鏞記酒家

營業中

休息中

親戚多年前食過鏞記，所以提出再來，但冇諗過這間所謂老字號是如此的劣質...- 食物貴質素差·叉燒似茶記質素 瘦得黎唔入味·蒜蓉炒西蘭花直頭冇蒜蓉味 同清炒一樣 (呢碟菜仲有一個小插曲，詳細睇下面...)·燒鵝雖然是鎮店之寶 但燒得一般 肥肉唔多 而且上菜時已經唔暖 失望·東星斑600g賣$2,680 雖然唔腥 但沒有鮮味 這個價錢絕對不值·皮蛋係好味 但冇理由為前菜而黎- 服務唔合格 ·人未齊腳 所以我們遲了點落單 並吩咐樓面東星斑盡量後上 費事放得耐變腥 豈不知人未到 魚最先到... 齊人後 上菜時間亦都非常慢·上西蘭花時 隔離枱叫左清炒 而我們叫左蒜蓉 所以傳菜唔小心放錯枱我們已經隨即發現錯誤 同傳菜反映 此時隔離枱已經夾起一兩件... 但傳菜竟然直接對調兩碟菜 放彼此既檯面 當冇事發生 傳菜更揚言「未食過/未掂過冇事」...之後經理有換給我們 但再上既菜已經係唔熱 懷疑連再炒一下都冇...

通常去鏞記食晚餐居多，今次就試下晏晝食飯，點心種類唔算多，不過貴精不貴多，相信樣樣都有一定既質素。原來鏞記既點心全日都會供應，夜晚都可以飲杯靚茶，嘆下一盅兩件！😉🥢蜂巢鬆化炸芋角不嬲都唔好炸野，但呢個芋角炸得金黃酥脆，都忍唔住食曬一舊。芋頭味好濃，一啲油溢味都無，面頭炸到好似蜂巢咁亂中有序，裡面就係綿綿既芋頭！☺️🥢咖喱荔芋金錢肚芋頭蒸得綿密，入口即化，金錢肚都洗得好乾淨，無牛騷味，經過長時間既醃製，每舊牛肚都被咖喱醬包住。咖喱醬絕非一般貨色，香料味突出，辣中帶甜，好食😍🐥四寶淮山鮮雞紮四寶姐係新鮮雞件，魚肚，豬肚同冬菇，再用淮山條紮住佢哋🫔！雞肉滑嫩，不過有骨，要小心食。餐廳選用真既魚肚，蒸至入味。每樣食材都係真材實料🫶🏻，食得出原汁原味！🐖炭燒蔥油叉燒包賣相雖然唔係好靚仔，但味道搭夠🥰！叉燒醬甜而不膩，肥瘦適中，蔥油中和左口腔既甜度，高水準之作。🫶🏻🐄陳皮淮山牛肉球一上檯就傳黎陣陣陳皮甘香味，牛肉球充滿肉味，用上新鮮既牛肉，爽脆既淮山增加左口感，減輕肉肉帶黎既負擔。😋🥢XO醬臘味蘿蔔糕蘿蔔糕好足料，有臘肉，冬茹，乾瑤柱同蘿蔔絲。用XO醬炒好惹味，連埋洋蔥絲同翠綠既青蔥一齊炒，滋味爆燈

