陳儀興滷水鵝專門店

營業中

休息中

放假費事煮飯，同老公去買外賣返屋企嘆。平時經過見呢間滷水鵝專門店廚窗掛住好多隻滷水鵝、墨魚已經想食，見到佢有啲套餐都唔貴， $60左右都有一個滷水鵝飯，價錢幾親民。我哋要咗兩個飯一齊食，一個要咗貴價嘅招牌鵝三寶飯（$108），另外就要咗一個滷水鵝肉飯（$58），兩個都加$10要咗油菜。佢啲外賣擺得好整齊，返到屋企打開見到好靚，滷水鵝色澤好靚，仲有埋滷水必備嘅醋同埋咸酸菜，好豐富。鵝三寶有鵝腸、鵝肝同埋鵝肉。鵝腸超級爽脆，咬落去絕對唔會𡁻橡筋咁樣，好清脆。鵝肝非常幼滑，入味而且一啲都唔羶，我鍾意點醋食，一啲都唔油膩。嚟到重點滷水鵝，超級入味，肉質細嫩，有肉汁，胸嘅部位都絕對唔會又乾又柴，正。我哋最後連啲滷水汁都冇放過，要嚟撈飯再配上鹹酸菜勁好食，食到一粒飯都冇剩，舔舔脷。下次屋企加餸都可以嚟呢度買滷味。

不嬲都去開陳儀興飯店嗰度食嘢，今日行過新蒲崗見到佢哋有一間新開嘅舖頭喺專賣佢哋嘅滷水，就一於試吓比起餐廳食，佢哋呢度更加抵食，啱晒買返去外賣加料！招牌鵝三寶飯（鵝腸、鵝肉、鵝肝）🍚🦆 鵝肉選用肥美獅頭鵝，滷足多個小時，肉質軟嫩多汁，冇羶味，滷汁滲入每一啖，香氣十足。 鵝腸新鮮爽脆，滷水入味，咬落有彈性，唔會有腥味鵝肝滷得香滑，入口即溶，帶微微甘香，油潤唔膩，極有層次感。 整體非常唔錯，一次過三種我都有佢嘅特色。✅✅滷水鵝肉飯🍛 用多種香料慢火滷製，鵝肉厚切，皮脆肉嫩，滷汁鹹香不膩。 有配埋酸菜，味道更豐富，飯吸晒滷汁，超級惹味！郊外油菜🥬 新鮮菜心保持爽脆口感，色澤翠綠。

小妹今日去咗位於新蒲崗崇齡街附近「陳儀興滷水鵝專門店」，呢間餐廳🍴主打滷水鵝，可以堂食或外賣🥡環境舒適，職員有禮，且上菜速度好快，即叫師傅即砍食物😍今次叫咗兩款外賣套餐，當中包油菜及可擇汽水/是日例湯🥣滷水鵝肉飯外賣好貼心，上職係餸，下層係白飯🤩鵝肉滷得入味，肉質滑嫩，半肥瘦關係亦相當有咬口～滷水汁帶甜鹹味道恰到好處，充滿油香，送飯一流😍秘製沙薑雞飯份量不少，價錢不貴好抵食，雞肉肉厚嫩滑，肥美不膩，味道鮮香😙加上結合咗沙薑獨特醬汁香氣與雞肉鮮味非常配合🥰 每啖雞肉帶着濃濃既沙薑味，同樣送飯一流🤘🏻油菜🥬菜心份量適中，新鮮清綠，菜汁惹味😃飲品🥤可樂七喜鐘意食滷水鵝/燒味既朋友仔，切勿錯過「陳儀興」呢個餐廳🍴品牌，性價比高，食物有質素，價錢唔貴🫦

