閨•家 (西九龍中心) (已結業)

閨•家 (西九龍中心)餐廳本身係屯門有分店, 新分店開咗去西九龍中心, 平日lunch time 1230左右已經排緊隊. 見到門口有訪門, 主打健康冇味精, 午市套餐都會送一個老火湯. 老火湯每日既款式都唔同既,我地係星期三食, 呢日送既湯係 海底椰栗子煲豬展, 未飲已經聞到好香椰子味, 飲落好清甜.香煎蓮藕餅豬扒飯 $50見到比較多人都介紹佢地既豬扒, 之前試過普通香煎豬扒飯, 有成兩大塊既豬扒. 今次試香煎蓮藕餅豬扒飯係有一塊豬扒一塊蓮藕餅. 豬扒好淋又唔會好鞋, 而個汁會帶有少少甜味, 豬扒都幾大塊, 而個蓮藕餅都唔錯, 真係食到好多既蓮藕粒係入邊, 食完成個飯真係會飽足一日. 呢個價錢咁大份, 仲有冇味精湯送, 真係好抵食.人均: $50以下📍深水埗欽州街37號西九龍中心3樓319號舖#港式 #粉麵 #米線 #茶餐廳 #冰室 #豬扒飯 #老火湯

喺西九行街行到攰，見到依間私房菜主打冇味精，又有老火湯飲，於是就入咗去試吓。整體餐廳唔算大，粉紅色嘅外牆加上幾幅香港嘅畫像，非常之有心思。老火湯每日都有唔同款，如果係飯餐都有送一碗細嘅老火湯，唔夠喉可以$28加一碗。今日星期五嘅係「五指毛桃淮山煲雞」，非常足料而且不含味精，就好似媽媽煲嘅一樣咁好飲！主菜叫咗一個梅子金沙骨飯同埋鐵板豬扒炒出前一丁，另外再加左一份招牌嘅手撕雞，我哋八點去到已經係最後一份，非常之搶手！金沙骨非常之軟淋，加上酸酸嘅梅子汁，非常開胃。而豬扒都好大塊，配上熱辣辣嘅炒出前一丁，食到舔舔脷。手撕雞都非常之出色，海蜇夠爽口，手撕雞就好滑，而且兩者都同芝麻醬好夾。

‹v^v^v^• 開心食 •^v^v^v›Halo~第二次見面，😝大家好今日帶大家深入——深水埗去食嘢啦!!!推薦程度：3.5/5🥩「香煎蓮藕餅豬扒飯」$50店員推薦，之後上網搵翻見到原來係招牌菜。份量超級多，賣相吸引之餘，豬扒厚實得嚟又好鬆軟。平時唔係點食蓮藕，今次食都okla，同豬扒一樣幾鬆軟。加分位係送飯嘅蔥油，十分nice推薦程度：3/5🍗「花雕醉雞飯」$48Hapi食咗啖，估唔到竟然超級重酒味。對我嚟講就好似直接飲酒精搓手液（🤪唔好問我點解知係咩味）因為唔係太接受到咁重酒味，最後同朋友交換食😖如果平時有無飲開酒習慣嘅朋友，就可以試其他嘢呢～推廣程度：4.5/5🦴「蟲草花百合無花果煲豬展」跟餐係跟翻當日星期幾嘅湯款，每一日都唔同!!!🥳意外地好飲，同平時屋企煲嘅靚湯水感覺差唔多。而且標榜冇味精，值得一試🥤「凍檸蜜、凍阿華田」$7@1Hapi鍾意重甜同濃啲，所以對我嚟講有少少淡整體而言：店員態度熱情友善，見我哋揀唔到食咩會主動介紹，服務速度都快。由地鐵站行過去都唔算遠，位於商場入面，食完都可以行下嘅。🔘推薦程度🔘⭐️⭐️⭐️是次地址：📍深水埗欽州街37號西九龍中心3樓319可以經南昌站

