長阪燒

營業中

休息中

今日造成大生意，想鼓勵自己，食番一餐好嘅。請經朋友介紹，在旺角有一間交通方便，性價比較高的日本餐廳，所以，就專程到來一試，結果，食物質素高，實在喜出望外，非常美味，也很滿足，最重要，就是價錢算便宜，值得大家一試。👍👍👍👍👍日月炙燒三文魚海膽帶子飯-帶子非常新鮮，而且海膽很新鮮，三文魚有很多，我推薦大家嚟到，一定要食這個飯，超級超級抵食，又好味。💖💖💖💖💖虎蝦天婦羅-虎蝦大大隻，表面脆卜卜，蝦肉很新鮮很爽，蝦頭又多膏，好正。😋😋😋燒蠔- 上面鋪上醬料，與蠔味很夾。清酒煮蜆-很多蜆肉，酒又好香，熱辣辣的，好好味。👍🤩麵鼓湯，和風沙律，咖啡，質素也都可以。享用了一餐美味日本料理，整個人都精神晒，大滿足。一定會再嚟幫襯。😍💖

呢間餐廳最近推出廚師發辦套餐，以最優惠價錢食盡刺身、壽司、串燒、天婦羅、燒烤、釜飯等日式料理🏮🥢長阪12旬彩席間料理($480/位)💗前菜梅水晶以鯊魚軟骨同梅子蓉製成，酸酸地好開胃；磯煮鮑魚彈牙入味；瑩光魷魚飽滿多膏，鮮味十足🍱💗刺身拖羅肥美柔嫩，帶豐潤魚油香；伊佐木雪白彈牙，佐以玉味噌🐠💗卷物以熟成6日嘅赤身捲入鮮甜嘅海膽，再加上長芋蓉，口感豐富🐟💗玉子燒玉子燒口感似蛋糕咁鬆軟，配搭火炙青森鯖魚箱押壽司🍣💗蒸物雞蛋蒸滑捊捊，放咗矜貴嘅鵝肝粒同魚子醬🥚💗味自慢燒物分別有三款串燒，有五花黑豚、汁燒雞肉大蔥、鹽燒薄切牛舌，每串都燒得啱啱好，超有肉汁🍢💗時令燒魚燒藍鰭吞拿魚鮫極之肥美嫩滑，魚油脂豐富🐟💗天婦羅天婦羅炸得金黃酥脆，而且粉漿夠薄，有星鰻同日本蕃薯兩款天婦羅，配上天婦羅汁或綠茶鹽🍤💗燒時令貝鮮嫩嘅北寄貝加入袐製湯汁同牛油燒成，非常鮮甜🐚💗漬物、釜飯釜飯選用山形縣女王米加上昆布汁煮成，飯粒飽滿而且較濕潤有粘性，配上魚乾同牛蒡漬🍚💗湯品鯛魚湯熬煮8個鐘，魚味濃郁，再加入蜆肉增加鮮味🍲💗甜品總共有四款甜品，分別係西瓜🍉、巨峰提子卷蛋🧁、忌廉十勝紅豆綠茶蕨餅🫘同熱帶果特飲🍹

原本對呢間餐廳冇特別期望，估唔到無論服務質素定係食物質素都極之推薦👍🏽呢個價錢可以坐3.5小時，仲要全程啲職員有禮貌，有傾有講，不斷斟茶遞水，每一個道菜都詳細解釋而且菜式好精緻，目不暇給嘅感覺！熟食Omakase 啱晒唔食生野嘅朋友又滿足到我想食日本嘢嘅願望😍

