鐵牛台灣牛肉麵 (金巴利道) (已結業)

尼間同尖沙咀另一間分店一樣都係位於地牢，門口有好大塊招牌，唔使擔心搵唔到。環境闊落，2個人被安排坐卡位。之前試過主廚私房牛肉麵，今次就點左紅燒牛筋腩麵同鹽酥雞魯肉便當。紅燒牛筋腩麵($62)牛腩同牛筋都係有d炆到好腍好鬆化，有d就好有趙口，都幾好味。湯底充滿牛味，幾惹味(不過仍然唔係我杯茶)，麵質略硬。(個人口味: 3.5/5)鹽酥雞魯肉便當($58，加配荔枝紅茶$18)落單大約3分鐘左右鹽酥雞就上枱，應該事前已經做左預備功夫，唔係即叫即做。鹽酥雞有6件，炸至皮脆肉嫩，好鬆化，好味，同某台灣連鎖炸雞店質素好似。魯肉飯唔係台灣好肥膩個隻魯肉，無我預期咁惹味。魯肉飯係熱既，第一啖食既時候，就好似食緊正常既白飯不過加左d肉碎係飯面，不過係越食越想繼續食落去，白飯粒粒分明，軟硬適中，唔錯唔錯。不過”友人”就覺得魯肉飯無魯肉味，麻麻地。另便當配有3款前菜(滷水蛋半隻，蒜蓉生菜，木耳羅白絲)，以前菜而言唔算難食。荔枝紅茶，係正宗既荔枝紅茶，連唔太好荔枝既我都覺得幾好飲。(個人口味: 4.7/5)總括而言，牛係幾好，不過唔太岩我地口味，炸物較優。環境坐得比茶餐廳舒服，價錢合理，無需加一，都算抵食。見

台式麵店.....用餐程序唔係好方便，因為要客人先去櫃臺買野食，但個格局又唔似會用呢種模式既餐廳，仲要坐低左，服務員先話比你知要出去買飛，如果一個人用餐既話，又要拎哂啲貴重物品出去，如果呢樣可以改善到就方便客人好多喇.....👍🏻👍🏻👍🏻食左沙茶醬貢丸新竹米粉手,,,味道係幾好，但因為沙茶醬同新竹米粉溝埋個口感好漿，好濟既感覺，令到我食左幾啖已經唔想再食落去嚕.........🙈🙈🙈

第一次去食鐵牛，佢係美麗華同the one 附近，十分方便。鐵牛環境好大，裝修都okay la，係要自己去櫃臺點餐的，係靚版大家樂。其實啲食物都好多選擇，好多嘢都好吸引。同價錢十分相宜。最後選了奮起湖燒雞腿扒便當。份糧好多，足夠兩人食。雞扒皮脆肉嫩，可惜雞肉不太入味，燒汁只流於表面。滷肉飯值得一讚，滷肉採用了瘦肉，佢亦加了乾蒜，十分惹味。而佢啲飯係用了珍珠米，加分加分。

When my friends ask me where to go for authentic Taiwanese- I will always recommend this restaurant because it never disappoint me! What you get is what you paid & even better ! The quality is always above standard!! we ordered the noodles and a snack platter as well, so yummy & will come back for the 3rd time for sure!

岩岩去食尖沙咀鐵牛，雖然牛肉麵的牛肉真係好好食，但我有一些不太愉快的經歷，去點餐時，點了一份紅燒牛肉麵和一杯凍檸茶走甜，係走甜的。到檸檬茶上枱後，飲左一啖，裡面有糖，咁我就好聲好氣叫一個男侍應，我話我叫左走甜，佢都肯幫我換過一杯，重問一個奇怪的問題，杯野飲過未，我心諗未飲過點知裡面有糖，我都算，我淨係答佢有飲過就算，佢拎走後，沿路行返去都用一個非常不悅的眼神望住我，我心諗，乜料呀，一杯檸茶，我又唔係好無禮貌，到佢拎返杯凍檸茶返黎，我已經見到我杯茶嘅檸檬係爛晒，即係佢地只係倒左之前果杯，加返d茶俾我，檸檬就用返我個d,，飲落去真係一d檸檬味都無，得茶味，真係多謝你。我唔敢再叫佢換過杯喇，怕一陣會加料俾我如果我係一間任何一間茶餐廳有咁嘅待遇，我都覺得人之常情，但咁大間鐵牛，你連一杯檸檬茶都要做成咁，重要送個男侍應嘅不悅眼神俾我，簡直做衰自己的招牌，希望只係金巴利道的鐵牛是這樣的服務。我都從未試過為杯檸檬茶寫咁多字同寫食評。

