鍋匠中日火鍋專門店 (已結業)

上星期五與朋友去旺角血拼, 行到差不多六點, 大家都覺得又攰又肚餓, 朋友提議吃放題, 貪其一個價錢在指定時段任叫任食, 她說現在這狀態絕對可以回到本, 於是我們就在朗豪坊附近找找放題店, 終於在附近找到這間叫鍋匠的, 看來不錯, 就上樓來試試了~ 鍋匠是一間中日火鍋放題店,在100分鐘內就可以食齊煲品 (例如雞煲) 和火鍋, 店內有四個價錢可以選擇火鍋的配料, 分別是HKD 188, HKD 248, HKD 298 和HKD 438, 當然價錢愈貴, 可以選擇的配料就愈高級愈名貴; 任君選擇~ 而煲品方面就可以四選一, 可以選芝士雞煲, 鍋匠招牌雞煲, 蕃茄薯仔肉米筒骨湯煲和海鮮白玉湯煲, 我們點了HKD 298 的Prime雪花牛肉放題, 可以先吃雞煲, 食完後, 再換另一款湯底(六選一), 我們選了清清地的香芫皮疍湯鍋, 另外會送日式胡麻沙律和可加HKD 38 配刺身放題~ 這裡環境很乾淨, 走日系風的全木造傢私令到環境更加清雅呢~首先是混醬時間, 服務員會把一盤不同的配料送上, 大家可以隨意混醬一下, 個人喜歡炸蒜和辣椒豉油, 不過要注意這裡的醬汁每位會收 HKD15

現在真的無分季節隨時隨地都會想打邊爐，這間位於旺角飛達商業中心的＂鍋匠＂用花膠螺頭雞湯做湯底真的未試過打得咁滋補養顔✌🏻一於相約朋友試一試😋好彩有book位，七點半後人山人海，唔想等位記得要book啦😜非常貼心有：手機套，圍巾，綁頭髮橡筋，濕紙巾等等❣️自助飲品調味架養顔花膠螺頭雞湯鍋 - 材料豐富，首先飲了三碗湯，湯非常膠口濃郁，足料花膠，吃花膠也可吃到飽真的很誇張😆海鮮拼盤 - 鮮蝦新鮮彈牙，蜆肉飽滿鮮甜丹麥豚肉眼，特長蟹柳，鮮蝦雲吞 - 強力推薦放了鮮蝦雲吞就變了砂鍋雲吞雞，美味無窮😋😆手切金錢展，響鈴，炸魚片，鮮腐竹，青蔥鱈腐，櫻花蝦片 - 金錢展切得較薄片，響鈴炸得不太透，炸魚皮就很香脆惹味，鮮腐竹豆味重手切安格斯牛肉 - 油脂分佈剛好，不會切得太薄，牛味濃，任食也有這種質素真的難得👍🏻極品一口牛，牛胸爽 - 一口牛滾在湯底時間長了也不老肉芯亦Juicy彈牙，牛胸爽口感爽脆特別👏🏻日式胡麻沙律，唐生菜，冬瓜，菠菜 - 蔬菜洗得乾淨新鮮爽脆胡麻沙律很清新實在太飽又吃不到雪糕😆下次一定要再來過

放工出街食飯最驚電話冇電冇數據，而家唔使驚啦 ! 今次去咗旺角食火鍋，有免費wi-fi，有叉電供應，連髮圈、圍裙都準備好。服務員好細心介紹，每一種選擇畀我哋。今次我哋有個牛魔王，所以選擇左手砌雪花牛肉放題。感覺到佢哋真係用心想過㗎。食火鍋要等啲食物熟透，先有得食。所以可以先選擇一個熟食，食住等。我哋今次揀咗雞煲，雞嫩滑，味道濃郁。仲加咗38蚊食魚生放題。唔係淨係食雪花牛肉架，安格斯牛肉都有得選擇，我哋今次仲叫左個牛胸爽，真係好爽架 ; 而且唔係好多地方有得食。墨魚滑、鮮蝦滑、雲吞、魚皮餃…少不了。不得了。要睇下呢個海鮮拼盤，鮑魚大大隻 ，蠔肥嘟嘟，好飽滿，又有好大隻嘅蚌，仲有幾片大大塊嘅龍躉，加埋啲八爪魚同鮮蝦， 湯底已經甜到漏。尾門再來一杯本地雪糕，就是完美的一餐。 今餐雖然貴少少，但係勝在食物夠新鮮。同埋食到一啲唔係好多地方有得食嘅嘢， 總括都係正嘅。

