閨•家 (寶榮大廈) (已結業)

17:30要去到太古所以16:00就過嚟試吓呢間社生介紹嘅黃店！因為時間唔早唔晚 所以人流都唔算太多 唔需要排隊入到去量一量體溫 但係都要搭枱咁我就叫咗招牌蓮藕餅豬扒飯 連一碗細湯 都只係$48 因為怕食得太飽所以叫咗小飯一塊 豬扒 一塊蓮藕餅 一小份姜戎 一小份鹹酸菜叫老實講嘅話塊豬扒同蓮藕餅都幾多油最後我都係食唔晒啲飯 不過除咗多油之外味道真係唔錯嘅塊豬扒真係好大塊 但係因為佢冇比到差我所以其實咁大塊真係好難入口 佢Menu張圖係有切開嘅 但係上到碟就成塊冇切過 不過都唔太緊要嘅碗湯都幾好味港島區嘅人有口福了

//#黃店地圖系列間野叫：閨•家邊度黎：北角蜆殻街6-16號寶榮大廈地下F號舖 (另有屯門分店)🌝：Lateshow Yellopenrice小店其中之一 遊行日派水派保礦力 表明不招待警察 免費請學生食飯和招聘手足 ▪招牌豬扒飯(包細老火湯) $458.5分一坐低店員就擺低兩個信封比客人袋口罩 排隊時幫我地噴定酒精搓手液 十分貼心 睇Yellopenrice已經對小店嘅豬扒蠢蠢欲動 果然無失望而回 有兩大塊 唔單止零味精 仲用新鮮果汁 代替垃圾鬆肉粉醃淋豬扒 所以食落甜甜地 好有阿媽住家飯的味道 旁邊有醃菜同蔥油可以拌飯 不過豬排已經足夠ko個白飯▪咖喱牛腩飯(包細老火湯) $487分牛腩飯相對比較普通 牛腩份量唔算多 炆得好淋 淋到一夾就好易散開 咖喱幾濃 用左幾款咖喱粉調製 仲有淡淡椰汁味 個老火湯(8.5分)就出色啦 蘋果紅蘿蔔沙參煲排骨湯 好清甜 連湯渣都食埋 另外加$5嗌左杯凍檸茶(8分) 茶底濃而不澀 少甜調教得恰到好處▪麻辣雞腎 $187.5分18蚊黎講雞腎份量都唔少 麻辣程度係微辣 反而蒜蓉味更加突出 夾雜好多蒜蓉 口感上略嫌唔夠爽口 禾比較鍾意食滷味冷盤爽硬嘅質地

常常走過蜆殼街，常常都見到這店門外有人排隊，留意一下店名，很溫馨的一個名字「閨.家」。終於找了個機會，4個人去吃個早一點的午飯。還好早了10分鐘進去，12點正就已經開始有人在門外排隊了。趕緊點餐: 豬扒蓮藕餅飯、咖哩豬扒飯、豬手紫薯麵和醉雞菠菜麵，兩客飯都跟當日例湯。例湯一點都不馬虎，甜而夠火候又沒有味精；豬扒鬆而入味，藕餅真材實料，豬手炆得香稔，醉雞的花雕汁令人飲個不停，醉雞的雞腿肉質稍稍有點「老」，可以改進。之後再打包了一客豬扒蓮藕餅飯回家，兩老非常欣賞，特別是我家那位嘴刁的媽打，說絕對值得「encore」！

我在中午時段光顧，一點的堂食人龍不算太長，五分鐘內就能入座。餐廳不大，但環境乾淨企理，流行歌的背景音樂不太嘈吵，十分舒適。食物可謂足料抵食。$43的豬手紫薯麵有兩隻豬手，豬手爽口入味，南乳汁亦不會太膩，紫薯麵感覺清新，還可選擇甘荀麵等其他手工麵，性價比相當高。飲品亦只需加配$5，凍檸茶亦同樣足料，紅茶不會太淡，檸檬亦有5片。服務態度良好，亦會為客人細心預備骨碟，令客人進食時不會太messy。值得推介。

呢間小店, 背後有個故事, 亦有佢地既理念, 媽媽為女兒, 堅持所有食物係無味精. 而佢地既無味精足料 "例湯" ,  而套餐平民價, 亦係佢地既賣點. 為0左一嘗無味精午餐, 早一d十一點九就去佢地門口排隊. (無計, 小店座位有限). 等0左2, 3個字, 入到去會比佢地既佈置吸引住. 粉色既佈置, 好似入0左小朋友既睡房咁. 唔好坐咁耐快d拿拿林落單. 叫0左有招牌豬扒既, 豬扒公仔麵. 無味精足料 "例湯", 真係同媽媽煲既靚湯一樣, 只會越飲越想飲. 到炒公仔麵, 有冇見過成塊豬扒大到蓋住晒d麵? 而塊豬扒點解可以咁軟咁淋? 睇返介紹, 又係一番功夫先可以做到咁入味, 咁好食.  總括, 日日食味精, 少返屋企食飯, 閏家雖然係快餐小店, 但都會比到你一餐健康, 簡單, 又有家感覺既美食. 

