阿四車仔麵 (已結業)

🍜 招牌麵 HK$58唔中意唸嘅我表示揀呢個就咩都可以試下，材料有辣魚蛋、辣魷魚、豬皮、豬大腸、雞翼尖、蘿蔔、滷水蛋、瑞士雞翼、豬紅。.特別想講蘿蔔好淋好甜，而且無渣。魚蛋唔會好粉，幾實身，幾有咬口。雞翼同雞翼尖都淋，而雞翼尖特別入味。滷水蛋都淋得好入味。湯底揀咗加腩汁同沙嗲，腩汁令湯底有味道啲，沙嗲雖然相睇好似好多，但唔會好鹹好重味道。.🍜 自選三餸麵 HK$38朋友點嘅清湯，揀咗魚腐、腸仔、炸豆腐。.🔥 炸燒賣 HK$20久違嘅炸燒賣。外面脆身，入面幾有咬口。.🥡日式吉列蠔 HK$25一份5件幾抵食，但即刻快啲食，如果唔係炸粉放得耐會甩甩地。.🐣 炸唐揚雞塊 HK$25雞件份量正常，但炸粉比較厚。.🥛 樽仔奶茶 HK$16--📌 下午茶時段送熱飲

旺角「阿四車仔麵」環境舒服乾淨，落地玻璃夠哂光猛🙂主打車仔麵，傳統豬紅豬皮蘿蔔唔少得，特別就特別在小食，除左有本地碗仔翅炸燒賣，仲有日式炸雞炸蠔，幾多元化！大碗麵($58)粗麵、腩汁••••••故名思義即係款款有啲嘅多餸麵😍選擇困難症啱哂！辣魚蛋 - 口感半實半爽，唔會爽到好假 豬大腸 - 👍🏻係真肥腸！洗得乾淨舞怪味，切得厚身唔韌，唔似好多店會溝豬小腸，要讚！豬紅 - 唔會一夾就散good！四餸食仔麵($47)幼麵、沙嗲汁••••••沙嗲汁好香好重nuts味，仲食到花生粒😘。溏心蛋 - 驚喜！入口有花雕味！蛋白色澤靚口感滑嫩，蛋黃流心程度完美🤤。滷水腩肉 - 半肥瘦豬腩肉滷得非常入味，好大方切得厚身。炸墨魚卷($20)••••••大推！面層腐皮炸起好香口鬆脆，內裡薄薄一層鮮甜墨魚膠，仲食到墨魚肉粒㗎🤭！豉油雞髀($25)••••••雞髀大大隻，雞皮入味，豉油汁帶點甜，雞肉肉質唔鞋口，控制得好，無浸豉油浸到過龍，唔錯。日式吉列蠔($25)••••••配泰式辣醬無得輸😋蠔肉size合理。樽仔奶茶($16)••••••奶香味重，奶滑茶香，無冰粒唔會愈飲愈淡真係好重要，雪到冰凍飲得好爽🤪。

喺旺角，有好多食車仔麵嘅舖頭，但係要搵一間坐得舒服，又有強勁冷氣嘅就唔係好多，今次難得經過呢度，見到呢間唔係好起眼但好乾淨企理嘅車仔麵店，決定要試下！呢度除咗食車仔麵之外，仲有好多嘅小食同飲品，我哋當然都要試多啲野，因為每款都只係$20到$25，都算幾經濟實惠！➡️ 辣魚蛋,紅腸,炸魚皮米線 ($38) + ➡️ 瑞士雞翼,炸墨魚卷,炸魚皮,牛腩米線 ($47) ⭐️⭐️⭐️⭐️💫車仔麵可以配三個餸，每加一個餸就要加$9。種類有分經典、小食同埋素食類，有成20款咁多，都唔知點揀好。辣魚蛋食落彈牙，咖哩汁多到食緊咖哩湯底嘅米線咁，好正！瑞士雞翼就又淋又好入味，係必食推介！魚皮都係必食之一，因為會分碗上，所以食落仲係好脆！➡️ 碗仔素翅 ($20) + ➡️ 日式吉列蠔 ($25) + ➡️ 炸唐揚雞塊 ($25) ⭐️⭐️⭐️⭐️食完碗米線再食埋呢d小食真係大滿足，碗仔翅入面冬菇同素翅嘅份量都幾多，加埋d醋所帶出嘅香味，超正！➡️ 樽仔奶茶 ($16一樽) ⭐️⭐️⭐️⭐️呢度啲樽仔奶茶係佢哋公司製造嘅，甜度啱啱好，飲落都好滑，唔同平時一般飲嘅凍奶茶加咗冰會沖淡左，所以雖然貴少少但係都值得！阿四車仔麵 地址📍: 旺角豉油街

