鐵牛台灣牛肉麵 (金巴利道) (已結業)

好朋友約出嚟食晚飯，就佢個頭放工，嚟尖沙咀搵野飯聚聚舊。係出面點餐，然後會有個號碼牌，之後店員會上菜。牆上投射左餐廳logo。餐牌好可愛，係電單車嘅形狀。女孩子比較怕食好多澱粉質，叫左一個面同幾款小食，開心share。招牌紅燒牛肉面食牛肉面當然要飲下個湯，非常濃郁，而且唔油膩。 牛肉份量非常多，入味之餘，亦都唔鞋口。我地2個女仔分面嘅份量岩岩好，面底比較大呀，面煮得軟硬度適中。鹽酥拼盤有3款炸嘅小食，鹽酥雞，花枝丸，蕃薯，一次過滿足曬我地想試唔同款食物嘅願望，而且每樣味道唔錯！夜巿小香腸台式香腸，燒得幾juicy，係我諗番去台灣夜巿嘅感覺。肉躁生菜女孩子食飯當然會點番一份蔬菜，平衡番。肉躁淋係生菜上面，都幾好食嘅，如果冇甘油膩會比較好。整體食物幾有台灣香味，而且價錢唔貴，可以再有下次。