阿四車仔麵 (已結業)

🔸四餸車仔麵淨餸 $38🔸豉油雞髀 $25🔸西生菜 $20🔸紅豆冰 $12-一個人餓餓哋搵嘢食，嚟到附近呢間阿四車仔麵，之前已經去過粉嶺分店，相信都係一樣咁抵食！車仔麵有超多配料選擇，今次食咗超流心嘅溏心蛋、非常厚肉嘅大花菇、鮮甜超入味又無渣嘅白蘿蔔、同埋滷得啱啱好嘅牛腩。因為想試埋豉油雞髀，今次特登叫淨餸，唔要麵底就冇咁飽肚。果然雞髀好大隻，而且好入味，肉質好滑，啖啖肉，抵讚！最後跟餐加多$12飲埋杯椰汁紅豆冰作結，好滿足啊！😊

同媽媽去咗旺角行街，媽媽突然話想食車仔麵，就同左佢去呢間試吓大大隻慢煮豉油雞髀都只係$25🍗！一定要趁熱食3餸1麵 or 淨4餸 $38每款都好足料😍麵類仲有讚岐烏冬揀🍥特別推薦蘿蔔、豬紅、糖心蛋！蘿蔔清甜無渣🤩豬紅滑過豆腐😭👍🏻糖心蛋超入味🥚食落勁重花雕酒香😳滷水腩肉看似肥膩 但食落又唔會好溜🙈仲有罕見嘅綠豆冰！但如果綠豆再煲得林啲就好啦🤓下午茶時間仲有抵食套餐款款都係$38 only！

今日早上在旺角有啲野做，做完野都下午1點左右，同朋友經過呢間車仔檔，見到價錢好平民，決定入去食我哋既午餐，入到鋪頭環境好大，位置都坐得好舒服，見到牌子野食野飲選擇都比較多，見到佢招牌面，有魚蛋，豬皮，豬紅，雞翼，蛋，豬腸，蘿蔔，雞翼尖，好岩我哋樣樣想食既人，小食叫健康，西生菜，炸燒賣好多粒好脆，南瓜薯餅一咬落去南瓜好足，又大塊，雞翼好入味，仲有叫左碗仔翅！ 碗碗仔翅好足料，👍🏻👍🏻 野飲選擇好多，有樽裝麥精，荳奶同可樂，好懷舊！唔係到到地方有！

疫情終於回落返個位數，今日同朋友去旺角行街，跟住順路去食野。呢間阿四車仔麵裝修結合懷舊同現代風格。我地分別叫左2碗車仔麵，一個係蘿白、大腸、墨魚捲加豬皮。試左一舊朋友既蘿白，幾清甜同大塊。我就叫左大腸、墨魚捲、冬菇同墨丸。墨丸好出色，唔會太粉，食得出墨魚味，而且墨魚捲都好味，外面脆口，拍得住南記。另外，我地叫左幾個小食share。生菜同咖喱魷魚同黎當加餸。炸燒賣唔錯，配泰色辣醬好開胃。吉列蠔都足料，一碟有5隻，唔會太厚粉。兩個人埋單每人100都唔洗，下次經過有機會再幫襯。

LingLing 前幾日去左@a4noodle旺角阿四車仔麵，感覺但哋裝修好特別，有時代感，好似回到十几年前屋村嘅懷舊感覺而食物質素都好有風味，小食今次點左豬天腸同炸墨魚餅，而主角車仔麵亦都做得好出色，湯底好好味同個面都好彈牙，車仔麵配埋樽裝維他奶，真係絕配！而家都好想即刻再去食過～（o> u <の）#車仔麵#阿四車仔麵#旺角#維他奶 #樽裝維他奶 #懷舊 #豬大腸 #炸墨魚 #魷魚 #魚蛋 #豬皮#綠豆沙 #麻辣 #炸豬大腸

