鐵牛台灣牛肉麵 (希爾頓大廈)

營業中

休息中

行街偶然遇到嚟間台式餐廳，見到下午茶可以自己配搭🤤選擇都頗多。4點幾嚟到好多空位，卡位座得舒適👍🏻餐牌同點餐紙設計幾靚，好台灣感覺😆滷肉飯十星推介🤤唔會太油，滷肉唔係脂肪碎肉，細細碗夠晒下午茶接住晚餐時間嘅肚餓感！下次會再試其他食物🥰

I have visited the restaurant for several times. This time, I've noticed that the prices have been increased significantly. The drinks are now not included in the main dish, and they are expensive. A glass of bubble tea costs additional $15 on top of the ~$60 main dish. I was very disappointed. 

疫情不能到台灣旅遊，我和好姊妹便選擇光顧本地台灣菜以回味一番。餐廳內進可見其裝潢是走簡約風格，設計方面使用木系襯上和諧黃燈作配搭，整體令人有種悠閒寫意的感覺。招牌紅燒牛肉麵牛肉麵湯底濃郁鮮香，再加入經醃製的梅菜，口感是加添清脆酸爽。麵底方面則是用上緊實爽滑的上海麵。而配料牛腩是特意以直向方式切割的，有別於一般的橫向切法，食用時口感入味軟腍，牛香突出。麻辣牛筋腩麵朋友的麵款奉上時已辣味四溢，我品嚐了一小口其紅通通的湯底，味道是辣香出眾，嗆口中又帶有微微麻香，而其餘配料沒有食用，則不作評論了。家鄉滷水便當便當飯粒顆顆分明，再淋上肥瘦夾雜的肉臊和醬汁，食用時是鹹香甘甜，香醇濃郁，而切片的豬肉塊則軟腍入味，鮮嫩帶汁。另外附隨有的三款配菜分別是綿密滑彈的滷蛋、細嫩甘甜的大白菜、還有入味清甜的醃製蘿蔔。逢甲鹽酥雞鹽酥雞外觀大塊金黃，食用時外脆內軟，其恰到好處的炸醬香酥爽脆，而內層肉質則能保持嫩滑多汁，鹹香鮮美。酥炸花枝丸花枝丸賣相圓滾呈啡，入口外層脆醬甘香鹹鮮，內裡則是柔韌彈牙，再將其沾上味粉同食更是濃香惹味。珍珠奶茶我小嚐了一口朋友點選的珍珠奶茶，其口感是滑溜濃郁，醇厚香甜，味道富有台式風味。桂

行過見到有台灣嘢，即刻忍唔住入去點番個紅燒牛肉麵，可惜食物味道一般，無乜台灣味道，有啲失望。仲有個收銀阿姐服務態度差到爆，食完都一肚氣！無下次了。很差真差非常差！

係尖東附近搵野食，上openrice見到有間台灣野好似唔錯,價錢合理就去咗食。間鋪有少少難搵，因為佢係商場下層，要向下行一層，唔係向街。餐廳採用自助形式，去收銀處付款落單，但係就冇限用餐時間。我叫左招牌牛肉麵，只係$68，唔洗額外加一。叫完好快有得食，牛肉麵好香，牛肉咬落好軟身，而且啖啖肉，麵條都煮得唔錯，唔會太淋身，個湯底夠濃但唔會太咸，食到台灣嘅風味！餐廳叫一碗麵可以加$20叫特飲，可惜我本身太飽飲唔落。

人在尖沙咀，又諗唔到食啲乜，於是乎過咗去鐵牛行過圈🤔🤔🤔。當時已經係5點55 ，諗住過嚟食個早既晚飯，點知門口個哥哥仔好鬼好喎，佢話”未夠鐘啊仲有下午茶，不過要快啲嗌”😂😂😂見佢咁有誠意，於是乎諗都唔諗就叫咗兩個下午茶餐🤟🏻🤟🏻🤟🏻碗麵嘅份量雖然細啲（話明下午茶餐呀嘛）跟三個小食再加杯嘢飲。兩個餐加埋都係一舊水👏🏻👏🏻👏🏻水準唔錯，同平時正常嘅午餐晚餐差唔多，臨尾食個下午茶感覺超抵🥳🥳🥳

