鍋心粥底火鍋 (順寧道)

營業中

休息中

呢排天氣總算涼返啲，又到左打邊爐嘅好時機！今日難得同舊同事敘舊，成班就揀左黎哩間鍋心打粥底邊爐。之前就食過同樣係鍋心系列嘅蒸海鮮，至於粥底邊爐就係第一次食海鮮配料選擇多，大家揀好晒材料後好快就上湯底，一開始我仲好好奇係咪啲粥已經係火鍋入面，因為湯底偏奶白色，好似粥水，但原來只係一煲好淡嘅湯底，係食到最尾先加粥㗎話咁快海鮮都逐樣嚟到，店員俾左個計時器我哋，講大概每樣海鮮要用幾多時間，不過除咗蟹之外，其他海鮮我哋都一於少理，因為大概都知點為之熟蟹應該係必點，因為蟹蓋上面仲有好多膏，有部份膏融化左係粥底道，令粥嘅味道濃郁好多。蜆、蚌同鮑魚都陸續上到，大家記得要食晒海鮮先再打其他肉類。上晒海鮮店員主動拎左啲南瓜、粟米同芋頭粒，準備最後嘅粥底。除咗海鮮好新鮮之外，呢度嘅肉類配菜都相當出色🤤呢款肉丸必點，入邊有啲軟骨，咬落脆卜卜好有口感，大家都爭住黎食！另外牛丸都好濃郁牛味，特別彈牙；花膠份量多，煲淋左又係索晒湯味！當大家都好飽嘅時候，終於要落粥底了😂店員同我地講落嘅哩啲係粥膽，所以好快就食得同埋好索湯！另外再加埋乾蔥、豬油渣等等嘅配料，去增添粥嘅鮮味。呢個粥底絕對係精華所在，除咗煲到林晒嘅南瓜同

好耐之前食了所以唔太記得係點樣order略略記得係叫左海鮮先再可以叫幾份餸打邊爐食過覺得佢既海鮮都算新鮮所以可以推介一下啲蝦都幾大隻！好新鮮架，爽口彈牙有兩種蜆 都好肥美 同鮮甜 但就唔係隻隻都脹卜卜~ 蟹都好大隻架 都係實淨既煮完無縮水 肉質都好鮮甜唔會係爛爛地咁無記錯既話 呢一碟好似係魷魚條黎食落口都彈牙(sorry 真係唔太記得啲蜆既品種 所以講唔出 應該要食完果一晚即刻打食評)見到啲鮑魚仲郁緊呀 新鮮！！ 而且有比心機洗過啲鮑魚望上去係白白淨淨咁 同埋都好大隻隔離果隻蜆都拍得住鮑魚咁大海鮮就好正~ 但其他配料就無咩特別~ 所以唔多講嚕~

一直都好喜歡打邊爐，但什少有機會試粥底火鍋，今次聽講有間價錢相宜的，而且有為數不少的海鮮選擇，於是決定一虐究竟。這裡的用餐時段最早為17:45，食物套餐分為肉蟹，每位$200，每為加$20就可以試到龍蝦，當然要一試龍蝦了。在這裡食粥底火鍋，店家推介先吃海鮮、貝類。我們點了沙蜆、花甲、龍蝦、鮑魚、蚌。除了貝類有點兒咸及有沙之外，所有海鮮都十分鮮甜美味。其中以龍蝦、鮑魚及蚌的口感最好亦十分彈牙，肉質十分結實。食過海鮮之後就要放南瓜粒、芋頭粒、粟米粒等粥底材料。之後放自選的五種配料，包括有肉丸、牛肉片。當所有食物都煮透後，店家盲會幫你煮粥了。粥底份量頻多，每人都可以食兩至三碗。總結這裡的海鮮十分ok，其仔的食材只是一般。最後的粥底因為吸收了好多精華，所以最後的粥有畫龍點睛的作用。

呢一年都食咗幾間粥底火鍋店，鍋心俾到我最穩陣最抵食既感覺。 點解? 二百蚊一位，有幾款生猛靚海鮮食，作為食客真係無得要求更多，抵食到爆啦。呢到分三段時間入座 (分別係1745,2030同2300)，因為趕唔切1800，所以今日就揀咗2030，同兩位朋友一齊食。講返食物先呢到指定咗幾款海鮮，又大份又新鮮，當中有鮑魚，魷魚，貴妃蚌，海蝦，多寶魚。 特別要留意既係，呢到啲蝦生猛到識跳起，我地放咗落鍋之後佢仲識紮紮跳，你話犀唔犀利先。咁除咗食佢幾款海鮮以外，仲可以自選多8樣配料，比較值得推介有雞骨丸、肥牛、梅頭肉，其實樣樣都唔差，不過我既重心係上面3款。 鍋心係無飲料跟既，要自己俾錢嗌，都係可樂啤酒呢啲大路野啦，咁開心，呢晚同朋友都隊咗幾枝啤酒。