星期日晚行完西九龍見閨家好好生意決定試下，排左近十五分鐘先有得入座，應該口碑不錯吧！主打無味精老火湯，今日係雪梨紅蘿蔔瘦肉湯。飲開湯嘅我一試就試岀果然真係無味精，足料好味，一碗其實唔夠我飲 😅咖哩豬扒飯~ 小辣 $50想講個豬扒好好食，難怪附近幾枱都係叫咖哩！咬落軟身無骨，咖哩唔係巴基斯坦嗰啲而係香濃幼滑，又唔算好甜，好好送飯。棒棒糖滷鴨飯 $52甜甜地又無骨，鴨肉嫩滑唔韌，好岩女仔斯文食最後仲叫左滷得入味嘅小食~ 滷水鳳爪 $30

之前食過北角分店都無為意到原來員工既衫後面有#見字飲湯 呢四個大字😂今次又係為咗佢哋嘅老火湯而嚟😌食麵關係唔會有湯跟埋，都寧願額外叫一個大湯飲😋🌟蘋果紅蘿蔔沙參煲咸排骨 $28🌟好清甜嘅蘋果香味，加埋紅蘿蔔一齊煲係甜上加甜，連湯渣都好比力😂但太多嘢食了，要先投降🙈如果唔係可以連湯渣都清埋🤣🤣🌟花雕醉雞甘荀麵 $45🌟原本想食豬手的，可惜已經售罄😢傷心💔唯有轉食醉雞，但有少少失望，味道有點偏苦澀，應該係浸得太耐了，如果鐘意酒味重既會好鐘意🙈🌟手剁香煎蓮藕餅紫薯麵 $45🌟蓮藕餅爽脆而不油膩，特色手工麵有三款，紫薯麵、甘荀麵、菠菜麵，都係標榜無防腐劑的，自家調較麵粉比例，比起一般粉麵健康得多👍🏻

媽媽喜歡食麵，所以帶了她去食抵食的麵食。平時我自己都很喜歡飲湯，但街邊的湯水多數有味精，飲完之後又口乾，今次這個標榜零味精的蘋果紅蘿蔔沙參煲咸排骨，入口清甜，有淡淡的蔬果天然甜味，而且紅蘿蔔等都煲至很腍，所有精華都落了湯裏面。滷水豆腐豆腐新鮮熱辣，滷得不會過咸。慢煮豬軟骨配甘筍麵甘筍麵是用了雞湯底，鮮甜肉香，淡啖甘筍香味，麵質比較腍但不糊口，豬軟骨更炆至軟骨起膠，輕輕一夾已經剪開，入口溶化。花雕醉雞紫薯麵雞肉吸收了酒香，每啖都有酒香滲口，但又不會過濃，雞肉嫩滑又不多脂肪，雞皮有點爽彈。紫薯麵味道不及甘筍味突出。兩個人埋單都是百多元，食物質素不俗，而且抵食，最主要是健康。

粉紅色既少女心裝潢，傳統既茶餐廳菜式，閨·家係主打無味精燉湯既茶餐廳～呢日下午茶時段黎到，下午茶套餐由30蚊起，並包括飲品，價格比較相宜☺🌟 燉湯(盅) $28本身點飯餐會送一盅細燉湯的，今次就單點左一盅大既，份量係可以2-3人飲都OK😆當日燉湯係五雪梨蜜冬百合煲豬展😚一入已經好鮮甜🤗好滋潤既感覺～🌟 沙嗲牛肉包 $30沙嗲牛肉包大大個☺中間塞滿左沙嗲牛肉，啲牛肉口感軟腍，調味亦適中，唔會過鹹~重點係個包亦細心咁烘過，食落暖笠笠外脆內軟熟，好難唔好味的~🤣🌟 手剁香煎蓮藕餅配手工紫薯麵 $42呢度兩大名物分別係香煎蓮藕餅同豬扒😋今次就兩款都點哂🤗蓮藕餅果然好味吖😃好厚身好有口感，中間仲會食到少少蓮藕粒既爽脆。即叫即製既手工麵分別有甘筍、菠菜同紫薯口味選擇，顏色靚得黎亦標榜無落防腐劑同添加劑～手工麵口感會比較細滑呢🌟 鐵板豬扒炒出前一丁 $40炒出前一丁都幾惹味，炒得乾身；招牌豬扒大大塊，肉質軟腍入味～果然同蓮藕餅一樣，都係必食的～