蟹子沙律：切得好幼既青瓜絲配上蛋黃醬，去除左青瓜既草青味，只剩低清新既感覺，加上粒粒蟹子令口感更豐富，出奇地好味😋沙追魚天婦羅：呢個價錢有3舊魚加片紫蘇葉幾抵食喎，魚肉幾滑，不過個天婦羅汁就有啲唔夠咸。火炙三點刺身：有炙燒帶子、拖羅同左口魚邊配上海膽同三文魚子，左口魚邊啲油份燒出黎好香，帶子冇咁多油但鮮味同面頭既焦香融合埋一齊好好味，美中不足既係拖羅有啲過熟既感覺，不過有燒過既油香搭救，海膽同三文魚都幾鮮甜，中和番炙燒刺身油膩感。芥末青瓜：估唔到芥末同青瓜係咁夾既！佢地將青瓜個芯批左出黎果舊特別好味，可能因為相對有皮既入味啲，吸左啲柚子醋同芥末，都係令到個青瓜完全冇草青味又開胃。串燒：最中意係燒年糕，本身以為佢係入面有芝士果隻原來冇，但冇芝士冇咁膩更加好味；免治雞肉串點蛋黃醬油唔會錯啦；青椒蝦滑就偏辣唔食得辣既要小心；雞皮同菇本身冇咩調味，我地唯有點番蛋黃醬油😂呢到仲有啲特別啲既串燒例如係提燈同埋鵝肝大黑菇，可以一試👏🏻環境方面非常唔錯，坐吧枱可以幫住師傅整野食，吧枱凳高侍應仲會好貼心幫我地推凳，廁所都乾淨企理。餐廳仲有生蠔供應，價錢都好親民，大家中意蠔既話都可以黎試下！

一位深綠色衫女店員，應該係經理，態度十分極之差。 真係難怪而家越嚟越多港人北上消費。 餐牌上寫住生蠔四隻配一杯白酒，送上嚟嘅時候變咗rose，問呢位女店員，佢就話係㗎啦得呢款， 基本上係送嘅咁你要唔要？ 我哋心諗咩叫送呢！？你喺餐牌寫出嚟，其實價錢已計在內！白酒配生蠔應該係夾嘅，你而家整杯rose？ 跟住我哋話我哋唔要喇，然後佢就好黑面，大大聲聲向廚房講，掉咗啲生蠔佢！ 大佬呀，而家係你違反咗商品說明條例在先，態度仲可以咁差？ 呢位綠色衫店員落單其實已經好hea，我哋叫一個 松葉蟹蓋燒， 我仲有指住本menu話畀佢聽喺邊款。。 埋單發現佢落單嗰款都係蟹蓋不過多咗幾件多士，然後由原本嘅好似68變成128。 既然都食咗，我哋都冇問返佢了。唉～ 廚師發板壽司質素亦超級麻麻， 啲飯應該煮過了太久時間或者加咗太多水，然後用力手握完之後個口感好差，連wasabi 都無加入，睇相都見到軍艦嗰兩件嘅紫菜完全淋曬 ！！咁嘅質素絕對唔值呢個價 (HK$388 未加一)。 連平價連鎖餐廳 元x 都好食過佢好多。 彈還彈，讚還讚，呢度有位黑色衫短頭髮嘅女店員禮貌非常好，可惜好人通常都畀人蝦，朋友聽到佢同綠色衫

位於鬧市中心 旺角 有一間樓上居酒屋 靜靜地chill 🥰🍻.日式裝修 如置身日本 仲要坐吧枱 望住師傅將新鮮食材處理 然後再送到我哋面前 就好似去咗轉旅行🇯🇵.🔹虎蝦天婦羅 🍤x2 $98超級巨型虎蝦 蝦肉新鮮彈牙 炸得好香脆 識落唔會好油😚食到最尾 啲殼仲可以分開食 .🔹豚肉蒜心卷 🍣x1 $28充滿豬油香嘅豚肉特別好食 仲要厚到啱啱好蒜心爽口 同豚肉勁夾😍.🔹明太子醬燒翠玉瓜 🥒x1 $38熱辣辣+厚實嘅翠玉瓜 燒到啱啱好 將水份鎖緊 一咬落去仲會爆汁！明太子醬濃郁 而且鹹甜啱啱好 開頭好難想像會將兩者一齊食 冇諗過係咁夾 超級有驚喜🥰🤩.🔹鮮磨山葵牛肉 🥩x5 $68Wasabi 唔會好攻鼻 仲好香 牛肉軟林 唔會太乾太硬 啱啱好再加埋啲醬汁一齊食💯.🔹 拖羅海鮮豪華太卷 🍙x5 $188香滑拖羅超林身 夠晒水準 再配埋新鮮嘅海膽 仲有大大粒嘅蟹子 一大啖放落口 係冇食到多重口感拖羅嘅香 海膽嘅琳 爆汁嘅蟹子 真係超級滿足🥹🥰.📍長阪燒 (旺角)旺角砵蘭街189號2樓

