阿木台灣麵 (豉油街) (已搬遷) 新店位置

💕超人氣正宗台灣料理💕今日行街經過豉油街見到阿木台灣麵排晒長龍 行埋去睇menu 下午茶餐都幾抵食 A+B+C都係38蚊 份量仲要好多添 啱晒我呢啲樣樣都想食既人😁今次我就order咗紅燒牛肉牛筋麵(HK$74),牛肉好冧牛脂肪重牛肉一層一層好有口感～麵質軟硬度剛剛好 另外湯底好濃郁 對於我個人就偏鹹咗少少 但係整體上都幾好食嘅～重口味啊你就啱晒啦跟餐仲可以選擇一份小食 我哋order咗我哋最愛嘅鹽酥雞 脆卜卜非常好食~每一啖都充滿着台灣嘅地道風味 🤭雖然想食呢間餐廳都要預留時間喺門外等候 但係食到咁有質素嘅台灣料理 都好值得如果大家都有興趣 不妨都去試吓啦💕📍 阿木台灣麵 (豉油街) (旺角)旺角豉油街60-102號鴻都大廈地下3-4號舖#旺角美食 #台灣料理#豉油街#好食推介系列 #牛肉麵#blogger#foodie #美食記錄

永遠經過呢間鋪都係大排長龍，今次唔係Rush Hour，終於試到😛▫️芝士肉鬆蛋餅 🧀🍳👉🏻餅皮好薄，質感軟熟煙韌，加上蔥花好香口😋餡料多到滿瀉，尤其係肉鬆，但個人會想芝士味再突出啲🙈⭐️⭐️⭐️⭐️.▫️麻辣肉操拌麵🍝👉🏻 拌麵係幼麵，咬落都幾爽口彈牙，麻辣醬好香好惹味，但如果再麻同辣多少少會再正d🙈肉操以瘦肉為主，面頭大量青瓜絲令到口感冇咁油膩☺️⭐️⭐️⭐️⭐️.▫️鹽酥雞👉🏻食得出係新鮮炸起，咬落熱辣辣脆卜卜，炸粉唔厚又唔會好油，口感又未到Juicy 但就唔會鞋口👉🏻第一啖食嗰陣完全冇味，之後發現要自己加鹽酥雞粉（檯面有一甖）🤣⭐️⭐️⭐️⭐️

話說我真係超級鍾意食台灣菜，位於旺角嘅阿木台灣麵，一直都係我all time favourite但係佢晚餐真係要排好耐，所以有次我就去試佢嘅下午茶呢一間餐廳嘅下午茶套餐都算係超抵，下午茶餐A+B+C都係$38，只係我加多左$10飲凍珍珠奶茶，同埋下午茶去唔洗排隊佢嘅小食款式好多，我今次叫左鹽酥雞，台灣香腸同埋滷豬耳。我最欣賞佢嘅鹽酥雞係即叫即炸，外脆內Juicy，至於另外兩款小食就正常水準。主食同飲品方面，我叫咗肉燥飯同埋凍珍珠奶茶。肉燥飯嘅調味剛剛好，唔會太鹹又好送飯。另外凍珍珠奶茶真係有因應客人要求而少甜，飲落唔會太膩。整體都係正常發揮，冇失準不過下次我都係會試吓餐牌入邊嘅其他食物，有機會再同大家分享相信女士一定夠飽，我食咗成個套餐都係$48埋單，下午茶份量可以頂到一個晚飯，抵讚

