閨•家 (西九龍中心) (已結業)

之前喺炮台山都食過閨家知道佢哋平靚正原來西九龍中心都有分店，做完嘢趕住返屋企食飯休息，咁就叫埋外賣先返去😌😌分店餐牌好似都係一樣希望佢哋之後係多啲地區開分店啦，咁就可以成日都食到住家飯😁😁屋企人點名話一定要蓮藕餅蓮藕餅保持一貫水準，夠足料，真係咬到粒粒蓮藕，夠晒爽。同埋蓮藕餅飯，會配有薑蔥同埋雪菜(?)🤔🤔 白飯上面仲有啲甜豉油添，咁樣食落個飯就唔會覺得好寡。 第一次食佢哋嘅豬軟骨煮到好入味，而且真係有好多骨膠原軟骨位，好正🔥🔥🔥令到晚餐錦上添花，梗係唔少得呢個涼拌海蜇手撕雞。芝麻醬絕對唔吝嗇，雞肉又夠多，夠滑，啖啖肉，夠晒享受每個飯都跟一個湯，清甜美味～即刻滋潤晒～

西九龍中心係兒時最愛既商場！！今日舊地重遊， 除咗去咗冒險樂園之外~仲發現咗呢間標榜冇味精餐廳 • 閨家 homie •香茅雞翼 + 招牌豬扒每款都可以配薯條🍟/沙律🥗 鍾意食煎炸野嘅我哋梗係要食薯條啦🍟薯條炸到脆卜卜、 點埋茄汁真係Perfect match~而煎豬扒同雞翼兩樣都係必試架😋😋好香口好脆啊👅👅 好好味🤤朱古力脆脆西多 西多士係下午茶熱門之選！既邪惡又美味👅👅加埋朱古力脆脆真係不得了~ 將邪惡嘅感覺再升級啊😍😍招牌流心豬扒包而個係招牌菜啊👅👅望住好似有點點乾，但是食起來完全唔會🤤🤤仲可以講係非常好食！！豬扒醃到味道啱啱好~ 加埋生菜同醬汁 ~好味好味😋四個下午茶配埋四杯野飲🧃 夠晒滿足！！

呢間小店唔使多介紹，係同路人都會知賣點係家常便飯、媽媽老火湯蓮藕豬扒飯豬扒用梨子汁醃過夜所以特別鬆化配上蔥油同咸菜飯都食多啲梅子金沙骨飯梅子汁酸甜得宜，顏色非普通茶記食嗰啲好深色好濃烈醋味嘅，而係似媽媽平時煮嘅好家庭味道，金沙骨煮得好鬆化另加油菜都只係$12而且份量不少每個餐都會送例湯，款式每日不同，標榜無味精，今日係蘋果紅蘿蔔沙參煲咸排骨，飲咗第一啖已為之驚喜但又係一種熟悉嘅口味，就是媽媽用愛同關懷煲出嚟嘅老火湯，一點不誇張，唔嚟試過真係好難想像$50一個餐送例湯仲要唔落味精🤔全香港邊度仲有咁平嘅一間用心做嘅良心店💛一定要多多懲罰今次本來想試逐條毛用人手拔出嚟嘅豬手，但店員話是日無供應，下次一定會再嚟試

又嚟依到食午飯，因為天氣熱，無味精湯真係可以清清熱氣，又無咁燥。手撕雞飯+青紅蘿蔔湯手斯雞的味唔會太鹹，撈埋d 飯食，好開胃。再飲埋個無味精湯，好甜好潤，清清熱。鹵水糖心蛋：嘩！入味得嚟個黃都係糖心，好好味😋。點埋雞翼小食，好好味。佢哋係好juice 又滑，當然好入味又唔鹹。值得叫。原本一碟有3隻，快到忍唔住食左一隻啦。再另加一塊豬扒：大塊得嚟唔嚡口，撈飯一流。蓮藕餅波菜麵：麵質不硬不漲，湯底味淡，健康。蓮藕餅好厚好大，好有口感，好似食極仲有。最後，分別加左$7飲凍朱古力、凍奶茶，大杯，解解喝。