數年前完成裝修後未曾再訪，裝修後的鏞記每層各有主題。被安排在一樓的小菜廳用膳，跟據官方資料小菜廳的裝修以電影「花樣年華」為參考。雖然酒家經過大裝修，但地下的王羲之像及鵝池還是保留了👍🏻。太長時間沒有在此用餐，因此也參考了其他食客的意見才下單。店家只供應幾款點心，主要提供小菜。皮蛋溏心，酸薑也嫩口，不過皮蛋及酸薑都應該不是自家製做，況且坊間美味的皮蛋及酸薑也不難找，出品難度不高。紥蹄內捲著海量的蝦籽，蝦籽的獨有香味十足，紥蹄切得薄薄的，適合慢慢嘴嚼。很難得仍然有筍尖粒作食材的蝦餃，筍粒亦清香，好評。雞是兩大塊片開的雞肉，雖然是雞胸肉但不嚡口，魚肚亦夠厚及完整，沒有濃稠的芡汁加持，反覺得清爽。燒鵝上枱，職員即時從暖壺中倒出鵝汁，為菜式加添了一點儀式感。燒鵝是溫熱的，像是新鮮燒制，但鵝皮卻不脆，然而鵝肉不柴和很香甜，不知是否此店的特色。久缺一點綠色菜蔬的襯托，賣相比較寡淡，入口先嚐到的是帶酸味的柚皮，一般而言應該是處理不佳才產生酸味，但不知為何？竟然覺得很可口。荷葉飯的飯粒很分明，不是一般吸飽醬汁的版本，適合不愛重口味的食客。份量不大，大概只夠2-3人分享。碗豆糕是傳統馬豆糕的變奏版本。碗豆

專程帶媽咪嚟食燒鵝一入到去店員態度勁差就咁叫我哋坐入口嗰層我主動要求上樓上座佢哋好似萬分唔情願咁叫咗個例牌燒鵝上菜嘅時候唔係熱嘅食落好鞋口媽咪話真係大退步失望！

朋友推薦嘅老字號，嚟呢度的確可以食到好多傳統手工菜同埋果種搵唔返嘅感覺。前菜酸姜皮蛋令我諗返起兒時的味道，酸姜真係一定要夾皮蛋，入口酸甜美味，冇得頂！招牌燒鵝，成隻上台真係太震撼，配埋燒鵝汁同埋酸梅汁兩種口味都好好味！其他菜都OK，服務態度一般

眾所周知鏞記嘅燒鵝遠近馳名，所以今日專程嚟一探究竟店面夠大，冷氣充足，咁熱嘅天氣入到去好舒服，人都幾多下燒鵝淋咗花生汁，皮酥肉嫩，花生汁同埋燒鵝一齊入口好香，其他菜式都可以

鏞記酒家係老字號粵菜館，以前細個同屋企人食過，但近年已經少去，今次有親戚由外國返嚟點名想食，所以又再月BOOK位，結果又唔錯。首先係個招牌炭燒黑鬃鵝，同一樂、再興做法似乎有啲唔同，重點係佢哋特製嘅醬料，聞到已經好香，啲肉唔會柴，仲keep住啲肉汁，皮油而不膩，上枱好快被清晒！脆皮燒腩仔亦都係一絕，脆皮爆香，肥肉唔會太膩，瘦肉又唔會太乾，每一啖都好滿足。蜜汁吊燒鵝掌紮要提前預訂，用咗鵝掌包住鵝肝、叉燒、招牌鵝肝腸等材料，油陣蜜汁吊燒到外層焦香，食落豐腴有層次感！最後一道冬瓜盅好啱夏天清熱解膩，盅裡面有火腿、冬菇等配料，飲落清甜濃郁。今餐大家都好滿意，整體菜式都好有水準，值得推介！

鏞記作為燒鵝老字號，佢嘅燒鵝當然係首屈一指不遑多讓，但係鮮花都需要綠葉嚟到扶持，其他手工菜對比返完全招牌嘅飛天燒鵝係一啲都唔會輸蝕。今次我分別試咗桂花蟹肉炒津絲、蝦籽紮蹄、薑葱灼鮮牛冧肉同埋燻蹄，由上菜到埋單，基本碟碟都係干盤亦表達對美食嘅尊敬。

乳豬好香好脆，咬落唔會覺得好肥膩，口感層次好豐富，一件件斬好擺碟，每舊大細均勻，可見師傅基本刀工十足初夏五柳明蝦球，最啱餸飯，醬汁濃郁但係依然食得出鮮蝦嘅味道，俾人感覺唔會喧賓奪主叉燒肥瘦相間，外層有點脆脆哋，咬落去瞬間味覺升華，果然最簡單嘅菜式先體現到功底

