阿四車仔麵 (已結業)

大食妹今日同朋友仔去旺角shopping, 行到有啲攰, 就去左阿四車仔麵食個lunch<車仔麵>阿四車仔麵嘅低消嘅三餸一麵, 加餸嘅話每款加9蚊, 價錢方面可以話係幾抵大食妹咩都想食, 嗌左超多餸麪底揀左彈牙嘅烏冬, 醬汁揀左甜甜嘅沙嗲汁, 小食就嗌左瑞士雞翼、牛腩、豬大腸、酸甜齋、素牛丸、魚皮餃同溏心蛋大食妹特別推介阿四嘅瑞士雞翼、牛腩、豬大腸同溏心蛋瑞士雞翼同豬大腸好入味, 牛腩半肥瘦唔會太油膩而且搭配腩汁, 可以俾你享受兩種湯底, 最後加埋隻溏心蛋, 就最圓滿啦<慢煮豉油雞髀飯>鍾意食豉油雞髀嘅朋友就一定唔可以錯過阿四嘅豉油雞髀飯鷄髀鹵得好入味, 而且食落啖啖肉, 下底仲有香菇肉躁同甜豉油添<樽仔奶茶>阿四嘅樽仔奶茶甜度控制得啱啱好, 唔會搶過奶茶味

見到呢間車仔麵幾多好評 每次去車仔麵咁多餸 諗唔食咩就食佢 招牌麵$58有9樣野食 辣魚蛋 辣魷魚 豬皮 豬大腸 雞翼尖蘿蔔 滷水蛋 瑞士雞翼 豬紅呢間車仔麵 份量都幾多 而且配菜都幾入味唔會浸係個湯度浸走晒啲味 蘿蔔冇喳加埋湯好食～.除此之外仲叫咗日式咖喱吉列豬扒飯$38花膠碗仔翅素翅$20真係有d花膠絲係入面 算大碗炸雞塊$20勁熱 入面仲有汁 炸粉小厚 但炸野 熱辣辣加埋泰式辣醬其實冇得輸環境裝修勁新淨 坐低係舒服嘅店員見我熱 主動開冷氣吹住我 爽阿四車仔麵 (旺角)旺角豉油街108號地下

今日行旺角就俾我發現到呢間👉🏻 阿四車仔麵 👈🏻 就入左去試下➰ ..🗣餐廳環境乾淨，地方都算大，而且價錢又平‼️三餸一麵都係HK$38👀 我就點左”四餸一麵”(HK$47) 有最愛既粗麵食落好彈牙，🍢辣魚蛋每粒都大大粒、豬大腸夠爽口、溏心蛋同魚腐加埋沙嗲醬，係正呀😋..“招牌麵”(HK$58) 係超多料，有大大粒嘅辣魚蛋、彈口嘅辣魷魚、好爽口嘅豬皮同豬大腸、蘿蔔鮮甜唔會有渣、滷水蛋同雞翼尖同瑞士雞翼都好入味、豬紅唔會腥，仲要咁大磅，性價比超高👍🏻..“炸魚皮”係超脆卜卜😍睇到片都知有幾脆喇➰ 完全係會令你食一啖又一啖既野食❗️ “秘製香辣魷魚”(HK$20)味道惹味又彈牙，係唔錯😝...

今日黎到旺角睇波鞋，行到攰想食d野，眼見這鋪光鮮企理，價錢相宜，即入！車仔麵裝潢設計很現代化，環境光鮮，地板美美的，而且不是黏笠笠那種，非常整齊清潔。因為係食下午茶的關係，點了淨四餸。有咖喱魷魚🦑、芋絲、酸齋及魚腐。咖喱魷魚爽彈入味，咖哩微辣惹味，係酒樓食過的那種風味。芋絲吸了醬汁的味道，爽口非常。魚腐魚腐味道有少少似炸魚角，但口感較淋身。酸齋麵筋軟滑，吸盡酸甜汁的精華。

