長洲張記

營業中

休息中

到埗時，片頭已經售罄。叫了魚蛋墨丸米粉（$20）和細豆漿（$5）作爲在長洲的午餐。主角不是粉漿製成品，吃來爽滑彈牙，特別喜歡他們的墨魚丸，内裏有點點芹菜，令味道更清香。米粉份量不算多，只合light meal 或下午茶。這裡的魚蛋和墨丸確實不錯，本想買點回家打邊爐，但店家說只有堂食，唯有作罷。

我們一到長洲便找它，原因是NICOLE曾在香港的旅遊書裡看見它介紹這裡的麵。魚旦-彈牙，彼好吃的。牛腩-屬於中上的質素。雲吞-沒有什麼特別。墨魚丸-是我們最讚的，這不是我們平常打邊爐由機製造的丸，這種很彈牙!而且比較特別!平時在旺角那些麵檔，是不會嘗到這種手打墨魚丸呢!縱使這裡的墨魚丸是多特別，我想我們不會再到這裡吧?因為有一樣東西，我們不明白的!米粉啊，麵啊是很貴的嗎?!不明白麵的數量怎麼會那麼少..(是我們胃口大嗎?!!)我們吃過麵後，還有餓的感覺.. -.-"如果一碗麵只是十元，那就非常抵吃!!!但現在..好像是二十多元(也忘記了!)..

長洲出名魚蛋靚,見這兒人頭湧湧,都來試下價錢不平,但魚蛋及片頭普通,豆漿亦淡,試過一次便夠朋友說要品嚐靚魚旦,要返去筲箕灣

▄▄▄▄▄▄▄▄▄▄▄▄▄▄▄▄▄▄▄▄▄▄▄▄魚蛋粉好味吔，唔試會後悔啦...... ▄▄▄▄▄▄▄▄▄▄▄▄▄▄▄▄▄▄▄▄▄▄▄▄大家應該去試下魚蛋粉，真係好好味吔！

呢間野以前好出名，但做下做下長洲人都少去食，因為貴得來細碗大把地方好食過佢...長洲長大都係食過幾次，都係有朋友要去先食，味道好一般，名不副實。

行到唔知食乜，老公又帶返我黎呢度。本來我叫魚蛋米，老公叫墨魚丸片頭河，點知佢果個黎左個魚蛋片頭河！拎到黎，我問返落單個女仔，呢D係墨魚丸？！咁似我D魚蛋ge？佢仲答我呢D係魚蛋，懵閉閉！我話我老公明明叫墨魚丸喎！老公話算數，是但。但我真覺得唔抵！咁同我叫魚蛋河有乜分別！？仲要俾貴幾蚊！又同市區差唔多。算吧！去旅行，開開心心啦！

渡假,緊係要食返D特色野啦聞說張記魚旦粉出名.都係同女人仔慕名而來.魚旦粉//黑丸米//食後感:份量少,味道冇乜特別,價錢以粉面檔黎講,算幾貴.16蚊一個粉面,豆漿細既5蚊,大既8蚊.只此一次下次都係返返去慈雲山明記啦.

長洲出名魚蛋好多人都知，但食魚蛋河地方就似乎得呢度，我地黎到已經五點，本來想食魚蛋河話冇河粉，唯有退而求其次要米粉，仲叫多咗個魚皮。米粉嚟到份量唔多，不過好奇怪地有舊炸物，似乎係炸雲吞，但食落唔覺有饀，淨係覺得好炸，有啲似蛋散味。講返魚蛋，味道唔算突出，不過都ok爽滑。魚皮幾夠脆，但冇乜味。嚟呢度主要食名氣，而且都幾貴，想食好味魚蛋我諗都係返市區好啲。長洲有好多街頭小食，下次嚟都係留返個肚食果啲喇！

試了片頭魚蛋河，完全是中下水平，味精湯，魚蛋及片頭都食到味精的感覺，口感雖然彈牙但有點過實，河粉更差劣，雖然肚餓，都可以食剩，可想而知水準去到什麼水平，最重要係收$23一碗，真係...呻笨！最唔低得佢仲咁好生意，真係替d遊客不值包括自己！

今年學校旅行去長洲,自己唔知長洲有d咩好食,但又冇理由去麥當奴食咁普通,點都要食番d冇咁普通的野,就黎左呢度食...黎到叫左碗魚旦河...魚旦河黎得細碗,魚旦上面有隻死蚊,衛生方面打折扣...河粉唔太淋,有咬口,本黎都可以加番d分,但...魚旦唔得,唔彈牙,仲有d腥...至於魚片就ok,冇乜特別...16蚊,細碗,所以食完都唔飽,都係唔抵...未必有下次...

個日去長洲,見佢好耐歷史咁,一心來長洲都係食下d地道野,一於試下啦....地方小唔清潔唔緊要,都係風味姐,叫了四個河,小而一般,個人認為樂園重好食,之後叫多個菜食下啦,唔得,埋單走人...咁貴的,原來個碟菜仔要十幾元(印象中)....無得頂!!!

1959年?... 是這舖建成年份,並不是該店始創期.這店出名因由:在7O年代,長洲沒有大發展,還沒有大填海工程,當時大陸還未開放,港人短程旅遊.多往離島新界旅行.長洲乃其中旅遊重點.當時長洲沒有很多地方食野.唯一好食地方就去張記.張記在現舖前面大排擋經營.張記前老板所創手打魚旦.得本土居民及遊客讚賞而成名自從前老板去世後.經營手法不當,急功近利.食物質素下降.湯底咸.魚旦腥.細碗.價錢貴.連長洲居民都唔邦瀙.如果你心水清.星期一至五.係冇客日,只有周六,周日,或假日.港客暮名而來光顧,不過食後....都媽媽聲.連市區10蚊8蚊一碗魚旦粉都不如。

上星期日與男友到長洲玩兩日,去之前梗係做足功課,睇下邊到有好野食啦!第一站就係黎左呢間食麵。之前係呢度見到d評語也是好壞參半,但男友話呢間都幾出名,所以就走左入去食。叫了魚旦河($16)和墨丸河($16),還叫了兩杯細豆漿($5@)。呢度既丸都幾彈牙,不過就好似細粒左少少咁。而且我覺得食魚旦好似抵食過墨丸,因為除了有4粒魚旦,還有4塊魚片,另外仲有一舊炸野係上面,個舊野好似人地食粥個d脆卜卜既野咁。但係墨丸就只得4粒,同埋又細粒喎,邊夠食架?!

張記魚蛋粉有名且有一定的歷史。的確要去試一試食!不過，食完後，心中只有一句:名不府實。魚湯味醒~價錢貴~最重要係服務態度差。單併要成$17，而且好細碗，勞麵要成$19蚊，太貴了，不用幾啖就食晒，而且味道一般，與太子的香港魚蛋的味道相比仲差一皮!!!

魚蛋細細粒，但幾有魚味，仲有d彈牙，比一般的大路貨好得多，個湯幾好飲，配魚蛋好夾。$17碗都幾貴，如果$15就合理d。