唔知大家有無鋪車仔麵癮？可惜好多時車仔麵檔都係細舖，坐得好逼，近排係‪旺角見到呢間麵店‬乾淨企理，枱與枱之間幾鬆動就入去一試，質素又唔錯喎，價錢都經濟實惠，仲係良心小店添。四餸麵(基本係三餸一麵，加餸每款$9)：🍽溏心蛋、滷水腩肉、油菜、蘿蔔米線(腩汁+沙嗲醬)🍽牛筋丸、溏心蛋、油菜、冬菇河粉(腩汁)由於我地想試多幾款，叫左幾個小食share所以碗麵都比較齋，抵讚嘅係每個餸都份量好足，而且款款都幾有水準，無將貨就價。煮溏心蛋時間控制得啱啱好，真係半熟狀態；蘿蔔一碗有三大舊，清甜無渣又夠淋，好少食車仔麵食到咁高質嘅蘿蔔，必叫；腩肉厚切，味道唔錯，不過嗰日有少少煮過龍；冬菇用蠔油炆過好入味，牛筋丸都算彈牙。佢地嘅湯底清清地，沙嗲醬小辣幾香花生味，醬另上呢點好貼心。小食：🍽瑞士雞翼/南瓜薯餅/炸豆腐/炸墨魚卷小食方面，瑞士雞翼甜甜地送麵一流；炸墨魚卷塊腐皮夠薄，唔會好油膩，包住彈牙爽甜嘅墨魚膠，食得岀有墨魚粒；炸豆腐就係平時食到嘅味道；南瓜薯餅就最出色，新鮮熱辣炸起，非常香脆，個餡係滿滿嘅南瓜蓉，黎到一定要試。

又黎難得嘅假期，當然要去食好西啦﹗﹗今次黎到九龍嘅市中心，旺角豉油街新寶戲院隔幾個鋪位嘅阿四車仔麵。由於太耐沒食過「那渣麵」，所以一經過見到店面就即刻衝入去試。店鋪形狀呈三角形，幾特別，一眼就認到。雖則鋪頭形狀咁特別，之但是內裹又唔會太擠迫，而且我下午茶時間去就沒咩人，坐得幾舒服。雜果冰 - 跟餐 ($12)因為太熱嘅關係，一坐低就叫左杯雜果冰，雜果雖然應該是用罐頭，不過勝在款式夠多，而且超濃椰奶味，解渴一流﹗招牌麵 ($58)之後就到主菜招牌麵喇， 個麵有超多款經典餸菜，包括魚蛋、魷魚、豬皮、大腸、雞翼尖、雞中翼、滷水蛋同埋蘿蔔，本身仲有豬紅，不過我唔食，餐廳仲可以免費將佢轉雞腎添﹗麵底我就揀左油麵，份量幾多，幾抵食，不過魚蛋魷魚嘅咖哩汁略嫌濃左少少，遮晒本身湯底嘅味。其他餸菜都是經典嘅菜式，唔算太多驚喜，但最正是蘿蔔，大大舊好甜好稔而且完全沒渣，一放入口用條脷比少少力就即刻溶左，超好食﹗﹗菜心 - 腩汁 ($20)我驚食得太多肉類排便唔太暢通，所以通常都會叫多個油菜。呢個菜心就不過不失，唔算太嫩，同埋腩汁比較鹹。日式吉列蠔 ($25)因為太肚餓，所以最後再叫多左個小食，不過呢個吉列

除咗日本食物, 相信車仔麵亦都係港人喜愛之一今日去旺角行下街, 經過阿四車仔麵, 見佢地選擇好多, 除咗車仔麵, 仲有其它小食供選擇, 而且餐廳嘅裝修亦好新穎, 感覺乾淨, 闊落正如剛才提到, 除咗車仔麵, 仲有其他款式, 我地大胃王, 揀咗一個麵兩人分, 再叫下其他小食餐廳除咗食物選擇多, 連飲品都一樣多選擇, 當然一定有汽水, 連懷舊維他奶都有! 亦又有水吧可做奶茶咖啡檸檬茶, 紅豆冰, 雜果賓治亦有, 選擇很廣車仔麵最後叫咗6款餸, 加了沙爹&辣醬, 沙爹醬好惹味, 令到湯底生色不少要推介一下幾款小食, 即叫即做, 春卷同咖哩角, 上碟脆卜卜, 入口熱辣辣南瓜薯餅同樣脆口, 而且南瓜足, 又甜, 外面也不常吃到這個小食小吃大部份20蚊一款, 很超值

