鐵牛台灣牛肉麵 (希爾頓大廈)

營業中

休息中

今日收工約左朋友落尖沙咀食飯，朋友想食台灣野所以搵左呢間試一試，之前有朋友介紹鐵牛既牛肉麵唔錯所以今次有機會一於黎試下。我六點半就到餐廳，餐廳空間幾大，可能時間尚早暫時唔使等可以即入坐卡位。野食種類幾多，我叫左紅燒牛筋腩拌麵同原味鹽酥雞。拌麵跟一碗牛肉湯。麵身好爽口彈牙，牛筋腩好淋好入味，感覺有啲似牛肋條，拌麵有少少牛肉汁，好濃味。牛肉湯都好濃牛肉味，只可惜味道太咸，飲少少已經想搵水沖，一般般。鹽酥雞都幾夠味，但我覺得唔夠熱唔係即炸即上碟個集，有啲失望。

今日路過尖嘴，見到有甘多好評就入去試試。愛佐一個湯面，一個撈面，一個火車便當。地面麻麻地，好似超市買的面煮既。湯就Ok小小。味精吾算太重。但系D撈面真是對不起觀眾。好像個碗湯面吾要湯甘。真是當香港人無要求咯。最好吃都是碗飯。但系地雞肉......我都係佩服呢佢可以整得咁難食囉。早知就系麥記打包過來啦。真係食得唔係好開心。食咗百幾蚊真係覺得啊麻麻地。個場地呢就算係乾淨囉，仲有個吧枱。但係廁所就隔得好遠。吾會再幫襯啦。

鐵牛食牛肉麵一向好出名 係香港有吾少分店🧐 今日就同朋友嚟到尖沙咀 朋友就話不如食台灣野 於是就嚟到鐵牛果日我地6.幾就到 可能未到dinner繁忙的時間 一入就有位 吾洗等 d位都闊落 坐得幾舒服😌我同朋友就叫左招牌牛肉麵同逢甲鹽酥雞滷肉便當share😽😽😽牛肉麵湯底入口有好輕微藥材味 偏濃 牛肉都幾鬆軟 麵條彈牙👍🏼👍🏼👍🏼便當質素正常 整體無話太驚喜😳😳😳😳下次經過就路都會試下推薦:⭐️⭐️⭐️

一路都好鍾意食台灣野平時放學冇咩嘢食都會嚟呢度食下佢嘅下午茶主要係因為價錢唔貴大概三$40 份量又唔會太大 同埋有幾款嘅小食可以過下口癮 去親呢度基本上都會叫擔擔面跟住要鹽酥雞小香腸同埋麻辣牛肚絲 個人覺得呢幾款小食性價比最高同埋最好食呢度嘅台灣奶茶都唔差㗎 ！ 同平時香港奶茶同比較冇咁重奶味 如果大家鍾意飲珍珠奶茶嘅亦都可以加錢改做珍珠奶茶 一次過滿足你食同飲嘅願望總括來講呢度係一間性價比幾高嘢食都幾好食裝修又好嘅台灣食店

間中都會嚟食嘅鐵牛下午茶，雖然份量比較少但對細食嘅女仔或者當下午茶都足夠了。36蚊可以嗌3個小食1個主食加熱飲，都算抵食。今次嗌咗魯肉飯，個人覺得唔香冇乜味，相比較之下其他主食比較出色。 小食方面，因為想嗌一個係清淡啲嘅，所以就要咗小黃瓜🥒，但份量真係好少，相比之下其他小食會抵食啲。鹽酥雞係每次必嗌，鬆脆唔會太乾，有質量保證。午餐同晚餐都食過幾次，但價格就貴好多了，雖然有多好多選擇可以揀，但性價比唔算太高。

鐵牛在公司附近，趁住今日可以提早食晏，就走去鐵牛食，因為平時鐵牛1:15pm 左右就已經出現人龍。今日點了一碗鹽酥雞肉燥湯麵及熱台灣奶茶，這裡要入座後自行去收銀處付款，再返埋位等侍應送上餐點，等了大概10分鐘左右，就可以開餐了。先說鹽酥雞麵，湯的味道有少少咸，而且加了一點肉燥，幾好味的，麵條嘅份量亦多，麵條滑而且有掛湯，好吃！鹽酥雞味道剛好，不會死咸，而有層次，但鹽酥雞份量略嫌少了點，如果多返4-5粒給客人會更好。熱台灣奶茶，不過不失，沒有特別。

上兩次來都是吃牛肉麵, 濃底超濃, 牛肉亦超霖. 自始一想到台灣餐廳, 就必會到此間吃晚飯. 今次就即管試試賣相好掂的奮起湖魯肉飯。怎知道食了幾口飯，都是咬到很硬的米。於是叫waiter 來換過一碗新. 他們都很快換上。 服務態度超好! 之後試食奮起湖雞腿, 怎知道是涼的. 而且肉質有點像雞胸肉, 咬到牙較也有點軟了. 以後來都是吃牛肉麵好了!

