阿元來了 (鴻圖道)

營業中

休息中

今天同朋友，去"阿元" 下午茶.竟然今天唔洗等就有位！平時排隊排到出街外，整個店都是台式佈置，坐下叫了阿元魯肉飯,滷味拼盤,鮪魚玉米起司蛋餅,招牌珍珠奶茶及小芋圓奶茶.阿元魯肉飯 $42⭐️⭐️⭐️⭐️同普通魯肉飯最大嘅分別係多左半隻滷水蛋同菜。魯肉嘅份量多，食到最後都仲有，魯肉夠嫩滑，半肥瘦適中，送飯一流。值得推介！滷水拼盤$35⭐️⭐️⭐️雞翼正常、豬腸幾好食、豆腐就好有口感，味道也好、蛋入味鮪魚玉米起司蛋餅$35⭐️⭐️⭐️⭐️皮薄蛋香，包鮪魚玉米美味,超多芝士，食落幾香，d芝士係溶溶地既質地。辣醬都幾辣.招牌珍珠奶茶$24⭐️⭐️⭐️茶味濃,珍珠煙韌.小芋圓奶茶$28⭐️⭐️⭐️芋頭味重,好有咬口值得再試，味道好及價錢正常都係一個好選擇。回味指數⭐️⭐️⭐️⭐️

午飯時間又到了，朋友介紹觀塘一間台灣菜既食店，店舖不易找但一去到已經有人龍排隊。等左差不多半小時，先入到店內，店內裝修幾特別，充滿住濃濃既台灣懷舊夜市風情，令食客有種短暫身處台灣享受美食既感覺。我地二人點左魯肉飯、玉米起司蛋餅以及九份芋圓。 唔洗一陣，魯肉飯已到，超多魯肉係面，而且魯肉肥瘦肉比例適中，食落幼軟又充滿魯汁既香味，拌埋白飯剛剛好。之後到蛋餅熱辣辣送到，薄薄一層蛋餅皮充滿蛋香煙煙韌韌，包住香甜粟米同拉絲既芝士，非常美味。最後就係台灣必食甜品九份芋圓，配料豐富，甜度適中，主角芋圓煙韌彈牙。 整體食物質素唔錯，可以再試其他食物，推介！

真的很難吃 性格比又唔高wo我係叫外賣的 我唔知道堂食份量又幾多 反正外賣少到傻眼…最推係個起司蛋餅 起司味濃 但底下有d不明醬汁？？又唔似用嚟配搭食…得4塊 外賣價錢26其次魯肉飯 份量好少 我諗一碗飯加少少肉味道還可以 外賣價33 最難食個滷水拼盤 睇圖片係薯條+雞腎但送到嚟係黃蘿蔔？+雞腎 而且雞腎好硬好難咬 無咩味道 外賣價錢都要31個茉香珍珠奶茶 就一般般 外賣價25 唔大杯 珍珠唔會好難咬 我叫左半糖 覺得啱啱好…唔會有食第二次的機會了…

先前堂食過阿元後覺得好好味，一直好想再食，但其實地點有點遠，同官塘，牛頭角唔上唔落，最後返娘家到叫外賣魯肉飯: 明明堂食時無咁大碗飯，外賣多飯好多，但唔知係咪外賣因素，D汁無乜，肉質還好。總係覺得唔係我上次堂食既味道芝士蛋餅: 薄薄嘅蛋包住芝士，唔會太漏。亦都好細心辣醬吱左係牛油紙下仙草芋圓: 呢個比較失望。芋圓無乜味，個湯底又唔夠味，紅豆得小小。唯一係好多芋圓明明先前有朋友介紹話阿元d芋圓好味，係咪真係食物質素下降左