日式裝修風格有4款枱形 普通形 bar枱 卡位 榻榻米獨立房我地今次坐bar枱位 都幾舒服食左14款食物 有沙律前菜 特色小食 串燒芥末青瓜 $48開胃醒神蟹籽沙律 $48蟹柳青瓜絲烤魷魚干 $58比較有咬口雲丹烏賊小砵 $68甘甜海膽鋪左係頂層中間既烏賊有口感底層係已調味既日本米飯旁邊加左三文魚子 如果配埋小匙羹係旁邊 會更貼心海膽拖羅蓉最中餅 $138花形脆餅內放左多款刺身有海膽 蝦 拖羅蓉 三文魚子一啖放入口 鮮味十足 滿足感覺虎蝦天婦羅 (2隻) $98炸蝦香酥鬆脆 配埋天婦羅醬汁 岩岩好日式蜂巢手羽先 $28唐辛醬烤手羽先 $282款燒雞翼都係外脆肉嫩醬燒海苔年糕 $28煙煙unun 醬油比較濃味日本直送銀杏 $28略帶苦澀燒明太子飯團 $28有別於普通放餡料係中間既做法 呢款係整個以粉紅色呈現 好吸睛外脆內軟 微微辣既味道活鰻小串 (2串) $38調味清淡 唔會搶左鰻魚原有鮮味明太子醬燒翠玉瓜 $38調味剛好燒蠔 $48鋪左海量蒜蓉係蠔既表面大大隻 冇腥味 肉質嫩滑

旺角鬧市中的樓上日本餐廳，環境好舒服，職員好有禮，好悠閑開靜👍🏻- 烤魷魚乾好開胃👍🏻好好咬口、好入味😋- 拖羅海鮮豪華太卷好正😍😍😍有肥美既海膽，入口已經好香口- 鵝肝大黑菇鵝肝好香濃，好match，分開食、一齊食都好食🥰- 燒蠔好大兩隻，係滑既👍🏻🫶🏻- 虎蝦天婦羅🍤啖啖肉，連蝦頭都好甜❤️- 日式蜂巢手羽仙&活鰻小串蜂蜜味既雞翼好入味🤭鰻魚亦都係皮脆肉嫩，彈牙👍🏻- 鮮磨山葵牛肉牛肉真心好滑好林👍🏻👍🏻👍🏻而且甜甜地好match！- 鹽燒三文魚頭連魚鮫魚肉好滑嫩，皮亦都燒到脆脆地咸咸地，好鍾意😊整體來講，好開心發掘到呢到🫶🏻餐廳位置方便、環境舒適，食物質素高而且食材新鮮，職員態度友善，好鍾意呢間餐廳❤️

3月12日係男友生日，因為佢鍾意食日本嘢，我search openrice見到呢間風評唔錯，就bk左枱同佢慶祝生日🎂呢度裝潢好有日本風情，侍應嘅服務都好好，有禮貌、收碟快、隨時加茶，照顧周到！拖羅根沙律 $78火炙燒吞拿魚尾，入口即融，油香滿溢，又加左爽彈八爪魚，係唔錯嘅開胃小菜鮮磨山葵牛肉串 $68牛肉入味軟嫩，山葵好溫和，唔會太嗆鼻虎蝦天婦羅 $98天婦羅衣好薄身，又唔油膩，最重要係虎蝦好肥美，入口啖啖肉，仲好新鮮彈牙！好出色的天婦羅🍤廚房發辦Omakase $298生日梗要嚟啲驚喜，幸運有男友鍾意食嘅帆立貝，又有好creamy鮮甜嘅海膽壽司！最正係壽司飯用日本靚米，加左醋，夠正宗！日式蜂巢手羽先 $28呢款好似係新嘢，所以我地都嗌左～雞翼甜甜地，燒得岩岩好活饅小串 $38男友鍾意呢道，外面香脆，內裏魚肉爽彈，而且仲唔腥豚肉蒜心卷 $28呢個配搭幾有口感，豬肉香脆乾身，蒜心軟嫩濕潤，入口有反差，但幾正；加上燒烤粉，香辣惹味燒粟米 $28粟米塗上牛油，燒得金黃微焦，更加香甜燒菠蘿 $58食左咁多野，梗要加碟菠蘿幫助消化！擺盤整到條魚咁，幾盞鬼！菠蘿好甜好多汁，係健康嘅飯後甜品！好彩男

