閨•家 (寶榮大廈) (已結業)

今日媽媽為屋企歲晚大掃除，冇時間煮晚飯，於是我便幫忙買外賣給家人做晚餐。選擇了這家標明食物冇味精嘅茶餐廳，為家人安排健康晚餐，重要的是這家餐廳有真材實料老火湯。咖喱魚柳飯咖喱有三種辣嘅程度可以選擇，不吃辣嘅朋友更可以選擇不辣，而我選擇了小辣。咖喱充滿了椰汁的香氣，咖喱微辣好好送飯，魚柳大大件，份量都算多，魚柳唔會有好大舊粉包住，幾好。薯仔亦都入晒味。柱候牛筋腩飯牛筋同牛腩係50 50嘅比例。牛筋大大件， QQ的，入口軟滑，滿滿嘅骨膠原。牛腩雖然大件，但炆得好腍，入口即化。蘿蔔亦都入味，腍甜。可能之前先食嘅咖喱濃味，食呢個柱候牛筋腩飯嘅時候，覺得柱侯醬有點兒不夠濃，但食下食下又覺得OK喎。五香肉丁炒飯呢個炒飯我喺第二間分店食過，覺得好好味，所以今次專登叫俾家人試。呢個炒飯食落唔會乾巴巴，五香肉丁用嚟炒飯好香好惹味，加埋啲生菜絲，食落又唔會好油好膩。五指毛桃淮山煲雞湯依家餐廳日日嘅湯都會轉款，今日嘅湯係五指毛桃淮山煲雞湯。媽媽一飲第一口就話呢個湯係老火湯嚟㗎喎，而且飲得出係真材實料，冇味精，非常不錯。總括而言，我地對今餐的家常便飯外賣都很滿意，好味又健康。

餐廳：閨•家 (北角)地址：北角蜆殻街6-16號寶榮大廈地下F號舖呢間曾經被杜汶澤Yellowpenrice訪問過嘅香港人茶餐廳🇭🇰，主打超平價無味精茶餐廳食物，一直都想嚟品嚐吓佢地嘅嘢食，今次終於搵到機會嚟食個下午茶喇😎餐廳由外黃到內，有唔少嘅文宣同裝飾🎗，賣嘅嘢食係簡直係超低價，成個餐牌最貴嘅餸菜都係$52😂，試問又有邊間茶餐廳做到👍菠菜手工麵配招牌豬排 $40佢哋嘅招牌豬排配上蔥油、雪菜同埋秘製醬油，以鮮榨果汁同醃料取代砂糖、梳打粉同味精，每一塊仲要人手自己揼鬆，難怪食落咁鬆軟入味啦🤤，佢哋嘅波菜麵仲係即叫即整，亦加入咗鮮雞湯，呢個價錢咁大碗真係超抵食！而為咗保持手工麵嘅質素，佢地嘅手工麵只會做堂食，務求俾你食到最好嘅品質👏麻辣雞腎 $28佢地嘅麻辣雞腎勁大碟🙈，二三十舊走唔甩，根本喺洩住嚟做😮，用咗自家製辣醬去醃製，食落惹味，麻香慢慢滲出，真係食唔停口😋佢地仲每日熬製滋補靚湯，為香港人打打氣💪，仲要星期一至日每日都唔同款，醫護同學生仲可以免費品嚐，不過有能力嘅緊係留返呢個優惠比更有需要嘅人啦💛

嚟到"閨家"真係有一種歸家嘅感覺🏡, 裝修簡單而親切!做生意亦不忘初心💛, 支持學生👨🏻‍🎓👩🏻‍🎓醫護👨🏻‍⚕️👩🏻‍⚕️! 店員誠懇有禮, 街坊價錢就可以感受一種住家飯味道🥰!雪梨蜜冬百合煲豬展（小）🥣跟餐會有埋燉湯, 健康又實惠! E到每日都有唔同嘅燉湯提供而今日就係雪梨蜜冬百合煲豬展, 湯料十足, 味道清甜好味!涼伴海蜇手撕雞🐔小食幾足量, 芝麻醬又香又濃, 一條條海蜇同雞絲沾滿哂醬汁, 中意食芝麻醬嘅朋友仔唔好錯過啦, 推介!香煎蓮藕餅豬扒飯🐖🥩🍛蓮藕餅煎到剛剛好, 金黃色外皮, 香脆可口，蓮藕味濃郁! 豬扒用左鮮榨果汁同秘製醃料取替砂糖, 梳打粉同味精醃製, 即叫即煎! 豬扒煎得幾靚, 肉質軟熟，配上蔥油同佢地嘅秘製醬油, 簡單嘅豬扒都可以整到好吸引, 加埋開胃雪菜, 小妹好快已經清左碟😛韮菜豬肉餃紫薯麵🥟🍜一共有三款麵底可以選擇, 有甘筍麵, 紫薯麵同菠菜麵, 而小妹最後就揀左紫薯麵! 麵條口感豐富, 吸左清湯嘅味道! 豬肉餃皮薄餡靚, 整碗麵都好少油, 如果想食得健康d, 可以一試!