今次係第三次黎呢度食啦真心黎到觀塘區想食台灣菜的話只諗到春水堂同阿元。之前幾次都有食阿元魯肉飯，好味之餘唔算貴，不過今次我就無食啦。我集中食小吃！今次點了拼盤、香腸、肉鬆起司蛋餅、芋圓甜品、珍珠酥，同埋一杯珍珠奶茶走冰半糖。珍珠控既我真係咩都想試，珍珠酥啱啱整起熱辣辣，甜甜的不錯。芋圓就依然係好有咬口同大粒既，佢唔係太稔身，所以如果想有湯丸既口感就唔啱吃了。肉鬆起司蛋餅好味，加埋辣醬也好惹味。拼盤的量少了點，豆腐就好有口感，味道也好。香腸無台灣咁好味，但喺香港係食過比較好味既一間！今次因為點了很多小吃，所以也勁飽同貴貴地，不過想試咁多款就無計啦：）整體進食環境舒適，果日係聖誕假期但係都好多情侣去吃個下午茶，傾下計再出發行街也真的好不錯。下次會繼續黎，仲希望可以夜晚去試試啲鍋物🥰

特登黎到食紅豆餅、蛋餅，明明寫6:00關門點知5:40已經要收工😒行左咁遠只好叫兩個小食，點知個柯仔煎完全無味，一d都唔酥唔香！！！椒鹽鮮魷完全凍嘅，味道還可以，但翻炸都懶得，員工都好hea好懶，本身想叫佢哋翻炸，但都費事同佢地講咁多嘢，食完快快趣就算。真係想叫身邊所有人唔好黎食。環境還可以，唔可以講得上好坐，好嘈，不過算乾淨。咁岩見到員工打噴嚏無掩口，又抓腳，幾恐怖😩😩好後悔嚟咗！！！！！

同事request 去試，就行過去啦！雖然多人排隊，但人流都清得算快，等咗十分鐘左右看點餐紙 好多嘢都好想食 我哋兩個叫了 鹽酥雞 肉鬆起司蛋餅 同事食魯肉飯 我叫擔仔麵每人都叫珍珠奶茶鹽酥雞 熱辣辣 超酥脆 好好味肉鬆起司蛋餅 都好食 但我覺得芝士再重味啲 就會更好味擔仔麵就中規中矩 都多料 算被比下去珍奶個茶味我覺得都唔錯 奶茶幼滑一邊食一邊播緊周杰倫 陶喆 王力宏嘅歌 突然覺得好有feel 加埋台灣懷舊裝修當然叫吓咁食 其實都唔平 lunch 嚟講 但好味都算啦

平時好日都唔出黎觀塘，今日有啲事出左黎，搵左呢間比較特別既台式餐廳食飯。搵五頭都暈，前門唔開，要由好隱閉既後門入，差啲以為自己行錯路首先係裝修好靚！！真係好有心機，一面係呢個春風大戲院，另一面既廚房就係好似台灣夜市攤檔仔咁既外型，好特別！menu比較簡單，無我最愛既臭豆腐鴨血，好掛住台灣既味道！因為唔太肚餓，我同朋友只點左兩樣野食share。首先係阿元鹵肉飯，芥蘭唔爽脆，鹵肉夠味，醬汁調味好。不過豆腐唔香，有少少失色。鹵味拼盤比我想飲中細份呢！而且無鴨舌同腎。。。有啲失望。大腸幾好食，處理得好，無異味，其他都正正常常。單睇食物黎講有少少貴啦，但係整體我覺得ok既，因為環境實在好好，好有台灣既感覺。而且雖然當日都算人多，但係叫左野食之後都唔需要等好耐。

可以有命過生日是福氣做人不要吝嗇，將福氣延續台灣野都是我的選擇阿元來了一直多人食，即使排隊都唔緊要每次食台灣野都選擇恐懼症，但最後咪又係蚵仔大腸面線🤣🤣🤣🤣因為真係大愛同唔係周圍有，仲有特別的珍珠奶茶蘇，蒜泥白肉，起司粟米蛋餅老實個白肉就質感實左啲，個味係好食既！ 其他都保持到水準😋😋😋😋