落勁大雨，3人行有兩人冇帶遮，唯有3個人用一把遮，放工後係咁冒住大雨去食鐵牛，lunch time 12點幾，冇咩人，一入到去就有位，即刻坐低睇餐牌點餐，寫好點餐紙就準備埋錢，自己行去cashier 度落單同比錢。 點了招牌紅燒牛肉麵同珍珠奶茶。速度超快，點餐是在入口旁，而我們的枱在餐廳最入位置，點完餐再返到自己位，10秒左右就已經拎左杯珍珠奶茶比我啦。珍珠奶茶味道正常，沒有特別，優點就係甜度較微，岩曬我，因為好怕飲到好甜好甜的奶茶。大約過多3分鐘，碗麵都黎埋啦。先試左啖湯，少少酸酸地，因為加左d酸菜，麵條好味，比較幼身，唔會太飽，咬口都幾好。牛肉好淋，好入味，好正 份量就剛剛好，唔會太飽。整個餐$90， 吃到算高質素的台灣牛肉麵。都算值。成間餐廳仲不斷播台灣歌手既歌。周杰倫，五月天既歌，可以一邊食一邊聽

從台灣過來旅遊，經過鐵牛嚐嚐看。味道普普通通，菜單的菜品都為給外國人吃的台灣料理。鹹酥雞飯等一類的，小吃種類滿多的。主要為麵食，算是一般的台灣小吃店，牛肉麵偏甜。

今日想食台灣野，夜晚去左尖沙咀呢間鐵牛，大概等左20分鐘到有位。呢到點餐要自己tick完 order紙跟住去櫃台比錢，無耐就會有店員送黎。我叫左個招牌紅燒牛肉麵，賣相豐富，而且幾大碗。牛肉麵湯底濃郁，幾甜但應該冇加味精熬煮，飲完唔太口渴。牛肉有牛腩牛筋，牛肉少脂肪，但都淋，味道仲唔錯！埋單都係$62一碗，價錢合理。友人叫左個主廚私房牛肉麵，除左牛腩牛筋，仲有種牛肉，我試左件，好軟熟嫩口，好入味，但唔知咩部位，總之感覺比較好吃。不過就貴少少。

今天遲了食午餐，行經金巴利道見到鐵牛尖沙咀第二分店，看招牌很吸引，就落去地厙試一試味吧。本來想食午餐，但見差5分鐘就可以食下午茶，因為此店是否以入座時間計的，所以決定等一下才入座。在等的過程也不是白過的，我要先選定點餐項目，然後付款，之後服務員會帶你入座。下午茶餐分別要在A項選擇一款飯或麵食，B項選擇三款小食及在C項選擇一款飲品。今次我先試了麻辣擔擔麵、逢甲鹽酥雞，椒麻牛肚絲和涼拌小黃瓜。飲品我選了另加＄9的凍古早味冬瓜茶。我只可以說，好味，真的好味。麻辣味夠香夠麻，加少少辣，令人很開胃。鹽酥雞也很鬆軟，食完很滿足，一定要列入再食的餐廳名單裡。

放假出尖沙咀行街食晏，帶朋友再訪呢間台式料理。同上次一樣，下午兩點幾唔駛等位。店入面好闊落。黎到先填點心紙，之後再去櫃台俾錢。先黎杯冬瓜茶同茉香綠茶，飲勝！紅燒牛筋腩新竹火粉，湯喉濃郁，米粉索晒湯，好食。牛筋軟滑，但牛腩太韌。招牌牛肉麵，牛肉好淋酥軟，唔錯。麵底都幾好，彈牙。如果可以牛筋配牛肉就好。鹽酥雞味道幾好，好有台灣味，但份量偏少。最有驚喜係呢碟肉燥茄子！本來以為係涼菜，上菜先發現係熱食。走過油嘅茄子皮脆，加埋甜甜地嘅醬同肉燥，又香又好食。

