鐵牛台灣牛肉麵 (希爾頓大廈)

營業中

休息中

喺尖沙咀見到鐵牛就衝咗入去食啦🤩呢個位置有一啲隱蔽佢係要行樓梯落去門面比較細，要用深啲先可以搵到呢間台灣嘢真係平靚正啊！紅燒牛肉麵呢個湯底就有少少辣炸雞粒有台灣嘅氣氛一路食一路就諗起去旅行嘅感覺🫣😍兩個人食每人$100都唔使佢哋係先去櫃檯落單俾錢之後會俾個牌你，你放喺枱面就會有店員將啲嘢食拎過嚟俾你嘢食份量啱啱好，又唔會太多又唔會太少我最鍾意佢小食唔係好多，咁我就可以食多幾樣嘢🫣食到超飽，好滿足呀😋

朋 友 介 紹 的 鐵 牛 餐 廳點 餐 方 式 是 要 走 到 收 銀 台把 號 碼 牌 放 於 當 眼 處 即 可✨✨✨✨✨✨✨✨✨✨✨💙招 牌 紅 燒 牛 肉 麵 人 人 黎 到 都 係 食 呢 樣。我 也 不 例 外湯 底 方 面 濃 郁 帶 藥 材 味 反 而 牛 肉 味 吾 太 岀麵 質 方 面 冇 咩 特 別 （可 轉 新 竹 米 粉）但 勝 在 牛 夠 軟 身感 覺 無 人 地 講 咁 好 食。💛 肉 燥 小 茄 子 估 吾 到 反 而 個 小 食 有 驚 喜茄 子 吸 哂 肉 燥 同 燒 汁 味夠 哂 軟 腍。如 配 少 少 飯 就 好 了。💚 逢 甲 鹽 酥 雞 夠 熱 夠 脆 口。不 過 同 其 他 地 方 食 差 吾 多 。❤️❤️❤️❤️❤️❤️❤️❤️❤️❤️❤️店鋪：鐵牛台灣牛肉麵 (尖沙咀)地址：尖沙咀加連威老道96號希爾頓大廈LG樓28號舖

鐵牛台灣牛肉麵到處到處都有分店，但係都能夠保持水準即使邊間分店食，味道也差不多。 今天趕時間經開尖東，就入黎醫飽個肚食左個豬軟骨便當🙂便當賣相也不錯😝有擺盤有配菜$64 蚊其實幾抵食。 最中意就係豬軟骨下面有菜底，都起碼都有兩條菜食下

早兩日同友人去尖沙咀行完街想食台灣野，咁岩經過呢間鐵牛台式餐廳就揀左佢黎食，香港有幾間分店，之前已經食過，食物方面今次叫左逢甲鹽酥雞便當同蔥燒豬軟骨便當，鹽酥雞有點乾柴同配菜都比較凍，略嫌失色滷肉飯滷肉味道還可，但肉燥份量較為少，另外豬軟骨便當，豬軟骨炆得軟冧，份量尚可，飲品方面有台灣都出名冷泡茶，揀左台灣烏龍同水蜜桃茶，茶味夠濃都算好飲，整體方面，雖然價錢唔貴，但食物水準大不如前，同等價錢可以有其他更好選擇

去到已經係下茶時段見到隔離啲人份量有啲少男生食應該唔夠飽小碗麻醬乾麵+鹽酥雞+椒麻牛肚絲+甘梅脆薯麻醬麵好食 俾好多醬 所以唔會覺得乾啲小食都好好食小碗麻辣擔擔麵+滷味爽耳+鹽酥雞+夜市小香腸對比麻醬麵有啲比下去 但係都好香好惹味夠辣叫咗兩杯台灣奶茶平時都唔會少甜 今次貪得意 叫咗一杯少甜 好似飲緊水咁🤣健康生活都唔係太啱我🤣經過行開想食台灣菜可以試下

