鐵牛台灣牛肉麵 (金巴利道) (已結業)

慕名而來⋯⋯鐵牛在尖沙咀東都幾好生意現多開一個金巴利道地牢慕仰其威信當然從俗食紅燒牛肉湯麵個湯還可以咬一口牛仲硬過過夜牛脷一陣沒有鮮味的牛氣味同伴們的卻沒有那麼差我只有三長件試吃了兩條硬柴沒有味道只好好好喝牛肉湯全碗沒有一塊蘿蔔一或半條菜把些少牛 腱吃完因為太失望也不能完成這個蛋面條只熱湯符合我對台灣人牛肉湯麵要求女友一個酥炸豬排一陣雪豬除炸掉和濃調味料掩藏⋯⋯一定程度的除心忖如此材料點有人俾面？雖然人客午餐都算okay 加五元珍珠咖啡較合理的味可入口但並不表示我會再來女友要台灣奶茶午餐免費送茶粉開的0$算了啦⋯⋯若58$牛肉麵以這種牛奉上一定不會有第二次

已經唔知第幾次食鐵牛了，因為讀poly的關係，lunch或者放學去鐵牛食飯係非常近的。今次我同2位朋友夜晚7點幾左右去食，個時無人等位，但裏面已經坐左好多客。我叫左甜酸雞便當🍱，d醬汁偏甜多過酸，但都幾開胃，雞塊是用炸的，但不太油，不太乾，幾好食。 而個便當有d樣細細兜的配菜，今次有雞蛋配菜莆; 中間個款似係酸齋，和菜。朋友一呢個是雞腿扒滷肉飯便當，大力推介這個飯！！個飯同個雞腿都好食，雞腿咸咸地咁，而且都有5,6舊，三款的配菜也是一樣的。朋友二嗌左牛肉麵，賣相幾好，但嫌佢牛肉件數少，只有3件左右，如果件數多翻d就再好d。 個麵都好食既，湯底略咸。overall鐵牛既價錢係偏貴的，加熱飲品最小也要加12蚊，建議到附近買台式飲品👍🏻👍🏻

今日去左尖沙咀行街，食飯時間咁岩行過美麗華見到鐵牛，見唔洗等位就入左去喇之前都聽朋友講過鐵牛好食，但美麗華樓下呢一間開之前，好似淨係尖東個邊先有，一直都冇機會去個邊試，今次終於有機會！地點真係好方便，而且七點幾呢啲晚飯時間，唔洗等位就入得去喇！今次兩個人去食，又唔算好餓，所以淨係一人叫左一個餐分別係鹽酥雞滷肉便當，同埋紅燒牛筋腩麵先講講個便當先佢有三小碟嘅前菜有啲酸酸甜甜嘅豆卜，幾開胃其中一碟仲有隻滷水蛋便當嘅鹽酥雞粒炸得幾爽身，唔會話炸完比啲油浸到淋左鹽嘅份量都十分恰當又滷肉飯嘅醬汁都調較得幾好，唔會令人食完有種好漏嘅感覺但飯嘅份量就可以多少少喇今次唔太餓黎講就岩岩好夠飽如果好餓咁去 就未必夠飽喇跟住到個牛肉麵啦佢啲湯係另上嘅 幾得意湯都有好濃牛肉味牛筋牛腩都好淋 唔會好韌麵就正正常常啦 唔差嘅不過麵嘅份量都一樣可以多少少六十幾蚊黎講算係好唔錯架喇宜家出去第度食碗台灣牛肉麵都成七八十蚊最後就係飲品喇跟餐叫嘅話 飲品會平少少本身33蚊一杯嘅朱古力珍珠宜家只係比十幾蚊就有坦白講 原價嘅話真係有啲貴跟餐嘅就還可以啦當然冇出面專係整台式飲品店整嘅咁好飲佢啲珍珠偏硬 不過過下口癮都ok嘅最後埋