之前聽朋友講過話呢間餐廳用料新鮮同食材好高質素，今日咁啱要去旺角做嘢，所以放咗工之後就過嚟食晚餐。餐廳裝修環境優雅而又有日本風，座位亦都好舒適。菜式嘅選擇好多，亦都有套餐可以揀，而嗰日我哋選擇咗叫自己有興趣嘅嘢食。燒蠔好大隻好新鮮，又夠曬厚肉，加埋好香嘅蒜蓉燒得好好食。另外，我地叫左豚肉赫心卷，鮮磨山葵牛肉串同埋青椒蝦滑串，全部都配搭得好好食，又燒到有好香嘅炭香味。特別值得一提嘅係明太子醬燒翠玉瓜，將翠玉瓜配上明太子最原來咁好食，食過今次之後以後試吓喺屋企整先🤣。食日本野點都要叫d生野食，所以我地叫左廚師發辦壽司七貫，食得出用料好靚，每一件刺身都好鮮甜，壽司飯酸度同質感恰到好處。雲丹炙燒和牛小砵煮得好入味，又保持鮮嫩。之前一路都食開用紫菜包嘅手卷，今次係到試用菜包嘅手卷，比起紫菜更有鮮味，好有創意。

#fafafoodblog旺角 #fafafoodblog日本菜🍴燒魷魚干 58 蚊🦑燒得好乾身入味 好有咸香🍴日式蜂巢手羽先28 蚊🐥🍴唐辛醬烤手羽先28 蚊🐥🍴燒蠔 2 隻48 蚊🔥蠔肉剛燒起熱辣辣 有蒜同辣椒調味 蠔肉彈牙 盡吸蒜汁 正🍴鮮磨山葵牛肉 5 串 68 蚊🐂山葵好香 唔會好似 wasabi甘辣 牛肉軟林入味 加 d芝麻 同咸醬汁好 match 🍴虎蝦天婦羅兩隻98 蚊大大隻虎蝦 蝦肉新鮮彈牙 殻整得靚仲可分開食 夠哂香脆 正🦐🍴豚肉蒜心卷 28 蚊🐷蒜心爽口 出面豚肉厚度適中 夠豬油香 同蒜心夾🍴自家製醬燒豆腐38 蚊醬汁帶 d濃同甜甜地夠開胃 豆腐出面香脆 入面密度高 夠口感🍴明太子醬燒脆玉瓜 38 蚊明太子醬甜咸適中 夠口感 翠玉瓜熱辣辣而且厚切 正🍴拖羅海鮮豪華太卷188 蚊🐟有香滑既海膽加埋新鮮 toro蟹子整成既壽司卷 正🍴原隻大啡菇28 蚊🍴青椒蝦滑串兩串32 蚊🦐用青椒最出面既位包住彈牙既蝦滑一齊燒 再加埋七味粉 yummy 🍴活鰻小串 2 串 38 蚊鰻魚燒得皮夠香脆 好香鹽燒香 鰻魚入面都夠爽彈#日本菜 #鰻魚 #吞拿魚 #魷魚 #青椒 #雞翼 #大

同朋友係旺角行完街，見到呢間居酒屋嘅裝修幾靚，於是入嚟試吓。雲丹烏賊小砵雲丹 (海膽) 鮮甜，烏賊 (魷魚) 彈牙煙韌，三文魚籽漲爆juicy，撈埋珍珠米一齊食，絕對係頂級享受！拖羅海鮮豪華太卷每舊壽司都鋪上海膽及拖羅蓉碎，中間夾住吞拿魚粒及青瓜，層次感非常豐富，一定要有一口食先有呢個效果！蟹籽沙律青瓜絲新鮮爽脆，配上蟹柳絲，再撈上粒粒蟹籽一齊食，口腔好fresh，蔬菜可以中和一下飽膩感虎蝦天婦羅 （2隻）虎蝦超級大隻，配上自家醬汁一齊食，真係好滿足，所以平時唔食蝦頭嘅我，都忍唔住要食埋佢！香辣牛肉 （5串）牛肉嫩滑，燒得好香，配上辣汁食，更加惹味！醬燒海苔年糕年糕表面燒到帶點金黃色，夾上紫菜一齊食，好滿足～明太子醬燒翠玉瓜將明太子表面燒有微微嘅焦香，再配上大大舊翠玉瓜，口感好滿足～豚肉露筍豚肉燒到表面脆脆地，夾埋露筍一齊食，可以中和一下豚肉嘅脂肪，感覺無咁膩～燒蠔蠔肉大大粒，放上蒜蓉一齊食，更加惹味！免治雞肉棒將雞蛋黃撈勻佢，將免治雞肉撈埋一齊食，令雞肉嘅鮮嫩感更提升更高層次！豚肉蒜心卷第1次蒜心，一開始仲以為係蒜粒嘅心，點知原來係蔬，配上豚肉一齊食，估唔到咁夾！燒冬菇冬菇燒到幾ju

