鐵牛台灣牛肉麵 (金巴利道) (已結業)

好幾個禮拜都無食台灣野，晏畫諗唔到食咩就決定食鐵牛啦🤪食台灣野又點可以唔嗌牛肉麵呢😳今次嗌左一個正常，另一個蕃茄味嘅牛肉麵～正常嘅牛肉麵湯底聞落有少少藥材香味（唔算濃，可接受）自己最怕湯底太咸，破壞左成碗麵，但佢地嘅湯底清清地幾好飲🤩 牛肉煮得非常軟腍，仲會夾埋牛筋㗎～麵質彈牙，唔錯唔錯另外呢碗只係個湯底轉左蕃茄湯～真材實料，有唔少蕃茄喺湯入面，酸酸甜甜好開胃～賣相仲好靚，鋪左個星形嘅牛肉😆 不過兩碗麵嘅美中不足就係份量太少喇～好似食左幾啖就已經食哂啲麵，唔係好夠飽啊🤢以呢個價錢嚟講，如果多返少少麵咁就好多喇～