閨•家 (西九龍中心) (已結業)

(非打手😠真金白銀去食)今日黎開依頭做野，一早問定啲朋友有咩推介，鍾意飲湯嘅我最後揀咗依到。12點幾，入邊已經差唔多滿座，一位好快就入得。餐牌入邊有好多選擇，最後揀咗蓮藕餅豬扒飯(人氣推介)。星期一例湯係紅蘿蔔豬展。一共$50。湯好快就嚟咗先，份量比較少，但係好夠味，好飲。見到其他日子會有蟲草花、椰子等，好吸引！等咗一陣，個飯都嚟咗，豬扒好大塊，不過唔算厚身，味道唔算太鹹，帶啲甜味。個蓮藕餅超正，好爽脆，中間有好多蓮藕。不過略嫌有d太油。整體性價比好高，值得一試。

陪同事去九龍牌照事務處辦理續牌手續，因為冇預約，排隊排左勁耐，攪掂晒就行過隔離西九龍中心搵嘢食，同事帶我去閨.家食飯，餐廳主打手工麵及豬扒飯，憑著家常菜味道，深受食客歡迎，餐廳地方不算大，裝修簡潔。咖喱豬扒飯，豬扒唔落鬆肉粉,用特別既醃肉方式製作，每片都用人手打鬆，豬扒口感更加鬆軟入味。咖哩汁好濃郁，有椰子香味，配料有薯仔和紅蘿蔔。咖喱雞翼飯，雞翼大大隻，醃得夠味，煎香後加入咖喱汁，肉質嫩滑好惹味！鐵板雞翼炒烏冬，烏冬炒得好夠鑊氣，醬汁也調得好好味，口感彈牙，金黃色的雞翼皮脆肉嫩。凡惠顧飯類就有湯送，每天不同款，標明無味精，足料老火湯清甜好飲 。凍鴛鴦，凍飲加7蚊，熱飲加5蚊，實在好抵飲，重要全日冇加一，抵讚！

閨家（深水埗）很久沒有逛過深水埗的西九龍中心。之前經常去哪裡吃飯，由平又抵食。今天來到西九龍中心逛逛街，剛好有東西要買。突然發現原本吃擔擔麵喝餃子的餐廳消失了，取而代之，則是一家網上評價挺高的餐廳-閨家。聽說他們的湯很好喝，菜式都很有家的味道。喜歡中湯的我當然要嘗試一下☺️鐵板雞翼炒烏冬 $42份量很足。吃炒烏冬最怕就是太油，但整個很好，完全不會太油，也不會太濕不會太乾，醬料味道剛剛好。雞翼煎得很好，外脆外軟。這個真的是有驚喜，真的是比較健康。手剁香煎蓮藕餅配手工紫薯麵 $42餐廳出名手工麵，他們還有不同類型，例如：紫薯，甘筍，菠菜。我選擇了紫薯。說真的，我不能太吃得出紫薯的味道。但顏色就很不錯。份量也很多，絕對會夠飽。湯底方面很鮮甜，鹹度剛剛好，會想把湯喝光。蓮藕餅也是十分推薦，煎得很好，但如果少油就完美了。口感很好，蓮藕軟硬度剛剛好朱古力脆脆西多士 $32朱古力脆脆應該就是阿華田碎，份量不少。西多士也很好吃，是厚切版本，中間有花生醬，炸到黃金香脆，蛋味十足。煉奶香甜可口，很好吃。招牌流心豬扒包 $32整個豬扒飽很大個，很足料。原來流心是指流心蛋，我還以為豬扒中間有芝士流心。豬扒看到有