今晚下班肚餓到咕咕叫，心諗一定要搵啲好嘢醫住個胃！🍚✨ 行過見到一間新開嘅潮州打冷外賣店，嗰陣已經聞到陣陣滷水香，冇得輸啦，果斷入去買飯！買咗個滷水鵝肉飯（$58）同埋極具霸氣嘅招牌鵝三寶飯（$108）！🤤🦢 **滷水鵝肉飯**真係好驚喜，鵝肉完全唔柴，每啖都好嫩滑，仲帶住陣滷水香味，簡直令人一啲都停唔到口！至於**鵝三寶飯**，平時法式鵝肝食得多，但潮州式鵝肝真係少見，竟然可以咁鮮潤，入口即化，簡直係味蕾大開眼界！😋鵝腸都係另一個驚喜，好爽口又彈牙，滷得夠晒入味，食落仲有少少煙韌感，正到飛起！🔥🔥鵝肉、鵝肝、鵝腸樣樣齊，仲有滿滿餸料霸氣鋪滿成個飯盒，份量多到夠兩個人share！🍱🙌 餸咁豐富仲可以加$10加油菜，清清爽爽，補充纖維，完美平衡！🥬👍 要讚一讚，呢間店啲滷水真係滷得有心機，每樣食材都吸晒滷汁精華～但要提醒下大家，如果想買外賣，記住早啲嚟，因為夜晚主要做堂食打冷。下次我一定要入去堂食試埋其他潮州小菜！🍴😎

今日過嚟新蒲崗做嘢，行過見到呢間滷水鵝店，啲燈光都幾光猛，環境又幾企理，行過喺度睇緊餐牌職員都好熱心咁招待，睇完餐牌見到幾吸引，價錢都唔算貴返到屋企一打開，份量方面幾大份喎！外賣包裝設計幾好，下層係飯，上層係肉同汁，咁樣拎到返屋企完好無缺！啲鵝好入味，一啲都唔韌，鵝腸同鵝肝都煮到好入味。啲酸菜就鹹咗啲個例湯仲以為會好鹹，點知甜甜地又幾好飲 而且仲有粟米同紅蘿蔔渣可以食，認真不求其，個菜心就正常發揮冇咩特別

今天路過見到滷水鵝就好想食，一於買兩份外賣回家同家人享用，見到環境非常寬敞，光亮整潔，店員比較親切有禮，也非常細心包裝。🌸鵝三寶飯🌟🌟🌟🌟🌟鵝三寶飯有鵝肝、鵝腸、鵝肉，鵝肝非常嫩滑，而且夠入味；鵝腸夠爽脆，完全冇異味；鵝肉就啖啖肉，肉質非常鮮嫩可口，還有椰菜墊底，配菜仲有酸菜，配埋白飯認真一流。🍀例湯🌟🌟🌟🌟🌟超足料例湯，粟米雞腳排骨湯，非常鮮甜，飲落有住家感覺嘅味道。🍀汽水🌸滷水拼盤飯🌟🌟🌟🌟🌟滷水拼盤有豬頸肉、豬脷、豬耳、紅腸、五花腩，嫩滑嘅豬頸肉；夠入味嘅豬脷；爽脆嘅豬耳；脆卜卜嘅紅腸；炆到夠淋身嘅五花腩，全部都非常之入味，配埋粒粒分明嘅白飯非常惹味。盒底還有椰菜墊底及酸菜配搭非常惹味。🍀例湯🍀汽水🌸油菜（唐生菜）🌟🌟🌟🌟🌟唐生菜非常新鮮，淥到剛剛好熟，帶點爽脆。🌸油菜（菜心）🌟🌟🌟🌟🌟菜心非常新鮮鮮甜，同樣淥到剛剛好熟配搭醬油非常好味。

新蒲崗掃街驚喜！撞正隱世滷水鵝霸主 外賣返屋企沖涼歎冷氣爽到震✨ 🔥熱到個人就快熔咗🔥 收工諗起「陳儀興」個滷水鵝香到癲 即刻衝去新蒲崗崇齡街外賣自取！ 返到屋企沖完涼 開大冷氣 攤喺梳化慢慢拆解盒「滷水鵝下庄」—— 嘩呀！真係大件到嚇親我 😱 ▫️ 滷水鵝下庄 $156 冇誇張！成盒爆到瀉 鵝髀大過我拳頭👊 皮閃閃發光 咬落啖啖肉仲要勁入味！ 滷水香到衝上腦 鹹甜平衡唔死鹹 最正係啲肉零柴口 連骨都嗦到「雪雪聲」🦴 ▫️ 滷水鴨飯 $48 鴨件鋪到滿一滿 滷汁撈飯邪惡到呢～ 每啖飯索晒鴨油香 5分鐘清碗🫡 ▫️ 樽裝汽水+油菜 $18 凍可樂解膩一流 菜芯爽脆無渣 （外賣盒分格超貼心 汁還汁飯還飯💯） $222有齊鵝髀鵝胸+鴨飯+菜+汽水 份量夠2個女仔食 抵食到笑出聲😂 重點係外賣返到屋企仲keep到皮脆肉嫩 冷氣房獨享滷水盛宴——呢啲先係人生贏家啊！ 🔥 熱辣提示：落單記得講明要「下庄」 鵝髀爭崩頭！ #新蒲崗隱世美食 #外賣王者 #滷水鵝髀炸裂份量 #熱到癲外賣救星 #沖涼冷氣配滷水係基本人權

