錦榮餐廳 (已搬遷) 新店位置

講起葵芳，大家都係諗到去葵涌廣場掃街，想坐得舒服少少，就去新都會廣場食飯。 其實除左葵廣同新都會，葵芳仲有好多特別嘅野食！行完下城門水塘到段，搭巴士到葵芳地鐵站後(D岀口)，向著球場方向走，再向右行行到街市那邊，看到仁芳街，就會見到錦榮餐廳。雖然只係6點30分，但餐廳內已經在洗地打掃，似乎準備關門。推門進去後，老闆親切有善地叫我們隨便坐下，方舒口氣，不用吃關門羹。 看後得知，錦榮餐廳只營業到7時10左右，比一般的茶餐廳較早關門。看上去，餐廳供應的食品大致和一般茶記無分別？ 錯了，這兒的三文治除了一般的烘底外，還有岀門食唔到的煎底！ 仲有仲有，這兒有焗飯焗意粉用原但鐵鑊仔盛著，芝士有拉絲效果，有誠意我鍾意！由於7點左右關門，餐廳的下午茶時段比一般的長，由2點30分到7點10分，即關門為止。一早有了方向，點了下午茶餐內的 特式煎蕃茄咸牛肉三文治(煎底)$28+($5) 及鑊仔芝士焗肉醬通粉連熱飲$46 。跟餐一杯熱檸水及凍檸茶。飲品正正常常，唯一可以講就係，入邊檸檬有4片，唔係岀邊個得2片嘅檸檬茶，檸檬水。(真有其事: 由於店內食客一般都係街坊熟客仔，bagel飲緊檸檬水嘅時候聽到隔離阿叔

葵廣附近有間唔起眼既錦榮餐廳，街坊茶餐廳格局，估唔到可以係度食到既好味又牽絲既芝士肉醬通..芝士肉醬通粉 $47 (另凍飲+$2)肉醬同芝士都超級多，最驚喜係竟然係茶記都食到牽絲既芝士，用上mozarella cheese, 有誠意~~~由於用存熱既鑊仔盛載，食到尾通粉依然keep住熱，芝士也因熱力保持住牽絲，唔會因凍左而結成一舊硬硬的~很讚！另外友人點了份咸牛肉芝士治烘底，我沒有試到，後來才知道原來可加錢轉較為特別的"煎底",看似是麵包沾上蛋漿再煎香，應該不錯吃！

經朋友介紹話抵食之下，嚟到葵芳仁芳街錦榮餐廳食早餐;早餐時段非常之好，因為能夠喺11:30 前重可以落order, 所以筆者喺 11:15 到達餐廳；早餐都有4 款可供選擇 : 粥餐，麥皮餐，美式扒餐及自選百搭餐，筆者覺得百搭餐好超值，點超值? 因為可以揀 3款餸再可配湯公仔麵 or 湯意粉 or 湯通粉 or 湯米粉及再跟牛油餐包 or 多士，包多杯餐茶，如果唔要咖啡奶茶，可以揀杯 8安士果汁先生，都喺$27, 其它餐廳食個常餐加個餸都要加錢，所以好抵食。筆者揀了沙爹牛肉，雞肉腸 (餐牌表明喺雞肉) 及午餐肉配湯公仔麵，2塊三角形多士焊得好脆，脆得嚟唔喺硬實實嗰隻，好掂好味；腸仔及午餐肉都有煎一煎，好彩唔喺水烚腸仔，不過食完有些少喉乾；至於碗公仔麵好多麵，起碼都有 2 個麵，而沙爹牛肉份量就適中啦，沙爹味唔夠；最後點了杯餐茶喺奶茶，多茶，少奶，唔夠滑，都接受到。還有餐廳都好多嘢食選擇，筆者眼見其他食客都開始食 Lunch , 好多食客都點梅菜蒸鯇魚，那碟頭飯都好大碟。