#肥婷中伏｜📍阿木台灣麵😳成日都見好多人排隊但係食完一次都真係幾失望…覺得呢一間餐廳太過受吹捧了🫡 ☞鹽酥雞便當（多肉燥）☜｜💰$56首先鹽酥雞唔係新鮮炸起，食落係凍嘅😑份量出乎意料嘅少，調味亦都唔夠重🫡好彩枱上有調味粉可以自己加配🚬我會建議行多幾步路去豪大大買份即叫即炸夠熱、夠酥、夠香嘅香香雞嚟食😉落單明明揀咗多肉燥，但個份量都係唔夠撈飯😑又唔係特別香，食落好無癮…寧願佢俾少啲飯我食，反而會食得開心啲😀如果單嗌一個肉燥飯$36蚊都係呢個水準嘅話，本人極力推薦雙餸飯😊便當配菜方面🚬菜脯可以就咁食，唔會過辣過鹹，出乎意料淡味但仲係可接受水平😕面筋個味好奇怪…唔推薦🫡☞炸甜不辣☜｜💰$32見到份量比鹽酥雞多，倍感欣慰🫡食落好有嚼勁，比珍珠更有嚼勁😑味道偏淡。如果臨時賣哂珍珠應該可以攞佢嚟代替😂🫡只可以講行多幾步路唔止可以去豪大大買鹽酥雞，仲可以買埋甜不辣🤫（打完之後去op睇過下，原來旺角豪大大無甜不辣🥺之前喺觀塘店食過幾好食，唔知係唔係停賣咗🥺💔）☞芝士肉鬆蛋餅☜｜💰$44🤔蛋餅皮本身有蔥食落唔係香脆果款，相對淋身啲。芝士方面好似得一片而且無燒溶，就算係蛋餅中段最飽滿果part都係完全係無

食物一般，從來唔會分享對餐廳或食肆嘅評價。今次破例係因為員工服務態度真係非常之差。食物質素不算什麼特別好。我個人唔會再嚟… black listed!!服務態度係對一間食肆嚟講真係非常重要‼️

今日嚟到旺角食阿木台灣麵門口有好多人排隊，睇嚟都似係間質素唔差，係信心嘅保證！🤘🏻我就叫左一份紅燒牛肉麵同埋一份鹽酥雞便當。牛肉煮到非常之淋而且入哂味，超級好食，一碗都有3大舊，真係食肉獸嘅至愛！🤩🤩而鹽酥雞嘅味道就唔係太夠，但枱面亦附有椒鹽粉任你灑。灑完再加上滷肉飯就真係啱啱好🤓🤓

牛肉麵寬麵細面都不錯，湯頭濃郁，酸菜也好吃，適合重口味來嚐鮮。老闆真的用興趣專心烹製，第一次看人煮湯頭用甜度計的。畢竟牛肉麵口味眾多，不敢說是我吃過的第一名。不過絕對能排進“此生吃過前三名”不誇張！麵這次個人覺得有點偏軟，不過應該可以跟老闆溝通，老闆非常客氣喔~

阿木台灣麵之前成日返工都食，今日咁岩經過就自己獨食，哈哈。佢附近有佢嘅台灣百貨，所以依度都有少少乾貨購買。好喜歡依度好有台灣感覺，有小姐姐講台式普通話，好想去台灣快閃旅行！紅燒牛肉牛筋麵其實佢下午茶餐同埋午餐都好抵，不過好掛住佢嘅牛筋，所以唯有單叫啦！麵好彈牙多份量，紅燒夠香唔會咸。牛肉好厚又軟，香爆。牛筋超林，最想食既一樣，加上唔蘇！芝士肉鬆蛋餅最好兩個人食就岩岩好，一個人食有啲飽，哈哈！軟既麵粉皮痴住芝士同蔥蛋，再包肉鬆！好飽滿，好滿足！唔會咸，口咸帶微微煙靭同肉鬆既絲肉！熱黑糖珍珠鮮奶可以揀微糖yeah！上枱時小姐姐會問要唔要加糖，我當然唔要啦，黑糖夠哂！鮮奶健康啲既，呃自己xd。珍珠夠哂軟，ok~月底之前滿$100都有九折！仲可以拎去啱啱台灣生活百貨買嘢九折！上次想買個蔥餅都未有貨，轉頭去睇吓！

今日下午黎到旺角既阿木台灣麵食午餐，之前都黎過幾次，食物水準仍然keep到，我今次叫左個鹽酥雞肉燥麵，份量唔小，肉燥濃味，拌麵十分好食，而鹽酥雞十分好食，十分香酥，椒鹽味十足，值得一試再試。

