長發麵家 (已搬遷) 新店位置

08-12-22魚蛋粉$18佢地話魚蛋自制,食落都有魚味彈牙,河粉滑冇膠味,我食過九龍城某魚旦粉名店,D河粉有膠味,結果成碗粉九成冇食到之前試過佢啲牛腩,係濃汁嗰種,肉炆得夠淋唔黏牙,食河粉一流;豬手就有少少彈牙但係都入味,有陣鹵水香,食完個口唇充滿膠質,撈粗麵掂;墨魚丸都係自制,有細細蔥粒,食到墨魚味, 咬口彈牙不過食完都要飲嘢解渴, 點解講到有魚味同有墨魚味?因為外邊有好多都冇囉合共$18

早前試了牛腩撈麵, 念念不忘那好味道, 今天又要試第二樣.今次要了牛筋撈麵, 賣相也和上次的牛腩撈麵一般, 但汁液郤稍多.最愛這裡的濃黑汁液, 十分和味, 加上香辣的辣椒油, 實在無以尚之.牛筋的腍度掌握得十分到家, 有咬口, 又入味, 現在想起也流口水.其實最初是想叫豬手的, 但是在坐下前看見一大盤煮好的豬手在無任何遮蓋的擺在檔口側, 登時胃口大減. 還是待下次罷!!!儘管如此, 加上貴和衛生欠佳, 這裡生意還是不錯的, 知味的人也不少.會再來的, 因為怕它在短期內消失了, 這味道便再難找了.

有時候，也會找找一些看似平凡，卻又有無限驚喜的食店，這裡就是其中一間。這裡一碗麵賣$18，份量還不多，但味道是蠻不錯的。是日點了墨丸麵和魚蛋米，魚蛋不算特別出色，但起碼爽口彈牙。而墨丸有很大驚喜，不像坊間那些有一大團粉製成，吃起來就是不一樣，很真材實料的感覺。就連油菜都新鮮無渣，十分鮮甜。回家看到食評，下次會鎖定豉油王撈麵為目標。

這裡的牛腩撈麵是近來食到最佳的, 連劉森記也要稱臣.細雨紛飛的下午, 只有兩個客, 不需考慮, 叫了牛腩撈麵, 五分鐘有得食.賣相麻麻, 牛腩放在一邊, 黑壓壓的, 是柱侯式的做法, 菜也沒一條, 麵的份量不多, 和麥文記差不多.先試湯底, 不錯, 很清, 味精不太多. 再試牛腩, 才驚為天人, 夠腍, 入味, 不黏牙, 香濃. 這時也不拘泥是爽腩或是坑腩了. 總之是好吃.麵也很好, 是銀絲細麵, 很爽滑, 就是豬油的效果, 一邊吃, 一邊東張西望, 見配搭也甚多, 包括豬手, 魚旦...等. 但價錢也甚不平凡, 自製墨魚丸要100大元一斤, 魚旦要72元, 是我見過大牌檔最高的價錢, 可謂不簡單.這裡除了枱面和食具頗為清潔之外, 其他器材簡直嚇壞人, 地上和溝渠充滿垃圾, 牛角扇的灰塵成寸厚...想起也毛骨悚然. 為了美食, 姑且不去望, 而且這地方也只適宜秋冬天光顧, 炎夏便米搞.KC兄熱愛牛腩, 如未試過, 請來一試, 包你滿意.