一場嚟到西九龍 呢度有好多嘢食 目不暇給開到三樓見到有一檔好鬼多人 大排長龍一睇就知好味 鋪面主打無 味精 家的味道。要齊人先入座 我哋兩位入座就叫咗兩個客飯套餐 。首先我叫咗手撕雞吃飯套餐 配上是日 老 火例湯手撕雞配上沙薑汁分外惹味， 手撕雞蛋蛋肉 把骨去咗 嫩滑的手撕雞 配上沙薑汁分外醒胃。 沙薑汁用嚟撈飯都好好味。之後就輪到花雕醉雞 ， 花雕醉雞係冷盤上。凍食的 花雕醉雞雞肉大大件 雞肉口感嫩滑， 配上花雕酒 分外惹味。之後就叫咗碟 油菜 油菜用上生菜 配上蠔油 油菜青草田原味濃郁 新鮮好味

今日同媽咪去深水步買野, 點知突然落雨, 身上又冇遮, 唯有衝去西九龍中心行下避雨, 順便搵間餐廳食埋lunch。經過呢間餐廳, 媽咪話之前係呢間買過外賣我食, 就係我之前讚過d咖哩好食果間。今日一場黎到, 正好入去堂食!不過今日間餐廳運輸出左小意外, 食物材料遲左運送, 導致今日唔少缺貨問題出現。原本11點開門做生意, 結果要delay至12:30先可落單, 但都要大讚果度嘅員工, 處理整個場面都很有禮, 多番道歉, 場內亦沒一個人鼓噪。點餐後, 食物都黎得好快,【涼拌海蜇手撕雞】HK$38手撕雞不是預期嘅一梳梳雞肉, 肉質札實, 有唔少筋連帶, 很有咬口; 海蜇好爽, 不過份量很少。加左芝麻醬撈埋食。很喜歡呢度嘅咖哩, 椰香味重。可自選大中小辣。餐廳會加入辣油控制辣度。【咖哩牛腩飯】HK$50牛腩好林, 牛味濃郁, 不過今次揀左中辣, 辣得把咖喱椰香味覆蓋, 下次都係揀返小辣。【咖哩豬扒飯】HK$50豬扒煎過, 鎖住肉汁, 呢款揀左小辣, 食到甜甜地嘅椰香。套餐所跟嘅餐湯每日不同款, 款款都係不加味精嘅老火湯, 味道清甜。套餐跟熱飲加$5, 凍飲加$7不過所沖調嘅野飲都偏淡

之前見報導介紹呢間無味精小店，週未下午茶時段試試佢😋估吾到仲咁多人！裝飾少女心，侍應又後生🤪好抵食既下午茶餐單，種類又多，仲有防疫湯水～雖然係下午茶餐，個份量絕對吾欺場！.菠菜麵配手剁香煎蓮藕餅($42)，麵質煙靭，上湯食得出無味精，蓮藕餅外面煎得香口，咬落口感綿糯‼️男友叫嗰個鐵板雞翼炒出前一丁($42)應該有兩個一丁份量，好足豉油味，雞翼香脆😋再叫多個小食招牌豬扒($18)香茅味濃，一啲都吾老，正！再飲埋杯凍檸茶，大滿足！

餐廳：閨•家 (深水埗)地址：深水埗欽州街37號西九龍中心3樓319號舖去黃店緊係要豪食啦😎，適逢五一黃金週緊係要大大力咁消費食黃店💛，出開深水埗去咗西九龍中心3樓嘅閨家食lunch，下晝2點左右嚟到都有十零個人排隊等位，不過無計，排黃店都明白同值得嘅😘，見字飲湯喇喂！對上一次係北角分店試咗佢地嘅麵，今次一於試吓招牌飯先🍚香煎蓮藕餅豬扒飯 $50呢個飯喺人氣推介😚，$50有塊香茅豬扒同蓮藕餅，算係咁啦；我尤其鍾意呢個蓮藕餅，雖然有少少油🤏，但蓮藕餅唔會食到一粒粒，打得幾均勻，仲好有蓮藕香，煎又唔會煎過龍太熱氣，撈埋自家製雪菜同蔥蓉一齊食真係一流🤤呢個飯仲配埋一盅細老火湯，今日嘅湯喺蘋果紅蘿蔔沙參煲咸排骨，飲落咸香甘甜，蘋果香都幾出🍎，仲有幾舊煲到好腍嘅紅蘿蔔🥕，啱晒我😛加$6要咗半隻溏心日本蛋🥚，同埋加$12要埋個菜心，熱飲就要加$5，緊係唔可以少得飲返杯咖啡啦☕️

