閨•家 (西九龍中心) (已結業)

有日行過西九龍，見到有間標榜無味精的茶餐廳，舖頭唔算大，裝修以粉紅色，還有一邊牆畫了深水埗的街景，都幾有心思。打開餐牌，價錢都幾抵，飯餐跟湯大約$50，下午茶價錢就同坊間差不多，平均大約$3X吧。招牌豬排飯兩塊豬排配飯加上少許蒽油和咸菜，味道不錯。豬排係薄個種，入口鬆軟。而且擺盤都不錯，估唔到這個價錢的茶記都咁有質素。據聞豬排醃料也是用天然食材，糖/鬆肉粉等都無落~   朱古力脆脆西多超級大份亦超級邪惡!!! 四大塊方磚狀的西多擺得好靚。西多已淋上少許煉奶，牛油放了在碟邊可自由加上。味道方面，脆脆令西多多了一種味道層次，甜度亦洽到好處。涼伴海蜇手撕雞手撕雞撈滿麻醬，唔會太咸，加上少少芝麻，增添香味。如果可以多DD海蜇就更好~ (海蜇控)老火湯 - 蘋果紅蘿蔔沙參咸排骨這是逢星期六的湯水，每日不同，小的是跟飯餐送的，大的是另外點的。以無味精湯來說，HK$28 (大的) 真係算抵，啱哂單身貴族或者二人家庭。飲完成晚都完全無覺得口渴，真係無味精!! 而且唔係好淡個種~ 推介!!

食物質素一般，湯就幾好飲。同屋企人食飯，7:41完成落單8:09個麵才送到上枱。等咗20分鐘已經同店員催咗1次，佢答菜肉雲吞麵要等奈D。我地座响出菜位明顯知道佢冇出聲追過廚房。去到25分鐘再追先同我地講下張單到你。等個麵等足半個鐘連一些歉意都無，一句唔好意思都冇。

好耐冇寫食評，因為好耐都冇食到一間幾滿意嘅餐廳，呢一間係近期食過算係幾唔錯嘅，同大家介紹翻呢個係煎蓮藕餅配豬扒飯，豬扒係招牌菜，勁好食，鬆軟嘅肉質好Juicy!煎蓮藕餅就一般般啦，建議大家可以食招牌豬扒飯，應該係會有兩塊豬扒嘅，咁就唔使怕食唔夠啦！個飯底方面，如果可以做到更加粒粒分明同乾身啲就更加Perfect啦。一個飯餐都會有壺湯跟埋，非常之抵玩， $50蚊個餐有飯有湯飲，仲想點啊？個湯非常之清甜足料，有勁大嚿豬肉同埋蘿蔔，飲落有少少紅棗嘅甜味添，呢度標榜話唔落味精，的而且確食完飯之後又冇乜口乾嘅感覺喎！咖喱魚柳飯，個辣係初期唔辣，但好有後勁個種，個人覺得幾好味，魚柳都幾脆嘅。海蜇手撕雞，個人覺得份量好足夠，但海蜇偏小，雞肉嘅量就非常之多，如果鍾意食手撕雞嘅都不妨一試。同場仲有炸饅頭但實在太飽，下次希望可以試吓食啦，會再encore嘅應該會食招牌豬扒飯裝修都幾靚幾少女心，空間唔算好闊落但係勝在性價比較高！

曾經食過北角分店既閨家，回味無窮，但平時收工真係好少去北角。今次嚟到深水埗，餐廳大排長龍，試下味道如何先。招牌豬扒飯兩塊好大塊金黃色嘅豬扒，揼得好鬆軟，好容易就咬得開，而且醃得好入味，送飯一流。手刴香煎蓮藕餅 + 甘荀麵蓮藕餅外層稍為煎香，每啖都咬到爽口既蓮藕。甘荀麵既麵條好長偏軟身，都幾唔錯。蟲草花百合無花果煲豬展最值得一試既係每日唔同既老火湯，鮮甜滋潤得嚟飲得出無落味精，煲足4個鐘，係誠意之作。手拍青瓜蒜蓉醬好惹味，食落有少少辣但係絕對接受得到，份量都唔少。⭐️ 炸饅頭外層香脆熱辣辣，配埋煉奶真係錦上添花。簡單既小食都整得好有水準，絕對會再翻兜呢間餐廳。