大概下晝, 下午茶嘅時間, 又唔想食正餐, 又唔想篤魚蛋, 咁就入咗去呢間車仔麵度食一個淨餸為主既餐, 我見佢下午茶嘅時段, 仲送埋嘢飲添, 都非常之實惠落地玻璃, 非常之開揚, 感覺非常之高級, 特別叫咗4餸款, 有魚片頭, 瑞士雞翼, 魚皮餃, 再加左個廚師腸, 配嗰個沙嗲汁賣相都不錯, 尤其餐廳放左不少心思喺嗰個室內環境再加上嗰個碗碟方面瑞士雞翼 非常之香嫩滑, 沙嗲醬最啱就配埋魚片頭再加廚師腸 , 好惹味魚皮餃皮薄, 而蝦肉再加豬肉嘅餡料非常之新鮮彈牙, 感覺不錯

阿四車仔麵今日去到旺角覓食，朋友見到呢一間新穎嘅車仔麵檔，就提議話入去食下，呢間車仔麵檔同以往嘅唔同，阿四車仔麵由年輕老闆主理，除咗車仔麵之外，佢仲有其他飯嘅選擇，部份選擇更結合西方慢煮方式去煮。我有少少飽唔想食太多澱粉質，就嗌左淨餸冬菇味香，滷得好入味，而且口感滑瑞士雞翼好入味，而且色澤均勻另外仲嗌咗雞腎、腩肉、 同埋芋絲，不過我個人就覺得個腩肉偏肥咗少少朋友嗌左碗米線加三餸辣魚蛋，香辣咖喱汁好惹味甜酸齋，同埋放咗落湯度仲係脆嘅春卷兩碟小食，吉列蠔同埋唐掦雞塊（4/5）個人推薦唐掦雞塊！好酥脆！我哋仲嗌咗兩枝港式樽仔奶茶 （4.5/5）奶茶味香濃，唔會太甜，唔係嗰種死甜嘅奶茶間野喺旺角但係啲嘢都仲賣得咁平，良心小店嚟～（佢哋仲係黃店！），同埋佢哋地方闊落，啲座位唔會太迫，都算隔得開，唔似有啲舖頭自己背脊好似貼住人哋背脊咁，又乾淨企理，實在抵食😆

旺角鬧市中心嘅車仔麵檔，門口有道特色鐵閘，環境乾淨企理又舒服💛因為太抵食兼有啲肚餓，唔小心叫到成枱都喺🤣🍜3餸1麵 / 4餸 $38 加餸每款$9軟腍腍甜甜嘅蘿蔔，燘到入哂味嘅牛腩，菇味濃郁嘅冬菇🍄流心溏心蛋🥚同埋雞腎配埋沙嗲醬🙆🏼‍♀️鐘意個沙嗲醬係用隻匙羹裝住😆湯底味濃同唔會太多油浮浮吓🤩3餸1麵 / 4餸 $38 加餸每款$9🤪每款小食$20！仲要雞翼雞腳蠔雞塊都每款5塊🤩超級抵食😝出面食$20得1-2隻🍖瑞士雞翼，入哂味好正☺️🦴瑤柱鮑汁雞腳，鮑汁味濃郁！超彈牙🤩🦪日式吉列蠔，外層脆脆，咬落去唔腥🍗炸唐揚雞塊 ，肉質鮮嫩，有日式感覺😳🍲花膠碗仔素翅，🤏🏻花膠，味道ok🌶秘製香辣魷魚，幾爽口唔太辣，鬚鬚好似較少🥬腐乳生菜，正常份量！好清淡嘅生菜，唔會油浸生菜👏🏻

讀書時期成日都會去食車仔麵 貪佢又平又方便又好味 「快靚正」距離讀書都有一段時間啦 見到檔車仔麵肯係要入去懷舊下朋友嗌左六款淨餸：糖心蛋 流心效果做得出色雞腎 入味 唔會太韌冬菇 好香 又大隻瑞士雞翼 滷左好耐 肉骨分離 夠入味腩肉 好夠肥肉 油脂香好足芋絲都爽口我自己嗌左碗米線 加三個餸甜酸齋 酸酸甜甜好開胃辣魚蛋 彈牙 咖喱汁香濃 墨魚春卷 吸曬湯汁 好正兩款好香脆嘅小食 吉列蠔 同埋唐掦雞塊 顏色都好靚仔 金黃酥脆 唔油 炸衣層皮唔會太厚 食面同時唔好錯過佢地嘅炸物同場加映仲嗌左兩支樽仔奶茶 茶香味濃 同埋入口滑順 值得一試 （港式嘢 奶茶走唔甩）總括而言，呢度環境真係唔錯，乾淨企理，座位寬鬆唔會太迫，餸菜好味 款色多 重點係抵食 性價比高，吃咁多都係$200內 推介大家試下