唔知係咪珍珠奶茶會上癮既關係，隔無耐就心思思想飲，家下外賣既台式飲品店就多，有得坐低食埋野既都唔係好多選擇，所以又重臨鐵牛食午餐勒。鮮蕃茄牛筋腩湯麵$ 62真係有大大塊鮮蕃茄，個湯底都重蕃茄味，牛筋腩亦忟得好淋。不過我都係覺得鐵牛招牌紅燒牛肉麵好食d，因為麵同個湯底比較夾，同埋牛肉味重d。一心黎飲珍珠奶茶就梗係加$8 叫啦，茶同奶既比例幾好，又夠滑，珍珠雖然無咩味但都煙韌。逢甲鹽酥雞滷肉便當 $55便當配有三個小食，有菜，薯仔同滷蛋。三樣都不過不失。鹽酥雞外皮都脆，但唔知係咪用雞胸關係，肉質有d 鞋。滷肉粉量唔多，但碗飯飯粒分明，幾煙韌加番d分。

突然心血來潮想吃台灣牛肉麵作下午茶，但又不想再到那些慣常光顧的連鎖店，便要找找新意思。有位朋友介紹我去試鐵牛，尖沙咀的分店在地庫，地方寬敞，裝修雅潔，服務採用半自助式：點菜後，先付款，廚房準備好食物後，侍應會把食物送到你餐桌上。第一次光顧這店，當然要試試它的招牌紅燒牛肉麵，落單付款後十分鐘，牛肉麵已送到餐枱；一個大湯碗裡有三條牛𦟌肉，一片青菜，一小堆青葱粒和少許雪菜；麵是幼身的，不像程班長的粗粗刀削麵類；湯底顏色較深，感覺上味道會濃一點。先呷一口湯，味道眞的較茶.木的湯頭濃，醬油味也沒有那麼重，當然青葱亦豐富了湯的味道；麵條煮得QQ的，雖然幼麵不太掛湯，但很彈牙；牛肉用上了金錢𦟌，筋肉紋理清晰，如可以把牛𦟌再炆腍少許，效果更佳！除了紅燒牛肉麵和珍珠奶茶外，我這回並沒有機會嚐嚐其他食物；但整體來說，這店由佈置、服務到食物質素和價錢都值得再光顧！

係香港食台式菜, 個人比較常去就係鐵牛, 一黎味道較為正宗, 二黎價錢相議, 而且全日免加一, 可謂物有所值!前排行經金巴利道發現鐵牛開左新分店, 地點更為方便, 接近尖沙咀的大型購物商場, 行街行累又肚餓, 行過隔離食餐台灣菜醫下肚都係個唔錯選擇。餐廳設於地庫, 佈置跟其他分店裝修一樣很有台灣風味, 這間分店空間感較大, 設有大部份卡位, 坐得幾舒服。自行click order紙落單, 再於櫃台付錢, 返回座位慢慢等, 就有店員送上。台灣主打兼呢度既招牌菜, 幾乎每次光顧鐵牛都定必ORDER既【招牌紅燒牛肉麵】HK$60湯底香濃, 有淡淡既藥材味, 牛肉忟得很林又入味, 麵質點帶彈牙, 偏少訐硬身, 唔會過份索左個湯底而變糊。麵食加HK$18仲可以嘆埋台式特飲【胚芽珍珠奶茶】只有少少甜, 跟台灣地道一樣, 奶味比茶味更出, 除了煙韌珍珠, 加入胚芽增添層次同埋麥味。朋友就試左個蕃茄湯底既麵: 【鮮蕃茄排骨麵】HK$62蕃茄湯底甜酸適中, 唔會油膩, 令人愈食愈開胃。但排骨炸得比較油, 還好表面帶少少脆, 肉質不硬芝士腔既我, ORDER兩款小食都選加入芝士既款式, 芝士味濃帶杰身,

網上見到有好多鐵牛既好評抱住極大既期望黎到依間餐廳我叫左lunch set紅燒牛肉麵加8蚊仲有一杯凍既珍珠奶茶❤️總共66蚊就有啦但溫馨提示 大家需要自己填好order紙再去cashier比錢先得ga上菜速度都算快 大概5-6分鐘牛肉麵就上左啦食牛肉麵第一步-試湯底佢既湯底都算合乎期望 雖然未有太大驚喜牛肉有3-4塊 有啲比較柴 但有啲就比較好不過麵就令人感覺少少失望湯既味道無滲入麵裡面 兩者好separate 可能係因為rush hour 所以煮既時間有少許不足(?)但珍珠奶茶既珍珠係慢慢細嚼下 會有一股黑糖味 算係比較驚喜❤️總括而言鐵牛未算令人失望 但都未能帶比我驚喜