好久沒光顧鐵牛了，是日與朋友逛尖沙咀，就提議去鐵牛吃個午餐吧！雖然正正平日的午膳時段，但不用等位就有位了，店內也不算好滿座。先畫好餐牌，去收銀處點餐付款，等候餐點送上，過程都好流暢～～～朋友選吃總舖師私房牛肉麵，我就要香蔥麻辣擔擔豬軟骨拌麵，另加逢甲鹽酥雞。飲品加配粒粒香芋奶茶及甘菊普洱冷泡茶。香蔥麻辣擔擔豬軟骨拌麵，配菜有肉燥和豬軟骨，用料充足。拌麵的醬料香辣，麵條彈牙，豬軟骨夠稔夠入味，整碗拌麵幾惹味！！總舖師私房牛肉麵，可選紅燒湯底或麻辣湯底，配料有齊金錢腱﹑牛筋﹑牛肚及牛腩，湯底香濃得來又不會過鹹，試了件牛筋，軟稔帶膠質，又夠入味！逢甲鹽酥雞，份量不多。鹽酥雞新鮮炸起，夠晒熱焫焫！脆漿厚度恰好，雞肉帶微微肉汁，鬆脆又不太油膩，香口好食～～～甘菊普洱冷泡茶，是瓶裝冷泡茶，菊花味幾香。粒粒香芋奶茶，香芋粒粒份量不少，粉粉地容易咬，夠飽肚，惟奶味蓋過茶味，普普通通。整體的食物質素都算是不錯啊～～～

📍鐵牛📍💡尖沙咀🐥紅燒牛筋腩乾拌麵($69)好大碗，紅燒牛筋充滿厚厚既膠質感，入口軟滑，牛腩夠軟淋 。雖然叫拌麵，但都有附上清湯，好有台灣味道。麵條彈牙。🐥芋香珍珠奶茶($28)芋頭味道唔係太夠，不過甜度適中。#尖沙咀 #尖沙咀美食 #美食日記 #食好西 #香港美食指南 #香港美食 #香港美食 #香港 #hkfoodie #hkfood #taiwanfood #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare

WOW 終於食到鐵牛牛肉麵😙個日搵緊野食, 想食d有湯既野暖下身~ 經過就見到老遠有 鐵牛 個logo😛二話不說衝左過去食~叫左佢個牛肉麵, 魯肉飯, 鹽so小食拼盤, 台灣小香腸~太肚餓我唔記得左影牛肉麵真身....牛肉麵湯低濃郁~牛肉軟身 !! 魯肉飯d肉肥胖適中, 唔經唔覺會食哂成碗~小食拼盤都係唔錯 份量唔會太少 兩個人share都岩岩好!! 整體都可以encore 😍

.📍鐵牛正宗台灣牛肉麵📍#饅頭去尖沙咀 #饅頭食台灣菜------------------------------1️⃣總鋪私房牛肉麵 ($82)小編覺得佢哋嘅湯底做得唔錯，牛骨湯色水夠深唔會有太多油浮起面，濃郁得嚟同藥材香互相平衡，麵嘅質感軟滑但唔會太淋冇咬口，非常掛湯，而且食耐咗會覺得鹹咗啲。配餸方面有金錢蹍、牛腩、牛筋同金錢肚，可以一次過試曬多種牛肉部位🤪，而且件件都切成粗長條上，份量足料，啱小編呢種鐘意大啖肉嘅食客。金錢蹍同金錢肚都煮得夠軟腍；牛筋感覺煮得唔夠耐，帶些少彈性做唔到入囗即化嘅效果，所以亦唔太入味；牛腩就真係令我頗失望，未至於乾嚡但有少少難咬，似食緊冇咁硬嘅瘦肉。◾評分：7.0/10------------------------------2️⃣招牌紅燒牛肉麵 ($68)友人嗌嘅麵，小編試咗一啖湯，湯底相對上一款會帶些少毫不嗆口嘅香辣，層次更豐富，但味道亦更鹹，唔建議好清淡嘅朋友仔試🥺；餸就剩係得牛肉，目測質素應該同上。◾評分：6.8/10------------------------------🔸整體評分：6.9/10🔸小編回頭率：6/10

去左鐵牛度食麵，之前係尖東果間食過一次Lunch都覺得還好，今晚再去食晚市。因為朋友唔食牛，所以想share就無叫牛肉麵，叫左碗豬軟骨麵，一個雞扒便當。豬軟骨麵上檯時我又呆左，就係得一堆爛肉？說好嘅豬軟骨呢？我再嘗試翻起d麵睇下有無沉底，係絕對無嘅。我用隻更撈起全部肉絲，一隻更已經裝哂，同我講笑咩？$72蚊架碗麵！你得一Pat爛肉？？？真係成碗得咁多，好淒涼嘅感覺，我諗砌返埋真係得一舊豬軟骨！佢只係散哂。首先我已經接受唔到佢一條條嘅豬軟骨變左做肉糜，仲要份量少到咁，做生意唔係做到咁牙嘛？如果你覺得「吓？人地係咁多架啦，你想點呀？」咁我想講 佢張相最少有3-4舊大大舊豬軟骨，實際黎到我諗份量得1舊，只係將一舊再整散佢扮3舊！散到好似人地賣剩嘅送尾咁。再睇返我朋友叫嘅雞扒，我堆爛肉份量只係等如佢一片切開左嘅雞扒份量，佢個雞扒就真係正常啦。我試左佢個雞扒，雖然好大塊但好鬼鞋，好似未解凍就囉去煎咁，個心係鞋的。魯肉飯都還可以，小食都ok。講返個麵，最後我真係忍唔住問職員「咁少有無搞錯」，畢竟我碗麵都$72但慘過食KFC，男職員話「係咁架」就走左去。然後我再望多次真係接受唔到，再問女職員，女職員