喺旺角要搵一間有抵食又坐得舒服嘅地舖唔係咁容易㗎。咁岩行開呢一頭，見到呢一間阿四車仔麵裝修非常不錯，價錢亦都非常公道，就決定入去試吓啦。三餸一麵只需$38 ，你唔想食麵底都得，蒸四餸都係$38～如果大食可以叫大碟飯！去都係$38渣！因為太耐冇食過車仔麵，所以所有餸都好似好吸引咁，最終同女朋友兩個都嗌咗好多款餸同埋小食～面底其實份量唔算多，對我哋來講就啱啱好，但係對於大食嘅朋友，建議就加底啦！等我每樣餸做少少食評先：頭先辣魚蛋用嘅魚蛋係大粒爽口嗰一隻，質素唔錯，但辣味道不足，普普通通啦另外係牛腩，牛腩都幾入味，但質地比較硬身，唔夠肥美♥️豬大腸好有驚喜，好實淨，仲非常入味添，當然就冇騷味啦炸魚皮份量好夠，冇流氣冬菇唔係好夠味，一般般啦♥️腩肉超大舊呀！有兩舊添！味道非常唔錯！小食方面：♥️炸墨魚卷！好正！但建議甜酸醬另外上唐場雞件還好～粉厚咗啲啲♥️雞翼超抵食！$20 五隻勁大隻！飲品方面反而好有驚喜！♥️紅豆冰完全係飲返細個港式紅豆冰嘅味道！♥️凍檸茶茶味好濃👍🏻👍🏻👍🏻總括黎講真係一間舒適抵食嘅車仔麵～推介

好耐冇食車仔麵🍜今日就去左屋企附近呢間「阿四車仔麵」食午餐～除左車仔麵之外，仲有幾款飯類可供選擇。最後叫左兩碗麵同兩杯飲品蘿蔔牛腩貢丸麵牛腩肥瘦適中，肉質香軟～蘿蔔非常軟腍，香甜好吸湯！貢丸充滿香菇氣味，配上幼麵，吸收晒腩汁嘅精華豬紅炸墨魚卷牛筋丸米粉墨魚卷即叫即炸，外皮微微香脆的，頗彈牙且有墨魚香～豬紅好嫩滑鮮甜，微微辣，好惹味！牛筋丸嘅牛味都幾香濃，口感爽彈碗仔素翅其實即係碗仔翅，不過採用素食材料，有冬菇絲、雲耳等等，口感同味道都好豐富熱奶茶熱奶茶嘅茶味可以更香濃凍檸茶酸甜解膩，冰凍又解渴

餐廳主打車仔麵，配料選擇更超過3️⃣0️⃣ 款，仲提供大碗飯同十幾款特色小食。大部份食材由自家工場製作，再送到店舖確保新鮮👍🏼💗瑞士雞翼+雞翼尖+雞腎+流心蛋油麵($47)麵底揀咗油麵，淥得軟硬適中🍜湯底用咗大地魚粉同豬骨熬製，不過味道偏淡🤔所以一定要加辣菜脯，食落爽口酸辣好醒胃。配料方面，瑞士雞翼大小適中，肉質飽滿，再經低溫慢煮，食落皮滑肉嫩，香甜入味🐥；雞翼尖唔會炆到腍哂，仲有得啃下；雞腎厚切有咬口，炆得軟腍唔韌，食落冇氨味；糖水蛋滷得好入味，入口帶濃郁嘅醬油香同淡淡嘅花雕酒味，Q彈嘅蛋白包裏住軟滑甘香嘅蛋黃，可惜冇流心🥚💗辣魚蛋+蘿蔔+仿鮑片+魚皮餃+炸魚皮油麵($56)辣魚蛋用自家製咖喱汁煮，微辣惹味，口感大粒彈牙🍢；蘿蔔有半個拳頭咁大，食落清甜無渣，中心完全唔苦澀🥕；仿鮑片食落煙韌唔會難咬；魚皮餃皮彈餡香，咬落𥚃面有滿滿豬肉餡🥟；炸魚皮似係即食包裝質素，完全唔鬆化香脆💗香辣魷魚($20)玻璃魷魚食落爽口滑溜，有嚼勁得嚟唔會韌🦑以咖哩汁烹煮，可惜完全唔入味，醬汁又唔夠辛香，而且已經涷哂😟💗炸墨魚卷($20)外層香脆嘅炸腐皮包裹住紮實嘅墨魚膠，肉質鮮甜彈牙，而且仲有粒粒墨魚所以特別有口感

