鍋匠中日火鍋專門店 (已結業)

先講座位安排，我地一行６人加兩個BB,　由於有ＢＢ，訂位時已多次詢問是否可以坐到，去到發現係坐到，但去到其座位安排極奇怪，一張６人卡位（爐在中間）再拉多一張２人枱（亦有另一個爐）過來拼埋，變相２個ＢＢ＋４個大人就一定要坐入６人卡位，而淨返２個大人就好似撘枱咁坐拼埋在２人枱上，由於６人卡位枱係長方形，坐出面既兩人完全唔可以同坐卡位既朋友共用一爐，結果６人要分開２個鍋，全程唔似一齊食飯，所以多於６個大人既朋友，千祈唔好去。。。食物方面：我地揀＄２４８餐＋＄９８花膠鍋，另一個鍋揀了牛乳鍋，２個湯底都冇乜味，款色選擇少，食物質素很一般，牛薄如紙，味道亦不見出色，套餐包既海鮮就只有幾隻蝦，幾粒蜆同幾條魷魚，　個人認為全晚最好食既只係粟米。。。最嬲既係，比完＄２４８一位後，原來每位仲要加＄１５醬油錢，（都係埋單先知，落單時話＄２４８＋１０％），後來睇返menu, 的確係有豆豉咁細粒既字寫明左。。。仲有，呢度放題只係可以食１.５小時，未落單又比人催你落單，未夠鐘又比Ｄ侍應催你走，以每人要比近＄３００一位既打邊爐嚟講，呢度絕對係超唔值。。。（由於全程太嬲亦食得好趕，所以冇影相，但我真係無半點虛言），