假日上班，幾乎所有餐廳都冇左lunch set，「鐵牛」都唔例外，只好加十幾廿蚊買餐飲。平時午市套餐就唔會有得揀焦糖咖啡，所以未飲過，今日機會來了就試下。我係非常嗜甜的人，若果你不喜歡甜野，奉勸勿點。焦糖咖啡既味道簡直同Starbucks杯Caramel latte一樣味，突然覺得加$18好抵。師奶心態既我當然揀d平時set lunch冇既野食，呢個香煎嫩雞腿便是。雞腿份量多，醬汁味濃，但雞腿未腌得夠，略嫌淡味。小食的麻辣蓮藕片又爽又惹味。老公就揀左台灣腸餐，大大塊蒜片配上台灣腸，食法地道。呢幾塊腸片比我的大塊雞腿飯貴，想必一定是高質素台灣腸。每人都係$7x，好抵食。餐廳亦會播大家耳熟能詳台灣歌，勾起不少我讀書時睇台劇的回憶。時光飛逝，不要說睇劇，現在的我是連訓覺時間都冇的打工仔。飲完杯高質咖啡，就精神抖擻的番公司做埋d文件野了。

今日完成左通頂數日嘅project。之後就同男朋友又是但去搵嘢食啦。其實鐵牛食過好多次。不過唔知點解今次嘅係特別好食的！可能真係關勞碌奔波完後嘅一餐事。 依到係先點餐比錢後上菜的。好嘅係食完就走得，唔好嘅係食食下想加單又要岀去比過錢。入正題先，可能飲過更好嘅珍珠奶茶，所以覺得鐵牛嘅麻麻地，不過次次又會叫一杯，唔知點解。今次叫左個大腸小食，因為個人好豬大腸，哈哈！雖然價錢唔算平，但大腸係幾女食的，先冇豬大腸臭味，洗得乾淨，咬落爽口，加埋上面嘅酸菜，味道好平衡。好食！自己就叫左豬軟骨便當，以前份量多啲，依家愈黎愈小了，不過好彩好食撘救，味道細緻，配一啖啖白飯，覺得好好食。佢嘅汁撈飯都不錯的！不過可否多啲軟骨喔！👻👻另外仲有小菜，都好食的，但生菜本身個鍋已經有了！芝麻白飯好香口，提升左白飯嘅地位。男朋友的係食雞扒拌麵，拌麵好開胃，偷左好多黎食！好食！而且佢份扒好大份！感覺超飽有時諗唔到食咩，鐵牛都係個好選擇！

已經係第三次食，但呢間分店係第一次嘗試。地點鄰近美麗華商場，都幾方便。今次係食晚餐，六點半到餐廳，人流唔多，可以慢慢享受餐廳嘅環境。叫嘢食要去收銀枱落單，上菜嘅速度好快，好似大約6-8分鐘已經上晒菜。首先嚟嘅係呢碟青瓜，味道唔錯，有應有嘅甜味，青瓜亦夠爽口，唯獨係覺得價錢偏貴，細細碟已經要29蚊再黎既係我點嘅雞腿肉燥乾拌面，個麵一試就停唔到口，個汁好正，分量都幾多，淨係個面我會比五星，唯一美中不足嘅係雞腿唔夠嫩。男友叫嘅香腸肉燥飯都比較普通，味道唔算突出。

好幾個禮拜都無食台灣野，晏畫諗唔到食咩就決定食鐵牛啦🤪食台灣野又點可以唔嗌牛肉麵呢😳今次嗌左一個正常，另一個蕃茄味嘅牛肉麵～正常嘅牛肉麵湯底聞落有少少藥材香味（唔算濃，可接受）自己最怕湯底太咸，破壞左成碗麵，但佢地嘅湯底清清地幾好飲🤩 牛肉煮得非常軟腍，仲會夾埋牛筋㗎～麵質彈牙，唔錯唔錯另外呢碗只係個湯底轉左蕃茄湯～真材實料，有唔少蕃茄喺湯入面，酸酸甜甜好開胃～賣相仲好靚，鋪左個星形嘅牛肉😆 不過兩碗麵嘅美中不足就係份量太少喇～好似食左幾啖就已經食哂啲麵，唔係好夠飽啊🤢以呢個價錢嚟講，如果多返少少麵咁就好多喇～

期待已久的周杰倫演唱會終於來到~演唱會前當然要吃餐好的才有力氣尖叫~特意選了他家鄉的菜來醞釀一下情緒~上次演唱會~6黠半來到這餐廳已經出現了長長的人龍~所以放棄了~今次早點到就不用排隊了~芝士花枝丸 - 濃濃的芝士醬配上熱辣辣的花枝丸花枝丸爽口又彈牙~可惜一碟只有4粒~~主廚私房牛肉麵 - 有牛腩、牛筋及牛𨫀~一次過試齊三款~滿足了貪心的我。很喜歡藥膳湯底，牛腩、牛筋都幾入味~但是太大碗~眼闊肚窄的我食不完...P.S. 當天店內正好播著周杰倫的歌~