長阪燒

營業中

休息中

呢排成日都想食日本野，咁啱老公放假，一齊去旺角試吓一間叫「長阪燒」嘅日本餐廳，佢哋中午12點至6點會有個半價menu，好抵食呀😍！我地今次叫咗好多野食，飽到捧住個肚走！有燒花魚一夜一干配御飯、鹿兒島黑豚溫泉蛋丼、茶蒸碗、炸蝦天婦羅拼盤。壽司就有火炙京蔥三文魚、醬燒熟蝦、劍魚腩同埋立魚黑松露。先講壽司🍣，全部魚都有新鮮，賣相亦都好好，特別係劍魚腩🐟，一睇就知好肥美，壽司飯唔會掐到好大舊，我地仲留意到佢用咗赤醋去整個壽司飯，食多幾舊都唔會覺得滯，真係要讚一下👍🏻！茶蒸碗，正常水準，個蛋蒸到好滑，入面啲料亦都好足！即刻試埋個炸蝦天婦羅拼盤，個衣炸到好脆好薄，好好食😜！之後就到主角，👑燒花魚一夜干，條魚睇顏色已經知道燒到岩岩好！條主骨好容易就成條起出黎，啖啖肉，花魚啲肉質又好嫩，拎黎配白飯真係好夾🍚。最後就係鹿兒島黑豚溫泉蛋丼，黑豚切到個size岩岩好，細細塊就鋪滿係個飯嘅表面，醬汁好好味亦唔會太鹹。食到咁上下我就篤穿左個蛋🥚，撈埋啲蛋汁落個飯度，當然成碗食晒啦。今餐好滿足，全部食物都清晒，今次揸車冇叫到梅酒飲，聽聞都相當出名，下次唔揸車過嚟飲埋杯酒先🍶！長阪燒-爐端燒、居酒屋

👎🏼👎🏼👎🏼食物質素： 平平👎🏼👎🏼👎🏼環境質素：好差 （日本菜播英文歌，仲要勁大聲）👎🏼👎🏼👎🏼👎🏼🙋🏻‍♂️服務態度：極度惡劣，落單指明要拖羅（侍應最終扮傻攞咗碟‘赤身’俾我，擺明欺騙顧客）👎🏼👎🏼收費：尚可今次係第一次幫襯，極度後悔😭😭😭在此幫襯嘅機會係零，奉勸各位請勿以身試伏😩希望呢啲餐廳盡快改善，如果唔係距離執笠都不遠，嚴重影響香港食肆質素，此風不可長

之前有朋友提過旺角呢間日式餐廳，午餐時間有多款壽司半價，所以今日一於嚟試吓。餐廳充滿着日式設計，掛上和式畫作，餐廳人流唔算太多，今次walk in 都唔洗等位。🍜天婦羅稻庭烏冬 $98烏冬好滑溜，有三隻炸蝦🍤、矮瓜🍆、番薯和秋葵，三隻炸蝦都好大隻，外層脆卜卜，而蝦肉彈牙。平時唔喜歡秋葵滑潺潺嘅口感，但原來天婦羅嘅食法就會無左呢種感覺，只有香脆口感。🍱鹿兒島黑豚溫泉蛋丼 $88溫泉蛋下墊著蔬菜絲，攪拌着蔬菜絲和飯一齊食好開胃，厚身嘅黑豚肉鋪滿整個飯碗，一層肥一層瘦，燒灼過後，只剩下少量脂肪和惹味嘅黑豚肉，醬汁調配得啱，仲可以沾溫泉蛋漿一齊食。🍣壽司：芥辣八爪魚軍艦 $18 、飛魚子軍艦 $16 、沖粒吞拿魚蓉小卷 $18 、火炙京蔥三文魚兩件 $16 、日本芝士蟹棒兩件 $18 有本半價壽司Menu （12:00- 18:00）🤩，成本Menu 都已標明半價價錢，點餐時感覺超爽😝，全部食材都好新鮮，特別喜歡火炙京蔥三文魚，因為要控制三文魚火炙後半生熟，唔會過熟而鞋口一啲都唔容易。🥚茶碗蒸 $18食到有冬菇、雞肉和蝦，啲蛋真係超嫩滑。（附上）麵豉湯、和風沙律、帶子裙邊涼拌，整個午餐都好豐富

