鏞記酒家

營業中

休息中

Although the restaurant is famous for its roast goose, we almost never eat roast goose here. Instead, we normally ask the waiters to recommend seasonal dishes which are normally very fresh and tasty. Dim sum here is also very good and the tea like Pu Erh very refreshing.

同朋友約咗係中環shopping，食晏我哋選擇咗鏞記呢間以傳統粵菜聞名嘅餐廳。珊瑚白玉千萬縷，呢道菜淨係個菜名已經十分有意境，口感層次豐富，勾芡得嚟唔會覺得滑潺潺咁，好好送飯，XO 醬帶子粒煎蛋好夠鑊氣，咬落去帶子粒粒分明，煎蛋嘅香氣有啲以前細個開飯果時嘅回憶，養生黑醋鮮斑腩醬汁配搭啱啱好，好開胃！

超過8️⃣0️⃣年歷史，樓高4️⃣層嘅鏞記酒家經過翻新之後裝修都幾有格調🎖️，曾經數次獲得米芝蓮一星餐廳推介💮，更加入選過全球百大最佳中餐廳💯，相信佢哋嘅招牌燒鵝大家都有聽過💫。〰️🍽️ 炭燒蜜汁叉燒 | Barbecued Pork | 💰200 🌟本身想嗌另一個肥燶叉，不過當日已經賣晒，而依個叉燒雖然唔係肥叉，但食落肉質十分之腍，一啲都唔乾，而且成個邊都燒得好靚唔會太燶，蜜汁都啱啱好，份量都足夠。 🍽️ 佛山汾酒鹵燻蹄 | Preserved Pig’s Knuckle | 💰110入口係有淡淡嘅汾酒香，唔會過鹹，而且肉同啫喱嘅比例都好平均。 🍽️ 正宗炭燒黑鬃鵝(例牌) | Signature Charcoal Roasted Goose (Regular) | 💰260話晒鏞記最出名嘅就係燒鵝，所以我哋一心嚟到就係為咗食佢，本身去到一坐低嘅時候服務員就話燒鵝已經賣晒，咁我哋都諗住叫其他嘢食，點知轉個頭又有服務員行過嚟同我哋講仲有最後一份例牌，結果我哋就好好彩咁可以試到。但可能因為係最後一份，所以入口個皮唔脆，鵝肉亦都唔算嫩滑，食落係有燒鵝味但又唔係好香，配搭嘅亦唔係一般甜酸醬，而係特制嘅燒鵝醬汁

講到本港美食，點可以唔提鏞記酒家！今日朋友請食飯，一早就係鏞記book定靚位，環境雅緻，服務周到，仿佛置身于舊事嘅豪門盛宴！當晚最喜愛嘅當屬炸子雞，外皮酥脆，肉質鮮嫩多汁，每一啖都係對味蕾的極致寵溺！松子大良炒鮮奶，口感順滑，絕對係值得下次嚟再食多一次！

嚟到鏞記，燒鵝肯定係一定要食嘅，鏞記嘅燒鵝同埋廣東其他地區嘅燒鵝相比較，呢邊嘅係偏鹹口咗啲，而且唔係用酸梅汁，係用返佢哋自己特製嘅醬汁，係另有一番風味！除咗燒鵝，其他嘅粵菜小炒同埋點心同一絕，只不過係燒鵝名氣大啲，有機會下次都想試多幾款佢哋嘅粵菜！

相信港島人夜晚間唔中都會去鏞記食個便飯！其實鏞記都有家常菜架！一份例牌燒鵝，加兩個小菜都非常滋味！上次就叫左蒸肉餅同西蘭花！肉餅內有馬蹄同吊片作為配料，馬蹄富有口感，吊片帶出海鮮鹹香鮮味，肉餅肥瘦均勻，送飯一流！西蘭花都系爽身飽滿，冬菇要讚下！睇得出有經過精心挑選，隻隻都大同厚身，咬落去好似食緊肉咁，冬菇味都好足！所以去鏞記食飯唔一定要大時大節慶祝，家常便飯都非常ok！

父親節前問爸爸話想食燒鵝，就當然即刻book鏞記啦，爸爸總結食得非常開心！我總結系食咁多次都仲系有驚喜！前菜叫左個滷水清爽大尾魷，滷水味道岩岩好，唔會過鹹，仲要有香料味。魷魚就爽同彈牙，食到魷魚鮮味，大塊兼數量足，非常推薦！另外仲叫左份乳豬，非常驚豔！乳豬皮非常脆，卡卡聲，豬肉唔臊仲要有肉嫩有汁，乳豬醬都同唔會過甜，作為點綴恰到好處！燒鵝就一如以往咁皮香肉嫩！員工都好好服務，仲有同我爸爸講父親節快樂，非常有心！呢個父親節晚餐食得非常開心滿足！