We were in Shumshuipo looking for computer gadget. As it was a pleasant day in December, we decided to try this Daipaidong for lunch.Though I know Shumshuipo very well from my days as a garment designer, I never explored to this side of town. Had it not from Openrice, I would never have discovered this place on my own.We ordered following:Lo Mien with special soy sauce ($18). The slightly sweet sauce went very well with the al dente noodle. Highlight of the noodle was the lard, which add the smo

11月2日某日無意中係OPENRICE搵到呢家麵店一睇... 竟然全無劣評..........心諗... "係咪咁跨張呀 "於是今日下午同左女友黎試試　：)（ 溫提：　搭地鐵既話... 深水步行過去應該會近D... ）一坐底... 就叫左2個豉油王撈麵... 我 + 墨丸 + 牛腩...女友 + 云吞 + 魚蛋...點知老細話 : "牛腩同墨丸併唔到既... 牛腩係要另外叫既..."仲俾老細抽左一大下水...... ... 咁我就淨係要左墨丸~~~好快d野就黎晒!!試左一口豉油王撈麵... WoW... 欲罷不能... 好香口... 好彈牙... 仲... 好油~~~ xdd話我知無落豬油真係唔信... 我好快咁將個麵KO左... 仲有D唔夠喉..............食完... 仲淨番成大碗油... 超正!!!!!!!!不過女友問我... "下... 你食到有豬油味咩...??? 我淨係食到好咸咋喎..."吹到脹一脹... = . . . . . . . . . . =再試試墨丸... 又係完美的... *_*墨丸中間有陣紫菜味... 超爽口... 勁彈牙...... 湯底有陣好

昨晚老公買了豉油撈面及豬手做宵夜!豬手好入味, 份量又好多, 但個人比較喜歡麥文記的至於豉油撈面, 其實未曾試過, 只是見openrice食評一致讚好, 所以老公特別買來一試. 果然...面好爽, 味道好似細仔時食過的味道, 總之就好掂! 但好味是否因為豬油的原因就不得而知.今日其實好心思思再食, 今晚就去過, 我諗現場食會更加滋味!

今日唔記得帶相機...今日同朋友兩支公,去幫人找婚禮裝飾.來到深水埗,發覺越來越多選擇,記起長發這間的食評一直高分,便提議往此吃麵.行到南昌街,記得應該是附近,怎知行了來回十條街,也找不到,問人,也不知.原來是要過了油站往石硤尾方向過多條馬路...兜兜轉轉,差點放棄...好在沒有半途而廢.坐下,即叫每人一碗豉油撈麵,加一碗淨雲吞.聽伙計(老細?)叫了一個「?」(聽不清楚)字,就代表了淨雲吞三個字,就是喜歡這種老味道.突然醒起要叫他加多點豬油.撈麵來了,這是驚喜之作,甜豉油的濃,豬油的香滑,加上麵底出奇的爽,這個奇妙結合交織著整個口腔.這絕對是近年所吃的麵食中出色之作.雲吞亦恰如其份地有散尾,豬肉和蝦肉比例剛好,不會誰搶了誰的風頭.這是一粒好雲吞.雖然食完一切,會覺得不夠填肚,不過以後卻會再被那個味道所引牽而回來這裡.在這遍金融海嘯下,請政府高枱貴手,不要再強制收牌,讓這些香港珍貴文化,一直維持下去吧.

買了個豉油撈面同淨墨丸做晏。豉油撈真係好正，好易食上癮。d麵好幼又爽口彈牙，無鹼水，難得。個秘製汁好掂，甜口唔太咸，還有豬油同蔥花香。淨墨丸個湯好味，無味精，帶有紫菜湯的味道。墨丸食落唔似齋得墨魚，口感像魚旦加墨魚粒，還有少許中國芹菜香。味道是不錯的，但魚旦加墨魚粒的texture 就是第一次食。無話好唔好...鐘意食好彈同好多墨魚粒的人，就會覺得呢度墨丸較遜色。

2008-9-6(星期一)我十分喜歡食魚蛋麵，於是專程去食，叫咗一碗魚蛋麵，魚蛋好有魚蛋味，但份量十分少，唔是太抵食啊！我眼那舖魚蛋可外賣作打邊爐，要$72才一斤，那麼$36半斤魚蛋，此舖買既魚蛋十分貴。它們舖頭註明魚蛋及墨魚丸是手打及自製。