係朗豪坊買野，轉個彎就來到長阪燒。店在二樓，環境好舒服，專門搵左吧台坐，可以望著師傅準備食材。前菜點了烤魷魚乾，魷魚乾烤得好香，乾爽有嚼勁，越咬越香。雲丹炙燒原條平目魚味道好特別，上面點綴新鮮海膽，平目魚帶有少少炙烤香味，入口非常滑嫩，一咬汁水滿滿，又香又嫩。海膽海鮮杯必點，海膽、吞拿魚和三文魚籽鋪在捏好的飯糰上，鮮甜有咬勁。虎蝦天婦羅好大條，炸得好脆，咬落蝦肉肉質彈牙，加埋外皮又炸得酥香，一人一條根本不夠分，連蝦頭都炸得讓人停唔到口。烤蠔蒜油放得很多，蠔🦪很嫩，肉跟殼需要巧勁才能分開，吃得出好新鮮～跟著上了燒烤類。鵝肝大黑菇真的超級好吃，鵝肝一點都不肥膩，跟厚厚的大黑菇一起吃，又嫩又香，超級滿足。鹽燒豚拖羅跟活鰻小串卜卜脆，好味。兩種烤雞翅都好吸引人。日式蜂巢手羽先淡淡甜味，雞肉又嫩，皮脆香。另外一款烤雞翅唐辛醬烤手羽先有點辣，喜歡吃辣的一定要點啊啊啊，辣味跟雞翅融合度滿分。香辣牛肉也是又嫩又辣，正😄這家店真的好吃，下次要encore！

估唔到係旺角有間咁好食價錢又唔算貴嘅日本餐廳…>>>廚師發辦壽司七貫<<<超級推薦呢個壽司廚師發辦平時果本餐牌上面係無呢個吧枱旁邊嘅黑色牌手寫住嘅如果多啲人嘅話嗌12件仲掋係真係每一件都非常之新鮮而且每一件壽司上面都咸味食落去壽司飯仲保持暖暖哋Wasabi入口好新鮮唔會太辣…>>>雲丹烏賊小碎<<<見到佢個名好特別就叫嚟試吓原來雲丹上面嘅就係放左海膽海膽好好食非常之新鮮好甘甜下面烏賊係魷魚切碎咗一絲絲最下面就係有一大嚿壽司飯嚟…>>>烤魷魚干<<<未送到過嚟枱面已經聞到好香雖然我哋冇叫酒但係送酒一流…>>>日式蜂巢手羽先<<<>>>唐辛醬烤手羽先<<<見到做緊宣傳優惠好掋食咁啊我哋分別叫左一隻辣一隻唔辣係雞全翼燒得好香上面有醬汁…>>>青椒蝦滑串（2串）<<<係好特別嘅配搭我地第一次見每一串有三件用青椒

屹立於旺角最旺地段嘅長阪燒，今日有幸慶祝我另一半考車筆試pass咗，當然去吓呢啲人氣餐廳慶祝一下。我哋大概夜晚6點45左右到，估唔到個裝修都真係好抌本，真係第一眼就已經預知今餐一定會食到好滿足。職員安排咗我地坐bar 枱，亦都可以望到師傅嘅手藝，睇完menu我地決定食豪啲：1） 沖繩海葡萄蕃茄沙律 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵2）北海道鮮帶子夾海膽 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵3） 雜錦天婦羅 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵4） 汁燒日本槍烏賊 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵5） 醬燒海苔年糕 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵🎌6） 燒牛柳 🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵7） 燒雞軟骨 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵8） 清酒煮蜆 🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵9） 燒翠玉瓜 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵10） 燒杏鮑菇 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵11） 燒豆腐 🇯🇵🇯🇵🇯🇵🇯🇵🇯🇵 / 🇯🇵🇯🇵🇯🇵🇯🇵🇯🇵首先上黎嘅沖繩海葡萄