閨家，在西九頗有名的一家標明不使用味精的港式茶餐廳，因為在晚上七點已經滿座要排隊了。見字飲湯，證明這裡的其中一個賣點就是湯吧，我和友人當然不會錯過。它的裝修簡單整潔，是想給大家一個家的概念。每日都有不同湯供應，喜歡的話可以每日都光顧去試完所有老火湯。點菜時除了跟餐的一碗，我還額外加了一盅這天的雪梨蜜冬百合煲豬展。淺啡色的湯充滿著清新的雪梨酸甜味道和肉的甜味，感覺清潤，湯料也煲得軟身。幸好有加一盅，否則不夠喝。柱候牛筋腩是頗搶手的一道小菜，我下單時聽到只剩下兩碗。牛筋、腩和蘿蔔都是粗粗的厚切。牛腩的顏色很深，醬汁的味道吸好吸滿，味道濃郁，肉質香軟。大大條的牛筋也煮得柔軟，十分滑溜好咬。我配了紫薯麵，用上湯奉上。紫色的幼麵很美，有淡淡香味，麵質爽口彈牙，有驚喜。香煎蓮藕餅豬扒飯的賣相吸引，看得出來份量十足，餸比白飯多。它還配有鹹菜和蔥油，兩款撈飯吃很香口。豬扒有我手掌般大，煎得酥香且軟身，一咬下去，香茅味道就散發出來，相當惹味，有驚喜。蓮藕餅的表面煎得香脆，是真的用蓮藕碎粒壓成的，有爽口中帶軟的口感。加個蠔油生菜，爽脆、清甜又新鮮。無味精，但是菜式的味道濃厚。這個價錢，真的很抵食！

今日去了深水埗行街！行到晚飯時間！我們去了西九龍找了一間飯家常菜的餐廳！"閨家"粉紅的的招牌，好溫馨！我們點了咖哩牛腩飯香煎蓮藕餅甘荀麵香煎蓮藕餅豬扒飯～住家湯咖哩牛腩飯～住家湯雪梨豬展咖哩汁好香，香料味好足！牛腩肉質淋滑！飯鬆軟甘香！香煎蓮藕餅豬扒飯香煎蓮藕餅，爽口的蓮藕，味道剛好！豬扒肉質鬆軟，肉好入味！香煎蓮藕餅甘荀麵香煎蓮藕餅，爽口的蓮藕，味道剛好！甘荀麵是手工麵！好爽口彈牙！👍🏻湯好好飲！#見意大家早d 去食！湯好快賣曬！

最近有朋友介紹，有間正嘅家常小菜餐廳，於是今日就特登走去試吓。呢間閨家雖然舖頭細細，但感覺幾舒服，裝修以白色同淺粉紅色為主，再加上牆上嘅壁畫感覺幾親民！❤️我哋叫咗三樣嘢，最後埋單都係$151，抵到爛😍😍😍香煎蓮藕餅豬扒飯 $50雖然豬扒薄，但估唔到剪得好香脆同入味！而蓮藕餅肉質鬆軟，又有啲馬蹄增加口感，豐富左蓮藕餅嘅口感！好食！😋慢煮豬軟骨飯 $48豬軟骨真係好‘林’，又好入味！😍😍完全有驚喜！而且豬軟骨有四大舊，量都幾多！☺️☺️而且個汁甜甜地好好味！手撕雞飯配沙薑汁 $48本身想叫手撕雞小食，但賣哂，反而手撕雞飯就有，咁當然要試吓啦！雞肉幾嫩滑，如果去埋啲筋會更好！啲雞肉亦夠鹹香，可以唔使點沙薑汁添！❤️另外要讚下嘅就係佢嘅自家製湯（因為我哋係星期一去，所以飲青欖青蘿蔔杏汁煲豬展），飲落去真係完全唔覺有味精，真係好似阿媽屋企煲嘅湯咁好足料！真係好想再去試吓去其他既湯呀！