又去咗食車仔麵舖！餐廳不算好多人，得幾枱客，始終最近市況都唔太好，加埋平日，同大家分享下食評！餐廳主打懷舊風，以傳統香港地道特色作主題，，新的裝修，感覺就是讓原來只是街頭的小食，升格不少。招牌麵 ($58)辣魚蛋 辣魷魚 豬皮 豬大腸 雞翼尖 蘿蔔 滷水蛋 瑞士雞翼 豬紅 四餸麵 ($38)牛腩 彷飽片 魚皮餃 腩汁 米線招牌麵就是經典的港式平民美食，選擇困難症？以多款食材、 再加上熱湯、各式醬汁，就是一碗招牌麵，另外就是一款經典的三餸麵，想吃什麼任君選擇，兩碗車仔麵，飽肚又味美，不贅！值得分享的還有南瓜薯餅，即叫即炸，質素比得上日式炸物店！飲品有雜果冰，每口都有微微的椰香味，雖然未算喝過最好的，但還是頗為滿足。車仔麵和小菜都是地道菜式，多款食物加起來都非常特別，加上環境不錯，一於跟大家分享！

阿四車仔麵.....我哋又見面每次食親嘢.........選擇困難現😅樣樣餸想食.............樣樣都好食😋究竟點算好.................叫哂就最好😅————————🟫———-1⃣️阿四阿四車仔麵......其實係想嚟食麵🤣阿四必吃豬大腸......口感肉質唔會靭😋味道更加唔使講......每次嚟到必定叫😉就知味道幾咁掂......👍👍👍👍👍👍—————-🟧———-2⃣️招牌魷魚咖喱醬.....自家調味好鬼正🤗咖喱味香又飄香.....魷魚彈牙又爽口😋食到就係唔停口.....🤣🤣🤣🤣🤣🤣——————🟦———-3️⃣瑞士雞翼唔小得.....肉質嫩滑味好得😍瑞士汁炮得入味......雞翼肉嫩滑好得😊你話唔叫點小得......🤗🤗🤗🤗🤗🤗——————🟥———-4️⃣素材皮香炸春卷.....皮脆口感又鬆化😝材料又有紅蘿蔔......薯仔甘香又嫩滑☺️香口脆脆好選擇.....😋😋😋😋😋😋🟩———-5️⃣即炸香脆墨魚餅.....咬落甘香墨魚正😛足料墨魚又彈牙.....一食就知會愛上🥰你話阿四幾咁正.....🤣🤣🤣🤣🤣🤣—————6️⃣🟨青翠青綠西生菜...成個玻璃球咁正🤣新鮮翠綠又爽口....鮮甜味道

去旺角買波鞋，買完想係附近搵間餐廳食返個午餐旺角豉油街一條街上好多間餐廳選擇，見到呢間車仔麵望落好乾淨衛生😅因為而家疫情都嚴重，簡返間舒服d既店鋪更安全。鋪頭坐位位置都好寛鬆。咁簡左個車仔麵餐：腩汁湯底、米線、咖哩魚蛋、咖哩魷魚、滷水豬腸、白蘿蔔，凍檸茶食呢碗野你可以配返佢哋自家製的辣菜脯，好好食啊咖哩魚蛋，好彈牙。咖哩感不錯滷水豬腸好食⭐️⭐️⭐️⭐️⭐️夠濃味白蘿蔔好清甜爽口我男朋友佢比較肚餓佢簡左咖喱吉列豬扒飯，好大碗啊同埋嗰啲咖喱汁都好正而且啲吉列豬扒係即叫即炸，外脆內軟，而且肉質好，咖喱汁係日式嘅口味，一上枱就聞到好香咖哩味，日式咖哩特點香而不辣，岩哂佢唔太食得辣野。豬扒仲有肉汁唔會覺得好乾身嘅感覺！咁飲品方面我哋就一杯凍檸茶一杯凍咖啡，餐廳嗰張紙好細心咁俾你揀可以少甜少冰💗