💛手剁鹹魚煎肉餅飯 $48😋😋😋😋肉餅係直接撈左咸魚入去先煎，岩曬我呢d中意食魚但又怕骨既人😝入口有驚喜，味道同口咸都👍🏻 配左d酸菜唔夠咸又唔夠酸，無乜味🤔💛手拍青瓜 $28😋😋😋😋首先，呢個價錢呢個份量已經冇得輸👍🏻比我想像中冇咁辣，同唔夠酸🤔唔係平時食開嘅拍青瓜但配上面既蒜泥食又好OK喎😋💛麻辣口水雞飯 $45😋😋😋😋初頭都有d擔心凍既口水雞配飯會又凍又熱會怪怪的，但原來個口水雞係熱既😳啲雞好嫩亦好入味😙 但就有啲過油全部比油浸住咁，同埋如果可以酸d就好喇😌💛五指毛桃淮山煲雞 (跟餐送)😋😋😋😋湯怪的我比💯💛菜心配蠔油 (跟餐+$12)😋😋😋😋菜菜子點可以唔食菜呢😌 跟餐只係加$12又大大碟，扺👍🏻💛檸蜜雖然呢間小店坐得迫d，但服務員態度一啲都唔似平時茶記粗魯員工，都幾有禮貌😊好可惜當日我都7點去到已經有幾樣野賣晒😞 下次一定要試到涼拌海蜇手撕雞同埋豬手新竹米粉🧐

平日經過都大排長龍，今次時間稍夜，終於有機會試試。長期出街食飯，想要健康又經濟，閨家正合我要求，食物不含味精又送老火湯，家的味道！一心試試蓮藕餅但太夜賣晒， 唯有下次再試。最後點了咖喱豬扒飯。咖喱撰了中辣，可惜椰香被辣蓋過。咖喱汁送飯， 不經不覺把飯清光！豬扒先煎香再加入咖哩煮。肉質軟林，值得一讚是豬扒細心切成小片方便進食。另一主角閨家靚湯 - 海底椰栗子煲豬展湯。湯清甜，剛好清清咖喱的濃味。唯一挑剔， 原來座位空間不多防疫問題加了間板，令座位更窄。

星期五晚，是歸家吃飯的好日子，但這天不想家人辛苦煮飯，於是和他們到位於深水埗西九龍中心的閨家開餐。正值繁忙時間，需於外邊排隊一會兒，才可入座。一邊等，一邊看看餐牌。家人點了一客真•手撕雞飯配沙薑汁。雞肉肉質鮮嫩可口，配上味道濃淡得宜的沙薑汁，感覺更加開胃，上面加入辣椒，更加醒神。飯餐配小盅老火湯，星期一至日每日供應不同款式，當日供應的是五指毛桃淮山煲雞，用料十足，味道清甜滋潤，就是有家的感覺。另加$12有一碟油菜，當天只餘菜心，為這個飯餐加添纖維元素。我的是手剁香煎蓮藕餅配紫薯麵。麵食的選擇非常有趣，除了紫薯麵，還有甘筍麵和菠菜麵，都是坊間罕見的選項。紫薯麵和手剁香煎蓮藕餅都有一個共同點，就是很有嚼勁，紫薯麵略為硬身，手剁香煎蓮藕餅不是剁得很碎，咬起來能夠吃到片片蓮藕的滋味，這是我喜歡的口感。

朋友家聚會每人都要帶食物，去西九龍中心睇吓買咩好，Pizza、壽司有人買咗，見到閨家，於是決定買些靚湯小食。是日靚湯係山藥南北杏合掌瓜煲豬展，湯水清潤滋味，果然係無味精，飲完唔會喉嚨乾涸。麻辣雞腎爽爽哋，味道麻香微辣，唔會太辣。涼拌海蜇爽口有彈性，手撕雞不是很幼的絲絲，啖啖肉口感很實在，醬汁也與眾不同。平時少煲湯，行過買個湯返去飲都唔錯，連埋外賣盒都係$29，唔駛自己搞又可以日日唔同款