Day off，中午與媽媽逛街了一會，準備6pm就帶著她來到朋友極力推介的中日火鍋專門店吃飯，心情確實非常興奮，滿心期待。 餐廳位於彌敦道，就在雅蘭商場附近，沿地鐵站出步行約15分鐘便可到達，地點相當就腳。 也許是太早來到的關係，基本上沒有任何客人，感覺就像包場一樣，而餐廳的裝修以木調小屋為題，幾乎全都是沙發座，感覺既寬敞又舒適。 坐下後，職員火速為我們送上火鍋醬汁，另外，店員還為我們送上圍裙、濕紙巾、手機袋及橡筋頭飾等，以防吃火鍋時，湯汁會濺到衣服上，感覺非常窩心，招呼周到。 由於媽媽愛吃牛肉的關係,，所以我們點了手切Prime雪花牛肉放題，每位HK$298，奉送時令海鮮盛盤及日式胡麻沙律，而火鍋放題限時100分鐘。 另外，火鍋專用放題刺身放題，也只是額外多加HK$38便可享用，我們亦決定試試。 這裏的火鍋有點特別，分了精選之湯和鍋物之湯兩種，精選之湯4選一，當中包括了雞煲、雞鍋，白玉湯及骨湯，吃完鍋內的配料後，便可以換上鍋物之湯（6選1）的純湯底。我們選了蕃茄薯仔肉米筒骨湯鍋， 說實，鍋內的配料並不多，只得蕃茄、薯仔及粟米先蔬果，豬骨不連肉， 只是得兩舊骨頭，而且湯內有不少

約咗表弟一家食個飯，大家好久有見，難得齊人大家得閒，表弟約了我哋去旺角食打邊爐，估唔到原來旺角都有咁高質素嘅日式火鍋店。如果同我講起去旺角食嘢，我嘅印象就係啲位通常都係比較迫，因為租金貴，店鋪通常都想利用每一寸地方招呼多啲客人，今日呢一間火鍋店入到去裝修幾骨子，用木材做主題，呢位好闊落，坐得好舒服，而且一入到去店員好好招呼，叫我地可以先揀嘢飲，又幫我地斟豉油。等到我哋齊人啦，就走過來同我地講解點揀餐！有幾種火鍋放題可以揀，我諗主要係牛肉等級嘅分別，今日咁齊人咁高興，不妨食好啲啦，我哋叫咗個$298套餐。等嘢食來到前，我哋先食住個沙律頂頂肚先，啲菜都幾新鮮，芝麻沙律醬多咗少少，不過鍾意食芝麻醬嘅人可能會好鍾意。精品湯方面，雖然我想食雞煲，但係姨姨老公唔食得辣，於是大家都商議過後決定不如加錢揀個知陰養顏嘅花膠雞湯作為前奏。真係勁抵食！成碟花膠放在你面前，用啖啖肉嘅情況作引伸，真係可以叫做啖啖膠！雞湯都幾濃郁。套餐包六款刺身或者六款海鮮配料，我心裏當然係想食刺身，但係姨姨唔食得生冷野，我哋揀咗海鮮。但海鮮亦意想不到地豐富！份量十足，啲蝦又大大隻，魷魚勁爽，個鮑魚佢又好細心幫我地切開咗，每人有

已經好耐無打過邊爐，今日去到旺角市中心，當然就要搵一間位置舒適、食物質素高嘅火鍋店。呢度除左有好多食材可以任叫之外，湯底都係新鮮淆製，特別係呢個花膠湯底，足一磅嘅花膠無論係就咁食，就係放雞湯煲淋再食，都係大滿足大享受。順帶一提，雞湯雖然有原隻雞嘅份量，但係湯底一啲都唔肥膩，而且雞肉仲非常嫩滑!除左湯底出色之外，海鮮拼盤當然亦係必叫，有鮮蝦、龍躉片、魷魚同埋大蜆，放落雞湯，吸收當中嘅精華，再品嚐新鮮嘅蝦肉、彈牙嘅魷魚、白淨厚身嘅龍躉肉，亦都係滋味無窮。而肉食方面，手切安格斯肥牛脂肪比例平均，係滾湯中放大約半分鐘，就完美品嚐到肉嫩牛香嘅味道。再加上幾脆魚皮等食材，確實係幾完滿嘅一滿。值得一提嘅係汽水雪糕係自助無限添飲，食完火鍋之後再加一杯綠茶或雲呢拿味嘅雪糕做甜品。