這間位於西九龍中心的閨家，主打無味精湯水及麵食，全部都是住家菜，無飯家庭一定要幫襯。蘋果紅蘿蔔沙參煲咸排骨跟飯餐送的細湯，一點也不小，蘋果煲至半溶，湯清且甜，十分滋潤，最主要是零味精，飲完都不會有口渴感。麻辣口水雞飯口水雞辣度適中，適合大眾口味，雞件嫩滑，帶點麻辣香，十分惹味。豬扒配紫薯麵紫薯麵份量十足，一碟等於平時的碗半份量，女士食就過多，招牌豬扒煎至表面焦香，肉質嫩腍，無添加鬆肉粉，有肉質口感。香煎豬頸肉豬頸肉份量十足，燒至表面帶脆，比較爽口，配上酸甜汁更可減輕油膩感。

陪阿妹去長沙灣運輸署續牌, 臨走時突然大雨滂沱, 唯有行過去西九龍中心shopping, 順便食埋飯, 之前同媽味食過中心內嘅閨.家咖喱飯好好食, 一於今晚帶丫妹去試下!餐廳地方唔大, 整潔雅緻, 店員招呼客人都好有禮貌。每款飯餐都送細盅老火湯, 每日不同款, 標明用料足夠火喉, 果然味道清甜, 冇加味精, 原來醫護人員+學生仲可以免費享用。【秘製咖喱魚柳飯】HK$48用咗七種唔同嘅咖喱粉自家配製而成醬汁, 每啖都充滿椰香味, 有無辣、小辣、中辣、勁辣選擇, 魚柳炸得外脆內嫩, 沾滿咖喱汁好惹味！【咖喱雞翼飯】HK$48雞翼先煎香後加咖喱汁, 肉質鮮嫩入味, 與咖喱醬汁撈飯食, 啖啖都回味無窮！【鐵板雞翼炒烏冬】HK$48烏冬炒得夠穫氣又彈牙, 調味鹹淡適中, 雞翼煎得香脆。加咗$7追加凍鴛鴦, 夠濃味!

難得今日返屋企同屋企人食飯，梗係要買啲好食嘅餸菜返嚟啦，咁我今日就經過深水埗，所以就嚟咗呢一間之前食過好好食嘅餐廳因為阿爸好鍾意食嗰啲豬軟骨所以呢就過咗嚟買呢個煮完個飯啊另外都我想試佢個豬手不過咁啱今日賣晒，所以呢就叫咗另外一個都係好出名嘅馬蹄肉餅飯同埋另一個咖喱雞飯啦，我返到屋企都係一個鐘但係仲係熱辣辣幾好食㗎喎，同埋每一個飯都會送一個老火湯，仲要係冇味精唔會食完之後覺得好乾，真係好正，始終佢最好食嘅都係慢慢整嘅豬軟骨，每一次都會食到入口即溶非常送飯呀超級好食，下次再嚟食嘅時候都要嗌返超級推介😍🤩

人氣西九港式茶餐廳！平日午飯時間餐廳外面大排長龍，又有唔少外賣單，呢度出名無味精嘅例湯，趁落雨少啲人排隊，所以想試下。手剁香煎蓮藕餅飯$48- 我平時好鍾意食蓮藕餅嘅口感，呢度肥肉同蓮藕嘅比例大概九一至八二左右，如果蓮藕比例上增加多啲就好。健康而言，蓮藕餅煎得油膩，冇蔬菜配襯，營養唔太均衡，食落較單調。下次幫襯可能會試吓其他菜式。鍾意食煎肉餅嘅朋友可以試試。雙蛋豬扒飯$45- 個人覺得太陽蛋煎得好吸引，蛋黃脹卜卜，流心蛋黃送飯一流！豬扒同蓮藕餅差唔多都係油膩左啲，醃得幾入味。香煎蓮藕餅豬扒飯$50- 中意食肉嘅朋友要試試，一定滿足你啖啖肉嘅要求！青欖青蘿蔔杏汁煲豬展- 老實講，呢個例湯俾唔到我好大驚喜，我同朋友都認為煲得太濃味，如果加翻少少水淡味少少會更好，足料嘅！下一次會想試星期二嘅蟲草花湯。