端午節嚟鏞記食燒鵝，一上台香味已經撲鼻而來，馬上已經將我哋吸引住啦，每一舊燒鵝都係鮮嫩多汁，火候恰到好處，夾雜住迷人嘅炭燒味道，醬汁同鵝肉完美配搭，底下仲墊住啲蜜豆。除咗燒鵝之外，服務都好貼心，基本落單時好快就可以答到你想食乜。

端午節，鏞記推出了「至尊燒鵝裹蒸糭」，售價要$298 一隻起（買6仔以上），好似買6隻有1隻鹼水糭送。屋企人買了，分了一隻給我。包裝很好，真空包裝，另外獨立有冰袋。Size 唔細，不過裹蒸糭嚟講又唔算好大，底部大約係女仔手板咁大，不過好厚，當應節小食的話，足夠兩個人食。調味唔錯，最揼本係裏面有一粒大乾瑤柱，另外有兩塊燒鵝皮，冇錯，是皮，不是兩件燒鵝。另外有鹹蛋黃，肥豬肉同埋蓮子，仲有一粒栗子。好食嘅，不過二百幾蚊足夠出去食餐飯，最值錢就得粒乾瑤柱，叫得至尊燒鵝裹蒸糭，好心俾多兩件燒鵝，唔好得層皮，我自己覺得最多值$80。

傳說中的鏞記，誰不知只得一個字「貴」。燒鵝的皮不脆，鵝肉好韌；蘿蔔糕不熱，話煎但係冇煎，洋蔥條竟然變成主菜；雪菜沒有味，蛋撻仔不脆不熱似隔夜番叮。最特別是，我們要求一碟甜醬點蘿蔔糕，竟然四個職員討論什麼是甜醬，最後上了一碟傑撻撻的乳豬醬。甜醬完來係全店最珍貴的菜。一碟蘿蔔糕、兩粒蝦餃、一碗燒鵝瀨粉、一碗雪菜肉絲米粉，和一碟蛋撻，總共495元。我哋由山上千裡迢迢落去中環，仲搭錯車去左薄扶林，再捱住肚餓返去中環，諗住食餐好啲的安慰下個心同肚，點知結果竟然係：垃圾。

燒鵝第一啖入口已經十分震撼，皮脆肉香，一啲都唔會覺得有肥膩嘅感覺，外皮同肉質比例搭配得係恰到好處，配埋呢嘅靈魂醬汁簡直係一絕，平時食燒鵝都係搭配酸梅醬比較多，試咗鏞記獨有配醬之後，絕對有眼前一亮嘅感覺

裝修華麗，環境幽雅，用餐環境可以話係滿分，燒鵝皮脆肉嫩，多汁之餘唔會覺得肥膩，我最鐘意就係呢味咕嚕球，甜同埋酸啱啱好，好解膩，同招牌燒鵝可以話係互補，正！蟹肉涼瓜青煎蛋最啱就係送飯，江南百花明蝦卷口感特別，內藏乾坤！

講起食粵菜，鏞記我覺得絕對係選擇排名前三，招牌嘅燒鵝無論係火候同埋選料都係頂級，每一件大細都斬得好恰當，唔會有碎骨係碟，咬落滿嘴留香，回味無窮！銀芽肉絲煎脆麵係我個人比較喜歡嘅，甜品最好配搭呢個新疆和田棗茸糕！

今日在中環工作直至夜晚，該區最鐘意食嘅中式宵夜就是鏞。首先，呢度裝潢不錯，古色古鄉，格調高雅。如來食宵夜一般都坐下層。下層有個水池，一邊吃東西，一邊聽到水聲，真的很chill.食物方面，先來一客「必食」义燒。其肉質軟腍，蜜汁味香濃可口，啱食！再來一個「細蓉」，皮薄餡靚，芙蓉麵Q彈，上湯美味鮮美，大推！最後，來一碗「紅豆沙」作為宵夜的句号就最好不過，正呀！#中環宵夜#鏞記洒家#YungKeeRestaurant#义燒

難得休假同屋企人嚟鏞記飲返個靚早茶，因為怕等位所以提前一日已經book好位！當日我哋係坐二樓，燒鵝之前已經試過一次，今次就試下啲點心同埋小炒，蝦餃餡料好足，啲蝦隻隻都好夠斤兩，令我印象深刻嘅就係呢味珊瑚白玉千萬縷，聽個名就好有詩意，有啲當年射雕英雄傳嘅玉笛誰家聽落梅嘅感覺，呢度好佩服改名果位，味道同口感都好特別，大家下次去到可以試下，絕對冇介紹錯！