在觀塘辦事之後，就來到葵芳，正值午飯時間，在下也感到肚餓，就不如在葵芳醫肚。還記得今年二月份到過錦榮餐廳，感覺上是區內較好吃的茶餐廳，故此再度光臨。雖然錦榮餐廳是一間茶記，裝飾與其他茶餐廳無異，可是食物卻又好吃，實在難得，故此在下又到這裡開餐，也是心儀之選。雖然在茶餐廳多以套餐為主，可是吃得多又苦悶，但是當中卻又不乏碟頭飯，故又不吃套餐吃碟頭飯。豉椒排骨飯。在下喜歡吃豉椒，一來是給豉椒的惹味而吸引，那種香口和有點微辣的口味，正正是為排骨帶出肉味，，而這碟裡的排骨，卻又是那麼的鬆化，肭質軟腍而不硬，而且吃下卻又沒有那種雪味，頗為新鮮，故幾好味。熱奶茶。每次在茶餐廳吃飯，都離不開奶茶。茶最緊是順滑而夠茶味，茶香亦是其中元素。在下不茖糖是要喝到茶的味道，也不要像一杯糖水般的奶茶。這間茶餐廳給在下的感覺是乾淨企理，在一個好的環境吃飯，是好重要的，因為用餐時都會開心一些吧。

身處恒景，要找吃，沒什麼要求，看見對面有間茶餐廳，推門進去。有四款快餐，卻不太合心水，索性翻開餐牌，叫一味鮮茄牛肉燴意。意粉有點咬口，醬汁酸度合適，蠻開胃，牛肉份量不少，而且口感不會太假，配幾件新鮮蕃茄，吃得滿意。嘆埋杯濃郁的凍奶茶，又係時候出發下個活動。

這幾天跟男友回老家慶祝婆婆85歲大壽，在國內雖然很多消息都被屏蔽了，但香港的佔中事件還是引起廣泛的討論，無論是走進餐館、坐車還是走在路上，都聽到市民在談論，而且幾乎是一面倒反對的聲音。反對也不奇，但激動得說要攞人命和傷害人的，真的令人覺得很心寒，我深深慶幸自己生於香港，並於這個地方長大。坐長途車回來，身心俱疲，在附近匆匆找地方吃點東西，來到錦榮，這個名字令人聯想電影《小時代》的主角之一。店址比較偏，比金潮還要再遠一點，旁邊是豬肉檔，門面的菜式介紹非常低調，遠像有點像地產舖，又有點像補習社。店內以橙色和白色為主，一貫港式快餐店的裝潢，非常簡單。店內提供快餐、常餐、特餐和各種下午茶餐，選擇頗多。其中下午茶有超過廿款，由2：30~19：00供應。先點了三文治餐，餡料有雞蛋、火腿、餐肉、芝士、鹹牛肉、白汁碎蛋、蕃茄、西生菜等八款選擇，單拼的話$20，雙拼$22。落單時記得要加煎底，否則店員只會給你普通方包哦。所謂煎底，其實就是在白麵包上塗上牛油再落鑊慢煎，呈現一片金黃色虎紋芝士的效果，麵包比一般的要鹹一點，內餡的蛋跟鹹牛肉混在一起，比較濕潤，味道不錯，如果可以再飽滿一點會更好。男友想吃炸雞脾，

成日o係葵芳出沒，但睇openrice先知有呢間小店，是晚黎幫襯吓。鑊仔焗海鮮飯 ($40)即叫即焗，等十分鐘左右就食得賣相唔錯，芝士份量適中，香得黎唔會食滯！飯入面有好多料，包括兩塊魚柳、蟹柳粒、魷魚、鳴門卷，處理得好好冇雪藏味，正雖然唔係炒飯底，但食每一啖飯都有餸，可見有幾多餸～兩點後食焗飯會送例湯或熱飲，叫左個例湯（木瓜煲豬骨），飲唔出木瓜味，味精頗重手不過筆者黎呢度既目的係試焗飯，而味道的確幾好，最重要係晚餐三四十蚊落樓真係好抵食，會再幫襯試其他野！

之前見咁多好評，今日就專程同老公來這裏吃下午茶，因未食午餐的緣故，我們就點了較飽肚的炒飯及炒米，分别是咸魚雞粒炒飯及星洲炒米。當食物上枱時，實在有點失望，因真是太細碟，每碟只有不足兩飯碗的份量，而星洲炒米更甚，連料都很少，當然以$30包凍飲的價錢來說，不能期望太高，但我覺得餐牌上可在下午茶的炒粉麵餐上加上迷你或輕食等字眼比較好，好讓客人有心理準備。

