鐵牛台灣牛肉麵 (金巴利道) (已結業)

放假出尖沙咀行街食晏，帶朋友再訪呢間台式料理。同上次一樣，下午兩點幾唔駛等位。店入面好闊落。黎到先填點心紙，之後再去櫃台俾錢。先黎杯冬瓜茶同茉香綠茶，飲勝！紅燒牛筋腩新竹火粉，湯喉濃郁，米粉索晒湯，好食。牛筋軟滑，但牛腩太韌。招牌牛肉麵，牛肉好淋酥軟，唔錯。麵底都幾好，彈牙。如果可以牛筋配牛肉就好。鹽酥雞味道幾好，好有台灣味，但份量偏少。最有驚喜係呢碟肉燥茄子！本來以為係涼菜，上菜先發現係熱食。走過油嘅茄子皮脆，加埋甜甜地嘅醬同肉燥，又香又好食。