是日去觀塘搵食，星期六中午，不用等位。阿元滷肉飯: 白飯淋到亞媽都唔認得，滷肉冇鹵水味，淨係得死咸豉油味，瘦肉位好柴，完全不是台灣口感。豆腐死咸，冇鹵水味。菜心係亞婆至愛。成碗嘢最正常係嗰片黃瓜。自問都係重口味既人，但我都覺碗飯好咸。珍珠奶茶: 奶茶終於係有台灣味。但D珍珠冇咬口，淋到一patpat，用吸管整左勁耐先整得散。上菜超快，1分鐘都唔洗，但就連搭檯人叫左鹽酥雞都1分鐘內上菜，証明都唔係即炸。本來想試埋紅豆餅，但見佢都冇開機整緊，都廢時買。

一入門口就俾個大陸女人話我地羅，話等左我地好耐羅，當然用普通話我地，講到好似乞食咁，話呢間係台灣都唔信，勁大陸口音，勁無禮貌，相信不會再來多次，除非朋友想食。大家小心啲呢位大陸女人，短鬆，金色眼鏡，勁無禮貌，完。魯肉飯 一般好食，份量岩岩好，好岩細食和想食多啲，試多啲唔同野食既朋友。阿元魯肉飯，都係一般，條菜冷既，減低食慾台灣香腸，唔夠口感，又凍，可能無加熱秘製蒜泥白肉係比出面既不同，咬感都唔同，無彈性，不過有醬汁補救塩酥雞，香口既，幾好食，食落去油不多肉鬆起司蛋餅都算係最好食個個，蛋食落去暖暖既，再加辣椒漿，好野味，而且不太辣，可以岩食不太辣既朋友芋泥蛋黃卷，都幾好，脆口。重點提多次，野食再好食都好，有個咁差既員工，應該改善服務，不是好食就吸引到人，服務都好重要，老闆應該睇下點樣去培訓員工同改良。不過其他員工都有禮貌，希望下次來食有改善。

第二次黎食，今次早來到，不用等位，但今次的食物質素一般了，服務員是講國語的，點菜也要講國語「魯肉飯」還可以「鹽酥雞」香脆而不油膩，好味😋「豆腐皮蛋」還可以「蚵仔煎」麵粉太多，蚵仔極少

短髮圓眼鏡的女侍應成個湯盈盈look我哋等緊位已經黑口黑面態度十分惡劣秒覺入錯大陸餐廳食嘢 唔係台灣人餐廳用餐時間45分鐘已經話夠鐘交檯走時候冇人等位阿元加價後服務惡劣，唔會再幫襯

以前都食過好幾次,lunchtime高峰期前入坐輪候時間唔算耐,除左份量偏少價錢偏貴之外食物水準都保持到,3個人叫左3個主食+4個小食+3杯飲品埋單接近$300先食飽不過最嬲既系服務態度!首先上菜時有手指插入食物既情況,不過工作人員有戴手套(我當佢手套系乾淨)同廚房確實將湯盛得太滿,呢點都情有可原另一點就系熱飲杯蓋沒有蓋好導致倒瀉落我手同大腿!!手被燙紅左少少,好彩唔系岩岩放上枱就飲,否則一定會嚴重燙傷!同店員反映之後完全無任何後續處理,只系同負責拎飲品既侍應講:喂,你無蓋好呀!然後幾個店員細細聲討論左幾句就算,真系超無奈,連拎紙巾俾我抹下或睇下有無受傷都無!

今天跟朋友來了這家台灣菜魯肉飯，肥肉吃下去一點也不膩，沒想到有一大塊豆腐干，仲有幾條菜心，出乎意料之外台南裸條，沒想到裏面有蝦有丸，面上還有肉碎鹽酥雞，趁熱食好味，而且不是包了很多粉點了一杯珍珠奶茶，感覺茶味濃一點，沒有出面台式飲料那個奶精口感，我喜歡服務員都用國語落枱，製造咗一個似係台灣食飯的氣氛，唔知係唔係台灣人呢整體上呢間餐廳幾唔錯，價格便宜，而且都算足量，氣氛又好好，不過搵的時候，難搵咗少少，原來要走後門