鍋心粥底火鍋 (順寧道)

營業中

休息中

適逢父親節想打個靚邊爐，但係老竇唔鍾意出街同人迫，屋企又得四條友，自己買餸超麻煩又難預份量，好彩朋友推介左依間粥底火鍋，超級滿意🥰🥰叫左四人份肉蟹加龍蝦套餐$278/1，再追加6隻生蠔$88😍😍😍套餐揀左海鮮🦞：鮑魚、元貝、多寶魚、海蝦款款海鮮都超新鮮大大件，特別鍾意食佢嘅多寶魚，超級滑😙生蠔都好肥美勁大隻😋😋呢個價錢要自己買海鮮應該都幾難～另外，我哋四個人一共可以揀16款配料，仲要可以重複選擇，配料一啲都唔儀器，每一樣都好好食，特別係佢推介嘅雞滑同牛板腱，食到超級飽😝😝最後個煲粥吸曬所有海鮮同配料嘅精華，超級無敵好食！！！

已是第3,4次來這間粥底火鍋,每次都十分滿足.平均260的價錢,能吃到半隻龍蝦/蟹,另外再加魚/蝦/貝/鮑魚等海鮮(好像是可再選2種,因為多數是幾人來,所以忘了每人可多選幾多種),海鮮都是十分新鮮,其餘配菜水準也很好.員工招呼滿分,有禮貌有笑容,隨時留意客人有什麼需要,與店名一樣是窩心的招待 (可能是老闆/店長好,員工工作開心自然笑容也好,起碼能見到店面員工是足夠,不至於忙到黑面),是一間很值得一去再去的食店.但要來最好是先打電話預訂,都幾多人吃,有見到walk in來店已滿座只能離去的.預先打電話預訂,又可確保想食的海鮮有貨(聽說龍蝦最搶手),又不用等位,完美.

以前成日食，但今次真係好失望，應該唔會再去食呢間粥底火鍋食過數十次，覺得海鮮好新鮮同埋抵食。今次去到見到餐牌有啲唔同左，可以揀鴛鴦湯底，呢個都係一個唔錯嘅改變。價錢方面就好似比以前高咗dd。最平個鮑魚加貴妃蚌嘅選項冇得嗌，咁我哋問店員係咪鮑魚冇咗貨，佢哋又話唔係，係驚唔夠貨，下面嘅次選項係可以揀的，咁我哋就揀咗蟹加貴妃蚌，係貴咗少少，不過都冇所謂啦。其實坐低嗰陣已經聽到隔籬枱話啲蟹唔得，有陣機油味，當我哋烚完嗰陣一食，真係食到嗰陣味，咁我哋就即刻同店員講，個店員(似係店長)收走咗，跟住隔咗一陣，就再拎咗碟蟹過嚟，話呢碟正常，已經檢查過晒。咁我哋都信佢嘅，心諗應該唔會咁大膽，第二次都仲拎啲有問題嘅嘢過嚟掛，點知第二次，都係一樣，我朋友就話有佢唔食就算。咁我哋都冇再計較，亦都冇食嗰啲蟹。諗住俾錢嘅時候同店員講叫佢唔好再拎啲有問題嘅蟹比其他人，亦都想睇吓佢哋會唔會少收我哋錢。店員(另一個)聽完之後就好尷尬咁話”得得得”，跟住就即刻走，感覺好似知道但迴避呢個問題。咁我哋都冇再追究。另外佢有啲自家製嘢飲都唔得，朋友嗌咗之後覺得好苦，似係浸耐咗嘅檸檬嘅苦澀味，之後都叫佢換過普通汽水。中肯啲嚟講，其

很喜歡粥底海鮮火鍋，先吃海鮮、火鍋配菜，最後才品嘗靚粥。之前都食過一次，今次再食多次，果然水準依然一樣很好！首先自選五款海鮮+8款嘅火鍋配料。海鮮全部都十分新鮮！根本不需要加添任何醬料，已經可以吃到海鮮的鮮甜！火鍋配料，即肉類、丸類、餃類及蔬菜中，每位自選4款。配料就不過不失，因主要不是吃配料，所以也沒有期望太大。最後再吃粥，放入南瓜粒、芋頭粒及粟米件製作海鮮粥，是完滿的一餐！ 另外，值得一讚的事，員工態度親切，有時看到我們手忙腳亂，也會即時來協助。

蝦嘅殼呈亮紅色 , 一看就知道好新鮮。我哋迫不及待咁拎起一隻蝦 , 輕輕一剝 , 蝦殼就輕易咁脫落。蝦肉好爽滑 , 啖啖肉 , 食落啖啖鮮甜。另一樣必食嘅就係肉蟹。呢隻蟹真係好肥美 , 鉗仲好大隻 , 拆完之後 , 蟹膏就滿瀉晒出嚟。蟹膏好鮮甜 , 食落真係好滿足。蟹肉都好鮮甜 , 啖啖肉 , 食落好爽口。食完海鮮之後 , 我哋就用湯底煮咗碗粥。個湯底好鮮甜 , 飲得出係用咗好多海鮮煲成。粥底煮到好綿滑 , 食落好滋味。