見金巴利道開左一間台灣野便去試下。舖頭位於地庫，落到去有侍應帶位，他表示我地自己寫好餐後便到收銀處俾錢。個場都算大同多位，同埋差唔多8點既時間都冇咩人，所以見到好多枱都係食完坐係到傾計。本身見到個menu，樣樣野都想試下，不過兩個人唔食得多，所以就叫左一麵一飯三個小食。上菜速度超快，俾完錢冇幾耐個飯就黎啦!紅燒牛肉配黃金地瓜飯，唔知係咪加左地瓜既關係，D飯頗硬，必須要撈入紅燒牛肉既汁一齊食招牌紅燒牛肉麵，不是像大家所說跟台灣一樣的味道，不是很特別麻辣豬爽耳，味道不錯(呢個小食係我叫咁多個裡面食得最多!)好芝味芝士鹽酥雞，原來只係係鹽酥雞上淋上芝士醫，不過本身個鹽酥雞都好食既，如果再黎食的話就只叫鹽酥雞好了!最後一個小食肉燥小茄子，味道我覺得有點怪同埋甜左D，如有下次唔會再食!總括黎講，並不是想像中咁台灣!

一個人喺尖沙咀做完野想食碗牛肉麵，本來打算行去茶木，醒起之前見過呢間新開嘅台灣野，就行過去試下。平日下晝兩點到，一個人唔駛排隊直入。午市套餐都幾多選擇，價錢40幾至60幾，喺尖沙咀算好合理。一心想食牛肉麵，因此不作他選。留意番原來自己點完單要出去俾錢落單。單點牛肉麵$58蚊，好快有得食。賣相好合格。先試淡湯，湯底濃而不膩，唔會好掛碗，加上好彈牙嘅麵質，一啖湯送一箸麵，好吃！牛肉切長條型，夾雜牛筋，入口鬆軟，又入味又淋。食完成碗麵都好飽下，忍唔住飲多兩啖湯，希望陣間唔會好頸渴😂下次會再encore試下其他野👍

好朋友約出嚟食晚飯，就佢個頭放工，嚟尖沙咀搵野飯聚聚舊。係出面點餐，然後會有個號碼牌，之後店員會上菜。牆上投射左餐廳logo。餐牌好可愛，係電單車嘅形狀。女孩子比較怕食好多澱粉質，叫左一個面同幾款小食，開心share。招牌紅燒牛肉面食牛肉面當然要飲下個湯，非常濃郁，而且唔油膩。 牛肉份量非常多，入味之餘，亦都唔鞋口。我地2個女仔分面嘅份量岩岩好，面底比較大呀，面煮得軟硬度適中。鹽酥拼盤有3款炸嘅小食，鹽酥雞，花枝丸，蕃薯，一次過滿足曬我地想試唔同款食物嘅願望，而且每樣味道唔錯！夜巿小香腸台式香腸，燒得幾juicy，係我諗番去台灣夜巿嘅感覺。肉躁生菜女孩子食飯當然會點番一份蔬菜，平衡番。肉躁淋係生菜上面，都幾好食嘅，如果冇甘油膩會比較好。整體食物幾有台灣香味，而且價錢唔貴，可以再有下次。

朋友話 好耐冇去過台灣掃街好掛住個邊既小食為左滿足佢 揀左尖沙咀既"鐵牛"鐵牛同一般既台灣餐廳好唔同新派裝修 坐位舒服 好啱周未既時候 好好咁食番餐鐵牛居然有台灣啤酒供應啱晒送小食呀！！！想飲番杯既時候 有個新選擇！！我地叫左5款小食有牛三寶拼盤 <- 夠淋夠入味 牛筋最正 必食！！夜市小香腸 <- 朋友至愛麻辣豬爽耳 <- 通常都係滷水 呢個用麻辣黎整 有驚喜！涼拌小黃瓜肉燥小茄子另外 Share 雞腿排肉燥麵做得都好香 個湯就清清地 Balance 番濃味既小食好滿足既一餐暫時可以解決左朋友對台灣既思念～

我係鐵牛fans，食過幾次，不論係尖沙咀舊嗰間同旺角店，一直支持因為覺得餐牌食物好多種類，價錢又好抵食，好好味，非常值得推介嘅餐廳！！ 估唔到佢咁快又再係尖沙咀開多間分店。全場差不多滿座，啲嘢食都上得好快。我們全家嘅至愛，黃金梅子脆薯，配埋啲梅子粉真係好好味，每次必食！！仲要一份唔夠喉，食唔停。花枝丸 & 鹽酥雞好香口。牛肉麵，大大碗，秘製牛腩好味好香，超大碗麵好滑，必食！！一如既往，價錢抵，質素高，份量多，全部都好好味，食唔停口，值得推介！！