鐵牛台灣牛肉麵 (尖沙咀)星期日lunch time嚟，都幾多人，雖然唔洗等位，但都冇咩枱淨低。食物種類唔算太多，有唔同既台灣麵　便當　小食同台式飲品。蔥燒豬軟骨肉燥麵 $59雖然取最出名同多人推介既係牛肉麵，但平時鐘意食豬軟骨，最後都揀咗呢款。湯底比較清，個麵底唔會太淋，但冇咩特別。配菜有幾塊豬軟骨同少量肉燥。豬軟骨既味道正常。芋泥奶茶 +$18本身以為係奶茶底，原來係香芋奶茶底嚟。芋泥份量都有唔少，仲食到有少少一粒粒，更加有口感。唔會話太甜，都幾好飲。整體上冇咩特別，味道正常，價錢唔算好平。人均: $51-100📍尖沙咀加連威老道96號希爾頓大廈LG樓28號舖#台灣菜 #粉麵 #米線 #奶茶 #台灣麵　＃便當

本身諗住只係試吓個牛肉麵, 點知越睇個menu就越肚餓, 咁唯有將其中一客牛肉麵轉做鹽酥雞滷肉便當啦.紅燒牛筋腩麵 - 牛肉同牛筋都幾腍下, 麵質比想像中軟身✨湯頭就正常啦, 藥膳味幾重下.逢甲鹽酥雞滷肉便當 - 啲滷肉比想像中少同埋韌, 但唔緊要, 有鹽酥雞加番分✨真係整得超超超好味, 每一粒都做到好鬆脆, 入面啲肉又唔會乾同靭, 誠意推介✨就係因為咁所以我哋追加多一份芝士鹽酥雞呀😉份量唔多, 但每件炸雞面頭淋咗好多芝士🧀同香草🌿鍾意芝士嘅朋友記住得唔好錯過！嘢飲跟餐嗌嘅話有接近七折同埋可以叫佢少糖, 叫咗嘅百香果冰茶同珍珠奶茶🧋甜度都剛剛好👍🏻 有下次呀🙃返食指數: 🥑🥑🥑🥑 (5🥑滿分)#紅燒牛筋腩麵 $68#逢甲鹽酥雞滷肉便當 $65#好芝味芝士鹽酥雞 $47#百香果QQ冰茶 $20#珍珠奶茶 $20______________________________鐵牛台灣牛肉麵 (尖沙咀)📍尖沙咀加連威老道96號希爾頓大廈LG樓28號舖

【又黎到台式菜🍴】•逢甲鹽酥雞肉燥麵• $68呢間雖然唔叫做平價餐但都叫做好食既～～佢湯底有濃湯味 唔算好重味精！我都飲左幾啖hehehe🤣🤣啲麵有口感既！有咬口！唔會淋patpat！係我鐘意嘅口感🤣🤣麵嘅份量都啱啱好(●’◡’●)ﾉ講返個鹽酥雞！份量都差唔多 不過就咸左啲！但可接受！鹽酥雞係幾嫩嘅都叫做！Ps 如果你問我會唔會再去多次 呢間應該係 無嘢揀既時候 都會考慮下既 但唔會係first choice🤣🤣🤣可以更好

行過見佢入面無乜人 望落去又好似坐得舒服就入左去🙈自己一個叫唔到太多就淨係叫左碗麵 (我覺得佢個menu都好多選擇 自己一個泥好多都叫唔到🤦🏻‍♀️)呢度係半自助形式 落單要去收銀個邊比錢先 然後野食會有服務員送上👍🏻其實對於一個正常女仔泥講真係好大份 佢肉嘅份量都好多 男仔一定夠哂飽🤤我就覺得個湯唔會太味精 不過上面啲醃菜我覺得可以多啲😂 碗野不過不失啦 如果諗唔到食咩 又咁岩係附近都係一個選擇👍🏻

香港台灣嘢食真太多但好味嘅大部分都係獨立運營的店鋪一般來說連鎖店相對地在人心中沒太重的地位但連鎖有連鎖的好，穩陣，價錢同一。口味大眾化今日紅館睇show前搵嘢食久違了的鐵牛牛肉麵湯頭很不錯有藥香但麵不是我喜歡的那種偏粗的麵筋很軟酸菜的話感覺如果可以分開放且味道再重一點就好了合格之作吧雞腿便當雞腿，有一點柴雖然皮煎得很香脆但還是掩蓋不了雞肉的失色香腸拼鹽酥雞最重點附上了蒜片難得搵到會附上蒜片的台灣小吃真的很感動總體來說不過不失香腸拼鹽酥雞大推