重料 極生猛海鮮🦞粥底火鍋-其實依間野之前小編食過一次已經返尋味 ，今次再食多次 果然水準依然keep得好好-佢係自選五款海鮮+8款嘅火鍋配料 以為好少？，原來食完係超級無敵飽😫😫 佢哋嘅海鮮真係好生猛啦仲識郁㗎 海水味咸到根本唔需要點醬料 清甜😛😛-佢哋食嘅程序係食晒所有嘅海鮮 ▶️ 火鍋配料 ➡️ 加入芋頭南瓜 壓爛▶️ 再加入米飯 ✔️-🔹想讚一讚佢哋個員工親自幫我地淥蝦 好細心呀😚😚-PS：佢哋而家已經開咗好多分店包括元朗大圍佐敦長沙灣 ✅-鍋心粥底火鍋 (深水埗)深水埗順寧道29-39號新寧閣A-C號地舖

相信好多人都應該食過這間粥底火鍋，評價大都是好壞參半，畢竟並非任食而且又要限時，但要做足晒先食完海鮮、火鍋配菜，最後才品嘗靚粥就真係食得好趕好趕。現在此店終於不設用餐時段，除特別日子外，一律無限時。先選湯底，選擇都多，因為揀了鴛鴦鍋，所以我們是一邊粥水鍋一邊白胡椒豬骨湯鍋。再選海鮮套餐，按價錢分類，最貴的有龍蝦＋肉蟹+沙白蜆及自選４款海鮮（鮑魚、海蝦、花甲、大蚌、大尾魷、多寶魚)，份量不算太多，但全都是新鮮貨色。生蠔是另點的唷。然後在眾多火鍋配料，即肉類、丸類、餃類及蔬菜中，每位自選４款。不過如果想食好一點的牛肉就要另外單點了，建議選手切牛頸脊比較好食。食完海鮮及火鍋配菜後，再放入南瓜粒、芋頭粒及粟米件製作海鮮粥，粥底確是軟綿，味道就不過不失啦。

【深水埗區】【鍋心粥底火鍋】我嘅北海道之友叕再重聚，去吓旅行就知邊啲人係一拍即合，邊啲人係講咩解釋咩都冇用，始終我都喺佢哋機構幫手十幾年，我都相信同「路遙知馬力」有關。呢間其實我好多年前食過，當年仲係同中同食，而家世界變晒嚕。鍋底我哋揀咗「粥水鍋」同加 $10 嘅「白胡椒豬骨湯鍋」，前者用嚟淥海鮮，後者都幾香濃。揀完鍋底就揀套餐，我哋揀咗兩個 $228 嘅「肉蟹餐」同兩個 $278 嘅「龍蝦肉蟹餐」，我全部都唔食嘅，淨係食到其他海鮮同嘢食。大家都覺得唔錯就好，一個套餐可以揀多四款火鍋料，即係我哋可以揀十六款，可以重覆，加 $9 嘅「手打蝦滑」都幾好，値得加錢叫。大家驚我唔夠食仲叫埋 $78 嘅手切肥牛「吊龍」，明明係大家都想食，哈哈，味道可以啦。粥水煮到咁上下就整「精華海鮮粥」，加入粥、芫茜、冬菜、菜脯粒、大頭菜粒同豬油渣粒，食落都幾鮮。嘢飲我哋叫咗各 $16 嘅「津路烏龍茶」同「康師傅酸梅湯」、$18 嘅「土耳其汽水」，埋單 $1195，平均每人三百左右。。。（地址：深水埗順寧道29-39號新寧閣A-C號地舖）#1amfoodie #foodie #hkfoodie #thatfoo

今次海鮮中 鮑魚同埋蝦都好新鮮係咁郁蟹肉亦都好鮮甜 真係一流美中不足係沙白食到有少少沙其他配料都不過不失肥牛每碟都唔同 靚唔靚就睇你好唔好采豬腩片有些肥 但味道不錯開頭都覺得份量太少 好似唔夠食不過食晒啲餸之後整果個粥其實好大鍋食埋就飽晒 但單純粥底鍋感覺個粥不太夠味如果可加少少鹽就更好