對湯好挑剔，所以出街飲湯好少滿意。閨家嘅湯好甜，無味精，足料。有返屋企飲老火湯嘅感覺。好滿意。上次夜咗去買飯，湯賣晒，今次終於試到。當想偷懶唔煲湯又想飲嘅時候，可以幫襯呢間👍🏻

已經第三次嚟閨家食早餐！！每次都會叫唔同野試試早餐份量足夠 味道讚👍🏻👍🏻👍🏻A餐：不得不說 佢個花膠金華火腿湯底通粉超級正👍🏻👍🏻✨味道濃又唔會覺得有味精😋讚讚讚！！B餐：豬扒 火腿奄列配出前一丁 — 每次見到最多人叫呢個餐 除咗佢哋王牌豬扒 我覺得出前一丁都煮得十分好，唔會太軟同淡味👍🏻👍🏻（其實煮公仔麵都好有學問🤣）E餐：好耐冇食薯餅 正！😭但係男士可能會唔夠飽😝 （可以另加出前一丁）總括然而～環境舒適，服務好，價錢合理，味道好！

經常10:45去到門口店員已為係道揮嗮手唔比入之後頭也不回走左去，過多陣就好唔願意咁出黎同你講已經無早餐，一係就等到11:30食午餐啦，明明餐牌寫明早餐去到11:00，算啦當你真係早餐收嗮你咪係門口放個休息牌囉，我唔想出黎答人無早餐，你想點姐

一早係北角整完野…遊蕩緊想搵地方吔個醒神早餐。啱啱經過閨家…係門口望入去幾企理咁…唔錯…🙂咁就貢入去試下先…一打開早餐牌就見到招牌豬扒…我通常見到呢d keywords都忍唔住叫…咁就點左豬扒炒蛋配麵仲要係出前一丁…豬扒味道唔錯喎…仲好腍…係薄左少少😛😛。炒蛋都幾creamy…出前一丁真係無以前咁好味了呢個餐先係$35…有咁既質素唔錯…後尾見其它食評話咖哩都好味…有機會黎開呢頭再試下佢地既咖哩

剛用15分鐘最快速度用完餐出嚟，不滿意餐廳老闆為何冷氣機壞咗仍然堅持營業，辛苦食客和廚房工作人員，最差是沒有通知食客冷氣機壞咗，如果我一早知道冷氣有問題的話，我是不會用20分鐘排隊的。此外，廁所很窄很骯髒，還要用手指掀開廁所板，好穩突！🤮

午餐只係40 令蚊，所有食物都好有水準咖喱牛腩 同豬軟骨都非常之軟腍招牌豬扒鬆軟，最特別嘅係有自家製紫薯手工面😂食飯仲送埋每日唔同款嘅湯🤑好抵食。一定會再去食多啲唔同款式

一直都知道呢間餐廳主打自家經營，入面食嘅野都係全無味精，好有媽媽係屋企煮嘅感覺，今日終於都去試下佢！地點：餐廳雖然好近炮台山地鐵站（大約五至十分鐘路程）一出站向天后方面行就到。坐巴士嘅話就會再方便，行五分鐘內就到。環境：餐廳用左粉紅色主色作設計，除左舖外，連入面都係用左粉紅色做主調，而成間餐廳最大嘅果果度牆畫左一大幅獨角獸+城堡嘅畫，感覺有如置身於小女兒嘅房間之中，十分fancy係抗疫期間仲放上「安心用餐四部曲」黎提提大家要注意衛生，而且告示設計富有創意，真心好正！食物質素：青欖青蘿蔔杏汁煲豬展午餐時段每款食物都會送上一碗老火靚湯，而且每日都會有唔同款式同唔同攻效。今日呢個湯主要係生津解毒，入口清清甜甜，味道啱啱好，最緊要佢係老火湯，一啲味精味都無！不過份量就相對少啲，而且無乜湯渣食。秘製咖哩柳飯（$51）聽聞呢間店最出名就係佢嘅秘製咖哩，果然無令我失望！佢嘅咖哩食落真係好有港式自家製馬來咖哩嘅口味，味道唔太辣（辣度可以自選的）椰汁味比較重，加上魚柳煮到淋淋的，吸晒所有咖哩汁嘅味道，相當惹味！唯一要彈嘅地方就係佢啲飯煮得比較淋，如果煮乾啲嘅話就可以更加提升咖哩汁嘅味道！蓮藕餅豬扒飯豬扒

