鐵板燒海賀

營業中

休息中

Openrice 見好多好評，今天滿心歡喜同小朋友去慶祝 Xmas。叫左美國鐵板牛餐（$780/2人）俾小朋友，自己叫左刺身餐 ($320)。個侍應黑口黑面好似嫌叫得便。算，有靚景搭够！我話 share吃，唔俾碟。叫俾碟，又係木口木面咁。哎，受氣！埋單，收我A4和牛餐價（$1180）。O嘴，小朋友又說不出係唔係俾左和牛佢吃！哎，受氣又谷氣！甜品，落抹茶豆腐，捧俾你紅豆丸子！無言！其實，我吃既刺身餐，咁既價錢有拖羅，有靚景，算係性價比高。但，D侍應好似遊魂咁，又木口木面，再加埋單收貴左，真係唔敢再去！

星期六慶祝男朋友生日，提早1個月預約，原本想坐窗口位望海景，最後改咗坐吧台位，望著師傅煮野食，上每一道菜，師傅都會同我地講慢慢食、睇熱，又會問下好唔好食，同我地傾下計，係一次好開心嘅體驗👍🏼其中印象深刻，師傅問我地牛想幾多成熟，原本想要三成熟，因為塊牛嘅脂肪分佈比較多，佢就推介五成熟，好食👏🏼嗌咗其中一款二人套餐，每一道菜睇得出都好有心機，花咗唔少心思。食到炒飯已經太飽，之後仲有甜品，提早order另加錢嘅生日甜品，好靚同好好食。最後想多謝師傅同其他staff都好有禮貌，難忘嘅生日飯

今晚第一次來吃這裡的鐵板燒。隔離位的夫婦比起我遲來，又遲過我地點菜，但見到他們吃沙律時，我們仍未有沙律，覺得有D奇怪。接著侍應送上菜單的第二個餸，第一個沙律反而沒有送上。找侍應反映，之後沙律補回。這樣的事情，在一間咁高級的餐廳出現，上漏了菜式竟然沒人知，真係令人失望。Clams 實在非常甜美，直得讚賞。鮑魚都非常好。我另外在菜單上加點了鵝肝。當廚師上了菜，放在我前面，有一個侍應就突然取起鵝肝，話應該係什麼枱的，那廚師又再講一次是我們的，那侍應先從新放下鵝肝。我的鵝肝被那侍應取來取去，都不知攪乜鬼。鐵板燒的師傅，手勢不錯。食物方面，味道，份量都幾好。

係openrice係咁見到海賀既午市套餐4人同行1人免費優惠就去左試下，佢唔係傳統鐵板燒，而係走現代fusion路線既鐵板燒。我地一行4人叫左兩個【鐵板精選套餐 • $550/$350】同埋一個【精選商務二人套餐 • $1,480/$1,180】，試晒所有combo🖐🏻兩個餐都有牛肉(日本A4和牛西冷/美國頂級牛柳)、野菜、炒飯、味噌湯、漬物、甜品、咖啡/茶。鐵板精選套餐有大蝦，而精選商務二人套餐就有鵝肝同鮑魚。✍🏻(按上菜次序)▪️前菜：前菜係沙律、螺同蒸蛋。螺係凍上而味道淡；沙律同蒸蛋都係正常水平。▪️大蝦：size唔算係大，一開二，肉質尚算彈牙同新鮮，配上香草醬，味道唔錯。▪️鵝肝：每人有一塊鵝肝，份量適中。一開頭見師傅煎驚佢煎得太燶，但實質好外脆內軟，配埋輕輕煎過既麵包同提子，減少左d油膩感，正！▪️鮑魚：鮑魚超出我預期😳😳😳配左少少昆布湯，一咬落去一d都唔韌又夠爽口，好出色👍🏻▪️日本A4和牛西冷：和牛油脂好重，入口即溶，真係要加$200轉和牛🤣兩款牛肉都有蒜片同車厘茄伴碟，仲有3款調味：岩鹽、黑椒同芥末醬。▪️美國頂級牛柳：我地叫五成熟，不過都六至七成熟，好彩肉質軟淋，一d都唔韌。如果

生日月份，當然要食得好，過得好今日黎左The One 19/F食鐵板燒晚餐，一個不一樣體驗~餐牌有幾款，最後食左個最豪既，嘻嘻望住海景係幾好feel，師傳係你面前煮係幾chill，一道一道菜上，沙律，刺身，紅酒鵝肝，龍蝦，鮑魚，A4和牛，飯，麵豉湯，甜品食到鵝肝我已經飽，食環境，食物質素，整體冇咩好挑剔可以只係龍蝦細隻左D，鮑魚幾好咬口最出色當然係A4和牛，入口即溶，正 