粥底火鍋🍲 都興起一段時間 每逢涼涼地秋天 就到 就會好想 好想食 一季點都食幾次 嘻嘻嘻嘻 平均每個人 $200 免加一 ，餐廳以當日所購買的新鮮海鮮 去改動餐牌 海鮮有六款自選架 。我就加左 $20 揀左龍蝦🦞黎食 連沙白 變相有7種海鮮食 海鮮全部極新鮮 龍蝦開邊一人一半 上枱就算死左 腳仔都輕微郁動架 海蝦仲誇張 要搵碗壓着 驚佢跳出來 🤣🤣🤣🤣 貝殼類都冇沙 ，有埋指示教你煮幾耐添 ， 不過除咗海鮮 套餐既其他肉類 蔬菜🥬 等..... 就麻麻地好食 普普通通冇乜特別啦 ！！！ 🤷🏻‍♀️🤷🏻‍♀️🤷🏻‍♀️

踏入生日月 好友邀請嚟到呢間火鍋店食粥底火鍋 ,雖然小弟都係住響附近但都係第一次嚟食。 店內座位尚算寬敞員工亦友善,每位加廿蚊亦可以由肉蟹改為龍蝦 。開始點火鍋料每碟火鍋料都有睇頭 大大碟 份量十足, 我哋揀咗海蝦 大大隻肉質彈口 ,龍蝦肉亦新鮮 ,多寶魚肉質鮮甜 鮑魚 又係大大隻。 最後就加埋粥底, 粥底包括可以加南瓜粒芋頭粒 冬菜花生等等非常之惹味 ,亦有專人為你煮粥真窩心 。溫馨提示若果材料食唔曬亦可以打包返屋企,結果我哋張 一啲餃子丸子及 蘿蔔等等都要打包因為實在太大碟我哋五個人都食唔曬。 而埋單每位都係約200蚊左右 真係超級抵食。

海鮮好新鮮，我諗自己去街市買仲貴。出街食海鮮最好就係，又有人幫你準備，仲要價錢好抵。呢間店舖仲教埋你落鍋要煮幾耐，咁於唔熟悉煮野食嘅人，真係好重要的提示，所以每樣海鮮都可以在最佳時刻享用到。食料新鮮真係不得了，所以性價比很高。唯一我覺得店舖真係可賺錢係酒水個度。自己買返屋企整海鮮最怕要買，又未必買到好野，又怕比人呃秤，食之前又要洗。係呢度完全解決問題，食材很好，食前食後都吾洗自己處理😂😂所以我一定會再返去幫襯。唯一一點美中不足就係，店員清理枱上嘅吉碟同埋海鮮嘅殼比較慢，如果每枱有個小垃圾桶，自己清理可能仲好，又快又方便，好過下下叫服務員幫手清潔。

星期二晚同朋友一齊嚟到鍋心粥底火鍋。近年好興粥底火鍋，好多地方都有得食，但係呢間鍋心粥底火鍋算係比較出名，亦有好多唔同嘅分店！今次試佢喺長沙灣深水埗嘅分店。間鋪頭喺內街，星期二晚第一輪時間唔算有好多客人，所以店員嘅招呼好好，成個過程會不停咁教我地點樣落材料嘅先後次序，有幫我地烚熟啲海鮮，服務一流！抵讚！（但當我哋走，第二輪嘅時間明顯多人咗）$200一份，有鮑魚、龍蝦、大蜆等等唔同海鮮，真係好抵！！而且啲海鮮好新鮮，啲蝦係咁跳！除咗海鮮之外，你有好多特色嘅小食，例如：爽口肉丸等等，都係好值得一試！食到最後，試埋佢有豐富海鮮味嘅粥，真係好滿足！（店員提我地：南瓜係要早少少囉，先可以做到融晒喺個粥嘅效果）我哋食咗兩個鐘，其實時間啱啱好，份量對我來講都係啱啱好（飽肚），我哋冇食淨任何一樣野！（P.S.飲品需要額外加錢）

今次黎到呢間深水埗嘅窩心粥底火鍋試吓佢地個海鮮入面都坐滿bk左6點半~8點半時間係夠食，2 個人食勁飽加20蚊可以轉蟹轉龍蝦但鐘意食蟹就冇轉lu蟹佢有個表教你每樣海鮮煮幾耐跟住黎煮就ok蟹、蝦好新鮮蟹好多肉😄而粥底火鍋配料可選8 樣其實食到呢到已經飽飽地😄好健康既粥底食完呢d會有staff黎幫你煮粥因為已經飽飽地，所以叫佢唔好整咁多staff好好人 都會講2 句p. s個洗手間比想像乾淨，整體算唔錯😄每人大幾$200 ~

Tried out this congee hotpot finally after recommended by many of my friends, it is a semi-all-you-can eat hotpot set, with several number of seafood you can choose, and several amount of meat and vegetables, the price is cheap but the seafood are fresh.For the seafood, we have chose crab, a selection of clams, shrimps, etc.And for the other food, we chose angus beef, pork slides, fish balls, radish, tofu skin, cabbage, etc.I specially like the congee at last which is very sweet and all the esse