六點後做外賣自取。難得係公司附近搵到間幾有住家feel既餐廳。香煎蓮藕餅豬扒飯跟餐加$6有溏心蛋，另加$12有菜心或者生菜選擇，份量都幾多。非常推薦叫蓮藕餅，送飯一流，豬扒好大塊，咬落一啲都唔韌。青欖青蘿蔔杏汁煲豬展跟餐仲會有埋細碗既老火湯，用料十足，每日既精選老火湯都唔一樣，值得一試。手拍青瓜少少辣夠哂惹味，青瓜咬落好爽口。涼拌海蜇手撕雞手撕雞好滑溜，配埋涼拌海蜇，口感十足。凍朱古力味道好濃郁又唔會太甜。

上次食過深水埗店之後, 上網搵下先知原來原店係係北角, 知道今個星期6要去個邊做野, 已經諗定去閨家食lunch~當然北角店比深水埗店細同舊, lunch hour人比較多加上而家限聚2人一枱, 所以都要等一陣位, 不過店員都快手, order完唔洗好耐就有得食。依度既燉湯出名冇味精, 係必飲既! 所以叫飯其實抵d因為會送細盅既湯, 不過我中意飲湯同埋想食佢既菠菜麵, 所以就分開叫啦。蘋果紅蘿蔔煲沙參咸排骨湯 (大) $28每日唔同既湯款, 今日既係降火潤肺款~ 足料冇味精, 飲完冇口渴, 味道好甜!手剁香煎蓮藕餅菠菜麵 $45蓮藕餅圓圓的兩塊, 厚薄適, 煎得幾香口而且入面咬到粒粒蓮藕, 口感不錯。菠菜麵色水靚但一般黎講都唔會食到菠菜味, 不過感覺上健康D! 自己中意食硬身麵, 覺得如果麵條再硬少少會更好~~閨家既食物係有家既味道既, 特別係老火湯冇味精, 值得一試!

上年已經知道「閨•家」嘅存在，一直想試，但又唔係成日經炮台山。直至佢喺深水埗西九龍中心開咗分店，我終於能一嚐佢嘅滋味，更加有信心放假帶呀媽去食晏🙈。星期六下午兩點去到炮台山店要等位，不過15分鐘內就搞掂。但當我哋入座後，下午茶時段開始人龍變更長，超強人氣認證👏。老實講，小店面積真係好細，環境有點迫夾，所以不宜久留，食完盡快交番張枱，等佢做多枱客😁。咁嘅環境下，店員工作更多、更麻煩，不過佢哋嘅態度依然友善，唔會燥底。 鹹魚煎肉餅豬扒飯($50)，🐷豬扒係呢度嘅招牌菜，所以一定要嗌，同時亦可以配埋蓮藕餅同雞翼等。而我哋就揀咗🐟鹹魚煎肉餅，肉餅煎得幾香，鹹魚味恰到好處。主角豬扒調味唔錯，好入味，但略嫌較為薄身。不過啲餸絕對夠送飯，🍚飯淋上豉油，但唔會過鹹，唔夠可以再加。另外，餐廳仲搭咗唔少蔥同雪菜添！是日老火湯係蘋果紅蘿蔔煲沙參咸排骨🍎🥣，功效降火潤肺。佢係星期六款式，每日唔同。嗌飯餐會配一盅細嘅湯，幾抵。湯品用上唔少材料煲，飲完唔會口乾，無落味精，不過好似甜咗啲。慢煮豬軟骨甘筍麵($46)，湯麵款式冇跟老火湯，而湯底就無乜特別，因為重點係麵本身嘛🍜。麵有三個口味，包括紫薯、甘筍同菠菜味。我

可能係近來食過最好食嘅豬軟骨。。。閏家蜆殻街有幾間不錯的食店，如果要揀間貼地既推介，我一定首選「閨 。家」此店已經開咗一段時間，吸到左吾少同區街坊幫襯，我就好懷念超惹味既「五香肉丁炒飯」今日想試吓新嘢，又係六點前既晚飯入到去仲見到大部分客人食緊下午茶，我地要食飽啲，儲下脂肪擴寒流。以前我好鍾意食杏花樓既豬軟骨，不過搵唔到替代品，今日係餐牌上見到「慢煮豬軟骨飯」即時吾使睇落去,即點「慢煮豬軟骨飯」$48 加溏心蛋$6豬軟骨超。軟。稔。慢煮下豬肉十分嫩滑，連軟骨位都係軟稔稔，入味，醬汁亦要記一功，甜甜地好好味，送麵送飯也適宜。吾好慳嗰幾蚊，加半隻「溏心蛋」火候啱啱好。喜歡重口味既食肉獸要試吓 「鹹魚煎肉餅豬扒飯」$50薄切豬扒大大件，煎得有點兒脆口，聽講豬扒以果汁及秘制醃料，所以相當入味，香口。其實豬扒非重口味，鹹魚煎肉餅就肯定系，咸香的味道一定要同白飯一齊啪，再進級將白飯上既甜豉油同蔥油、雪菜撈飯，秒殺碟頭飯非難事。油菜$12菜芯夠稔，冇乜渣，份量足，抵食。已切成條狀既「滷水豆腐」$28一睇就知好入味，見到豆腐索晒滷水汁，滲透得好透切，但可能浸住滷水關係，味道嫌略咸。任何飯類送細盅是日靚