久聞尖東既鐵牛係openrice有好多笑臉 但成日排長龍 一直未有去試最近聽同事講原來美麗華附近開左分店 即刻去湊湊熱鬧同尖東一樣 新分店係地庫位置原來鐵牛係半快餐店形式 先點菜付錢 之後職員會為你送上食物食台灣野 諗都唔駛諗一定係點牛肉麵招牌紅燒牛肉 湯底濃郁 麵既硬度適中 牛肉亦有頭另外點左一個家鄉滷肉便當 滷肉肥瘦均秤 $48有埋三小碟配菜 幾抵食鹽酥拼盤 有台灣野必食既鹽酥雞同花枝丸外 仲有鹽酥地瓜(蕃薯) 好甜 味道有驚喜仲有呢個木魚炸豆腐我同小胖男友一致覺得最好味豆腐炸到外脆內軟 個汁好特別 今次飲左朱古力無點到珍珠奶茶 下次再試

今天放工和同事往尖沙咀金巴利道做美容護膚，做完已8時多，還未食晚餐的我們勁肚餓，即找食店醫肚，就在附近有一個大招牌吸引我們，就是鐵牛台灣牛肉麵，喜歡去台灣旅遊的同事想試下，我也贊同，於是就等位入座了。滷肉香酥排骨便當：排骨都好大塊，外層炸得酥脆，肉質嫩又入味，滷蛋和滷肉都夠味，撈飯一起食甚美味！芋香珍珠奶茶：芋香味濃，珍珠有口感，不會太甜。牛頭沙茶貢丸新竹米粉：貢丸彈牙，湯底加有沙茶醬，配新竹米粉很惹味！凍檸檬紅茶：茶味濃郁，甜度適中，冰凍好飲。奮起湖燒雞腿排肉燥麵：成隻燒雞腿斬件上，雞肉嫩滑又入味，湯底清甜麵滑彈牙，加左肉燥增加口感，十分美味！木魚炸豆腐：豆腐外層酥脆，內面嫩滑，木魚鮮甜美味，加上特製醬汁，十分惹味！夜市小香腸：食台灣菜不可缺少的小食，有口感帶甜味！每片腸加上一片蒜片，令味道提升，更加好味。鹽酥雞：雞肉外脆內嫩，加上少許鹽巴，令人食不停口。鹽酥雞配夜市小香腸：實在太好味了！我們再order多一碟鹽酥雞和小香腸雙拼，滿足的一餐！

最近看到鐵牛在尖沙咀看了2間分店，在諾士佛臺附近地庫的這間整個餐廳空間都很大很闊落，可以舒服地享用晚餐。食品以麵食為主，亦有便當飯類，選擇都很豐富。涼拌小黃瓜($29)小黃瓜即青瓜，跟一般的涼拌青瓜最大分別是這裡是切成長條形的，而且把中間的籽都切走，所以食落比較薄身爽口。涼拌小黃瓜是完全不辣的，用了一點麻油調味，輕輕帶出它本身的清新，作為餐前小食十分適合。蔥燒豬軟骨肉燥乾拌麵($62)台灣拌麵是我很喜歡的食品，把麵煮得彈牙，再加入醬汁﹑香蔥﹑青瓜絲及肉燥，拌均勻後每條麵都帶有醬油及蔥粒香味。肉燥都煮得很香，醃得很入味，食落很滑。豬軟骨煮得很腍，軟骨很容易就能咬開。而中間的肉都很多，醃至入味。逢甲鹽酥雞肉燥麵($56)整個湯麵最欣賞的是湯底，因為湯底帶有很重蘿蔔的清香，不像加入了味精的調味。個人覺得肉燥跟拌麵比較搭，因為有湯的話肉燥的味都散落在湯底內。鹽酥雞每件都小小的，炸至香脆金黃，咬落都是啖啖雞肉，不是始終用上雞胸肉，所以食落稍為有點老。珍珠奶茶($28)珍珠份量很多，咬落煙韌。奶茶跟一般台式飲品的相差不大，都是偏甜。洛神花茶($22)洛神花茶帶微酸，很開胃，跟麵食十分搭。