每次到香港必吃鏞記，疫情三年特別想念他們家的燒鵝。味道一如記憶，流心皮蛋也保持了原有的水準，絕不會令你失望。這次要特別提到是一道味菜炒揀手吊片，淡紅色的吊片味道濃郁，香而不靭，喻起來很過癮。另外一道燻蹄(豬手)也值得一讚，這道冷盤需經過烹煮、冷藏去骨等多重功夫，皮肉肥瘦相間，味道清爽。這次晚了到店內，差點吃不到燒鵝，建議大家要來記得先打電話訂座留位，不過不知道能不能留菜。

鏞記經典的炭爐燒鵝 午餐外賣 盛惠 $80 大洋🥹🥹🥹燒鵝份足夠、味道超好食、肉質夠晒嫩滑、鵝汁鮮而不咸伴飯一流、唔會令人食一口飲一啖水既感覺不過飯量太少、只適合OL 細食人士。燒鵝皮不脆、其實食燒鵝好注重塊皮！$80 燒鵝飯 呢個價錢同食物質素 有少少不合比例

都有好耐冇嚟鏞記啦，嚟到先發覺呢度啲格局同以前有啲唔同，應該裝修過嚟，俾我耳目一新嘅感覺。燒鵝依然係靚到冇聲出，出品依然係咁穩定，對比返燒鵝其他菜式都一啲唔會輸蝕。服務還算OK，價錢就同之前嚟差唔多。食物：9分環境：8分服務：8.5分

陪回港探親嘅舅父食飯，佢點名要去鏞記。間餐廳最出名當然係燒鵝，皮香肉略為偏實，油而不膩，香氣四溢，招牌菜名不虛傳。仲點了一碟皮蛋酸姜，係鏞記另一招牌，亦都係很多人嘅心水之選，皮蛋流心，酸姜清爽解膩，兩者搭配起來非常開胃鏞記有太多招牌手工菜，樣樣都想試，今次仲叫咗松子雲霧燻香肉同 炭燒蜜汁叉燒，兩個都好邪惡好好味。呢度交通方便，環境都相當高貴典雅，如果鍾意傳統粵菜嘅朋友，非常推薦一試，一定唔會失望。

提前與太后慶祝母親節，鏞記似乎無特定嘅套餐，不過單點靈活性更高。吸取上次8點嚟到食唔到燒鵝嘅教訓，今次提前咗一星期前打電話訂座同預訂咗熱門菜式，所以一切都好順利。燒鵝無得輸，相比較為常見嘅脆皮燒鵝，我更鍾意鏞記嘅濕籠製法，肉質更滑嫩，肥美但唔油膩，配埋下面底層嘅鵝油同佢特製醬料，味道更上一層樓。肥燶叉燒係太后心頭好，燶邊焦香，但整體肉質鬆化，叉燒嘅甜味啱啱好。露荀百合炒斑球勝在斑球新鮮彈牙，味道就一般不過不失，但個金黃鍋貼龍蝦尾有驚喜，見個外型行酥脆香口路線以為會好油膩，但原來中間加咗啲鮮淮山蓉，反而有清新嘅感覺。餐飯最重要太后食得開心，大家都滿意😻😻

屋企有人來港，想佢地試下香港味道。一行9人夜晚六點半入座。侍應表示除了叉燒同燒鵝之外所有燒味全部賣晒，點菜的時候更表示乳鴿、炸子雞等等其他菜式都賣晒。更誇張的是，我提早一日打電話上去問有什麼要提早預留，收到的答覆係「你可以預留牛腩，其他野都有的」。咁大間餐廳係點解可以這樣營業？？？晚市唔使備菜？？？仲要一句sorry都沒講…其他菜式水準普通，同酒樓相似，毫無特色可言。班侍應同經理根本都唔知自己做咁乜，態度差之外都唔識察言觀色。如此基本嘅嘢都會出紕漏。咁我相信呢間餐廳如果再咁樣經營落去，幾十年老牌子同口碑一定唔保。總之我不會再幫襯。