📍 鐵牛有一次喺尖沙咀食唔到想食嘅嘢，求求其其喺條街度搵嘢食～見到呢間野個招牌好似幾型咁樣就入咗去😂😂入到去發現好似嗰啲仙桃園咁樣🤣〰️唔緊要啦反正都入咗去就睇吓佢係唔係伏👌🏻所以今日就係介紹平民價錢嘅食物啦啦啦啦啦啦啦啦！———————————————————🍲 奮起湖燒雞腿排肉操乾拌麵 $70其實入到去見到呢間野好似頹頹地咁樣都冇咩希望，都係本持住一個食飽就得嘅心態食飯🤨但係食咗一啖雞腿扒之後竟然有一種刺激味蕾嘅味道！！佢個醬好惹味嘅感覺然後啲雞腿好滑🤤超正！個面就有啲乾，普通野～～靠個雞來取勝，重點係個雞雞皮唔係好厚成舊油嗰啲🤫呢一個餐CP值極高〰️😋🍲 逢甲鹽酥雞肉操乾拌麵 $64鹽酥雞比起頭先嗰個雞腿肉食落會有啲遜色～因為鹽酥雞會有少少乾，冇雞腿肉咁Juicy😭😭〰️不過髯鬚雞有調味鹹鹹地咁樣都幾送麵食嘅！不過都係果句啦個面撈勻左之後都係好乾。。如果俾少少汁就好啦咁樣好難入口㗎嘛😂😂同埋個面嘅肉操其實冇乜味道所以個面係淡而無味嘅👌🏻不過呢個價錢來講都算CP值還好😚😚做人唔好挑剔咁多🥶🥗 肉操拌青菜 $36做人嘅宗旨就係每日都一定要食菜！ ！ ！如果唔係會冇屎屙㗎🤫我本身就好鍾意食台

同朋友喺尖沙咀覓食，最後後左哩間餐廳。之前已經食過一次，但都冇試到佢嘅招牌牛肉麵，所以今次就特登嚟試一試佢！紅燒牛肉麵（ $63 ）一嚟到已經覺得碗野真係好細，一定唔夠飽，以呢個價錢來講有啲唔化算，試咗第一啖之後更加覺得唔值呢個價。牛肉好冧，同時帶有點爽口，亦帶到啲湯嘅味道，其實係幾好食，但得四舊🥲而麵質方面，麵係比較煙韌彈牙，但有少少煮唔熟嘅感覺🤣但個人來講都接受到，覺得幾好食。但份量仲細過一包出前一丁，食完好似冇食過咁😅（係我同我個friend都覺得唔夠飽）。湯方面，有啲鹹同濃味，食完之後飲咗幾杯水，都仲覺得好口渴！湯重味精，但其實食唔出台灣麵嘅味道，有啲失望。總括而言，碗麵不過不失，但冇乜台灣味道，性價比亦都好低。況且以哩一個價錢，我認為可以食到一碗更好嘅台灣牛肉麵。

好耐無黎呢度食lunch呢度既裝修好似唔同左，空間感大左下單要出去門口收銀先叫野食+比錢，然後就會有專人送過黎最好既係唔洗加一！紅燒牛肉麵湯底味道濃郁！感覺有少少中藥味咁，幾特別！牛肉方面比較嫩滑！可惜分量太少鹽酥雞滷肉便當鹽酥雞夠哂脆卜卜，炸粉唔會好厚，咬到嫩嫩既肉架！ 前菜三小酥分別為滷水蛋，豆，菜，又係變形滷水蛋😂肉燥白飯份量都幾多啊！卡位貼牆有反光牆，咁樣影都幾靚 哈哈一定要叫檸水檸茶！因為唔洗額外加錢呀！

去到尖東好肚餓又諗唔到想食啲咩，見到附近有間台灣麵店就直接入左去左。除左台式湯麵外，餐廳仲有便當可以選擇，不過夏天熱辣辣無咩飯癮，最後揀左食麵。.✨紅燒牛肉麵湯底都幾濃郁，紅燒牛肉肉質軟腍好易咬開，麵質有咬口，不過牛既份量就少啲。✨魚酥滷肉乾拌麵除左湯麵之外，餐廳仲有提供台式拌麵。魚酥即喺用魚整成既肉鬆，之前都未試過呢種加肉鬆既撈麵食法，但撈埋之後魚酥味就變左唔突出，完全比滷肉蓋過左。✨逢甲鹽酥雞剛剛炸起既鹽酥雞好脆口，記得放涼一啲先好食，以免燙到嘴。跟炸雞附有一小碟醬汁，味道類似泰式酸辣醬，酸酸地幾開胃。✨芋香珍珠奶茶芋頭味本身都唔夠香濃，飲到尾到啲冰溶左之後味道仲更加淡。珍珠口感Q彈但食落無味，$28蚊一杯個人覺得唔太值得飲。