攞完野, 在又一城一定沒有合心水的食野地方, 反正要出返深水埗, 便從石硤尾落車, 目標是一家老茶餐廳或是大排檔. 到埗後, 感覺早餐食得比較豐富, 所以否決了食茶餐廳, 轉戰麵一碗. 這條街仔, 大排檔林立, 中午有麵檔, 有咖啡檔, 兩檔都一樣座無虛席.食雲吞麵, 湯底夠清, 雲吞細細粒, 都算幾香口. 想快快食完走人, 這是(天氣不熱時)既好選擇.來此, 只感受大排檔風味, 只吃了雲吞, 感覺只是普通. 下次, 再有機會, 會試一試撈麵, 聽說是招牌.

是日，又是獨個兒來吃吃麵...在這裏吃過雲吞、牛腩及豬手，反而號稱招牌的豉油皇撈麵卻未曾嘗過，奇怪奇怪...吃撈麵，一向喜歡粗麵，不求甚麼，貪其更有口感而已。這裏的豉油皇，味道帶點甜，色澤比一般的深，再加上少許豬油，這碗撈粗，差極有限也...但也不是完全無懈可擊的。麵吃到最後有一點鹼味，這是其一；另外經拌勻後碗底仍剩下頗多豉油，足證撈得不夠勻循...還是懷念從前安利的出品....淨雲吞依舊很不錯 --- 大地魚湯底很鮮甜，再加九粒散尾小雲吞，吃極都不會飽。餡內豬肉及蝦肉參半，吾之摯愛也....一口麵，一口小雲吞，無敵之組合

做完嘢經過耀東街,走去食番碗麵先,叫咗好多人讚嘅豉油皇撈麵,先上湯,葱花與帶咸香嘅湯真係滋味無窮,懷疑是否落咗蝦籽?跟著碗麵就到,豬油味不濃,可能無叫佢重手D但豉油好香,麵身非常爽口彈牙,好正!令人回味,認真值得推薦.

暴風一族深水埠"爬梯"第二站,就來到隔離的鐵皮檔"長發".七個勇士也沒有少,豉油撈,淨魚蛋,炸醬撈,同小二說:{撈麵記得落重油!},看到小二的眼神,有點點不可思議.大抵在想:{你地班友究竟搞乜X?}可能在他心目仲的時下一輩,已不敢去領教豬油.旋即一檯都係,大兜亂來吃.炸醬濃厚甜帶點微辣,配幼麵就不及粗麵.豉油撈的豉油味道較得很好,連埋豬油,與彈牙的麵條撈在一起,實在是天下美味.相信友人子陵兄來到,吃罷一定感動流涕.反過來的魚蛋,有魚味,不腥,入口彈牙.也不錯,但我愛豬油撈麵多一點.已不下說過多次,撈麵不加豬油,同個太監沒有兩樣.去勢之後,還有用嗎?Beyond就叫大家一起高呼Rock & Roll,我們就一起高呼:{膽固醇萬歲!}如果你視膽固醇為最佳損友的話,便來吃吧.

在九龍城的陳南記已結業之後,小弟心目最好的柱侯牛腩,只剩下石硤尾兩檔,漢發同長發.這一夜再次來到耀東街,大熱天時坐在大排檔,殊不好受,為了一碗美味牛腩,又有乜所謂?上次來除吃牛腩之外,另外亦吃到一碟回味無窮的豉油王撈麵.轉眼間,已是兩年多前的事情.今次要個腩撈麵,加把口:{多豬油.}吃撈麵不下豬油,同不喝可口可樂而喝百事一樣,要下地獄的.用柱候煮的牛腩,特別惹味,牛腩稔熟入味,落重油的撈麵份外香滑.麵條煙齦,但也帶一點點鹼水味.不能太大苛求.記得上次來店員說:{吃撈麵不下豬油,怎像話?}在現今的粉麵店,究竟仍有幾多間,會與這間大排檔的店員,抱著同一想法?