同屋企人一齊去食冬至飯book左檯 入座都快 上菜都ok 餐廳好似規定左一定要食曬海鮮先可以上小菜（？）🥲屋企有人食素，講過幾次先上其他小菜但一直都冇店員理睬，搞到屋企人等好耐都冇嘢食🥲 跟住我地一臺人要趕住食曬啲海鮮先有小菜配菜上😅之後碌完食完一輪海鮮之後，啲店員見到/叫咗好似聽唔到咁都唔過黎收碟，我地要不斷自己去倒海鮮殼。。。 叫店員加湯、上菜時，啲店員嘴藐藐眼超超咁😅明明我地都好好禮貌唔該前唔該後我諗短期內都唔會幫襯🙏🏻希望老闆見到之後可以改善下店員服務態度問題

今晚N年久未再食食完好食，海鮮夠生鮮如果火鍋配料份量可以再多啲就更好話晒都唔係任食其實呢個價錢已經可以食到其他任食總括黎講都ok，食物有水準只係份量不足依家食完仲有遊戲卡玩抽獎

同家人朋友食左幾次，間唔中都回味想再食，因為性價比高，海鮮超級新鮮，配埋粥就更加飽肚。基本餐$218/人，再配龍蝦或其他野飲就另外加。新鮮海鮮煲成既湯低做粥真係好鮮味，永遠唔會食厭。唯一不足之處就係有時間嘅限制。六點入場既八點左右就要離開。

店名/Shop Name：鍋心粥底火鍋 (順寧道) (深水埗)地址/ Adresss: 深水埗順寧道29-39號新寧閣A-C號地舖種類/Type：火鍋晚餐推介/Recommend：火鍋套餐人均價錢：200/人海鮮火鍋是一道豐富多彩、美味可口、充滿海洋風味的料理，新鮮、鮮美、鮮甜、爽滑和具有濃郁的海鮮香氣。這道火鍋的主要配料包括龍蝦、蟹、鮮蝦、扇貝、蚌肉等海鮮食材，再加上一些蔬菜、豆腐等配料。龍蝦和蟹的肉質鮮美爽口，鮮蝦鮮甜味道令人難以忘懷，搭配上湯底的濃郁海鮮香氣，讓人食指大動。這道火鍋口感鮮美，海鮮新鮮，湯底層次豐富。

👩🏻‍🤝‍👨🏼經過一日既辛勞工作, 緊係要食番餐新鮮既海鮮慰勞下自己喇, 今次就揀咗食過好多次都讚不絕口既粥底海鮮火鍋喇😚😚 1️⃣階 - 湯底 - 粥水🥄為求食到最鮮味, 最原汁原味既海鮮當然揀咗粥水做湯底啦😋 2️⃣階 - 肉蟹 + 沙白蜆套餐 ($218)肉蟹可以令鮮味提升, 令最後既粥底再升華, 沙白蜆一d沙都無, 啖啖肉極鮮甜~~但如果鍾意啖啖肉又唔想剝殼, 就可以揀龍蝦套餐喇($238)(📝不過龍蝦供應有限, 需要係訂枱時預先通知) 3️⃣階 - 自選5款海鮮🦐當日揀左鮑魚、花甲、大花蚌、象仔蚌同海蝦, 鮑魚同海蝦都超生猛, 貝類既海鮮都超鮮甜~扇貝 ($30  per person)由於扇貝係當日既特價時令海鮮, 我地都忍唔住每人叫咗一隻, 超大隻啖啖肉呀👍🏻 4️⃣階 - 每人自選4款配料🥩🥦打得邊爐又點少得肉類同蔬菜呢! 當中必叫肥牛、豬梅頭片、 雞滑、雞骨丸~花膠仔同竹笙都好出色, 當時既湯底已經吸收晒海鮮既精華, 配料融合咗後令味道更上一層!  🌟係揀配料之前會有南瓜粒 / 芋頭粒 / 粟米, 需要先放落湯底煮爛, 以提升鮮味~當最後加入所有配料後, 店員就會加入豬油渣、菜脯粒、

未食過鍋心粥底火鍋見食評普遍唔錯 決定一試早一日打去都book到枱佢分左兩輪時間第一輪5點30分或第二輪8點15分我地食5:30，遲左小小到，一入去已經見一大半枱都坐滿左人好快我地就落order 叫左個黃金豬骨湯底之後海鮮陸陸續續咁上黎 我地叫左肉蟹(蟹肉好甜) 龍蝦(新鮮肉又好彈牙仲識郁)鮑魚 (新鮮肉甜仲識郁）沙白(新鮮肉甜）花甲（新鮮有小小沙)海蝦 (普通)刀貝 (大隻唔錯）再可以揀8款邊爐食物當中肥牛 手打雞軟骨丸個人覺得必點其他可根據個人口味而叫唯獨係竹炭丸味道比較奇怪食到差唔多 店員會拎 豬油渣 冬菜 大頭菜 芫茜 菜甫白粥黎加落湯底 咁多款材料加埋真係好香好味道 成煲清哂二人埋單共$549性價比都算高 店員仍服務有禮周到，有下次