打邊爐都係想坐得耐，食得新鮮，100分鐘真係唔夠，食物要時間去滾。花膠每人一舊，而且並唔係fb講到咁大舊，隻雞好多肥皮，建議餐廳去皮或中途叫食客撈起，我地以為係用黎滾湯only，最後職員話用藥材燉左幾日既，不過果陣已經食唔落了，浪費左，唔好意思第一輪既野食樣樣都好，第2輪啲蝦就差小小，飲品甜品都可以自由取，仲有支裝飲品 (雖然全部都係重色素康師傅)298蚊半放題，不是全放題，落單前明碼實價既食一次就夠了

先講座位安排，我地一行６人加兩個BB,　由於有ＢＢ，訂位時已多次詢問是否可以坐到，去到發現係坐到，但去到其座位安排極奇怪，一張６人卡位（爐在中間）再拉多一張２人枱（亦有另一個爐）過來拼埋，變相２個ＢＢ＋４個大人就一定要坐入６人卡位，而淨返２個大人就好似撘枱咁坐拼埋在２人枱上，由於６人卡位枱係長方形，坐出面既兩人完全唔可以同坐卡位既朋友共用一爐，結果６人要分開２個鍋，全程唔似一齊食飯，所以多於６個大人既朋友，千祈唔好去。。。食物方面：我地揀＄２４８餐＋＄９８花膠鍋，另一個鍋揀了牛乳鍋，２個湯底都冇乜味，款色選擇少，食物質素很一般，牛薄如紙，味道亦不見出色，套餐包既海鮮就只有幾隻蝦，幾粒蜆同幾條魷魚，　個人認為全晚最好食既只係粟米。。。最嬲既係，比完＄２４８一位後，原來每位仲要加＄１５醬油錢，（都係埋單先知，落單時話＄２４８＋１０％），後來睇返menu, 的確係有豆豉咁細粒既字寫明左。。。仲有，呢度放題只係可以食１.５小時，未落單又比人催你落單，未夠鐘又比Ｄ侍應催你走，以每人要比近＄３００一位既打邊爐嚟講，呢度絕對係超唔值。。。（由於全程太嬲亦食得好趕，所以冇影相，但我真係無半點虛言），　

如果大家鍾意中式火鍋一大鍋慢慢打，但係又想食到日本火鍋嘅靚料，新開業無耐嘅，就啱晒你啦！鍋匠揉合中日特色，無論中式定日式湯底、受港人歡迎地道食材抑或日本靚湯料樣樣都有，仲要位於旺角咁方便，啱晒同朋友慢慢歎！除咗位於旺角夠晒方便之外，去到佢地樓下扶手電梯直上就可以直達門口，夠晒就腳！鍋匠120分鐘火鍋放題套餐，包括沙律、前菜、精品之鍋、鍋物之湯、主食、鍋物、甜品同飲品。沙律係日式胡麻沙律，前菜係日式枝豆、梅子花生、芥末木耳三選一。沙律大大份，又爽脆新鮮，配上芝麻醬帶微微酸甜味道，清新又開胃！精品之鍋有鍋匠雞煲同蕃茄薯仔粟米筒骨湯鍋二選一。雞煲可選大、中、小辣、不辣同麻辣，餐廳以秘製醬汁炮製，除咗香味夠晒香濃之外，食落每件雞塊都非常入味，又夠足料！食落啖啖都係濃香嫩滑雞肉。鍋物之湯有6個選擇，包括有三款人氣日式湯底：藤原豆乳湯鍋、北海道昆布湯鍋同秘傳月見壽喜湯鍋；另外仲有三款傳統中式湯底，包括香濃沙嗲湯鍋、香茜皮蛋湯鍋同四川麻辣鍋。如果要加鴛鴦湯鍋，每鍋都係(HKD20)。如果鍾意食辣，不妨試試四川麻辣鍋！紅噹噹嘅湯底入面浸住唔少辣椒，將新鮮食材放落去，辣得嚟食得出食材新鮮，又麻又辣嘅感覺