「海賀鐵板燒」原本都有聽過，一直對佢都好高期望，點知最後仲超出預期。個環境好靚，一入到去唔會見到d枱枱櫈櫈住，因為staff會帶你行條好短嘅路至會真係入到餐廳，成個感覺令人好期待，亦覺得成個feel即刻高級左。過程中有周圍望過附近，又唔會逼又唔會嘈，岩晒想靜靜地食餐飯嘅人😛一入到去d staff好有禮貌，喺我搵緊toilet之際，有個staff(女仔黎)已經話帶我路去😛估唔到service都令我覺得好滿意d野食就更加超乎我預期，真係好好好好食!!!佢所有野食都係貴精不貴多，每樣都一定令你哇一聲。特別係個鵝肝同鮑魚，呢個lunch set真係吸引到我得閒會再上黎翻食❤️

好耐無去海賀午餐，今日約咗媽咪同姊妹們去食個海環午餐🥰被安排坐窗邊，海景一覽無遺，不過實在太曬，最後都要落番窗簾先得🤪環境整體都好舒服，係傾計好地方，但唔知點解個地有少少黐立立咁樣，呢方面要改善吓。我哋四個叫咗同一個餐，係美國牛肉鐵板燒餐，個餐都好豐富呀，有晒前菜、蝦、牛肉、炒飯、炒菜、甜品同餐飲，每樣質素都平均，最好食係隻大蝦，彈牙又有膏，其他食物就正常水平啦。侍應服務都好殷勤有禮，加茶加得好密。今次仲用咗OpenRice coupon四送一優惠，所以真係超級抵，二百幾蚊一個人，有海景午餐，性價比非常高！😙

疫情以來...飯聚日子少之又少，難得夾啱日子又遇著黑雨⛈飯局取消😩一約再約...又剛巧有推廣優惠"四人同行一人免費"👏🏼 兜兜轉轉最終都係相約於海賀鐵板燒😅朋友推介首次幫襯😏選擇了鐵板燒套餐(牛+蝦)🤩選定菜單後...先送上指定食品，蔬菜沙律、前菜😍菜式味道及賣相都有驚喜🤤餐廳服務及食物都有質素👍🏼美國頂級牛柳選擇五成熟🤨估計都有七成熟? 但肉質👌🏼入口軟淋有肉汁，加上炒飯及炒野菜👍🏻很惹味😋吃得飽飽很滿足💯其實套餐份量很足夠😅還有甜品及飲餐飲👏🏼🤩選了凍咖啡，可惜咖啡就一般...😒可能其他選擇會更好🤔朋友吃的銀雪魚西京燒也不錯👌🏼餐廳位於高層👀景觀開揚😍坐著窗邊位置😁可嘆著甜品...咖啡，一邊傾談一邊欣賞景觀，在如此環境下朋友暢聚，實在享受也😄整體來說，用餐感覺良好😙餐廳服務及食物質素都有水準，午餐價錢較為合宜，加上推廣優惠👍🏻相信有機會再encore吧！😆😅

我覺得食嘢除咗要食物質素高之外，都要配合埋環境，氣氛同服務既！今次好好彩，ad hoc 訂星期五晚既飯局，都俾我等到有張海景位既鐵板燒枱。呢次揀咗個set dinner, 都好唔錯，有海膽杯做前菜，主菜有魚，鮑魚，美國牛，樣樣都整幾好，不過因為第二輪入座既關係，我哋就真係需要食得比較趕，無得慢慢飲下酒，傾吓偈，品嘗食物同享受眼前嘅靚景。😩😛希望可以快啲回復正常，可以慢慢食慢慢歎下。咁先係人生嚟㗎嘛，係咪先?!!!

今日去咗尖沙咀食鉄板燒，位置喺the one 19樓，不過質素同價錢成反比的鐡板燒。首先，服務態度奇差，接待處既職員安排又差又冇禮貌，估唔到會咁前菜係沙律，碗底有好多水，自家屋企整沙律都會整乾，估唔到去到餐廳都會食到咁既質素既沙律第一度菜已經覺得伏伏伏伏，之後既菜式都不值一提，佢係用日式鉄板燒整西式菜式，四個字，不倫不類，西唔西，日唔日，做fusion 做得好差。唯一值得讚既係個景觀，因為處於19樓，景觀係靚既，不過有人包場，所以連唯一讚既景觀都被封左一半。

