阿蘇火山拉麵 (已結業)

諗住去楊屋道吃下午茶，行行重行行，在荃新天地見到阿蘇，有25元下午茶喎，又幾好，唔算貴，這兒以日式拉麵為主打，所以叫了叉燒拉麵，叉燒薄切大塊，帶些凍，整熱的過程做得求其了，拉麵質素一般， 兼不夠爽口彈牙，濃湯底，唔似用豬骨煲，似現成買回來溝。環境坐得不舒服，員工態度麻麻地。

嚴格黎講其實我唔算O係度食過野, 但真係不吐不快我14: 20 去到, 一入到去就有位, 但間餐廳O既格局令我有D 失望, 因為D 枱好逼, 男友話好似去左籠屋咁 -_- 因為本身太餓關係, 我同男友叫左D 最簡單最快O既野 --咖喱豬扒飯 + 照燒雞扒飯, 諗住都只係一個飯+ 煎塊扒, 跟餐有前菜+湯, 另外仲有飲品, 我地飲熱檸水 + 罐裝可樂. 點知....我地等左30分鐘, 都只係黎左一大罐可樂咁大把, 其他野(例如我杯檸水, 前菜, 湯ETC) 一概不見! 本身已經好肚餓, 仲睇住佢個OPEN KITCHEN D 人出菜好慢+好唔ORGANIZE 咁 (我地坐O係個OPEN KITCHEN 出面), 心知不妙, 結果我地叫個WAITRESS 跟一跟我地D飯, 點知佢同個廚房同事講叫佢快D 時, 我睇住佢個廚房同事即刻發脾氣, 佢好大力咁拍枱, 之後O係度發脾氣, 然後冇人再回覆我地究竟我地D 野食情況如何. O個下已經好忟憎, 等左成半個鐘, 兩個人得一罐可樂可以飲, 佢求其畀個湯我HEA 住我都冇咁嬲丫..... 跟住我地5分鐘後再問佢地究竟D 食物進度如何, 繼續冇人理.

今天同家人諗住到CityWalk行街，於是便先挑一間餐廳食lunch，本來想食Waraku拉麵，但好多人等位所以轉去其他食店，最後千揀萬揀，揀咗個爛燈棧。約1:00pm, 人需然多但不用等位，侍應引領下坐了下來。我們點餐時侍應明顯心不在焉，我哋都未點完就「嗱嗱林」攞埋餐牌走人 我哋唯有揾第二個再補單。點餐用了15分鐘，再等30分鐘啲食物才到齊，每次催一樣嚟一樣，都算啦，點知叫凍啡(要加$2-) 啲冰溶晒，杯咖啡仲係熱嘅，咁我咪問侍應可否加啲冰比我囉，點知佢話啲冰用晒要出去買完番嚟先可以加比我......哈！咁都得，真係聞所未聞。最慘連最後上甜品的一環都咁差，餐都未食完便急急忙忙奉上，問題個甜品係：雪糕...... 至於食物並非太差，只係服務態度就足夠影响整體感覺。

睇完早場，路過見門口餐牌註明中午飯定食「一時前結賬離席九折」，入去一試。叫了鰻魚飯定食($52)及天婦羅飯定食($48)。鰻魚飯的燒鰻魚似係翻叮超市賣的無焦香天婦羅的炸蝦無鮮味，淡茂茂，但蘿白漬物配菜就爽脆兼帶蘿白香，好食！但最遺慽乃係在12時45分埋單起錨竟然無九折，收足$100蚊，店員推搪話已取消，真係有被騙的感覺，大家小心，幫趁前問清楚！

前幾天, 到了荃新天地的阿蘇火山拉麵食午餐. 其實這店在citiwalk已經開了一段時間, 不過都未試過幫趁, 難得今天有人提議去, 當然乘機試它一試.這裏位於citiwalk的最底層, 在商場中心的公園旁邊, 很易找. 店舖的size並不十分大, 不過環境尚算OK, 午餐時間竟然都坐不滿, 我們去到時不用等位, 可以立即入內開餐. 這兒當然是以日式拉麵為主打, 經過一陣觀看餐牌後, 點了一個日式炸雞拉麵定食. 拉麵跟炸雞是分開上, 本來是很好的, 不會影響炸雞的脆度. 但一放下來, 心都涼了一截, 嘩! 這究竟是甚麼的東西, 這碟所謂的炸雞, 完全不似炸雞的模樣. 點知賣相差, 食落更差! 肉質劣, 毫無肉味, 雖然知這些地方絕對不會用鮮雞, 但肉質比一般食店所用的冰鮮雞件更不如. 肉質差之餘又淡而無味, 之前都唔知有無調味過. 表面的炸皮厚到不得了, 明顯落粉太重, 皮厚不特止, 又炸得太久, 炸到啲雞肉乾晒水, 差過老麥啲麥樂雞. 總之, 就似是食一團又乾又無味的雞肉粉團! 這絕對是我有史以來食過最最難食的一次炸雞!!!拉麵的質素亦一般, 麵質不夠爽口彈牙. 而且麵不多, 份量超