閨家就是近在西九龍中心內，很有家庭餐廳的味道。店舖不算很大，但有著點點家庭飯店的氣氛。食品大多以套餐為主，分別以飯類和麵類。我和家人都不想要飯，因此都選了麵餐。選麵原有三款菠菜麵、甘筍麵和紫薯麵，但可惜菠菜麵已售完，只可選甘筍麵或紫薯麵，因此家人選了閨家特製的甘筍麵配以韭菜豬肉餃作伴餐。而我選了鐵板豬扒炒烏冬作為晚餐，加上是日大老火湯作為二人的餐湯。一會後全部食物都到了，韭菜豬肉餃甘筍麵大大碗的。清澈的湯底蓋上了份量十足的甘筍麵，色香味也很到位，韭菜豬肉餃有三隻具份量的藏於湯中，一看便感覺滿足。鐵板豬扒炒烏冬亦有驚喜，一到餐桌便被那大大片豬扒吸引了我們的眼球。豬扒軟硬適中，炒烏冬亦不過不失，份量足夠大胃口的朋友。至於是日老火湯是五指毛桃准山煲雞，味道濃郁，火侯十足。而且大盅的份量足夠二人享用，大家有興趣品嚐家庭湯水的話，便要點來滿足一番。

是日去咗深水埗西九龍中心行街，睇下有咩得意嘅新電子產品（如果有讀者對投影機有心德請求大大分享）🚶‍♂️行到西九中心三樓，有間小店門口貼著咗張好有正能量嘅貼圖係門口，一下子俾佢吸引，至於張貼圖嘅內容係乜，就等各位讀者自己去發掘了解下啦～🥩香煎蓮藕餅豬扒飯：蓮藕餅真材實料，咬開明顯有蓮藕粒塊，肉餅有蓮藕香之餘，更加加強咗整體口感。豬扒份量都幾大塊，咬落幾鬆軟，加上甜豉油以及伴碟嘅蔥油及醃鹹菜，超級送飯。🍗花雕醉雞飯：花雕酒味特濃，不嗜酒的朋友可能未必食到；相反，酒鬼應該幾鍾意。雞件每塊都好厚肉。🥣老火湯：除餐附送一細盅老火湯，每日嘅湯品都唔一樣。小編今日試嘅係蟲草花百合無花果煲豬展，好鮮味，驚喜係飲完一啲都唔口渴，後尾先發現原來係標榜無味精！🐤香茅雞翼：一份有三隻，香茅味並不是特別突出，外皮一般，但勝在內裏雞肉嫩滑。🥬油菜菜心：好鮮甜！處理得好乾淨！一啲菜渣都冇。而且超級細心，可以要求豉油及蠔油另上。但其實唔使點任何嘢都已經好味！💓💗加分位：店員（一位戴眼鏡的男士）熱情有禮，會主動推介熱門菜式，每樣菜式上枱時， 亦都主動作出介紹，讚！冇味精餐廳，大讚（因為小編每次食完有味精嘅嘢就會肚屙） ☺️

〰️手剁香煎蓮藕餅飯 $49兩塊厚到爆嘅蓮藕肉餅，兩面煎到金黃焦香！食落去食到好多蓮藕粒，同肉嘅比例剛剛好，的而且確真材實料！仲有啲醃製咗嘅小菜送飯😎〰️慢煮豬軟骨飯 $49一開蓋個時哇出聲。。。咁多豬軟骨，仲多過飯咁樣$49 咁鬼多，勁抵！豬軟骨好入味，入口帶點化得嚟，絕對唔油膩 〰️麻辣雞腎 $29一樣份量好多，麻辣好惹味，愈食愈停唔到〰️涼拌海蜇手撕雞 $39麻醬味香，手撕雞無雞皮！（啱晒唔食雞皮嘅我）〰️老火湯 $0餐廳日日有唔同嘅老火湯😎所有嘢都係標榜無味精！星期五係五指毛桃淮山煲雞湯，入口清甜，又滋潤！（好飲到覺得唔夠喉）咁多嘢都係$166，抵到