車仔麵係香港嘅本土特色，最啱我呢啲咩都想食啲，唔覺唔覺叫到成枱都係餸，好為食添😝😝.🍜車仔麵三餸一麵$38 （另外加餸$9）食材係用西方低溫煮法，牛腩、蘿蔔、瑞士雞翼等都炆得非常入味，又夠淋😍湯底味道超鮮甜，加埋獨制嘅沙嗲醬汁，真係冇得頂👍🏻價錢又平，CP價高！🔥想推薦幾款送俾大家😝溏心蛋 ｜ 辣魷魚 ｜ 豬紅 ｜ 瑞士雞翼.仲叫咗唔同嘅小食，我覺得最特別係以下呢幾種，必叫🤩🤩🤩🦪日式炸蠔 好鮮甜，而且個皮都炸得啱啱好🦑秘製香辣魷魚 好彈牙，不過沙嗲汁就唔算好重🥘花膠碗仔素翅 夠哂足料，食材好多，飲落唔會好漏.好講究好特別嘅一間車仔麵， 環境十分乾淨舒服，咁啱我哋呢個位仲見到外面有鐵閘做裝飾，非常地道，好有香港情懷嘅感覺💛

好多時車仔面店帶點壓迫感，背對背而坐，頂頭有把污糟糟既風扇兩側有大堆既貨。東西幾好吃都好感覺亦不討好。今日經朋友帶路來到呢間車仔面店，一入黎覺得非常舒服。水泥牆配上圓形同長方木枱，白椅子還用上柔和燈光感覺非常簡潔舒服店內非常寬敞我地叫左兩碗3餸面加2支汽水朋友呢碗幼麵，芝士腸，豬大腸，雞腎，腩汁加辣醬朋友話豬大腸，完全無豬臭味，而且好諗一啲都唔韌雞腎仲大大件，話個辣醬仲係甜甜地幾好食。我自己就要左甜酸齋，辣魷魚同炸魚皮配米粉💜甜酸齋向出面車仔面店好難會食到，辣魷魚唔太辣，好爽口彈牙，炸魚皮係超大碗，超級脆天氣甘熱當然要飲番支汽水解渴，爽吖(都係加$9咋)$38蚊可以食到三餸一面，價錢都幾合理如果唔想食麵，呢到都有幾款飯都有得食，另外仲有好多款小食可以選擇下次要試下呢度既雞脾飯先店內店員服務態度都好nice

🚗三餸一麵/飯 或 四餸 $38 (讚岐烏冬+$3,加餸每款 $9)餸嘅款式有好多，超過30款，仲有6款麵俾你揀，唔鐘意食麵嘅可以揀跟飯或淨餸👍🏻 而我就揀咗牛腩，溏心蛋，魚皮餃，墨魚丸跟烏冬，醬汁就揀咗沙嗲醬，另外可以選擇腩汁或者辣醬🔥湯底味道濃郁，配埋沙嗲醬好惹味。溏心蛋係必食，牛腩好腍唔太韌，其他餸就正常啦👍🏻 ⠀🚗招牌小食 每款$20小食方面多達10款，而我哋就叫咗秘製香辣魷魚，瑤柱鮑汁雞腳，花膠碗仔素翅，日式吉列蠔，瑞士雞翼，油菜同炸雞塊。小食份量每款5件，價錢嚟計幾抵食，但係質素就唔太好。被推介嘅雞腳好韌，咬好耐先咬得開，而素翅唔知點解好苦，朋友話之前食過唔係咁🥴其餘都中規中矩，炸物同瑞士雞翼都叫得過👍🏻