去到荃灣都唔知食乜好,想食D其他地方少有o既餐廳,行到荃新天地,見到lei一間門口都幾日本feel,門口waiter叔叔又好hard sale佢地,又話有8折,咁咪入去試下囉...舖入面裝修都好日式feel,暗暗地,員工都係著到日本look咁,waiter叔叔仲話佢地都好多日本仔客黎食tim...佢menu真係好多野食,一般日本野食到o既真係乜都有,我地每樣都叫d黎食下啦炸芝麻雞翼, 講真,黎到個賣樣真係麻麻,雞翼好瘦,而且炸到過到火喇,味道還可以燒鯖魚, 佢燒到好乾淨淨呀...好似食緊魚干咁...可能條魚又瘦啦...炸蠔卷, 一黎到我見到個賣相都係一般,d壽司壓得唔夠實,雖然個蠔係即炸再包,但就腥味較重喇...燒雞軟骨,lei個比較正常,冇燒到好乾淨淨,ok咖哩吉列豬扒飯, 好細碟,豬扒size同味都係一般啦,正常o既,但個咖哩好濃,同埋佢唔似用珍珠米,如果做得日式咖哩飯,應該用珍珠米先好味架喎,所以又係麻麻地...長腳蟹拉麵, lei個真係好一般喇,以為佢舖名有"拉麵",應該都係主打丫,但估唔到都唔係出色,個湯底唔夠熱,又冇味,麵都唔夠爽口,加上四條長腳蟹好硬咁...我真係覺得n

剛剛睇左貴網既食評, 下午茶既口碑似乎不俗, 不過我去食果餐晚飯就真係哭笑不得.當晚我同朋友們見抵食, 六個人點左三個二人餐, 個餐跟兩個沙律, 兩個麵鼓湯, 一麵一飯同埋飲品. 一開始個沙律都唔錯, 待應做野都幾爽手, 內心對呢餐都充滿期待...食完沙律, 話口未完就上左個麵鼓湯, 我襯熱打開蓋一看. 咦, 點解得半碗? 我以為廚房搞錯, 正想叫侍應更換之際, 朋友們齊聲驚叫....原來大家都係得半滿.半滿冇問題, 可能味道驚為天人, 可惜味道都係慘淡如水, 我諗就算叫廚房加埋滿佢都無意思...拉麵本身冇意見. 但問題又係個湯底度. 又淡又稀. 我想起豬骨湯味出前一丁. 我唔係話佢個水準同出前一丁一樣, 而係出前一丁更好味更濃...最後叫左杯檸茶做餐飲, 當然又係淡到不得了. 我最後覺悟到, 可能佢地個廚房水浸, 太多水...

2010年3月31日 ( 2-2 ) ( 阿蘇火山拉麵 - 2 ) 下午茶今天飲食行程：( 財記餐廳 - 阿蘇火山拉麵 - Das Gute & Gelato Gute )行山後，約同太座再次來到這裡下午茶，當然也是選吃這裡的( 三寶下午茶餐 )。叉燒芝麻拉麵：選吃黑芝麻拉麵，配料有叉燒、栗米、芝麻及筍，配料及叉燒好吃，今次感覺麵底過腍，口感沒有對上一次好，整體算OK啦。( 3.2分)味付鮑魚絲拉麵：OK ( 3分)朱古力心太軟：今次的賣相也不甚好看，外層仍香脆，朱古力味道濃厚，軟心雖不流也很軟，也算好吃。( 3.6分)雲尼拿雪糕球：伴心太軟一齊上，雲尼拿味香滑好吃。( 3.8分)蘆薈芒果布丁：普通( 3分)凍奶荼：奶與茶味也淡，不夠香滑，麻麻地。( 2.7分)即磨咖啡：夠濃唔夠香。( 3分)今次下午茶仍然抵吃，而黑芝麻拉麵質感無初次咁好，其他一切也OK。

昨日一家吃晚飯, 約 7:20 p.m., 已有很多人惠顧但出面未見排隊, 入去試試 。招呼入來但係無人落單, 等了又等, 落左單又等啊等, 見到一個廚師崗位好百搭, 真係唔夠人手, 有客但唔夠人招呼, 真係好閉 。落單阿姐新來唔係好識, 攞茶姐姐任意擺低杯茶就走, 好自助式, 高級餐廳的服務質素有待改善。我們點了三文魚刺身, 五塊細得可憐, $30特價可能係將貨就價, 食少d; 一個甘栗餅, 只得兩塊, 蕃薯蓉做面皮, 內只得1粒栗子分開兩邊, 一塊兩口, 夠熱, 好好食; 來多個天婦羅拉麵, 麵爽口彈牙, 天婦羅有炸蝦、茄子、蟹柳、蕃薯夠晒熱, 份量頗少但味道好正。叫了一個咖喱豬扒, 咖喱汁料頗多, 夠味,豬扒夠熱,。還有一杯特式飲品, 味道ok。還有一個玉子豆腐, 又係得兩塊, 味道好但份量少 。整体上一個字 "好" ~味道, 但服務質素有等改善, 始終係一間大高級餐廳, 服務就失禮。