因為限聚令既關係，已經好耐無出過街食飯啦，今日難得出黎旺角食左一餐非常豐富既車仔麵由細到大已經成日食車仔麵，覺得可以揀唔同自己鐘意既食物，而且價錢又唔貴，絕對係香港既代表性美食之一餐廳就係旺角既豉油街，好方便之前已經黎幫襯過，入面好闊落坐得非常舒服，而且價錢仲幾抵食，$38蚊有3個餸，如果男士們驚唔夠飽可以揀招牌麵，有齊餐廳最出色既9款食材，包括： 辣魚蛋，辣魷魚，豬皮，豬大腸，雞翼尖，蘿蔔，鹵水蛋，瑞士雞翼，豬紅。。。唸起都吸引呀車仔麵既餸菜有好多選擇，有成3拾幾款真係幾難揀架，樣樣都好吸引除左主食之外，呢到既小食都好出色，自己最鐘意既就係瑞士雞翼，整得好香好入味另外日式吉列蠔都係必食之選，炸得好香口鬆脆

#merry豬覓食在旺角一直對車仔麵情有獨鍾，貪其方便又快捷，選擇琳琅滿目。星期日和牛奶仔拍拖行街，一時間想不到吃什麼，便去豉油街覓食，店內地方大，很整齊企理。阿四車仔麵價錢不貴之也好味，店舖有冷氣又坐得舒適。----4餸車仔麵  $47點了油麵，辣魚蛋，瑞士雞翼，蟹柳，牛腩，份量好多。要了腩汁同沙嗲醬，味道非常濃郁。辣魚蛋用了咖哩汁煮，少少辣，入口彈牙，很惹味。瑞士雞翼好入味又軟腍，兩隻不夠啊!----4餸河粉 $47點了辣豬皮，豬紅，蘿蔔，牛腩，辣醬。把辣醬混進湯裡，好香口惹味，辣得很過癮。辣豬皮用了自家製咖哩汁煮，軟中帶脆，微辣很入味，口感特別。豬紅不腥，好滑溜。蘿蔔很清甜。湯底味道鮮香，但不會過咸。----炸墨魚卷 $20腐皮卷住墨魚膠，炸至脆卜卜，有驚喜，熱辣辣，口感酥脆彈牙又好味----香辣魷魚 $20魷魚入口彈牙，招牌菜，整得不錯，份量頗多，用上秘製咖哩汁煮成，很香口。----奶茶 +$10奶及紅茶比例剛好，入口好順滑，茶味香濃，甜度適中，非常好飲----阿四車仔麵地址：旺角豉油街108號地下

疫情嚴重，如無必要都不會外出，不過屈在家中太久，都想出外走走，免得身體發福。今天下午，便來到旺角，享受一頓下午茶。招牌麵$58 ，有辣魚蛋、辣魷魚、豬皮、豬大腸、雞翼尖、蘿蔔、滷水蛋、瑞士雞翼和豬紅。推介如下：魚蛋爽口彈牙，咖喱汁味道適中。豬皮吸收了咖喱汁的味道，層次感豐富。豬紅有咬口，味道不錯。蘿蔔味道鮮甜。米粉爽口幼滑，有點像粉絲。三餸麵$38 ，加送每款$9 ，牛腩、牛根丸、炸墨魚卷。炸墨魚卷的腐竹的味道，比較濃郁，更像腐竹卷。牛腩頗為有咬口，不是個人的最佳選擇。值得一題的是，自家製的麻辣辣醬，相當惹味。😋😋😋滷水豬大腸$20，爽口彈牙，和其他的車仔麵有很大分別，不過個人喜歡軟腍一點的口感。西生菜$20，菜心$20。凍鴛鴦跟餐$10，奶茶和咖啡的份量適中，花奶份量偏多，不會過甜。

星期六到了旺角豉油街的阿四車仔麵午餐，入店先要量體溫。枱上有點餐紙可自行點選食物。除了麵食還有大大大碗飯、小食，但我們最終點了自選四餸車仔麵，魚皮餃、辣豬皮、豬紅及豬腸配油麵。豬紅入味好食、魚皮餃香滑、豬皮香辣。我們還點了小食炸燒賣、炸墨魚餅、油菜菜芯。炸燒賣香脆、配甜酸醬好味，炸墨魚餅相當新鮮鮮味，淨食或點湯也好味。菜芯嫩滑配腩汁也不錯。飲品我們點了特飲紅豆冰，不會太甜味道好，而且也多豆。枱上放了美極鮮醬油、菜譜及辣醬，方便食客調味。