今晚來到尖沙咀the one 19樓嘅日本料理海賀，都係朋友推介來，行入問口都感覺良好👍🏻👍🏻，訂左窗口位，呢度傾計夠清靜👍🏻，今晚我地叫左一個刺身拼盤，可能選七款嗰隻，餐廳都好好，可以比我地選擇，本人淨係食油甘魚、Toro、牡丹蝦、海膽，餐廳都可以排排到比我地💯💯🥂，刺身好新鮮😋😋，序後叫左啲鐵板燒，有燒蘆筍，有燒豚肉（呢個係配搭得幾好，堅正），還有燒蝦，隻蝦好爽口，好重海水味😍😍😍

之前去過這一間餐廳，已經幾年無去，今次去覺得食物好食左好多! 三個人都點了鐵板套餐，另外加了刺身拼盤及生蠔。餐入面海鮮為主，開頭有一個味道好開胃既前菜，入面有刺身蝦肉同海膽，加一D酸醋，幾鮮甜開胃。之後有一個櫻鯛魚湯，湯係幾甘甜，但入面的魚我覺得可以重少少調味。鐵板龍蝦就好大份同香口，龍蝦肉幾彈口，醬汁好濃郁，師傅仲俾左幾塊多士俾我地點汁食。和牛不記得是澳洲定日本，不過就十分好食，最特別是配菜的洋蔥絲，配合D牛肉好夾，覺得無咁油膩。這間餐廳環境幾好，夠乾淨係好緊要的^^雖然我地對住鐵板枱食，但唔覺有油煙味。師傅好好，一開始就問我地有咩食得有咩唔食得，有時又幫我地影下相，煮野時好專心，至怕有D鐵板燒師傅太健談咩都加把口，但這位師傅就唔會，欣賞!之前對這間餐廳印象不深，覺得係份量又少又扮名貴的日本菜，但今次完全唔同晒，食得出唔係求其，食物質素好好。

-《Teppanyaki kaika鐵板燒海賀》食個靚午餐好嗎？wif my心愛女友人☺️靚景色靚太陽🌞下午兩點嚟到啱啱好。叫左個‘精選商務二人套餐A4和牛美國頂級牛柳定食·$1180一位 定食包括有👉🏻茶碗蒸/沙律/漬物/鵝肝/龍蝦/牛肉/炒飯/甜品🍮鵝肝和龍蝦過關✔️牛肉就有點失望🤲🏻鹹到一個點😥份量不多！牛味係好濃但唔知點解鹹到咁樣⋯同埋九成都係肥膏🥵個鵝肝就比得高分🌛煎得外脆內軟、配左季節性的柑橘醬汁😋即刻冇咁肥膩！龍蝦都比8分！龍蝦肉好爽彈！同juicy！配埋佢熬製嘅超濃龍蝦湯！😍一流！跟住炒飯就一般貨色啦！仲有個麵豉湯！甜品🍮牛奶布甸配時令生果🍊都唔錯😘食完呢肥膩野來講配呢個甜品剛好！#japjapjap尖沙咀______________________________地址：尖沙咀The One 19樓

Harlan’s同層一入去會經開鐵板燒位置再埋邊就係靚景位是日Set Dinner原價$980/位 折左每位$728/位唔食哩個餐，有其他再高質素同價格過你揀我哋唔食Set, 決定就自己喜好點餐服務員介紹幾款生蠔🦪我哋點左「令和貴物」來試黎到見到個名原來係 怪物😅$180/隻 味道一般 Creamy的，海水味唔重平日自己即開款「美人魚」仲好食極尚刺身併盆 $980哩碟野好正香濃海膽 來自北海道吞拿魚腩一整件都係入口即溶甜蝦 甜得黎肉質脆口整碟各款刺身都真係鮮甜 美味海膽手卷 $168/條唔好諗住細細條呀八卦打開黎睇一整條都係海膽架$138/碗 雞湯烏冬味道好清，但湯係好濃的質感好似個湯汁可以掛係個烏冬到咁海賀炒飯 $98/碗炒得好香口，味道同雞湯烏冬有好大反差我哋一邊食一邊睇 幻採fing啷啷舒適的環境+可欣賞美景= 俾更多$$$兩人埋單加一服務費整體：其實刺身係ok生蠔唔抵食哩個價錢對比下 並沒有驚喜再有什麼什麼慶祝活動，我或許會試鐵板燒

以為去佐高級食府， 除咗個景係得之外，冇一樣嘢得， 同佢講話啲豉油好 咸，根本冇人理你， 一間高級食府有乜可能零基本魚生豉油都冇， 用普通豉油， 食到一套氣，叫咗兩樣魚生， 又唔係話好新鮮， 即刻埋單走人