難得一晚出街前冇諗定去邊食, 到肚餓時只想起食拉麵, 行行下叫到而入去試下O者~所以一早冇咩期待~環境: 座位尚算闊落~DECORATION很SIMPLE, ONLY 以黑為主, 但係唔知點解我好唔想座得耐, ONLY想快D食完走......服務: 全店得一個女仔去落單, 不過因為好少人, 得2, 3枱客, 所以問題不大~上菜時間大約等10MIN LA~食物: 食左個2人SET~$70 ONLY~有野菜SALAD, 不錯的, 因為菜沒有苦味, 我肯食晒佢(我平時好憎食的)..........有個饅魚飯, 個飯的汁是濃濃入味的, 只是SKIN OF饅魚有少少腥........仲有豬骨湯牛肉芝麻面, 湯底屬清淡, 不合我口味, 因為我喜歡濃郁的湯底......但加左芝麻係湯到都幾香, 反而本身個芝麻面就冇咩芝麻味LA............有SODA DRINK飲的~額外加一個八爪魚燒餅, 有好多木魚灑在上面的~~~味道不錯, 有好多八爪魚粒的~

9/4(五) 8.45pm即將告別寫意的上班模式,乘著休假的週五,善用光陰,我倆到了荃新天地一帶閒逛後,蕩入此拉麵店,點了平得髮指的$70二人餐: 蟹籽沙律, 什菜沙律, 九州拉麵, 鰻魚飯及餐飲.蟹籽沙律及什菜沙律--作為果腹之用,無他了...九州拉麵--豬骨湯底濃度屬中度,豬骨味可加強點,吃後沒口渴感.叉燒則乃一般貨色,偏繃緊及乏肉香.爽滑帶勁的芝麻麵倒喜出望外!鰻魚飯--鰻魚肉地厚厚的,無奈給味道似鹹非鹹,味道詭異的燒汁敗壞了.置底的白飯亦然.餐飲--咖啡及檸茶,即磨咖啡的水準可被看高一線!吃的不亮眼,但值得著眼的是其服務.侍應訓練有素,清楚講解餐廳菜式,時刻掛著微笑臉,服務恰到好處,由衷的服務昭然易見,放下"張廿蚊",以示謝意!

話說呢間野之前係叫"康龍"，個人之前食過，感覺麻麻地。諗住佢轉o左之後就去試下啦，點知......我6點45分左右去到，一入去，已經見到個員工係Bar檯前訓覺 (而果度都有4台客左右啦)，冇咩點理啦，咁就坐低叫野食，3個人叫左 "一口豚拉麵，炸餃子，三文魚生，叉燒拉麵"唔使10分鐘，個叉燒拉麵就到啦~~過多差不多十幾分鐘，其他野都仲未黎，咪吹下啦，個侍應覆話"一口豚拉麵可能唔係好夠貨，所以耐D" 心諗"7點鐘咋喎，咁快就冇貨??" 之後望去煮麵個 bar 檯，個待應拿住張單同個煮麵師父講講講，我相信係漏左單啦~~ 呢個時候多左2個員工坐係Bar檯前，佢地唔係訓覺，而係係度玩電話同大聲傾計~ (茶餐廳???)過多5分鐘左右啦，個麵黎啦，一食.....個麵就一般啦，但個一口豚炸到又咸又硬，之後再等多一陣，果D餃子同魚生先黎..............餃子 ok la，魚生就好雪，但都ok 既，冇咩新鮮既感覺~最後食完野，就埋單，Total 一百六十幾~埋單果時，見到個訓覺員工起身開工，果時差唔多7點30分啦，原來，果個係煮麵既師父~最後Comment，呢間野既員工未夠鐘開工就會係度訓覺、

2010年3月25日 ( 3-3 ) 荃灣 ( 阿蘇火山拉麵 - 1 ) 下午茶日程：( 蘇濠 - 紅嚐坊 - 阿蘇火山拉麵 )行完山後，一個人獨自來到 CITY WALK 新開的拉麵店，名為( 阿蘇火山 )，選吃了這裡的名為( 三寶下午茶餐 )。叉燒芝麻拉麵：雖然是細碗，有叉燒、栗米、芝麻及筍，拉麵底也有幾種選擇，我選了黑芝麻拉麵，拉麵嚼時煙韌，有彈性，麵底質感很好，我喜歡這口感，湯底味道也好，整道拉麵做得真的不錯呀！朱古力心太軟：賣相不甚好看，外層香脆，朱古力味道濃厚，軟心朱古力雖不太流也很軟，也算可以的。雲尼拿雪糕球：伴心太軟同上，雲尼拿味香滑好吃。熱奶荼：奶與茶味都不濃，屬淡味奶茶，飲來順滑好也可。此店前身為( 康竜九州拉麵 )，現轉了( 阿蘇火山 )，今天人不多，坐得很舒服，店員服務有禮，這個( 三寶下午茶餐 )，還有幾種選擇，逢星期一至五，下午茶時段為2時30分至6時，每個餐只售25元，非常抵食。