一份味道配飯食啱啱好3）耐人尋味 鹹魚蓉蓮藕煎肉餅🥩肉餅打得彈牙 有埋啲魚蓉 同埋幾爽嘅蓮藕份量都算多 總共有八塊😇😇Share 就啱啱好4）潮州蠔仔粥 嚟到潮州舖頭梗係要食返碗潮州粥 我幾鍾意粥嘅湯底 甜甜地新鮮🍚5） 最後嗌多支竹蔗茅根水 潤潤喉嚨連支嘢飲都有老夫子㗎 😙😙竹蔗茅根少少甜，有助於清熱、止咳係健康飲品

餐廳位置唔太顯眼，但勁！多！人！食物質素應該有返咁上下～今次食完無失望👍🏻將軍澳分店期間限定👨🏻‍🦳推出多款老夫子菜式仲聯乘老夫子有得打卡📸 太蕃薯個樣🍠好搞笑🐦《 滷水鵝肝 💲178 》肉質幼滑甘香，入口即溶，醇香甘潤～～🐟《 鹹魚蒸駶友 💲208 》選⽤⼀⽄新鮮⾺友，魚大條肉質細膩，同梅香鹹⿂⼀起蒸煮，⿂⾁滑嫩又油潤，再加上鹹香，搭配薑絲同陳皮絲～送飯/粥一流！🐮《 蜜椒番薯牛柳粒 💲148 》平時啲蜜椒牛柳用薯仔，呢到就用蕃薯🍠炸到焦香微脆，多左口感又顯香甜，牛柳夠嫩腍，再爆到焦香，整體蜜椒鹹甜混和好惹味！🍲《 潮洲蠔仔粥💲72/碗 》好多蠔仔，而且大粒脆美～ 🍚《 粥 💲12/碗 》*有加一服務費*職員好好人，見我哋喺門口打卡，特登出嚟幫我哋揸機～

再次回頭幫襯將軍澳超好味嘅潮州菜🤤，今次仲適逢餐廳同老夫子聯乘，老夫子作爲我童年回憶，梗係唔會錯過，要去打卡啦📸！7 點左右到餐廳門口，已經被多個老夫子人物角色及場景吸引🤩，再次見到全場滿座，座無虛席，等位期間，梗係把握時間，瘋狂打卡先啦✌🏻。等左一陣，好快就入座，餐廳環境依然保持乾淨寬敞，餐廳內同樣設有多個牆上圖案打卡位，連坐低見到餐紙都有老夫子漫畫，童年回憶返曬黎😉。今次見到有多款老夫子推介嘅菜式，我地嗌左幾款試下非同凡響 - 滷水鵝肝🦆食得潮州菜，當然唔少叫滷味啦，而今次係老夫子推介菜式入面見到有滷水鵝肝，平時係其他鋪頭較少見，一於嗌黎試下。鵝肝滷得入味，每一片都大大塊，鋪滿成碟，鵝肝處理得十分乾淨，沒有異味，口感粉線滑，入口即化，可以點上米醋。鵝肝下層鋪滿芽菜，配搭埋鵝肝一齊食，口感更多左層次😋。勢均力敵 - 鹹魚蒸馬友🐟鹹魚蒸馬友又稱「馬友生死戀」，將馬友製作而成嘅鹹魚同新鮮馬友一齊清蒸。馬友油脂豐富肉質鮮美嫩滑，清蒸已經好好味，而且無咩骨，可以啖肉😆。原來如此 - 蒜蓉炒番薯苗🍠簡簡單單蒜蓉炒番薯苗已經好好味，大大碟，份量十足，番薯苗翠綠鮮嫩，炒得香味撲鼻，而且唔會好油膩👍

💡陳儀興飯店 x 老夫子潮州菜好耐都無食，今次經過將軍澳分店見到有期間限定與老夫子crossover，門口仲有好多打卡位同老夫子推介菜式，見到咁有睇頭，即刻去試下先。🥩蜜椒蕃薯牛柳粒牛柳粒外焦內嫩，裹上秘製蜜糖黑椒醬，甜辣交織超惹味！而且牛肉粒大粒得黎肉味香濃😋蕃薯炸至外脆內綿，仲有脆口燈籠椒，口感豐富。🐟 鹹魚蒸馬友 選用新鮮馬友，鋪滿自製鹹魚醬蒸製，魚肉肉質細膩，鹹魚香氣濃郁卻不死鹹，搭配薑絲和陳皮絲提鮮，簡簡單單清蒸已經好入味。🌿鹹魚肉絲韮菜花 鑊氣十足的經典小炒！選用馬友鹹魚手撕成絲，搭配嫩滑豬肉絲和爽脆韮菜花快炒。鹹魚的鹹香滲透每條肉絲，韮菜花保持翠綠爽口，最驚喜是加入炸香的銀魚仔增加層次感✨ 🌶️豉椒炒黃鱔 用豉椒爆炒至邊緣微捲，鱔肉彈牙得來帶膠質，豆豉和青紅椒的令到味道更加惹味🔥

最近陳儀興飯店同老夫子合作，推出咗一個期間限定主題，將懷舊漫畫元素融入餐廳設計，令人一入去就感受到濃厚的童年氣息。餐廳牆上掛滿咗老夫子的漫畫畫作，仲有好多懷舊的擺設，無論係大人定細路，都可以喺呢度搵到屬於自己嘅回憶。門口仲有個大打卡位，吸引咗唔少食客拍照留念。𖤐ˊ˗鹹魚蓉蓮藕煎肉餅外層煎得酥脆，味道鹹香十足，配上喼汁食，真係好好味！肉餅煎得啱啱好，蓮藕粒口感非常爽口，整體好好送飯。𖤐ˊ˗鹹魚蒸馬友呢道菜有個特別嘅外號叫「生死戀」。將鹹魚同馬友一齊清蒸，馬友肉質嫩滑唔腥，夾埋鹹魚一齊食，味道驚喜，我唔太食魚都食左好多。𖤐ˊ˗蜜椒番薯牛柳粒推薦！首先聞到好香，牛柳粒炒得啱啱好一啲都唔硬，搭埋番薯同蜜椒，有鹹有甜，好惹味。𖤐ˊ˗滷水拼盤滷水味道入味，唔會偏鹹，最鐘意墨魚片，夠彈牙。𖤣𖤥𖠿𖤣𖤥 陳儀興飯店 將軍澳至善街9號嘉悅地下2-3號舖