閨家餐廳標榜冇味精，未到下午已經有長長人龍，主打自家製面同燉盅湯，性價比高👍🏻每日有唔同湯品，今日係雪梨蜜冬百合煲豬展，睇得出餐廳煲咗好多個鐘頭因為豬展同雪梨已經煲到溶晒，湯頭濃郁真係似自家屋企煲，$28真係抵到喊肉餅菠菜麵肉餅入面小編已經食唔出係蘿蔔定馬蹄，口感爽脆。菠菜麵份量超多，二人都夠食 ，而且味道唔錯。必食超邪惡朱古力脆脆西多用上厚多士中間配花生醬加上美錄粉，識食一定係配煉奶👍🏻👍🏻必食小食海蜇手撕雞滿滿芝麻醬配爽口海蜇呢個組合點都會好食👍🏻雞應該係雞髀位置肉質嫩口唔柴

今晚罷煮,就喺附近買外賣啦☺️聽聞閨家 香茅豬扒雞翼飯好出名,就一於揀你啦西九龍中心3樓好方便,地方就腳,外賣大概十分鐘左右當然要點香茅雞翼豬扒飯啦,會送埋冇火無味精靚湯豬扒超級大塊．香茅味好重,半煎炸形式非常香口．豬扒入口好香,仲有少少骨位．呢啲部位最嫩滑👍👍老火湯好甜冇味精，飲完唔會口渴，青紅蘿蔔都食埋呀😁😁棒棒滷鴨飯，名字很台灣，味道就中台合璧，好香口。鴨肉好嫩，而且份量超多呢.好有驚喜！🤩要多個小食雞翼，仲有少少雪菜絲，十分唔錯！價錢合理，繼續支持小店！

搬出嚟住之後唔係成日有機會飲到媽媽嘅叫湯水，之前都會去買啲湯包返屋企飲，不過如果有食店可以食埋飯我一定會衝去食～一路聽聞良心店閨家嘅湯水好正，今晚放工就去左食晚飯，叫左每枱必點嘅招牌豬扒飯，呢個係香茅豬扒，食落甜甜地，豬扒好腍，伴碟嘅有香蔥油同埋梅菜，加埋白飯有較製過嘅豉油，唔覺意會食多咗！梅子金沙骨以為係好熱氣嘅菜式，嚟到時見係炆煮過嘅排骨，肉有咬口，但唔會黐哂牙咁，醬汁甜甜地，易送飯，同行友人表示煮得好食過佢娘親煮果個⋯我嚟呢度最主要係因為碗湯，湯水款式日日唔同，我去嘅果日係海底椰栗子煲豬展唔係味精湯，係好媽媽味嘅湯料，湯料好足，湯水好清甜！我真係好滿意～小食叫左手拍青瓜同埋滷水豆腐，兩樣水準都幾好！食完飯飲埋湯基本上好飽，尤其豬扒飯居然有兩大塊豬扒，份量真係好足，兩個人再叫兩個小食真係多左少少⋯無時間煲湯嘅上班族得閒真係要嚟飲碗湯💛

今次係第二次黎，態度依然冇變過都係一樣差，上一次黎仲要係開門時間同我講唔入得因為未預好貨如果要食嘢要等半個鐘之後先可以叫，我嘅心態唸住新開試下有幾無味精所以等，咁我都覺得一間餐廳好搞笑唔喺應該開門之前預好唒貨夠鐘比客人入咩，第一次嚟影好晒相諗住放上嚟，但我先生話新開未夠經驗比一次機會人哋，我就冇放到，上一次要食咩冇乜嘢，仲好記得飯係唔熟嘅，湯又少，嘢食又唔熱。今次湯有燶燶哋嘅味，飯依然都係凍同咁難食（小朋友都話難食），檸檬茶係苦，服務態度依然都係咁差，今次我喺門口講兩位就即刻問我係咪要寫紙仔，話小朋友冇安心出行都要，咁我就寫紙，我自己掃安心出行，個QR code仲要鬼死咁低，但係佢態度都唔係好好，仲要我入嚟仲要同佢d同事講番件事，兩次嚟全部都顧住傾偈舉手都冇人理，今次唔係為小朋友方便都唔想黎。我喺以後一定唔會再嚟，間鋪得獎都係買返嚟🤣大家唔好俾佢名呃咗！