🍴 紅燒牛肉麵 $70 (8/10)份量好似冇以前咁多，牛展有四塊，以前麵同埋牛肉都好似多啲🤣大大塊牛展，煮到好軟淋，有肉有筯，不過好似冇以前咁好好食🤔麵係幼面，軟硬適中，有好多酸菜，湯底帶微微嘅藥材味，帶少少鮮甜，飲完呢唔會口乾！堂食嘅話一定要食佢哋嘅辣椒醬，真係又香又辣又麻，食到停唔到口，冇得輸🍴 芝士肉鬆蛋餅 $44 (8/10)蛋餅都幾大嚿，有成六件，可以兩個人share！蛋餅個皮非常煙靭，肉鬆鹹鹹你好鬆化，蛋同芝士都啱啱好，最主要係個皮嘅煙韌幾好食！☕️芝士奶蓋碳焙烏龍 少甜少冰 $19 (5/10)唔知點解勁甜😰完全飲唔到烏龍茶嘅味道，芝士奶蓋正常，都比較濃稠，有芝士味，但個茶真心不了。推薦指數: 8/10食過好多次，不過今次食好似冇以前咁好食！星期五晚7:00去到要等一個鐘先入到去，牛肉麵都幾好食，但嘢飲就真係不了😂

阿木台灣麵一直想食呢間台灣麵餐廳，食之前已經搵定資料，於是今日去完美食節，返屋企放低戰利品就出去食啦！呢間餐廳門口係有一級，又係時候出動我塊斜板啦！🤣🤣🤣見人講呢間成日大排長龍，好彩今日下午4點半去到無人龍，店員見到我好好禮貌，幫我搵近門口嘅座位比我，仲讚我自備斜板好好呀！一入到餐廳入面見到用簡約木系嘅裝修，一路食一路聽住餐廳播住楊承琳首歌，諗起以前追過「海派甜心」-林達浪（羅志祥），充滿童年回憶！1.紅燒牛肉麵$70（8/10）呢碗紅燒牛肉係厚切，一碗有6舊，牛肉煮得好淋，完全唔會痴牙，碗麵食得出係自己手打出嚟，份量又多，好抵食！2.麻辣牛肉麵$70（8/10）呢碗麻辣係唔會完全唔覺辣，適合唔食辣嘅人食，極少嘅辣唔會搶走本身滷水嘅湯底味，牛肉煮得好淋，一碗入面有6舊牛肉，完全唔會痴牙，碗麵食得出係自己手打出嚟，份量又多，好抵食！3. 滷水牛腱$55（8/10）牛腱滷得好入味，筋同肉比例大約8:2，完全唔鞋，一碗有8舊，每舊都好好食！👍👍👍4. 芝士肉鬆蛋餅$44（8/10）呢個蛋餅好厚實，充滿肉鬆，入面仲有好厚嘅芝士，一碟有6舊，我自己食哂一碟真係覺得有d罪惡感！😋🤣5.黑糖珍珠奶茶

阿木台灣麵是受歡迎的台灣餐廳，本人很喜歡他們的蛋餅!!!真的是價格實惠又有台灣風味~☁️紅燒牛肉麵 $70牛肉麵是台灣美食的代表之一阿木的牛肉好軟腍!! 牛肉燉得軟熟依然保持彈性~ 吃起來非常過癮!! 濃厚的湯汁是每日花20小時熬製，清爽鮮甜不油膩~原汁原味的湯底加上外軟內硬，咬起來超有嚼勁的麵條，麵條好勁道!!!超美味~ 非常吸湯!!☁️ 芝士肉鬆蛋餅 $44本人是熱愛蛋餅的吃貨!!蛋餅必食!!這裡的蛋餅份量好大(⁎⁍̴̛ᴗ⁍̴̛⁎)兩人分享剛剛好!!!蛋餅餅皮是屬於多蛋餅皮，較厚!!餅皮口感Q彈，所以食落口好有口感~蛋味香濃，肉鬆得好香甜！配上半溶的芝士好正！☁️ 芝士岩鹽奶蓋四季春青茶 $19芝士岩鹽奶蓋芝士味好濃郁!!稠濃的芝士~四季春青茶口感香氣清逸，自然回甘!!有輕微凍頂烏龍茶的口味，甘甜不苦澀!!