尖東一帶想食台灣菜我都諗起鐵牛, 因為往往都經過門口, 久違一段時間今次又去嚐嚐. 麻辣牛肉麵湯底夠麻又夠辣, 牛肉大大舊但又夠腍, 而且滷得好入味, 麵咬落好彈牙. 鹽酥雞肉燥飯雞肉炸得好惹味, 肉燥好入味但又唔會得太鹹, 送飯一流. 配菜仲有半隻滷雞蛋, 呢個不可或缺, 雖然果碟蕃茄炒蛋感覺有啲怪怪唔係好襯. 最後黎多杯台式奶茶, 茶底不錯不會太甜又可以幫手解解辣.最緊要夠大份價錢又合理, 所以至今仲係on list餐廳之一.

趁住22:00 喺尖東搵食，黎到地庫呢間台灣麵，21:15入到去，得幾檯客人，可能22:00關門原因，唔理咁多，一於叫野食填肚，同同事一齊叫左同款牛肉麵，我覺得味道普通，不過不失，無乜特別，用黎填肚的話，我覺得去源記食碗牛腩河可能會滿足多D,同事覺得比較偏鹹，所以佢就食唔晒，係咪而食左啲，至於叫左台式腸，正常，另一份小食就唔太好食，再叫左兩杯百香菓飲品無影到相，入口覺得好甜，唔太啱我呢D少甜人仕，食左今次，呢間分店應該無下次

下午茶時段（$38起）免加一服務費入座時人不多，安排靠邊坐。kick完order先付款。埋單$38。order左小碗麻醬乾拌麵，涼拌小黃瓜，豬爽耳， 鹽酥雞，檸檬紅茶。拌麵麵質有咬口。麻醬足夠。黃瓜絲爽脆清新。質量剛好。鹽酥雞有3件，鬆脆，味道剛好。豬爽耳，夠爽，味道好。骨膠原首選。小黃瓜醒胃，酸甜咸入味。檸檬紅茶有檸檬3塊，紅茶不苦澀。可惜拌麵碗有條很明顯裂紋。希望上菜時留意。

簡單叫了麻辣牛筋麵，油麵有些硬，味道很濃很濃，牛筋是軟身，夠淋，但好鹹。小食就叫台灣腸、鹽酥雞，味道不錯環境都不錯，坐位多，不用排隊，上嘢食都快，唯獨就味道是濃！

行完Pixar 展，又到咗醫肚仔嘅時候喇～今日同幾位buddies 去咗食台灣菜，佢哋之前有食過，印象幾好，於是就跟大隊入去等開餐。見到間嘢咁「台風」，預料味道應該幾正宗。#今日假期等位自然耐少少，不過上菜算快，order完約莫10分鐘就有得食。#我自己係試伏體質，為咗減少中伏情況發生，就嗌咗店舖推介嘅雞腿便當、+20香芋珍珠奶茶。上到枱驟眼睇以為會重口味，不過食落發現味道好清淡，外皮脆係夠脆，但我同另一位朋友都覺雞肉唔夠入味，理論上佢斬開一件件應該會索到汁，可惜都真係淡咗少少🤏。#辣牛肉麵飄嚟陣陣香～睇落碗大，但份量唔多，而且冇望落咁辣，鐘意辣嘅朋友可能覺得唔夠爽。#炸雞塊刀削麵+3麵正常。炸雞唔會厚粉，肉質唔會乾身，但味道偏清淡，如果有醬提供就好。#百香果QQ有埋珍珠，係食完炸嘢至fresh之選，另一方面，香芋珍珠奶茶就同想像嘅唔一樣，冇芋頭成份，而且色水有少少假，珍珠比較細粒，建議可以再煮耐啲。#總括而言，以餐廳環境、食物賣相嚟睇係唔錯嘅，但味道始終爭啲，而且食完會頸渴，如果清淡得嚟健康就話啫..