返工附近有間小店成日都好多人排隊終於有機會同同事去試下😳-🍖家傳炆豬手飯 $48依度嘅豬手以人手拔毛 絕對唔會食食下食到條毛😹而佢嘅醬汁好有層次 南乳味外再有其他香料聽聞係家傳秘方😼豬手炆到好腍 餸飯一流👍🏻-🍛咖喱豬扒飯 $50依款係人氣推介 可以揀咖喱辣度我地揀咗小辣佢地嘅咖喱好香甜 想惹味啲嘅我會推介大家嗌中辣🌶豬扒大大舊 正😼-其實我覺得成間店最正嘅係買任何飯類送細盅湯唔係啲味精湯 而係熬煮4小時嘅抗疫湯佢每日嘅湯款都唔同我星期二去 就係蟲草花百合無花果煲豬展飲完覺得好滋潤 大推🤓

有朋友食過呢間小店，話手工麵味道唔錯，所以我就專登過嚟試吓～叫咗一個手剁香煎蓮藕餅紫薯手工麵（$45），味道好似屋企煮咁樣，冇味精，麵質都剛好，不過就唔係好食得出有紫薯味。另外一碗叫咗香茅雞翼菠菜麵$42，覺得菠菜麵仲好食😋雞翼都好香脆～另外如果嗌飯餐嘅話會送湯，見到隔離枱個碗老火湯好似幾靚咁，我就散叫咗一盅大嘅湯$28，當日係青欖青蘿蔔杏汁煲豬展，真係好似阿媽煲咁，火候十足而且冇味精！非常足料～小食仲叫咗一個拍青瓜，上面啲蒜泥超好食😋強烈推薦！

呢間sell住家飯+老火湯嘅黃店，之前睇杜汶澤喱騷個channel介紹時，已經超想去支持同試吓！最後試完又真係冇失望😍，真係湯好飲、飯好食，仲要價錢超抵，冇得輸‼️.▪️香煎蓮藕餅豬扒飯$50 +溏心日本蛋$6▪️呢度嘅豬扒超大塊，每塊都係用人手䭔鬆同埋用梨汁醃過，食落超鬆軟😍！蓮藕餅煎得勁香，咬落啲蓮藕好爽口，好好味但略嫌有啲細塊唔係好夠喉🤣，個飯仲有啲薑蓉同雪菜比你撈飯🤤$50呢個價錢已經包埋飯同老火湯😱老火湯嘅款式每日唔同，會講明有咩材料同功效，超貼心💛唔好見碗湯好細咁，入面都好足料有啲湯料可以食，味道超似屋企自己煲嘅湯，而唔係味精湯💯溏心日本蛋都煮得唔錯，幾入味同埋有溏心嘅感覺，半隻只係加$6真係勁抵‼️▪️涼拌海蜇手撕雞 $38▪️呢個小食真係麻麻🙈，手撕雞雪得好硬，唔太推薦～

閨 • 家都算係 “老牌” 黃店（其實老極都只不過係年零啫😂），主打無味精健康住家飯同老火湯，最啱我呢啲生長於無飯家庭嘅可憐寶寶😁。幫襯嗰日嘅老火湯係蟲草花百合無花果煲豬展，真係要講三次：好甜，好甜，好甜😋，剩係飲呢盅湯都值回票價。咖哩豬扒飯可以自選辣度，我叫咗小辣，果然真係 BB 程度😂，但係都不減咖哩汁嘅香氣，呢個醬汁椰香味較重，係我鍾意嘅口味。豬扒係小店嘅主打食物，一試之下，果然唔錯，質感軟腍有肉味，可惜切得比較薄，影響口感，份量亦唔多，唔係好夠喉😅。值得一提係啲薯仔粒都係有煎過，好香口，好食👍。呢個餐，有飯有湯，晚市時段，只需五十蚊，真心抵。最近佢哋喺西九龍中心開咗分店，開心呀，以後就唔使山長水遠過海食👏。