已經好耐好耐冇食車仔麵，今日下晝經過呢度嘅時候，見到呢間環境闊落乾乾淨淨有時代感嘅車仔麵店，覺得有啲肚餓，就入去試吓。真係坐得幾舒服，加上下晝舖頭唔係好多客人，喺疫情期間感覺更加良好。叫咗$38嘅三餸一麵，另外加餸就每款$9。我揀咗油麵，配豬紅、瑞士雞翼、蘿蔔、牛腩、雞腎、貢丸、炸魚皮、油菜同麻辣醬，諗住一次過試多啲嘢食😋基本上全部食物都好食，但係有幾樣要重點推介：蘿蔔有三件，每一件都好巨型，雖然咁巨型但煮得非常之腍，又非常之甜，好好食；豬紅好滑好美味，我已經好耐冇食過；瑞士雞翼用甜豉油煮得好香好入味；炸魚皮另外一隻碗上，保持脆卜卜。枱面仲有一甖自家製嘅醃菜脯，非常惹味，同麵一起吃非常可口。

上次食過粉嶺嗰間阿四車仔麵， 經過旺角嘅時候見到有間分店所以即刻入咗去試😲上次喺粉嶺食個麵都食到超飽， 所以今次專登嗌咗米粉，可以留肚去試多啲唔同嘅小食😝今次嗌多咗好多小食， 例如碗仔翅，炸燒賣，同埋吉列蠔🤤當然唔少得嘅就係佢嘅招牌車仔麵啦 😎咩都有啲啱曬成日心大心細，揸唔到主意嘅我😂炸燒賣： 粒粒都外脆內軟，有驚喜👍🏻碗仔翅：一般，正常味道炸蠔：入面嘅應該係幾隻細蠔，粉皮唔會太厚，而且會爆汁，小心熱親嘴😂招牌車仔面： 一次過滿足n個願望 ， 蘿蔔照舊冇渣勁好食😍； 豬紅豬皮都唔錯；豬腸好有口感；魚蛋魷魚正常， 雞翼同雞翼尖有啲稔，但超入味🤤P. S. 記得食嘅時候落埋佢個辣菜脯，可以令到成碗面多咗好多口感，而且仲要好惹味🤭

車仔麵是香港人的老情懷，相信人人都食過！但 參差不齊，有好吃的，有不好吃的！有坐得舒服的，有坐得不舒服的！有貴的，有平的！今次吃過這間在旺角的阿四車仔麵，心感滿意！滿足了我的要求！表示讚嘆。車仔麵包難萬有，選擇多得很！小食叫了炸墨魚卷，香脆不油膩，內層口感爽彈，再加上香辣汁，吃起上黎更添惹味感覺！車仔麵點了蘿蔔，雞腎，雞翼，溏心蛋！賣相一流，非常吸引， 蘿蔔嫩淋非常鮮！ 糖心蛋亦做到 流心效果，好香蛋味！麵底索哂湯底味道！夠哂入味。這裡沙嗲汁醬非常濃郁入味！值得叫呀！仲叫咗樽仔奶茶，奶茶茶底香濃，好飲。坐得又舒服價錢又唔貴，正呀

車仔麵就吃得多，難得找到這一家坐得舒服、而且環境不錯，確實難得！於是今天就和老公一起來試試。招牌麵這款招牌麵可算是包羅萬有呢，有辣魚蛋、辣魷魚、豬皮、豬大腸、雞翼尖、蘿蔔、滷水蛋、瑞士雞翼和豬紅。這麼大碗也只是$58 ，確實非常性價比高！個人最欣賞的是蘿蔔，沒有渣，而且軟稔，吃得痛快！瑞士雞翼很入味、豬紅很爽口，招牌麵確實不錯，滿足我的要求。豬大腸是令我最驚喜的，因為看來店家也用了些心思去處理大腸，令我吃得放心，腸肉飽滿，又入味，確實不錯。所以我們額外再點了一客豬大腸！也只是$20，超值！樽仔奶茶充滿奶茶香，而且甜甜的，確實不錯，難怪網上這麼多人也大讚呢！下次必定會再來，再吃招牌麵和豬大腸！超正❤️

今日lunch平時食開果間車仔面無開，就行遠啲食左呢間。叫左豬紅、辣魷魚同油菜，加左杯紅豆冰。整體都唔錯，係豬紅唔夠入味但都滑既，啲河粉太碎，我係全程用匙更食既最最最有驚喜係個紅豆冰！好好飲！好重淡奶，因為我本身好鍾意食淡奶，所以好岩我口味埋單五十蚊，有埋野飲，都算幾好。