今日接左女皇大人之後就同左佢去醫肚我地上左黎食日本野中午時份唔單止有定食套餐，小食壽司仲有半價添呀！！！所以我同女皇大人各自揀左款定食之後，再order左啲壽司同小食share我地order左四款壽司，當中我就最中意“赤蝦黑松露(兩件)”HKd$22+10%，女皇就偏好“蔥粒吞拿魚茸軍艦(兩件)”HKd$18+10%每份定食都會有齊麵豉湯、是日小食同和風沙律我呢款係“鹿兒島黑豚溫泉蛋丼”HKd$88+10%配上溫泉蛋既日本米飯真係特別滋味架呢個“茶碗蒸”HKd$18+10%既滑溜又夠蛋香，仲要有蝦仁同雞肉等材料混合當中，不錯不錯香口既“芝麻雞翼”HKd$28+10%都無失手女皇大人點既燒雞扒烏冬“”HKd$78+10%望落都唔差，超大份！！！！我地兩個食得咁豐富，埋單人均都只係150蚊左右炸

好耐無得返家鄉啦，好掛住日本嘅美食呀，上網搵間日本feel餐廳，當自己返咗家鄉！ 呢間餐廳裝修好靚，好有日式風味👘🎎，門口擺咗好多清酒桶，原來係餐廳自家釀製㗎。 我哋坐咗喺counter度，可以望住廚師整嘢食，巧有feel呀！ 是日小食係帶子裙邊，微辣醒胃，食到底仲見到碟底有條魚仔，好kawaii！ 和風沙律🥗：蔬菜新鮮爽脆，有柚子醬油，酸味開胃醒神。 茶碗蒸細細碗，好精美，蒸蛋好夠熱好夠滑，蛋入面有蝦，冬菇，雞肉，魚湯味濃。 天婦羅蝦🍤，茄子🍆，秋葵，南瓜，炸得鬆脆。碗合埋煙韌彈牙嘅稻庭烏冬，好好味呀。 鹿兒島黑豚溫泉蛋丼：黑豚肉肥瘦適中，燒焦味香，有白芝麻香，再加埋溫泉蛋撈埋落啲飯度，超正。 宜家午市同下午茶時段（12:00 - 17:00）壽司手卷軍艦仲有半價優惠，當然要點番啲啦，吞拿魚魚茸軍艦🍣好新鮮，幼細香滑，軟綿綿口感，加上啖啖油脂，味道相當濃厚。 飛魚子軍艦：飛魚子都幾大粒挺身，鹹中帶鮮甜，口感清脆，食落口好似有爆破感覺，超過癮！ 鰻魚牛油果卷：鰻魚同牛油果呢個配搭絕對一流，鰻魚油脂豐厚，牛油果夠香軟。 呢度價錢唔算貴，但係食物質素真係可以媲美日本高級餐廳，絕對值得推介！

上OpenRice 搵到呢間餐廳， 見食物賣相幾好就揀左呢間！ 點知， 野食勁少選擇， 無乜野揀之下，揀左d壽司，同六隻生蠔加一杯野飲個餐，其他野食曬， 等左勁耐d蠔都未到，有咩可能最後先食蠔🙄 都算，食唔飽叫左個叉燒拉麵，勁伏，個湯底勁多渣，懷疑有薑渣係入面。臨尾仲發現 漏左杯蘋果汁！ 離曬譜， 兩個人食千幾蚊， 又貴又難食又唔飽！