今次試咗滷水鵝肉飯，真係好正！鵝肉切得啱啱好，唔油膩，滷水味道入得好透，食落去有種香味。飯粒鬆軟，吸咗鵝肉嘅味，個底仲有啲椰菜，真係一流。沙薑雞飯 雞肉嫩滑同入味，沙薑醬汁多得嚟唔會太鹹，正正好味。飯底有啲雞汁，食落去好有滋味，每個飯仲有酸菜同調味料，特別推介有個辣椒醬，加埋落去相當惹味！仲送老火湯，好足料，追加左菜$102盒飯都夠3個人食，超飽肚同豐富！服務都幾好，雖然好多人排隊等外賣，但都好快就拎到！

今日屋企人唔想煮飯，買左外賣食滷水雜拼飯 唔想食飯仲可以簡其他麵/粉，幾好，夠彈性。有章魚、五花腩、紅腸等等簡雜拼既好處係有好多各式各樣既餸，又有章魚既鮮美，又有五花腩既豐富口感，咩都食到d。滷水的調味恰到好處，令每種食材都能充分吸收其風味。章魚🐙滷得啱啱好，五花腩的脂肪與瘦肉比例適中👍🏻🍴招牌鵝三寶飯有鵝腸、鵝肝、鵝肉鵝肝的滑嫩同鵝肉的鮮嫩，鵝腸好爽口彈牙，唔會靭，特別鍾意食呢間既鵝腸。加左菜芯同唐生菜🥬 $10 就有大大盒，仲要新鮮同調味調得幾好。如果你學生，可以用學生優惠幾抵！

放假經過新蒲崗先發現出名嘅陳儀興飯店，呢間轉做潮州打冷老字號嘅餐廳，新開咗佢哋自家品牌嘅滷水鵝專門店，weekend 買番去去倆口子食就啱哂👏🏻今日叫咗兩盒飯外賣🥰叫飯盒仲送冇味精例湯，+$10有油菜，抵👍🏻🥚 招牌鵝三寶飯不能不說就係呢度嘅滷水調味得香濃之餘唔會太咸。鵝肉切得厚薄適中，連皮咬落肉汁仍保持豐富；鵝肝粉嫩入口即溶，帶住濃郁肝香味；鵝腸爽滑彈牙，冇腥味，去除得乾淨；三種口感喺同一盒飯一次過享受，大滿足！🦆 滷水鵝肉飯鵝肉用秘製滷水慢煮，皮薄油香，肉質軟腍唔鞋口，連埋滷水汁撈飯，鹹香中帶少少甘甜，飯粒都吸晒精華，每啖都好滿足。🍲 粉葛雞腳湯粉葛炆到軟綿綿，雞腳膠質豐富，湯底用豬骨、紅棗、陳皮等熬製，飲落去清甜冇油膩感，仲有健脾祛濕嘅功效。🥬 菜芯菜芯新鮮翠綠，白灼後保持爽脆，簡單加啲蠔油或炒蒜蓉，食落去清甜多汁，啖啖都係菜香，食完好解膩。

60年老字號嘅滷水鵝，外賣返屋企食味道都真係冇得輸！0🤤 滷水鵝飯滷水鵝飯嘅鵝肉肥瘦適中，每塊都吸飽濃郁滷汁，配飯食簡直係人間美味，食到停唔到口。記住食埋酸菜, 簡單好食易送飯!🦑 滷水三拼 * 墨魚： 滷得香甜入味，口感彈牙爽脆，滷水味滲透每吋，齒頰留香。 * 豬腩肉： 肥瘦分明，滷得軟腍入味，入口即化，帶有豐富嘅滷水香氣。 * 豬耳： 口感爽脆帶韌，滷水味濃郁，越嚼越香。下次要配埋支茅台先!! XD

