阿來泰式地道風味

營業中

休息中

對比起旺角其他泰式餐廳，呢間非常之抵食，食物份量OK多，價錢又唔算太貴。可惜環境一般般啦，一般餐廳嘅格局，枱與枱之間嘅距離有少少迫，如果追求餐廳環境嘅人可能就要諗一諗。不過如果唔介意環境的話，食物同價錢的性價比相當唔錯。

好耐冇去旺角食呢間泰國菜，性價比超高而且味道保持到水準，過往都係同朋友食晚飯，估唔到佢地嘅午餐仲抵食，以後晏晝係旺角食lunch又多一個選擇喇🤩🔸泰式炒金邊粉 $55炒金邊粉夠鑊氣，口感彈牙煙韌，蝦肉爽甜，加埋酸甜嘅醬汁調味，非常惹味有水準🤤🔶香辣肉碎煎蛋伴白飯 $55食泰國菜每次都一定會食，煎蛋燶邊好香口，肉碎味道較濃，送飯就真係好適合，而且份量多價錢親民！午餐仲可以升級唔同小食，飲食均衡當然要食菜啦，蒜茸炒通菜+$25 夠哂脆嫩惹味😋再飲返杯龍眼冰同三色冰，呢個lunch勁滿足👍🏻

收工行過通菜街，比「阿來泰式地道風味」飄出嘅烤椰香吸引住。舖仔細細但廚房傳嚟叮叮噹噹嘅炒鑊聲，老闆兩夫婦係泰國華僑，堅持每日手作醬料，一試就知係樸實嘅好味道。 **🍳泰式牛肉乾炒河粉** 河粉炒得乾爽有鑊氣，牛肉片嫩滑唔韌。最欣賞佢哋自調嘅甜豉油，鹹甜平衡仲帶少少焦香，撈埋花生碎同青檸絲，簡單但好食。 **🍤泰式炸蝦餅 (六件)** 新鮮炸起金黃酥脆，咬落唔會滿口油。蝦肉打得夠彈牙，仲食到細細粒蝦肉口感，點少許酸辣醬更醒胃。一客六件份量足，分享最開心。 **🥭芒果糯米飯 (純白糯米)** 白糯米煮得煙韌有米香，溫熱嘅椰漿帶淡淡鹹味平衡甜度。芒果熟得啱啱好，甜而無渣。鍾意傳統風味嘅會欣賞呢種實在做法。 **🥥原個椰青 + 西米糕 (六件)** ‧ 椰青水清甜解膩，刮出嚟嘅椰肉嫩滑 ‧ 西米糕用斑蘭葉包住，椰汁層香滑微甜，西米粒粒分明。一客六件擺得靚靚，飯後食好滿足

📍阿來泰式地道風味（旺角）不太起眼的泰國料理有兩層 座位都算多唔洗等好耐位～～好適合一班朋友聚會share食多幾碟🤤🤤🔸冬陰功鱸魚：湯底好飲🤣最後係魚同冬陰功都食晒～🔸木瓜沙律：有少少辣，但keep住想食，幾fresh🔸肉碎蛋炒飯：有鍋氣，惹味，不錯🔸豬頸肉：醬汁係重點🤫豬頸肉都juicy係以前聚會嘅感覺，平平地，一班人叫幾個餸，嘻嘻哈哈又一餐～#香港美食 #泰國菜 #旺角美食 #hkfood

今日經過旺角，試左「阿來泰式地道風味」雖沒華麗的佈置，但勝在食物質素高午餐時間下店員快手快脚，下層已滿座，即刻安排我們到上層安排坐位。我們點了一個午餐和另加小食泰式炸魚餅外脆內彈牙，香茅同檸檬葉香氣突出，蘸埋甜辣醬更開胃！泰式炒金邊粉鑊氣十足，金邊粉炒得乾身唔油膩，配料有蝦仁、豆腐乾同蛋絲，酸甜比例啱啱好，擠啲青檸汁更加提鮮。椰青，清甜冰涼，飲完仲可以刮埋椰肉食，完美解膩。整體味道正宗，價錢合理，會再encore！