週六晚同三位好友去呢間日本餐廳飲飽吃醉！由於呢間餐廳長期都full，所以一早就book左！而且要求坐卡位（設每人最低消費$250），還有分時段用餐時間！我地今次係2000-2200。早到左十五分鐘就點左兩個小食咬住等，牛蒡漬（$38）+燒雞泡魚干（$68）！兩個都係帶點咸但用來配酒的話是一流！之後齊人我地就先點左季節限定既生蠔🦪set,12隻生蠔加一枝白酒（$288），抵到喊！而生蠔是來自韓國，味道不俗！而白酒不會太甜，送蠔亦都是夾的！之後就點左七款不同既刺身，每款價錢由$70至$100到，刺身新鮮好味！另外點了數款既串燒，每款價錢由$40-$80到。串燒燒的時間剛剛好，口感不錯！朋友們開心share是不錯的！不過點的和牛炒飯就比較失色，沒什麼味道！但壓軸出場既係喜之次一夜干（$480）！因為成日都會賣曬！今次終於食得到！望落似紅衫魚既朋友，但係魚肉口感卻不一！帶有酒味的滑滑的口感！本身想點多一個甜品吃，可惜就是太開心，一路吃一路傾都到十點了。最後埋單2千3百多！以餐廳的食物水準值回票價！

同朋友平日晏晝黎到，有一系列熟食/don 定食lunch set, 價錢由Ard 一百內到百幾不等，豐儉由人最後叫左個鹿兒島黑豚溫泉蛋飯同蒲燒油甘魚扒定食，lunch set 已經包左沙律同麵豉湯鹿兒島黑豚無平時豬肉嘅肉騷味，加左日式燒汁個調味剛好，每片薄切帶少許肥肉口感帶點彈性嚼勁下面嘅珍珠米加上吉穿左溫泉蛋嘅蛋液，少許燒汁就咁食都已經幾滋味油甘魚燒到皮一邊香脆幾正，美中不足係魚肉有點overcooked 唔夠嫩滑茶碗蒸十分之滑嫩，中間仲夾有菇/蝦同肉，隱約好似仲食到蒸蛋帶點酒香，幾好食加$18就有南瓜天婦羅，而且份量都唔少，天婦羅即炸起香脆又唔會好油膩，抵食火炙京燒三文魚兩件只係$16，油脂豐腴燒過仲帶層火炙香，好食蒲燒鰻魚 $28 無落平時食鰻魚丼個甜甜鰻魚汁，更食到鰻魚自身香味，魚肉口感軟腍細膩吞拿魚軍艦 $18有滿滿吞拿魚蓉，不過個吞拿魚香味唔算好香，反而prefer 另外兩款環境都好坐，好有日本feel. 而窗邊卡座仲有塊布廉更有privacy. 睇到佢仲有其他日本直送材料，雖然熟食都唔錯不過感覺佢魚生或壽司更勝一籌

踏入充滿日式風情的餐廳—長阪燒，位於熱鬧的砵蘭街，午市供應餐牌定價經濟親民。餐廳卡位私隱度高，可以欣賞窗外景色，吧枱則可以感受到日式情懷，各有好處燒雞扒溫泉蛋丼$68溫泉蛋煮得恰到好處，蛋白呈果凍形狀蛋黃半熟，望住蛋黃緩緩流落飯到好療愈，燒雞扒也做得外脆內軟夠入味天婦羅烏冬$98有大蝦、南瓜、茄子，天婦羅既香又不油膩，烏冬湯底清爽，用上的稻庭烏冬軟彈順口茶碗蒸$36主角雞蛋蒸得幾嫩滑另外仲食左壽司，當中最推介柚子燒赤蝦，赤蝦入口有淡淡柚子香幾清新，蔥粒吞拿魚茸軍艦、明太子軍艦和火灸京蔥三文魚性價比幾高，可以一試～