為馳名豬扒同手剁蓮藕餅而慕名前來平日下午2:XXpm，都要排隊****而且要人齊先入得我叫了手剁香煎蓮藕餅+菠菜麵($45)以為麵份量少，但其實夾起，都幾多女仔會飽同埋爽口彈牙，就算我食得慢到最後都沒有一pat pat湯是鹽味水，沒特別手剁香煎蓮藕餅好真材實料，大大塊，起碼1cm厚蓮藕食得出粒粒，間中咬到幾粒爽口嘅口感不錯而且煎得夠香大件夾抵食>>>>>>>>>不過呢度嘅用餐體驗就非常一般座位比較迫夾，理解的店內有不少長者幫襯，相信是因為食物質素，而不是因為理念因為很多長者問店員: 點解將「安心出行」貼咁低店員回應：「我哋貼高又比人投訴；依家貼得低又比人投訴」同客人發霉氣咁(唔係我，只係目擊)同埋店員間零溝通有食客因為沒有隔板而轉檯但負責轉檯的店員沒有知會其他同事以至不斷將食物送錯檯簡單溝通都做唔到疫情下，又沒有執檯專員都算有個店員不斷啐啐唸工作態度散漫食物好，但用餐心情大受影響

家的味,對好多人來講,已經失去了但呢度仲可以飲到足料靚湯媽媽煲既味道飯餐跟一碗湯,讓你食得飽足滿足先來一客柱侯牛筋腩飯再來一碟招牌豬扒雞翼飯每一日一款湯,今日係雪梨湯,清甜解渴滋潤生津開胃飯餐加多隻半熟蛋,佢既蛋滷得入味又濃郁牛腩汁濃而不油膩,香料味濃重牛腩大件鬆化肉質帶點彈性汁不重味拌飯一流攤開見到3-4件大腩肉,唔會煮到碎曬個種仍然保持完整一件肉,蘿蔔超入味變軟身經過人手打鬆肉扒,秘方醃肉,食來帶淡淡甜味邊位骨好尖,先咬開骨邊再食最安全軟綿甘甜鬆軟,大大塊,加埋2隻炸雞翼份量充足,味覺滿足小吃來客拍青瓜,香但不辣,紅油味香色淡呢個辣度bb班都岩食,夏天做前菜一流深水埗欽州街37號西九龍中心3樓319號舖Shop 319, 3/F, Dragon Centre, 37 Yen Chow Street, Sham Shui Po

唔想煮嘅時候，可以喺呢度買啲家常小菜返屋企。呢度嘅食物選擇都多，而且價錢好合理，份量亦都唔少。晚上買一個飯，仲送一個湯 係冇味精嘅湯！今晚要咗一個蓮藕餅豬扒飯，蓮藕餅好厚好大件，不過蓮藕嘅份量唔係好多，口感唔係好爽脆。煎豬扒好味，肉質夠淋，味道唔錯，送飯一流！侍應推介家鄉炆豬手飯，豬手嘅份量都唔少！豬手應該煮咗好耐，又淋又入味，好好食；連花生都好食，不要錯過。送兩碗老火湯，飲完即刻滋潤左！仲要咗三個炸饅頭當飯後甜品拎到返屋企嘅時候都熱辣辣㗎！

之前係網上見到幾多人好評已經心思思想食,趁住今個星期得閒d終於有時間夾到同朋友食.店內以少女粉色為主帶出一種溫馨感.香茅雞翼豬扒飯招牌豬扒醃得夠香口入味,充滿濃郁豉油香,豉油香甜又唔會過鹹膩.雖然豬扒唔算十分厚身但入口仍帶點嚼勁,唔會無晒肉既口感.雞翼同樣入味,雞肉嫩滑多汁,配上甜豉油飯絕配.手剁香煎蓮藕餅飯蓮藕餅除左啖啖肉之外，仲咬到粒粒爽脆既.蓮藕.外層煎得香口金黃,外脆內爽.肉餅加上蓮藕入口唔會過膩,相對清爽.飯旁配上醃菜及薑蓉送飯更正.溏心蛋外層蛋白以甜醬油浸過,內裏蛋黃呈鮮豔既橙黃色.溏心蛋煮得啱啱好,唔會過熟.濃郁稠密既蛋黃充滿蛋香.老火湯青紅蘿蔔豬骨湯好鮮甜,飲完唔會覺得渴喉,真材實料.