有日同男朋友行完波鞋街，突然覺得好想食下野行過見到依間阿四車仔麵就入左去試下，入面環境好企理，同以前啲車仔麵檔完全唔同。之後寫紙仔落單，我哋叫咗啲小食同個大碗飯！啲小食全部都好香口，我地叫咗個炸蠔同埋炸雞，點果個甜辣醬，同啲炸野好夾。啲炸物熱辣辣上黎，應該係啱啱炸好，炸蠔層皮我好鐘意，好脆同好香口，而炸雞好Juicy，難得有小店炸雞可以做到咁。個車仔麵我地怕選擇，叫左個招牌麵，一次過試哂佢咁多款餸，滷水蛋好入味，蛋黃都入到味夏天都食到個蘿蔔又甜又冇渣，超大塊！拳頭咁大。可能太好食我食多左，個肥仔話唔夠食話要食多個飯，佢叫左個慢煮雞脾飯，我又忍唔到口咬左淡個酒香味濃到呢，鐘意酒味嘅must try！佢地個自家牌子樽仔奶茶茶味夠濃，鐘意飲港式奶茶嘅可以一試。

阿四車仔麵平時食開雲南米線 麻辣米線 好少食車仔麵 今日路過見到呢間裝修有別於其他 感覺乾淨闊落好多 老闆仲要係後生人 決定試一試佢辣魷魚滷水蛋冬菇蘿蔔米粉💰47麵底11蚊 每樣餸9蚊計 比起平時嗰啲 餸算係貴咗少少 但係麵底平 圍返都係差唔多辣魷魚好彈牙 大小適中 咖喱味重 完全冇腥味 好驚食到有漂白水味既魷魚 🦑 冬菇都有好多舊 仲要份量好大 係大冬菇啊😍 味濃 口感好軟淋 蘿蔔超級大舊😂 真係要咬好幾啖先食得完一舊 但係好鮮甜👍🏻👍🏻 不得不睇佢哋嘅辣醬 又辣又香 應該係自製嘅 最後加多一羹辣醬😂 湯底香爆😍腐乳生菜 🥬翠綠色 新鮮度係肉眼可見！ 讚！雞髀滷肉飯個雞髀🍗勁大嚿 一啖咬落去每一啖肉都有好濃好濃嘅滷味 雞肉好嫩滑 juice 食完舔舔脷👅

主吃港式地道麵食, 三餸一麵, 配料選擇有好多, 價錢又親民, 抵食! 環境大, 亦幾寬敞, 乾淨企理。麵底選擇了油麵, 配料點了白蘿蔔、滷水蛋、冬菇。白蘿蔔很入味; 滷水蛋的滷水味幾香, 不會太濃; 冬菇有輕微的腩汁味, 有輕微彈牙的口感。份量對我來說剛剛好, 再配一支凍樽仔奶茶, 有懷舊的感覺~炸唐揚雞塊 - 即叫即炸, 夠香脆, 肉質嫩, 又多汁, 一點兒也不乾身。上面有泰式酸辣醬, 令味道層次更豐富。日式吉列蠔 - 外層炸得夠脆, 一點兒也不乾身。

豉油街一帶出名多食店，今日行經附近見新開左間「阿四車仔麵」而且價錢都係$38起，十分相宜，咁就入去試吓啦😆睇店名都知哩到嘅主打係車仔麵，咁點可以唔試吓呢。三餸一麵都只係$38 真心抵到冇朋友，仲有超過20款餸俾你揀😲，唔夠既另外仲有10款小食添。 眼闊肚窄既我地都係嗌個三餸車仔麵再叫多幾款小食一齊happy share 😆😆讚岐烏冬 + 辣魷魚🦑+炸墨魚卷+ 牛腩- 港式小食辣魷魚爽口微辣、牛腩好冧又入味必試，炸墨魚卷雖然唔係另上，但個腐皮仲可以係脆身唔係浸冧哂。食得辣既朋友一定要試下個自家辣醬呀，辣度可以揀正常或者少辣嘅。讚岐烏冬 + 辣魷魚+蘿蔔+豬大腸- 鹵水豬大腸清潔得好乾淨👍🏻鹵汁入味可試我地仲嗌左4款小食，每款都係$20咋- 唐揚炸雞：邪惡之選，炸雞件皮脆肉嫩，唔會好厚粉- 甜酸齋：「阿四」照顧埋素食既朋友，份量唔少- 瑞士雞翼：有成5隻咁多，多幾個人share 都得添- 腐乳油菜：食左咁多邪惡小食，都要叫番個菜平衡吓嘅😆，可以揀腐乳醬/蠔油