🍽️泰式火山排骨 $118排骨連住筋膜，肉質軟諗，肉味香濃，而且酸辣嘅泰式醬汁好入味🤤另外，佢嘅份量都幾多，總共有7條長排骨，兩三個人share都好夠👍🏻🍽️泰式鐵板蠔仔蛋 $90蠔仔蛋好滑嫩，熟度啱啱好，而且食落每啖都有蠔仔，非常足料🥰本身蠔仔同蛋都好香，配埋特製醬汁就更加滋味😋🍽️青咖喱雞 $80🥖蒜茸包(4塊) $39青咖喱有好香嘅椰子味，有幾多雞件同茄子粒，好入味🥰另外，佢味道偏辣，叫埋蒜蓉包點住食就啱啱好😋🍹龍眼冰 $25🍹椰汁三色冰 $25服務費✅味道😋 8.2/10性價比💰 8.3/10環境🔎 7.4/10服務🫶🏻 7.0/10打卡指數📸 7.4/10٩(˃̶͈̀௰˂̶͈́)و 推薦指數🥰 7.8/10

成日經過旺角呢間泰菜都排緊隊，好耐冇嚟食啦，今次就寫一寫食後感啦🤣泰式木瓜絲沙律🥗$78清爽開胃！木瓜同青瓜絲脆口，配上酸辣汁超惹味，混着花生碎和蝦，微辣帶甜，好友泰國街頭小攤嘅感覺🤣🐷🐔串燒沙嗲半打（豬肉，雞肉各半）$88豬肉少少柴柴地，雞肉juicy，炭烤味香，配濃郁花生沙嗲醬，超級邪惡滿足，好快清盤😆黃咖喱(牛)🐮$80黃咖喱濃郁香滑，牛肉燉得軟腍～入邊有洋蔥蕃茄薯仔粒～椰奶香氣撲鼻，辣度啱啱好，啱我呢啲冇咁食得辣嘅人，一定要另外加薄餅！薄餅（4件）$39薄餅皮脆內軟，熱辣辣，配上咖喱，食完一塊又一塊😋泰式炒金邊粉$70金邊粉炒得彈牙，蛋香撲鼻，配上蝦和芽菜，醬汁酸辣平衡，酸酸甜甜辣辣，炒得夠鑊氣，而且特別鍾意好多花生碎😋青檸梳打🍋‍🟩$25好清新，冰涼解渴，夏天飲一杯，chill椰青$38椰青清甜，可以解一解食完辣嘢既膩🤪果然屹立到咁多年都有原因嘅，店舖唔算大，所以可能要稍為等一等位，但係嘢食算係正宗得來有鑊氣而且價錢又平🥹而家香港地，呢個價錢可以有呢個質素值得一個讚👍🏻

📍 位置便利餐廳就在先達廣場正對面，地鐵站步行3分鐘即達，招牌顯眼容易找到。泰式裝潢有氣氛，上菜快，服務周到！6時半到達已坐滿食客。平日來都要預先book位穩陣！🥘 四人套餐冬陰功湯 - 酸辣開胃，椰奶香濃，湯裡有5隻大頭蝦，蝦肉新鮮彈牙，香茅和檸檬葉的香氣很突出。泰式炸蝦餅 - 外皮金黃酥脆，內裡蝦肉扎實，能吃到明顯的蝦粒口感，蘸甜辣醬更美味。明爐烏頭魚 - 魚肉細嫩，酸辣湯底越煮越濃，配上香蔥和芹菜提鮮，魚皮膠質豐富。鐵板蠔仔蛋 - 邊緣焦香，蠔仔飽滿爆漿，蛋香混合魚露的鹹鮮，厚度十足像蛋糕一樣。飛天通菜 - 蝦醬炒得夠鑊氣，通菜爽脆入味，微辣非常下飯。追加: 泰皇咖喱炒大蝦 - 大蝦絕對是當晚亮點！每隻蝦都比手掌還大，開背處理得乾淨俐落，蝦殼炸得酥脆卻不油膩。咬下去的瞬間，蝦肉緊實彈牙，鮮甜多汁，完全沒有冰鮮蝦的粉感。微辣帶甜搭配的薄餅有韌性，蘸咖喱一流；蒜蓉包烤得金黃酥脆，蒜香濃郁。