之前去過屯門分店，真係有「歸 家」嘅感覺 因為無味精 好健康聽聞深水埗開咗分店，我收工過去西九龍中心好近，就約埋好友一齊食得健康一去到見到門面已經好驚喜因為我係極愛粉紅色嘅呢間分店以粉紅色為主比咗一晚浪漫感覺我🌹店內裝潢設計都係好粉紅架同埋值得打卡！「見字飲湯」呢間嘅靚湯 無味精，我只飲無味精嘅湯架咋 否則會好多不適感飯嘅套餐有跟湯而且唔係求其一碗湯係用真材實料煲出一盅盅湯估唔到出街食都可以咁健康呢！蟲草花、百合、無花果 保健食材再加埋豬展熬出濃味滋陰湯水不過我唔爭氣呀餐餐都無可樂不歡因為跟麵嘅套餐就冇湯我食野口渴，慣咗要飲野呢間啲麵係「心機」麵係自家製嘅手工麵有唔同味道同顏色，絕對係色香味俱全！甘筍麵 - 睇落同平時嘅麵差唔多，因為都係黃色，但係味道更清新，彈牙最重要係好健康呀！飯嘅配料都好香紫薯麵好hit 見到好多人叫朋友食完都話甜甜的，好滿足然後我地貪得意，一人叫一碗唔同味，互相分享味道一樣咁清甜，健康嘅滋味

今日嚟呢間茶餐廳，一直想嚟支持下！座無虛席叫咗招牌推介豬扒飯，手剁蓮藕餅加菠菜麵，一個油菜，同叫左個炸饅頭做甜品💛豬扒飯>>>豬扒飯配咗酸菜加香蔥撈飯好惹味，豬扒用左好似燒汁去煮，同埋鬆軟唔韌💛手剁蓮藕餅>>>應該係加左芋頭同馬蹄撈埋一齊煎，乜汁都唔洗加已經夠💛菠菜麵店員叫2分鐘就好食如果唔係會淋身，淡淡嘅菠菜味好清，麵質彈牙，鐘意食淋少少嘅朋友可以等耐少少先食💛炸饅頭早左叫，建議大家食完飯先叫，會香脆好多勁多煉奶💛重點燉湯足料，日日唔同食到飽都只係hkd132除此之外醫護人士同學生係免費好有愛

之前睇過yellopenrice介紹，就已經對呢間閨•家印象好深刻，覺得呢家人好warm。見到個媽媽因為個女對味精敏感，所以煮嘢堅持唔用味精，間餐廳所有菜式都係無味精既，出去食得多，都想食翻啲健康啲屋企啲既野食，所以就黎試下la🤤雖然話係冇用味精，但係所有嘢都係真材實料，食落絕對唔會淡茂茂。呢度最招牌既應該就係佢既老火湯、豬扒、蓮藕餅、手工麵，同埋豬手。同埋見佢都出左啲新菜式，望落都好似幾吸引👍1️⃣手剁香煎蓮藕餅紫薯麵（$45） 我就係衝住佢個紫薯麵而黎既😍見到yellopenrice 介紹果陣已經覺得好特別好想試。從來都未見過紫薯麵，成碗麵都係紫色既，連個湯都染到紫左🤩佢呢度既手工麵有得揀紫薯、甘筍同埋菠菜麵，全部即叫即製，冇落防腐劑，只係用麵粉同蔬菜汁調配而成。  紫薯麵食落就冇乜紫薯味，不過成碗都係紫色既感覺好特別，口感係偏硬啲啲，唔會一夾就斷，麵既份量好多，食極都未食完😂好正，下次想試埋佢既甘筍麵。  蓮藕餅有兩大塊，佢地既蓮藕全部都係人手刨絲既，入面食到一絲絲既蓮藕，唔會太碎食落好爽脆。蓮藕餅每塊都煎得好香，調味鹹香，夠厚肉，加埋爽脆既蓮藕絲係入面，好正😋  