自從冇咗程班長之後，我就只可以寄情於阿木台灣麵。平時去食台灣麵排隊排到癲，晏晝四點幾就可以直接入去食啦。唔使排隊真係好開心。我哋兩個女仔下午茶，所以淨係嗌左一個麵一個小食同嘢飲。估唔到佢個面都真係大大碗，好鬼飽。麻辣牛肉麵雖然係麻辣不過唔太辣，啱唔太食得辣嘅朋友，而且我好欣賞唔會俾個麻辣搶走咗台式滷水汁嘅湯味。如果真係想食辣d，枱面上都擺咗麻辣醬，可以自己加，好人性化。牛肉好「淋」好嫩好入味，碗麵好足料，牛肉多又大份，啲牛肉多到我都嚇親。十分抵食。白桃四季春我哋揀咗微甜，好鐘意佢唔太甜，唯一嘅甜味係本身白桃嘅甜味，唔會搶走四季春嘅茶，仲有粒粒嘅白桃食。鹽酥雞如果炸得再脆啲就好開心啦！枱面上亦都放咗鹽酥粉，啱晒呢啲重口味人士，唔夠味自己㗎。

阿木台灣麵 - 旺角今次去到旺角行街，呢間阿木台灣麵很多人排隊，所以決定入去試一試。裝修很簡單，以木色為主調。店員的服務態度就真係需要改善一下。講返野食，今次就叫了兩個麵及一個小食及一杯飲品。蕃茄牛肉麵 $70份量都相當大碗，蕃茄味非常濃烈，牛肉很淋入味，麵質一般不夠彈牙，麵中有酸菜都幾好食。麻辣肉燥拌麵 $44份量適中，陣陣的麻辣香味，肉燥都多有啲肉粒大大粒增加口感，拌麵的麵條質牛肉麵的口感有點不同，個人更喜歡拌麵的麵質及口感，整體撈埋很好食。炸甜不辣 $32炸甜不辣 很煙韌，而且炸得很香脆，值得一試芝士岩鹽奶蓋四季春青茶 $38芝士岩鹽奶蓋非常濃郁，厚實的奶蓋加上微微的咸味，配上清清地既四季春青茶飲落很舒服

每次一想食台灣嘢嘅時候我都會諗起阿木台灣麵. 因為佢係我暫時覺得最接近台灣味道嘅一間餐廳. 特別係佢嘅牛肉麵同蛋餅❤️雖然好多時阿木都需要排隊. 但都無阻我對佢嘅熱情🍅蕃茄牛肉麵 (轉關廟粗麵)之前都係食紅燒牛肉麵. 今次就試下蕃茄湯先蕃茄湯味道清甜帶點點酸味. 感覺無咁膩. 而且食得出係用新鮮蕃茄煮成牛肉份量超多. 感覺食極都重有. 牛味濃厚肉質軟淋關廟粗麵好有咬口亦會頗掛湯🍳芝士肉鬆蛋餅蛋餅亦係我每次來都會叫嘅食物之一. 每件都漲卜卜好飽滿外皮有蛋香而且厚薄適中. 係屬於比較軟身肉鬆脆口帶點點咸香. 令口感更豐富味道更濃厚芝士份量亦唔少. 唔係普通片裝芝士🧀芝士岩鹽奶蓋炭燒烏龍茶奶蓋嘅芝士味好濃郁. 口感較厚實炭燒烏龍茶茶味香濃果然無令我失望. 食物質素依然咁好🥰而且阿木重開咗阿木台灣生活百貨. 可以團購台灣唔同款又平又正嘅美食最近重有唔同嘅賀年糕店預購. 新年送禮啱哂🎁