-{黃店💛深水埗港式茶記🍛}今次去咗西九龍中心 本來想食海南雞但冇曬🥲黎左食依間杜生都有介紹過嘅茶記☺️🤤香煎蓮藕餅豬扒飯🤤 ($48)塊豬扒薄左啲 勝在煎得幾香脆😚另外蓮藕餅食得出好爽脆😆夾雜啲肥豬肉好香口😜甜豉油撈飯幾正~整體個飯都唔錯😙👖褲評: 7.5/10個老火湯好足料😇店員嘅服務都好好 茶記黎講質素好好😎經過嘅話可以試下🤓性價比: 8.3/10服務: 8/10環境: 7.5/10🚩 閨•家 🚩地址: 深水埗欽州街37號西九龍中心3樓319號舖北角蜆殻街6-16號寶榮大廈地下F號舖屯門河傍街148號美基樓地下A號舖

做完運動4點半，唔湯唔水，打算high個tea，點知食埋個dinner先返去。🥢沙嗲牛肉包🥢 $30牛肉夠滑，沙嗲味濃郁，麵包鬆脆柔軟，不過選用左甜麵包同香濃惹味既沙嗲唔係太夾。🥢手剁鹹魚煎肉餅飯🥢 $48鹹魚煎肉餅比招牌豬扒仲要出色，鹹魚夠鹹香美味，清爽就算無醬汁佐飯都唔會口寡單薄。🥢柱候牛筋腩飯🥢 $52牛腩大件得黎又鬆化入味，醬汁唔算好濃但甘香，蘿蔔雖然清甜，但係皮刨得唔夠深，有少少甘澀同埋有渣。是日老火湯

🔸蘋果紅蘿蔔沙參咸排骨見字飲湯，講既係無加味精，用時間心機煲出來既湯。每一日都有不同湯款，今日係飲完的確唔會有口渴既感覺，味道清甜，係食材既味道！隨餐就有得送，好抵飲。🔸招牌豬排蓮藕餅飯可以一次過試晒兩款人氣挑招牌菜式，豬排大大塊而且好軟淋，肉質唔會硬實實，加上醬汁味道好送飯。蓮藕餅係人手打出來的，比較鬆軟，中間有蓮藕粒，一樣大大塊，無偷工減料。蒽油和咸菜好有驚喜，味道唔會死鹹，用來送飯一流。🔸涼拌海蜇手撕雞食落冰涼涼，雞肉嫩滑，海蜇爽口，配埋芝麻醬好開胃。🔸麻辣雞腎份量超級多，雞腎夠爽，但麻辣唔夠，可能自己食得比較辣。整體價錢好經濟實惠，一個飯餐$50左右已經有老火送，非常抵食！最重要係質素唔差。

又去閨家買外賣，因為煮唔切，又想飲湯，食下住家飯。星期日的湯：雪梨蜜冬百合煲豬展：嘩！好甜呀！又可以潤下喉嚨，其實好滋潤，講得課堂多真係攰。🤩🤩🤩鰻魚炒飯：今次外賣返屋企，都算保存得好。炒飯粒粒分明，唔會一舊舊，而且醬汁將飯炒得入味，飯煮得軟熟，好好味。慢煮豬軟骨:仍然保持水準，汁多味濃，豬軟骨好淋好滑，入口即溶，但真係好好味。咖哩豬扒：咖哩豬扒，咖哩汁味道香濃，撈飯一流。豬扒塔惹味又嫩滑，口感好好。

如標題喇 我一枝公入去食 我明白叫我坐兩人枱係無問題 但間餐廳2/3都冇人係都要我逼係角落頭坐 隔離仲有兩個姨姨坐二人枱然後個姨姨都同我抱怨話唔明點解冇得坐開啲然後個妹妹就過嚟黎講嗰邊冷氣乜乜乜Er... 講野都唔清晰 聽唔到佢up乜但佢態度就認真麻麻地啲嘢幾好食都坐得唔舒服😶多_謝曬豬扒飯... 刀都唔俾把我 另一個服務生男人係咁望住我唔知做乜野之後嗰兩個姨姨走咗冇耐有兩個人入嚟食佢哋兩個就可以自己揀位...究竟歧視緊我一支公 定係怕我女人仔好蝦成餐飯食得好嬲豬 我會再食嘅不過唔係呢一間深水埗好唔得囉...