我們食8:30第二輪，已預約好不用等太耐，8:30已開始叫名安排入座，座低了一陣很快就有海鮮送來，放了蟹以及花甲在枱面，每款海鮮都會有指定嘅時間，因為海鮮不能煮太耐，餐廳好細心會有個計時器提醒你要食啦😆，令到你自己控制時間控制得好好，另外再包8款任選配料，當中我覺得好味係自家製手打豬軟骨肉丸，好味，入面係堅有軟骨，牛肉好新鮮，蝦🦐上枱時仲跳下跳下，非常生猛，最後食埋個海鮮粥底好飽，攬住個肚飽到，一定會再來，美中不足餐廳沒有提供濕紙巾

人頭費嘅粥底火鍋都食過幾間，我依然覺得鍋心性價比最高，而且質素最穩定，值回票價，好似我地咁間中想食海鮮，又懶得買懶得煮，非常適合。早兩個月同朋友黎到鍋心，以往一向去佐敦店，今次為左方便大家，選擇深水埗分店。餐廳位於順寧道，鋪面大，比起佐敦舊店大得多無論係粥底鍋定蒸鍋，用餐時間分幾段(17:45pm/20:30pm/11pm)，如果係早場，仲有機會walk in，其他時間真係一定要訂位呢。套餐每位$200，每人人頭份量海鮮、自選配料、粥底，唔包飲品。點單後店員就送上粥水，我地聽佢推薦，額外點左一份北寄貝。先食海鮮、貝類‘然後淥南瓜蓉、趁芋頭、粟米等粥底材料。最後就淥埋啲自選配料，先食粥。蟹需時最耐，但味道最鮮。肉蟹大隻，而且好好肉地海蝦仲好生猛，十分爽口。鮑魚、大蚌同樣新鮮，前者仲識郁，後者都好爽脆花甲整體都可以，肉質飽滿，而且冇沙，不過有一隻「死」左。沙白蜆其實仲甜，又乾淨，份量大方。呢個係$30追加嘅北寄貝，好好食！自選配料方面我地都係揀左牛肉、豚肉、蔬菜類為主，所以粥底唔會太濃味，啱啱好，尤其蔬菜類特別甜，索哂啲海鮮精華雞骨丸我次次都會點，口感好過癮。食到差唔多，店員會埋黎幫你加粥

超掋食既海鮮粥底火鍋🍲🦀🦐🦑 係點一個掋食法呢？是咁的💁🏻‍♀️1)佢先有兩款fixed既自選海鮮”蟹&沙白”2)七選五款自選海鮮，依個未必次次一樣，因為佢會睇返當季既時令海鮮去定。當日有：花甲,多寶魚,鮑魚,大尾魷,扇貝,蝦,蚌3)30選8款自選火鍋配料 (黑毛豬嗰幾款好食呀😍)4)其實去到依個地步已經係會飽晒🙈但仲未完嫁🤚🏻你通知聲員工，佢地會幫你用淨底既湯再加材料去煮個海鮮粥🍲-嗰次我已經食唔落個粥，淨係試左幾啖🙈個海鮮味已經冇乜，因為又落過唔同既肉又加過湯，但以個粥本身而言都幾好食既👍🏻-但最重要係咩呢？係食左咁多野，埋單都只係每人$200, 仲要唔洗加一添呀！真係掋到爛😋-留意返~佢每日淨係做三輪時間嫁炸,所以記得預早訂位呀❗️(18:00-20:30; 20:30-23:00; 23:00-02:00)

我們一行三人到窩心晚餐，前一天打電話也成功訂座。進食20:30-23:00時段，我們20:15到場，門口已有十餘人等候，用電話號碼及姓氏分批邀請入座。坐下後立即有職員放上湯窩，亦開始逐漸送上海鮮，桌子旁邊有各類海鮮的建議煮食時間。海鮮非常新鮮：蝦肉及魷魚彈牙、蟹多膏、可惜貝殼類海鮮有沙。進食海鮮後到8款自選配料：西班牙梅頭片充滿肉味但分量太少、牛肉肉質及味道普通。最後職員細心地主動詢問粥底配料選擇，然後幫忙做粥。加入了南瓜、芋頭及粟米等配料的粥，充滿海鮮香味，可惜中途加水太多，質地不夠濃厚。總的來說，職員有禮細心、服務迅速，食物質素好，性價比高！

蒸海鮮配粥底火鍋，今晚約咗班friend一齊試下《滋味五重奏自取外賣套餐》套餐包咗7款時令活海鮮+8款自選配料+3款時蔬：蝦，蟹，鮑魚，大蚌，花甲，花膠，肥牛，豚肉，雞件，魚皮，花枝丸，萵筍，淮山，粟米，芋頭同南瓜粥底湯底醬油混醬通通有齊都係每位$200，咁方便又食到新鮮嘅海鮮，真係抵到爛啦