車仔麵絕對是香港經典平民美食既代表，靈活多變，自由度大，又多選擇，大家可按自己口味配搭出自己獨特的車仔麵，所以一直都深受港人喜歡。而阿四車仔麵，餐廳裝修簡潔，通爽光猛，而食物價錢便宜，食物的質素也相當不錯！✔️三餸車仔麵 (HK$38) 魚皮餃，蘿蔔，溏心蛋匙羹上的是沙嗲醬，撈入湯底，使車仔麵湯底更加濃郁。➡️蘿蔔煮到夠軟腍，微微帶甜, 沒有渣，非常入味。➡️溏心蛋大大粒，味道甜甜，蛋黃仲有少少流心。特別推介餐廳提供的辣菜甫，放在車仔麵內，十分惹味！✔️四餸車仔麵 (HK$38 + HK$9) 豬腸，辣魚蛋，牛腩，豬皮➡️豬腸香完整又乾淨, 充滿油脂香味。➡️辣魚蛋香香辣辣，大粒又彈牙。➡️豬皮滲入左少少沙嗲香，味道濃郁。➡️牛腩炆得入味，口感軟腍。✔️秘製香辣魷魚 (HK$20)香辣魷魚的醬汁是港式咖喱味，香香辣辣，爽滑彈牙。✔️蠔油西生菜 (HK$20)食左咁多肉類，當然要叫個油菜中和一下。西生菜新鮮爽嫩。✔️綠豆冰 (HK$12 跟餐)炎炎夏日，當然不能缺少一杯冰凍既綠豆冰，既消暑解渴又解膩。

車仔麵的流傳不經意靈活多變，款式品種包羅萬有，特色地道醬汁別具惹味，不論堂食或外賣只取也能輕易散發出滿滿香氣，怪不得傳統悠久的歷史亦沒有減退過經典配料俱備，平民食價呈食划算加餸追加每款九元，以秘製五香味濃湧出入味上癮，軟硬適中彈牙爽口豬大腸/雞腎/墨魚卷軟嫩細滑脆卜卜，口感豐富份量足尤其牛根丸及炸片頭拌勻少量辣菜甫令整頓麵食奏出完美滋味如果以大眾化備選三餸或淨餸或小食也甚有水準，心血來潮走一趟飽足感佳

雖然舖頭係賣車仔麵 但成個感覺同平時既車仔麵店一d都唔同環境乾淨 連上碟都有一個個托盤🤣 可以話係高級車仔麵! 但價錢都好親民😏今次都作出新嘗試 黎食車仔麵但叫左出前一丁🤣不過！d麵煮得好彈牙！果然即食麵煮係有技巧😆每個餸都形容下俾大家聽:- 蘿蔔: 車仔麵常客 一定要叫！ 冇渣又甜 每一舊都好大粒😍 - 溏心蛋: 食落好重酒味 非常有心思浸好耐 少少蛋漿流出黎大滿足🤤- 貢丸: 鐘意冬菇味夠出彈牙重墨魚味正！- 魚腐: 呢個正常發揮~* 湯底本身好夠味不過加埋味粉當然更好味啦但可惜加左既沙嗲醬個味就出唔到 可能唔放落湯點黎食會好d炸唐揚雞塊略嫌有少少厚粉 不過有肉既部份都好滑同有肉汁 唔會乾身！日本吉列蠔炸完都有鮮味 蠔食落都夠肥大配埋甜酸醬都出奇地夾！

這個三角形的鋪位, 以前是晚市有小炒的茶餐廳. 那些年, 未婚之時, 自由之身, 常蒲旺角, 曾光顧這鋪位. 十多年後, 已經很多改變了!  至少平日放學時段, 新法水手裝女生已不復見.  今天帶小米到旺角購物, 然後在附近食午餐.  看到店門的餐牌, 價格超值, 所以我倆就在此午餐.      就座後, 細看餐紙, 大家各自選擇喜歡的配搭!  交單後, 小米就馬上找店內的WIFI來上網.      牛腩蟹柳炸豆腐油麵配咖哩汁   小米要食牛肉, 又要食咖哩, 又想要蟹柳.  原來大碗車仔麵的咖哩汁, 是以一匙呈上.     辣豬皮豬紅蘿蔔炸豆腐幼麵配腩汁    小時候的車仔麵配料, 都是很平凡的食物, 可以用<下欄菜>來形容.  在點餐紙多款配料之中, 都集中在小時候喜歡的下欄菜. 豬皮豬紅蘿蔔是我至愛, 如果有埋豆卜就更好了!  而自小都喜歡幼麵底配腩汁.   就正正是多年來的口味, 成為了我的<車仔麵>味蕾記憶.  所以選擇困難症遇到車仔麵, 反而不會發作的!!   自己專屬的車仔麵來了!!!  附一小匙腩汁.    豬紅   家中從來不出見的食物