餐廳位置非常方便，日式裝修好似去左日本咁，餐廳亦好細心，每張枱都有個籃可以放隨身物品，坐得好舒適。原條汁燒鰻魚丼 $138絕對要用誇張嚟型容，用碟上應該都裝唔哂，鰻魚燒得好香，醬汁濃郁，一啖鰻魚一啖飯，非常滿足。燒雞扒溫泉蛋丼 $68燒扒超級嫩滑，雞皮香脆，加上溫泉蛋，兩個丼仲跟埋沙律、小食、麵豉湯，性價比超高。茶碗蒸 $18蒸蛋滑，好足料，有冬菇、雞肉，味道非常夾。火炙京蔥三文魚壽司 $16 赤貝壽司 $18柚子燒赤蝦壽司 $22三文魚燒得剛好，魚油好香，赤貝新鮮，爽彈，而燒赤蝦都好好味，加上少少柚子醬更畫龍點睛。

囡囡好緊張自己生日🎂，一早就叫我今天生日正日要帶佢食好嘢。 放學帶咗佢去食日本料理，旺角長阪燒午市好抵食，有唔少菜式都做緊半價優惠，好似炸蝦天婦羅配烏冬，份量勁大，成set都係33蚊。 烏冬好彈牙，天婦羅有蝦🍤，甜薯，秋葵同茄子🍆。🍽️🍽️鹿兒島黑豚溫泉蛋丼$88黑豚肉肉味濃郁，煎得又香又juicy。日本珍珠米飯吸收咗溫泉蛋，非常美味。茶碗蒸$18呢個菜式係囡囡最愛，佢一啖都唔留畀我食 ，好快清曬。蟹子沙律$28半價抵食，鍾意佢將沙律醬分開另上，好健康。壽司十件 每份都係十零蚊，抵食。最鍾意火炙人京蔥三文魚，三文魚半生熟最滑溜。😋😋😋呢餐好飽好滿足，食物放滿成枱，都係二百零蚊埋單。 ❤️

🇭🇰長阪燒·其實我哋本身係諗住食樓下嗰間茶聊㗎 但係嗰間實在太多人啦🤭所以我哋就嚟咗呢一間 佢啲嘢食望落真係幾靚 但係水準就真係一般般🤔·長阪燒三重奏$158 l 藍鯨吞拿魚腩蓉丼$168 l 特上火炙丼$138佢啲丼全部都有跟味噌湯 前菜同沙律嘅 所以都幾豐富☺️佢個擺盤就真係好靚啦 但係整體就一般 不過我見影得幾靚 所以都決定post🤭佢啲魚生水準一般 魚味比較淡 反而佢個飯令我地比較困擾 佢所以丼飯都係用醋飯既 但係又唔係平時食開嘅壽司醋味 亦都唔係豉油味🤔佢落得都幾重手 所以個飯偏濕 但係又無咩味咁 成件事有啲奇怪😂😂😂·#rbyeat#rby日本菜#rby旺角·📍旺角砵蘭街189號2樓

早幾日試左呢間日本野，可能本身對佢無咩期望，所以試完真係覺得好唔錯，食物份量多之餘，味道都食得出經過悉心嘅處理，值得分享。我地平日時間12點左右到，餐廳剛開，無咩人。門口有一排排嘅日式燈籠，和風滿滿。餐廳入面嘅天花板掛左好多紙鶴，加上牆身嘅日本「風情畫」，真係有置身「鄉下」嘅錯覺。我地坐位對面嘅卡位都經過悉心佈置，可怕已被預約，無得坐。我地叫左兩個午市定食︰鹿兒島黑豚溫泉蛋丼($88)真係好足料！平時出街食都係３-4塊豚肉，估唔到呢度係鋪滿成碗！食果陣唔使就住就住，啖啖肉！而且細看會發現每塊豚肉表面都用醬汁香煎，肥瘦均勻。食落肉質彈滑，而且唔會覺得肥膩。三文魚醬油漬丼($88)見平時好少有呢個丼飯，於是叫黎試下。不過估唔到唔使加錢都有溫泉蛋同三文魚籽！足料我就不再強調了，每塊三文魚都有香煎過，而且唔會太肥太瘦，入口口感較紮實。而值得一讚嘅係丼飯本身都撈左醬汁，唔係普通壽司飯/白飯，配以醬油漬三文魚三文魚籽同溫泉蛋味道更得以昇華。茶碗蒸茶碗蒸幾滑溜，入面有香菇、鮮蝦及雞肉，材料算豐富，不過無我中意食嘅鳴門卷同蟹柳。午市丼飯套餐仲包左麵豉湯同和風沙律，真心抵食！