最近朋友send左段片話杜汶澤宣傳嘅一間黃店，係咪真黃店就不得而知。但佢地聲稱所有野食無味精，同埋食任何飯都會奉送老火例湯呢兩點好吸引！而且係屋企附近好近，所以好想同老公試下。話說其實呢兩日假期行過都見到佢地午市/晚市都好多人排隊，本人真係好怕排隊食飯，所以計劃今日午市早少少大概12點左右去到，最後都要排20分鐘左右。輪到我地嘅時候 帶位哥哥話因為老火湯未煲好 所以我地唔會有湯送，我地問可唔可以之後大概1-2個鐘之後番泥外賣D湯，因為我地兩個都好想試埋個湯，佢老闆走出泥好似唔係好想我地咁做咁，不過算啦！入到去坐低 我地叫左一個南乳豬手飯，一個少辣咖喱牛腩飯 豬手真係好淋 好滑 唔會好似出面食到D毛，個汁可以再南乳D就更好！食物嘅份量其實唔算多 我係一個正常食量既女仔 食曬D豬手唔夠送白飯 最後要LO汁食, 如果豬手多多1-2舊就更加好，或者可以Offer 唔同份量嘅豬手飯，因為我都聽到隔離台個男人問豬手係咪得咁多！！對於鍾意食豬手嘅人，呢個份量，2份都唔夠啦！至於個咖哩牛腩，都係煮得好淋 咖哩汁椰汁比例比較多，本人覺得咖哩唔夠野味，比D椰汁cover左！如果食得辣嘅朋友，最少叫中辣，因

嚟第六次終於食到你哋個限量招牌名菜好媽媽豬手，個名係我幫佢哋改嘅，因為外面食嘅豬手一般都係會用火槍燒喺豬手上面嘅毛，而閨家特別之處係用鉗去逐條逐條拔出嚟，花咁多功夫食落去口感當然係唔同，至少唔會比你感覺到塊豬手皮上面有凸出嚟燒唔到嘅豬毛根部，咁樣做塊豬手皮食落口係滑好多，點解店家咁用心，事源係因為老板娘喺屋企都係咁樣整豬手比佢兩個仔女食，而仔女亦十分喜歡媽媽咁樣整，緊係喜歡啦，唔駛你哋整，所以閨家亦源用番住家嘅做法去整，因為工序比較花時間所以係每日限量，我嚟第四次嘅時候同老板仔講話嚟左四次都食唔到個豬手，跟住老板仔就叫我寫底電話比佢哋第日有嘅時候就打比我，點知等左兩日都無電話我仲以為佢哋忘記左，跟住到第三日中午電話響起，係閨家打嚟話今日有豬手問我食唔食，緊係食啦，因為當日已經約左朋友食中牛飯所以就大約四點幾去食，因為喺等嗰兩日中我又去左一次食咖喱飯，所以就係咁嚟第六次先食到限量豬手，我覺得值㗎，因為真係好食，除左皮滑外，仲炆得好淋但唔會過火散晒，味道唔係好濃，淡淡南乳香係屋企嘅味道，另外仲有兩個菜都值得介紹比大家，一個係蓮藕餅，另一個係豬排，蓮藕餅啲蓮藕刨得夠薄但又保留到咬落去有少少蓮

咖哩魚柳飯 $46香煎蓮藕餅配豬扒飯 $48-自從哩騷介紹過後 連外賣都要排長龍！地址有屯門同炮台山兩間店 但呢個價錢食到無味精既飯同包埋足料煲湯水 真係平得滯😂-咖哩魚柳飯🐮覺得似讀中學嗰陣 學校食咖哩飯果種既好味N倍版😂話係港式咖哩既感覺！咖哩食落味道都重 但塊魚柳咸咗少少 呢度扣左分！今次嗌小辣覺得唔夠辣 所以食得辣嘅佢個咖哩系列可以叫中辣或大辣！-🐷揀煎蓮藕餅豬扒飯 豬扒用梨汁醃腍得嚟帶點香甜味 蓮藕餅煎得夠脆！兩個飯食完的確唔覺口渴🐷仲想另叫一盅大既老火湯🤣係好飲！