收左工，朋友話要去西九龍中心買d野，經過「閨家」呢間茶餐廳坐滿曬人，又主打無味精，決定入去試一試佢!嗌左2個飯，分別係煎蓮藕餅豬扒($50)飯同慢煮豬軟骨飯($48)，加左份蠔油生菜($12)。蓮藕餅同豬扒飯都煎得香脆，配埋葱油豉油，送飯一流! 而豬軟骨飯更加有驚喜，經慢煮有種入口即溶嘅感覺，世界級正!算係有史以黎食過top3嘅豬軟骨。跟餐仲有湯送(山藥南北杏合掌瓜煲豬展)，入口清甜，仲有3舊大蘿蔔同合拿瓜，性價比200/100!最後叫多個煉奶炸饅頭($20/3粒)，好食! 之前試過有D鋪頭炸到燶晒. 唔巧食! 呢度就冇呢個問題 ! 非常好! 2個人食咁多野$150都唔洗，抵! 下次一定會再黎!

同朋友行完西九龍中心，臨走佢話要去閨.家買外賣回家食，話佢哋嘅手工麵及豬扒飯好受歡迎。我都想試吓，也買咗幾款外賣做晚餐。雙蛋豬扒飯荷包蛋，豬扒唔落鬆肉粉,每片用人手打鬆後再醃製，食起黎豬扒更加鬆軟入味，煎雙蛋都有得揀太陽蛋或荷包蛋或熟蛋。我揀剛剛熟的荷包蛋，蛋白煎香又保留蛋汁撈飯，再配上蔥油、雪菜和秘製醬油，惹味至極！咖喱豬扒飯，用咗七種不同的咖哩粉製成的咖喱汁撈飯超惹味，配料有薯仔，豬扒一片已經切埋,方便進食，豬扒本身已經調左味，沾滿濃郁的咖喱汁，豬扒鬆軟，又食到咖喱有淡淡椰香味，揀咗小辣冇乜辣味，下次試吓中辣。咖喱牛腩飯，選用牛味十足的牛肋條，牛腩入味且軟腍，撈埋咖喱汁超惹味！每款主食都有每天不同的老火湯送，今天是山藥南北杏合掌瓜煲豬展，無味精足料老火湯清甜好飲，潤肺止咳！

在西九龍中心，這間專吃住家飯、標榜沒有味精的餐廳，長期人氣爆滿。我也是長期捧場客之一，因為每一個飯都送一盅老火湯，而且價錢親民在$50左右。.每一天的湯也不一樣，鮮甜好滋潤。.手剁香煎蓮藕餅飯 $48蓮藕餅絕對是招牌菜之一，大約8:30pm聽到職員說只賣剩3片。相信是每日新鮮製造的，零舍鮮美。蓮藕餅圓轆轆厚身，有種說不出的精緻感。蓮藕餅除左啖啖肉之外，還會咬到粒粒蓮藕，口感味道均佳。.咖喱牛腩飯，可以選擇不辣、小中大辣，牛腩煮得很入味，稔稔地好好食。微微的辣度，所以真的很好下飯啦。.加$12有油菜，生菜蠔油簡簡單單很健康。也有不同的小吃，香茅雞翼（3隻）附上自家製醃菜。加$5/$7有熱/凍飲。.收錢的時候見到入選優秀餐廳，實力相當。

前幾日去開西九龍，所以就決定買啲下午茶返屋企食啦😂😂😂見到呢間餐廳咁多人食所以就決定試一試，結果果然冇令我哋失望😍😍😍😍😍😍😍😍手拍青瓜呢款青瓜好入味，酸酸辣辣，調味得啱啱好，令我食極唔停口🤣🤣🤣🤣🤣麻辣雞腎呢款雞腎超級入味，而且口感超好😋😋😋😋😋😋鐵板豬扒炒烏冬呢個下午茶餐超級大份，同朋友share都夠食🥰🥰🥰🥰🥰🥰🥰🥰🥰🥰🥰🥰