行過蜆殼街，見到有間標榜無味精餐廳，就買個午餐回公司食。首先要讚個湯，青紅蘿蔔湯幾甜，飲落係清甜而滋潤。完全感受到係無味精。因為味精會令人好口渴。而且細細碗湯，見到仲有湯渣可以食，證明足料。第二，個咖啡牛腩飯都份量十足。牛腩大大件，有五大件。飯份量又夠，管飽。如果要彈，就係咖喱汁少d，5夠撈飯。因為個汁好香椰汁味。個汁有d綿身，更顯個汁夠濃。撈落無味既白飯，惹味十足。仲有帶點香辣，提神醒胃，係冬天食，好暖身。個人推薦，可以翻轉頭再買！

Homie Food & Dessert閨•家最近係西九龍中心開左分店趕唔切堂食買外賣一樣咁好食佢個靚湯同咖哩真係超水準之作食完真係好滿足,心靈上加埋味覺上手工麵不可以外賣,所以先試咖哩飯先唔落鬆肉粉,用特別既醃肉方式製作仲會用每片人手打鬆佢食起黎豬扒更加鬆軟入味先飲個靚湯,每日唔同款今日食到紅蘿蔔同原粒大粟子,特別清甜唔止飲湯,D料都好好食佢個糖心蛋真係半熟,好入味,蛋味濃郁應該係用上日本雞蛋,特別濃香咖哩飯比足汁,夠撈飯,配料有薯仔配豬扒一片,幫你切埋,方便食豬扒本身已經調左味個咖哩仲好濃郁好似食到淡淡椰香味小辣唔覺有辣味,下次再試勁辣先個咖哩同平時食到唔同,個味好香北角蜆殻街6-16號寶榮大廈地下F號舖 深水埗欽州街37號西九龍中心3樓319號舖

———————-等外賣期間，見到門外的燈箱，一直轉著不同的文字，包括「用心、堅持、細緻、精心、心機，抗疫」。我自己個人嘅想法⋯⋯🤗整得咁好食，全因為「用心」——-用心製作「堅持」——-堅持無味精「細緻」——-細心製作細緻的食物「精心」——-精心傑作「心機」——-落足心機「抗疫」——-抗疫期間更加要做到最好—————————😬呢間舖嘅自家手工麵好食就不再講，不過我今日外賣晚餐，唔想返到屋企D麵淋哂，影響食物質素，等第日可以堂食先再食麵，呢到D麵真係好正，全部自家製，唸起都回味😝———————-又講返今日食乜先😬🟫大老火湯：昵到煲嘅湯真係好飲到呢，又足料又夠甜⋯⋯見到湯料又瘦肉、蜜棗、粟子，紅蘿蔔🥕玉竹、仲有好多材料⋯⋯等等😉咁足料，仲煲到甜甜的，好夠火候👍———————-🟪香煎蓮藕餅豬🐷扒飯（跟小老火湯）蔥油飯，又香又好味，大大件又厚又爽口的蓮藕餅，用心...細緻.....大大塊的🐷豬扒又夠軟熟———————-🟧涼拌海蜇手撕雞：海蜇的爽口，雞肉的配搭，配上芝麻醬汁，天作之合的味道———————-🟥溏心蛋：好糖心又嫩滑的蛋蛋，滑溜溜的蛋白，滑溜溜的蛋王🥳🥳🥳🥳🥳————————一間有著對食

「閨•家」在炮台山蜆殼街開業都有一段時間，店內食品標榜不用味精，讓客人食得安心，深受街坊歡迎。店舖出品由小食、招牌豬扒、香煎蓮藕餅、秘製咖喱、自家製作手工麵等，都很出色，滿滿住家風味。這裡的老火靚湯更是我至愛，火候十足，是絕佳抗疫湯水。飯餐都跟一客老火湯(小)，今天老火湯是蟲草花百合無花果煲豬展，湯底清甜，材料豐富，火候十足，蟲草花能提升呼吸道免疫力，是合時抗疫湯水。手剁香煎蓮藕餅，蓮藕剁粒撈豬肉再逐塊撻成餅，又要功夫多多，又要材料新鮮，又要蓮藕粒和豬肉比例恰好，再煎成香香蓮藕餅。一碟有兩塊，兩人分也不用爭。直得一讚是飯粒乾身香口，晶瑩剔透，配埋翠綠蔥油、雪菜和秘製醬油，十分好味。真是藕餅雖好也要白飯扶持。慢煮豬軟骨配波菜麵，豬軟骨大大塊，炆得又冧又入味，有水準。手工波菜麵加入菠菜汁製成，翠綠麵條，不單只賣相吸引，麵條煙韌彈牙，有創意。小食涼伴海蜇手撕雞，嫩滑雞肉配上鮮味海蜇及青瓜絲，加上麻醬，開胃好味。