下午茶時段去，人流不多不用等，食物不錯，但部份員工態度欠佳，身材偏胖的男職員及長髮沒帶眼鏡的女職員均態度惡劣。問了多次才肯提供額外的餐具，要離開時想借廁所借鎖匙，竟然叫我去大家樂借，我話剛係度食完野冇理由。

來過鐵牛幾次，都覺得係一貫高水平，滿滿台灣嘅味道！今次叫個紅燒牛腩配黄金地瓜飯($64)，呢個係俾張蕃薯飯嘅相吸引而叫，張相係好多蕃薯，感覺好濃郁蕃薯味同好飽肚！不過現實總有啲距離，勁少蕃薯同啲飯係唔熱架！幸好個牛腩為個餐加返唔少分，牛腩入味又夠淋，連啲蘿蔔都煲到好入味，白蘿蔔係呈透明狀！麻辣燒雞腿排麵 ($70)麻辣有得揀辣嘅程度，中辣對食得辣嘅朋友唔夠辣！雞入面燒得香口，又唔會好似炸雞咁熱氣！再叫左兩杯飲品。黑糖薑母茶 ($23)，裡面有薑片，制作認真！珍珠奶茶 ($28)，有台灣嘅味道！不過如果係set有主食有飲品，會吸引好多喔！

臺灣牛肉生熟度剛好，入味又嫩滑，微微滷水味慢慢滲出，貢丸花枝丸惹味而不會過辣，吃不了辣的朋友也能一嚐麻辣滋味。配上獨有的蕃茄濃湯，將我辛勞的一日忘記得一乾二淨。湯裏邊亦有蒜頭作調味以及冬菇絲，給我一個家的感覺。跟媽媽煮的餸菜一樣。😘😘😊總的來說中規中矩，絕對唔錯。希望同屋企人食

鐵牛台灣牛肉麵 不嬲我都鐘意 不過以前會叫鹽酥雞 因為佢炸得好鬆脆 食落唔油膩 雞肉亦保留到夠滑 味亦都剛好 唔會好咸不過我家怕肥怕熱氣 所以今次就叫左佢嘅招牌牛肉湯麵 （牛筋 牛腩 牛𦟌）啲牛燜到好腍 湯底夠味得黎唔會太油 👍🏻👍🏻👍🏻 牛嘅份量亦都夠麵質軟硬適中 朋友點左撈麵 一樣大讚小食方面叫左拍青瓜同花枝丸 兩款小食都唔錯呀 花枝丸同鹽酥雞一樣炸得夠鬆脆 味道都係岩岩好 重口味的朋友 可以加啲附送的椒鹽暫時係香港 鐵牛係我最喜歡的台灣牛肉麵店

放工約左朋友係尖東食飯，依間餐廳主打正宗台灣菜，而且相當抵食。餐廳尚算寬敞，坐得幾舒適，而且幾有台灣風味。落單既時候可以係order紙寫低食咩然後去櫃台俾錢，之後就會有店員送餐。招牌紅燒牛肉麵($60)個人認為牛肉麵係必點，麵質彈牙，湯底濃郁。牛肉咬落軟腍腍，而且相當入味，好有台灣既味道，頗推介。魚酥皮蛋豆腐($36)豆腐食落冰冰地好滑身，表面有少少甜汁調味，連埋魚酥、皮蛋、柴魚絲同埋蔥花一齊食，口感更豐富。黃金梅子脆薯($32)鐵牛既脆薯唔同一般薯條，粗條的薯條炸到金黃色，配上梅子粉，食落外脆內軟。食多幾條都唔會覺得好油膩，估唔到梅子粉同脆薯出奇地match，值得一試。想食平靚正既台灣菜，第一時間會諗起鐵牛，佢食物既款式算多，而且價錢相宜，係約食飯唔錯既選擇。

又一次路過見到有位就入😜因為老公不喜歡排隊 🤣入到來睇住menu然後自己揀呢間要出咗去俾錢先有野食冬瓜茶冇小甜都唔算太甜👍🏻蜜桃紅茶都有好香嘅蜜桃味👍🏻呢個便當都幾有驚喜🤪雞排好食！😋😋😋肉燥飯既肉燥都好淋好入味好開胃👍🏻👍🏻👍🏻而牛肉麵$63 Normal牛肉好淋，但面質一般肉燥拌青菜🥬$36好脆好好食呢度環境都坐得舒服7點幾離開時都開始有人排隊

自從吃過感覺不錯，朋友都有興趣一齊黎試試。今次點選幾款小食 & 幾款主食，人多自然選擇都多呢。其中既 係必點既，不過呢次點既係乾拌 沒有太多湯水，但味道都好食，當然本人都係偏愛有湯比較好吃。另一款 朋友點既都係 不過麵轉為米粉，係新竹米粉既口感 帶煙韌而幼身，鐘意食米粉既都不妨一試呢，朋友都話好好食。而再另一款湯麵係 望落去冇平時既擔擔麵咁濃咁辣，但鹽酥雞卻炸得不錯 夠乾身而帶脆口，不錯。而台灣小食當然都唔小得既係 呢。台灣腸甜甜地，肉質同平時既口感唔同，外皮脆而內裡嫩又甜，真係幾好食。野飲方面，台灣代表既珍珠奶茶都必點的，煙韌珍珠 配上香滑奶茶，呢餐台灣菜亦完美結束。

啱啱喺台北回來就掛住台灣風味，經過尖沙咀見到有台式牛肉麵 🍜就入去食。這家牛肉麵都頗有台灣風味，味道都很地道。👍🏻招牌🐂牛肉麵湯底濃郁，不太🌶辣，配料都頗多，牛肉有牛味，軟林林的，肥瘦均勻。麵條軟硬度適中，不會太軟不太厚，有咬口。👏🏻👏🏻👏🏻小食選擇非常之多，芝士薯條好好食，芝士醬夠多說少又揸得外脆內軟，仲要係我最鍾意的粗薯條。 happy! 😁 價錢亦非常便宜，每款小食都只係$20-40，細細碟，嗌完一碗牛肉麵，仲可以多選幾款小食，冇咁單調。 很喜歡這裡。 😍 小食選擇多 推介 芝士薯條🍟