💕阿來泰式地道風味💕今日同老公出旺角行街諗諗吓想食泰國菜上網搵到呢間推介咁當然試吓啦入去已經坐滿咗好多人睇餐牌價錢仲好抵食叫咗四款野食 碟碟都好有份量食得好滿足 二人飽住走 埋單先$378 今時今日已經好平星期二食飯時段都坐爆9成位相當熱鬧 高質店鋪😍#########################💙泰式無骨鳳爪💙$78酸甜辣開胃好惹味仲要超多隻 起碼單邊都有10幾20隻 鳳爪爽口好食夠凍仲好夠味道 推薦😋💙馬拉盞炒椰菜苗💙$68份量足夠 馬拉盞超夠味椰菜苗完全爽口完全清哂😂💙泰式乾炒牛肉河粉💙$69系泰國已經好鐘意食依種闊身河粉香港好難遇到 依到竟然有口感彈牙QQ感好鐘意食配上鮮牛肉 重味 炒得乾身好食 滿足😌💙泰式脆蝦薄餅💙$78蝦餅就食得多 依種未試過出奇地好食 薄脆雲吞皮有一層彈牙蝦肉 好好配搭香脆可口 仲不10件甘多必食推薦👍另外仲叫咗兩杯特飲每款$25咸檸七 椰汁三色冰******************************整體野食都超級滿意好美 份量每碟都好大碟味道都十分好食 會再回頭💪🏻

呢間餐廳環境乾淨企理，有上下兩層，位置好坐，入面一入到去就聽到泰國地道歌曲，我地叫左一份豬頸肉，豬頸肉份量好大碟，食物即叫即整，豬頸肉香口，彈牙煙韌。青咖哩雞肉飯，飯量可以選擇多或者少，青咖哩唔係好辣，少少甜，咖哩混入飯度食好開胃。凍奶茶飲落唔會太sweet。凍菜蜜健康好飲。海南雞飯，油飯岩岩好唔會好肥，雞肉嫩滑，沾上特制醬汁食好岩味。價錢好平抵食。阿來泰式地道風味旺角：地址: 旺角通菜街97號地舖

行經旺角，見到間泰國餐廳都幾多人食，就同老公試吓，間餐廳叫阿來泰國餐廳。入面環境乾淨企理，牆上貼左唔少餐廳食物既相，諗唔到食咩都可以參考吓。我哋叫咗一個二人餐，都幾多嘢食。冬陰功湯冬陰功湯好足料，入面有幾隻大蝦，充滿鮮味。泰式炸蝦餅佢嘅泰式蝦餅好大塊，新鮮炸起，好脆好彈牙。青咖喱雞好大兜青咖喱雞，青咖喱味道幾好，用嚟撈飯好好味。炒通菜通菜炒得好青綠，有少少紅椒去炒好香，少少辣好惹味。套餐仲包白飯同飲品，好足夠兩人嘅份量，好抵食。

估唔到呢間泰菜咁旺場！一推門已經坐滿人，好彩樓上別有洞天～裝修簡單但充滿泰國大排檔風情，仲聞到陣陣香茅同咖喱香，即刻餓晒！ ✨**馬拉盞炒通菜** 鑊氣十足！通菜炒得翠綠爽脆，馬拉盞鹹香帶微辣（老細話今日喉嚨痛，唔敢叫辣，結果都偷偷食咗半碟😂）。份量仲要多過其他店，抵讚！ 🍱**小食拼盤** 選擇困難症必點！一次過試齊**魚餅（彈牙！）、蝦餅（爆蝦肉！）、炸雞翼（皮脆肉爆汁！）**，仲有脆到「索索聲」嘅春卷～熱辣辣上枱，每款兩件啱啱好share！ 🍢**沙嗲串燒（豬雞牛）** 泰菜靈魂！大大串、炭火香、超誘人～豬肉最驚艷，嫩滑仲有椰奶香！沙嗲醬花生味濃，忍唔住舔竹籤🤤 🥗**MVP大蝦柚子沙律** 今日冠軍！蝦爽甜又彈牙，柚子肉爆汁又清甜，仲有炸椰絲同咸蝦醬提味～酸辣汁醒胃到未食完就想encore！ 🍹**飲品** - 泰式奶茶：阿姐落單時再三確認「真係要甜啲？」🤭😜果然係茶濃奶滑，飲完成個人泰晒～ - 椰汁三色冰：紅綠白……三色非常打卡able**！椰香唔假甜，三色絲細細條好彈牙，口感玩足全場！ 💬見到隔離枱個**火山排骨**誇張到要雙手捧住食，下次一定要試！