今日天氣超熱，夜晚唔係好想煮飯。咁啱又係新蒲崗附近，就嚟咗呢一間陳儀興斬一斬料。其實嚴格嚟講都唔算斬料，因為佢哋晚市有成個套餐，包埋湯，仲可以加$10追加油菜。舖頭唔係剩係得外賣，仲可以堂食，入邊啲位都幾闊落，見到都有好多台客人喺度食緊嘢。其實之前都有去過佢哋嘅晚市餐廳打邊爐，不過斬料就真係抵一次。我哋今日就叫咗一個沙薑雞套餐同招牌鵝三寶套餐。首先想講一講佢嘅份量真係好多，而且比嘅部位我哋都好靚，所以肉質相對就好出色，而且滷水都滷得幾入味，同埋鵝腸好爽口。喺菜方面，佢都有唔同嘅選擇，我就叫咗菜心同生菜，都幾新鮮。招牌鵝三寶套餐 $108沙薑雞套餐 $42

路過這間滷水鵝店被滷水鵝的香味深深吸引，見店舖門面乾淨企理，忍唔住買外賣返屋企食。他們的鵝肉簡直正！肉質軟嫩，滷汁味道濃郁，每一口都能感受到香氣撲鼻。飯也吸收了滷汁的味道，吃起來特別過癮。讓肉質鮮嫩多汁，滋味更是讓人回味無窮。每一片鵝肉都吸收了濃郁的香氣，讓人忍不住再多來一口。滷水三寶飯則是一道更加豐富的選擇，包含滷水鵝、滷水鵝肝和滷水鵝腸。這三種食材各有特色，鵝肉的鮮嫩、鵝肝的細膩以及鵝腸的脆嫩，讓每一口都充滿驚喜。滷汁的風味完美融合，口感層次分明，滷水鵝肝的最大特色在於其細膩的口感和濃郁的香氣。經過精心滷製後，鵝肝的脂肪與肉質完美融合，入口即化，帶有淡淡的鹹香。滷水鵝腸則是另外一種極具嚼勁的美味。鵝腸經過滷水後，外皮韌性十足，內裡卻保持著豐富的汁液，口感十分獨特。滷汁的香氣緊緊包裹著腸肉，讓人每一口都能感受到濃郁的滋味。總而言之，陳儀興滷水鵝專賣店的滷水鵝飯和滷水三寶飯絕對值得一試！見到下午茶的價錢更吸引，下次必定再試！

新蒲崗陳儀興滷水鵝專門店真係傳統味道嘅代表！試咗佢哋嘅滷水雜拼，鵝翼、鵝腸，滷水汁濃郁入味，鵝腸爽脆，滷蛋香滑，食落每款都滲透咗滷水嘅香氣😋！鵝三寶就更加係亮點，鵝肝嫩滑到不得了，入口即化，帶點獨特嘅甘香，腩肉同大腸同樣出色，滷得軟腍入味，口感層次豐富🦢！滷水嘅功架真係超水準，醬汁甜鹹平衡，香料味濃而不搶，食得出係用心熬製嘅傳統配方。配上白飯，滷汁淋上去，連飯都變得超香！份量夠足，兩三個人share都唔會失望。價錢親民，性價比高到飛起💰

陳儀興呢個名字一啲都唔陌生除咗潮州菜之外呢間主打滷水鵝專門店都相當出色分別試咗沙薑雞同滷水鵝都好正🥢招牌鵝三寶▫️鵝肉- 嫩滑▫️鵝肝- 滑溜溜▫️鵝腸- 爽彈一次過品嚐三款不同部位三種不一樣的口感滷得入味．底層飯量充足加上鹹酸菜係完美嘅配搭附送是日例湯． 裡面好足料仲有雞腳．粟米．蘿蔔油菜 +$10飲品 +$8🥢沙薑雞雞肉嫩滑每啖滲出香濃嘅沙薑味．唔會太鹹半隻份量足夠兩個人分享食過咁多間滷水呢間最令人回味