這一年太忙了，實在沒有時間分享食評。昨晚有好姊妹生日，我訂了這家吃火鍋。不得了⋯⋯實在太美味了，不得不和大家分享！所以又重新寫食評。雖然看到評價有正也有負評。但是我的結論是～excellent （贏哂）在開飯先訂位，額外有清酒，啤酒任飲啊！當然是為了花膠窩而來！另加了任食刺身，再選了有海鮮拼盤的set.先來花膠雞湯煲，大大煲，有半隻雞，火腿等配料，再倒入大碟已發好的花膠。這湯夠濃，花膠超大片，彈口令我們充滿collagen!飲湯後，決定不改湯底，真接加湯做火鍋。再來有麻醬沙律，好清新。跟著點了刺身（雖然任點但也沒有點太多）- 好鮮甜，絕沒有雪味。👍因為只有三個人，又已經有海鮮拼盤了，所以任點火鍋料時主要點靚肉和菜安格斯牛肉片，好軟好有牛味鮮淮山片好爽甜，油麥菜我們encore多一次，海鮮盤有鮮甜大沙白蜆,好味班片，鮮甜的大蝦，墨魚鬚ok啦⋯⋯另外，蝦滑彈牙，響鈴，鮮腐竹都是走不了的，飲料全部罐/瓶裝的，不是加水倒給你的那種。最後當然雪糕啦。嘩～～是香港製造的gelato蜜瓜味好香蜜瓜味，我最愛的。而抹茶味亦可比美日本的呢⋯⋯總括⋯⋯服務好，地方清潔又好坐，食品十分有誠意，超讚👍👍👍👍👍

裝修新淨、環境企理、侍應服務態度良好。可惜的是，食物質素欠佳吧。2人同行，+$98點了花膠響螺雞，花膠是足料的、而且預先煮好了，很快可以享用，但雞湯卻不夠濃郁。選了$248的套餐，因為最便宜的那款好像沒有配料可選。可自選海鮮或刺身一客，點了後者，質素也是可以想像的，所以也不推薦+$38放題了。因為雞湯不入味，所以我們轉了湯底——就是豆乳那個，實際上選擇都不多。嗯，感覺就是中伏了。結單平均每人也$3xx，覺得不值一試。

服務還好，但係食物質素確實一般，特別所謂刺身放題，落咁多次單就溜足咁多次單！又唔新鮮，話就話好似好扺甘，但係坐底先逐樣加錢，都算，幾乎每一樣嘢都催幾次先黎，火煱配料與宣傳有頗大出入。

原先訂了3/F的，但比1/F的海報吸引了，仲比店長熱情風趣的介绍，生日4位免一位，而且见到地方大又乾净，所以試下。食物方面不求其，可選吃鷄煲或木瓜湯後才火鍋，放题一般係d丸丫肉丫求其放一碟上抬，永遠5会知食緊係乜肉，而店员每上—碟用都会話你知係乜，碌多久就要吃，而且没有漏單既情況，例如沒有皇帝菜而改了白菜会通知我们，而肉方面我地揀了本地黄牛，嘩，新鲜好味到呢，d海鲜牛肉種類好多，牛胸都有，最后我梗係5放过d雪糕啦蜜瓜最正總括呢間放题可以一試，無論服務，食物，都好好，令我地呢餐反好完美PS:服務

點左最平既放題, 188一人, 計埋其他及加一, 大概220一位. 雞煲加火鍋 雞煲正正常常, 無咩問題. 火鍋點左壽喜燒. 都幾有特色咁啦. 同下面另一食評所講一樣, 一鍋配一隻生蛋真係好奇怪. 生蛋幾錢隻? 使唔使咁孤寒. 夾住舊牛肉你點我又點, 好核突. 醫汁配料選擇較少. 188放題選擇都幾少吓. 貢丸幾好食. 芝士丸麻麻地, 牛肉豬肉就OK啦. 酸梅湯幾好飲第一ROUND 冇乜問題. 第二ROUND 就賴嘢, 啲牛肉瘦到好似煲完湯既瘦肉咁, 同第一ROUND 差好遠, 我和朋友懷疑係咪第一轉好啲, 比啲人有好印像, 之後就比渣嘢.  同埋第二ROUND 點左六七樣嘢, 夠膽死只係比左兩樣. 最後食雪糕, 叫做大阪雪糕, 嚟度時看包裝只感覺係HAGANDANZ 既山寨版, 好似係香港製造, 味道麻麻. 

ㄧ進門口就被熱情的店員給吸住了當然火鍋也是本人難以抗拒的魅力海鮮跟雪花牛肉都很新鮮248的餐還有78折挺划算的 吃到膩了還可以換鍋底花膠鍋底不會太鹹濃度剛剛好 特別推介一口牛好吃口感好即使不小心煮到全熟都好吃 期待下次品質一樣優