長阪燒午巿有好多壽司同其他食物都做緊半價，好抵食，出開旺角就一於去長阪燒食個午餐la😋個午巿50％off餐牌其實都有好多選擇😋我就係午巿餐牌叫左好多美食啊😋餐廳既梅酒仲係佢地自家釀製添，一瓶瓶釀緊既梅酒放係餐廳一入去就見到😍小明為食餐單: 味噌湯🥣(附送)熱辣辣既味噌湯加埋有d昆布，咸咸地好好味😛和風沙律🥗(附送)好fresh好新鮮既沙律，淋上酸酸地既沙律醋好開胃🥰是日前菜🌯(附送)是日前菜係涼拌帶子裙邊，好爽好滑，好好味既小食🤩火炙京蔥三文魚壽司2件🍣 $16燒過既三文魚好香魚肉都好嫩滑，上面放左少少京蔥，一齊食好好味😋蔥粒吞拿魚茸軍艦2件🍣 $18吞拿魚茸好鮮味而且好細緻，吞拿魚茸仲要好足料爆曬餡好滿🤣上面加上芝麻粒，味道更顯突出🥰日本醬燒蟹棒壽司2件🍣 $18加左醬油係蟹棒度再燒，好正，蟹棒味道甜甜地，比起普通蟹棒既味道更😍立魚黑松露壽司2件🍣 $18立魚好新鮮，上面加上黑松露，一啖食落口好香黑松露味再加魚香，好享受🤤炸蝦天婦羅拼盤🍤 $33有2大隻天婦羅蝦、茄子、秋葵等😋炸得剛剛好外皮香脆，入面材料仲係保持原有味道😋好仲意天婦羅蝦，大大隻好香蝦味又彈牙😋茶碗蒸🍵 $18有冬菇、

今日約朋友喺旺角食飯 嚟得呢區我哋嘅目標好清晰=食平靚正好嘢 目的地係長板燒居酒屋 目標係午後優惠餐牌 由中午到六點 半價食物有壽司 卷物 天婦羅 手卷 軍艦 和食 麵食 小食 聽到開心 食落仲舒心💕 因為荷包唔會赤赤痛-🥗#蟹子沙律 $28🍥#茶碗蒸 $18前菜一冷一熱 夏日炎炎先食爆口Q彈蟹子沙律降温 接住嚟一個燙手茶碗蒸 入口熱辣辣 蒸蛋滑嘟嘟-🍣#自選壽司盛合壽司以兩件為一份 半價後每件$10左右 我哋揀咗4款 全部用有味飯 有: 柚子燒赤蝦壽司 日本醬燒蟹棒壽司 醋鯖魚壽司 玉子壽司-🍜#叉燒拉麵 $33🍤#炸蝦天婦羅烏冬 $33叉燒拉麵湯底味道濃但唔太鹹 拉麵尚算有咬口 天婦羅好正 有蝦🦐茄子🍆南瓜🎃蕃薯🍠 出面食起碼要$50 依家$33仲要連昆布湯烏冬 抵食又好食 冇將貨就價-🐟#燒花魚一夜干定食 $78半價餐牌以外另叫 一夜干燒得焦脆 賣相好睇 魚肉入口略鹹餸飯就剛剛好 白飯粒略嫌硬身😅-📍旺角砵蘭街189號2樓