今日去到西九龍中心閨家外賣自取，懶得煮飯。先拿菜單看看點什麼吃。點了招牌豬扒飯，手刴香煎蓮藕餅飯，梅子金沙骨飯，仲有老火湯。招牌豬招飯有兩塊豬扒，份量都唔算少，仲有蔥油等配料令到個飯生色不少。手刴香煎蓮藕餅飯有兩塊大大蓮藕餅，份量都ok。而個蓮藕餅個蓮藕味都幾重。梅子金沙骨飯金沙骨數量都不少，個飯都幾大堞。味道都ok。老火湯先係重點，清甜好味道，有栗子，紅蘿蔔，海底椰。清甜仲要有益潤肺，唔會有味精的感覺。

無味精的晚飯我地又買閏家啦！幫襯後再幫襯，上次堂食午餐，今次外賣晚餐，4個餐。因為外賣，賣相都唔會好靚，但職員將外賣駁得好實，一袋過方便拎，但女士可能要2袋，4個餐好重。諗住食豬手、糖鹵鴨，不過豬手中午賣晒；糖鹵鴨就係應該岩岩無晒。但我已經係7:15 落單，下次要早d。最後點左以下依4款：1. 手撕雞飯：無骨，入味，嫩滑，仲跟埋沙薑雞汁，好味2. 咖哩牛腩飯：上次食過，無辣，感覺怪怪的，好像只有椰香。今次叫小辣，好左好多。我哋小朋友都食到。3. 梅子金沙骨飯：個汁撈飯一流，甜甜酸酸好開胃，好好味。4. 慢煮豬軟骨飯：個汁，就唔使講撈飯一流，無得頂。而豬軟骨夠淋、入味又軟熟。都岩小朋友食。*重點：個老火湯係無味精添加，雪梨清熱。飯：大碗，好實外賣：就一定無佢地招牌麵，因為影響質量。

第一次同家姐去閨家食。真係有啲回家食飯既感覺，食物唔會好濃味，清清地👍🏻涼拌海蜇手撕雞真係好味，不過d海蜇比較細條😂海蜇碎咁，呢度有少少減分。家傳炆豬手飯係用南乳整，肉質炆到好林👍🏻麻辣雞腎都好好味，同埋無想像中咁辣☺️香茅雞翼都算唔錯。整體好滿意🥰職員服務仲好好👍🏻值得一讚💕同埋好鐘意佢店入面既畫，好靚同有意思😎

Yellow openrice 介紹完之後真係令佢哋生意好咗好多，開咗西九分店之後又開返屯門分店。所以好成功😂當然食物質素唔差啦！我都食過幾次，最鍾意就係佢哋嘅咖喱！星期五晚上八點幾嚟到，都要等幾張枱先入得！樓面得兩個人，要做晒帶位、落單、送餐，所以佢哋都好忙，希望可以請多個人幫輕下。🧐我就叫咗咖喱魚柳飯，都有好多舊魚，咖喱有得揀大中小辣，可以迎合到唔同人嘅需要，咖喱係港式咖喱，做得好香濃郁。重點一定要食薯仔，因為有炸過先放落去，好香口。朋友叫咗豬扒肉餅飯，店員話唔夠豉油可以再叫佢哋落，另外仲配左蔥油、酸菜，夾埋一齊食係意想不到地夾😍簡簡單單豉油撈飯都好好食，豬扒夠鬆軟，用咗梨汁去醃，所以係招牌菜！但係略嫌唔夠大嚿🥲另外仲叫咗手撕雞配海蜇，麻醬有好多，但係應該溝淡咗，所以我覺得雖然係好多，但係冇乜味！呢個有待進步其實我覺得50幾蚊食個飯仲送老火湯真係好抵，仲要係💛如果住附近真係可以變飯堂🤣