行開旺角，見呢到抵食又大份，所以快快入座。叫咗個小食，泰式炸蝦餅，外層酥脆，內裏蝦肉彈牙，搭配特調的甜辣醬，酸甜辣三重滋味層層遞進。好鍾意主菜個泰式乾炒牛河，牛切成薄片配芥蘭，鑊氣十足，河粉柔韌彈牙，羅勒葉的香氣穿透油潤感。豬頸肉炒芥蘭，經泰式香料醃制後煎至焦香，油脂在高溫下逼出琥珀色光澤。搭配脆嫩的芥蘭段快炒，魚露與蠔油調和的醬汁裹住食材，芥蘭的清苦與豬肉的豐腴形成絕妙平衡。點少得甜品芒果糯米飯，當季芒果好甜，蒸熟的泰國香糯米飯拌入椰漿，撒上烤香的綠豆碎，甜而不膩，充滿熱帶風情。非常之解渴嘅椰青，清甜，用勺刮取內壁半透明的椰肉，如啫喱般滑嫩，嚼起來帶著植物纖維的微脆，椰香在齒間縈繞不散。

🌟🍴 【 旺角• 阿來泰式地道風味】 🍴🌟 📍 阿來泰式地道風味 (旺角)旺角通菜街97號地舖🍖🥟🍟🥚🍰🍲🍇 • 🥪🍓🍤🍪🍜🍡🍹 🍗 海南雞：雞肉嫩滑，皮爽口，配上蒜蓉辣醬和黃薑飯，香氣撲鼻，味道超正！⭐⭐⭐⭐🦪 泰皇咖喱炒蜆：蜆肉鮮甜，咖喱醬濃郁微辣，椰香四溢，超開胃！份量足，適合share。🌶️⭐⭐⭐⭐🥬 炒飛天通菜：通菜爽脆，蒜香爆棚，簡單卻惹味，健康又好吃！🥗⭐⭐⭐⭐🍚 油飯：飯粒油亮，香氣十足，配海南雞絕搭！不過略油，建議淺嚐。⭐⭐⭐🥤 泰式奶茶：濃郁奶香，甜度適中，冰涼解渴，泰式風味滿分！🧊⭐⭐⭐⭐🍈 凍柚子蜜：清新酸甜，柚子香氣爆棚，完美ending！🍋⭐⭐⭐⭐ 🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 380✨🥢🍣🍕🍜🍴🍰✨ #旺角美食 #web3旺角 #阿來泰式地道風味

呢間地道泰國菜餐廳，真係唔可以錯過🙌我之前都食過幾次👍佢哋嘅午市套餐極抵食，免加一，50幾蚊就可以食到飽，套餐入面有多款選擇，性價比超高😽豬手飯豬手肉質軟嫩，搭配上香濃嘅醬汁，非常入味👍另外餐廳仲配搭咗一個清新嘅酸汁，淋上豬手上面，食落減少咗豬手嘅油膩感，超好味😽青咖喱雞飯亦係一個必試嘅選擇，青咖喱嘅香氣撲鼻而來，雞肉煮得剛好，配上白飯，味道絕對一流🙌煎魚餅外脆內嫩，魚肉鮮甜，搭配上特製醬汁，口感非常好，不過份量就比較少，但兩個人食都啱啱好😸蒜蓉雞翼係餐廳非常一個受歡迎嘅小食，蒜香味十足，雞翼肉質鮮嫩惹味，令人食到停唔到落🤤蒜蓉炒通菜通菜鮮嫩脆口，充滿鑊氣，加上蒜香味令整道菜更加提味，好開胃🤤白雲鳳爪沙律鳳爪軟滑爽口搭配上清爽唱啦沙律醬汁，味道清新開胃🤤椰青跟餐加$22，清涼解渴，完美結束一餐🤭🤭我哋仲加咗$16有兩件椰汁西米糕，超推薦！食午市記得加👍📍 阿來泰式地道風味 (旺角)旺角通菜街97號地舖