阿元來了 (鴻圖道)

營業中

休息中

午飯時間又到了，朋友介紹觀塘一間台灣菜既食店，店舖不易找但一去到已經有人龍排隊。等左差不多半小時，先入到店內，店內裝修幾特別，充滿住濃濃既台灣懷舊夜市風情，令食客有種短暫身處台灣享受美食既感覺。我地二人點左魯肉飯、玉米起司蛋餅以及九份芋圓。 唔洗一陣，魯肉飯已到，超多魯肉係面，而且魯肉肥瘦肉比例適中，食落幼軟又充滿魯汁既香味，拌埋白飯剛剛好。之後到蛋餅熱辣辣送到，薄薄一層蛋餅皮充滿蛋香煙煙韌韌，包住香甜粟米同拉絲既芝士，非常美味。最後就係台灣必食甜品九份芋圓，配料豐富，甜度適中，主角芋圓煙韌彈牙。 整體食物質素唔錯，可以再試其他食物，推介！