今天在一間完全唔起眼的茶餐廳，嘗試了煎三文治！平時三文治烘底就食得多，煎底三文治我還是第一次。煎三文治最好味之處是用牛油把三文治的底面慢火煎至香身脆口 , 麵包在煎的過程中吸收了牛油的鹹香味道外 , 也滋潤了鬆脆的表面 , 沒有多士爐烘麵包所演變出來的乾涸感。

偶然之下和朋友路經此店, 本來想快快趣趣醫肚, 叫咗一份蛋旦治同豬扒包餐。見餐牌上的三文治可以選擇烘底或煎底, 平時冇見過其他地方有煎底, 結果好奇下就點咗煎底一試。朋友o既豬扒包好快就到, 有一件大大塊豬扒, 仲加咗生菜蕃茄, 佢話個包烘得好脆, 而豬扒好juicy, 好夠味, 我睇到已經流晒口水, 有少少後悔冇點到豬扒包o既時候, 三文治就到啦, 侍應解釋原來煎底制作比較需時, 可以會耐少少, 見到份三文治都好足料, 白麵包煎到外面金黃, 聞到已經好吸引。咬落去先發現, 外面脆得嚟, 麵包一D都唔會硬同乾, 除咗旦牛好味之外, 個麵包本身咁樣煎原來係好好味, 同平時食o既旦牛治比, 旦牛比一般o既多好多, 完全有種夾唔晒o係包裡面o既感覺, 而煎底o既麵包更加係出色...忍唔住叫多咗一份外賣。估唔到偶遇o既一間普通茶餐, 佢o既制作可以咁精彩, 完全係出乎意料之外o既美味, 一試難忘!!

我尋找到我愛吃的食物了, 可是我也為「它」而感覺苦惱 , 「它」潛藏著香港人腦筋急轉彎的智慧 , 給我的感覺是來自4、50年代「港式豉油西餐」那段花樣年華 , 還是根本是法國pain perdu的變體?  在香港這個急促城市, (茶)餐廳保留了西多士但選擇用快熟的油炸而非慢火油煎, 這証明「它」確實曾經在香港的飲食界發出過光芒 ...下午茶餐裏的特色煎三文治, $25連熱飲一杯, 煎三文治的餡料有分三款, 一款是上圖的蕃茄牛肉餡、另一款是下圖的白汁蛋粒餡、再有一款是吞拿魚餡。煎三文治最好味之處是用牛油把三文治的底面慢火煎至香身脆口, 麵包在煎的過程中吸收了牛油的鹹香味道外, 也滋潤了鬆脆的表面, 沒有多士爐烘麵包所演變出來的乾涸感。 蕃茄牛肉餡是罐頭鹹牛肉再加蕃茄粒, 食落不會覺得濕嗒嗒, 味道配搭特別；至於白汁蛋粒餡是完全雞蛋味, 軟滑的粒粒蛋白再加上生菜絲, 味道夠純真!

睇過相熟食友M兄的食評才知道屋企附近開了間頗新的茶餐廳, 推門行入茶餐廳, 給我第一個感覺是白凈淨, 好光鮮, 完全同前面信芳街那邊的茶餐廳不一樣~冷氣舒服, 侍應又有禮貌, 可以叫我飲啖茶慢慢睇餐牌才點餐, 完全不會立即站在我檯前催促我點餐一樣~對他們的鑊仔焗飯有意思, 點了份3號仔, 另外再叫杯凍茶來嘆下...鑊仔白汁芝士焗石斑飯:十多分鐘後, 熱騰騰的焗飯送上, 醬汁杰稠稠的蓋滿飯面, 芝士焗透至有烙印, 洋蔥塊大大片的夾雜在醬汁與炒飯裏, 有達至減膩效果 , 炸過的魚柳質感還可以, 不過醬汁有點過鹹了。 首次見過用白麵包來做隔熱墊材...餐牌上特別標明有金牌豬扒包餐, 連飲品賣$25麵包用的硬豬似乎與其他店賣的不同, 聲稱用特別法包並加牛油去烘, 烘得香脆之餘, 包心也滋味, 豬扒的鬆化並不是來自鬆肉粉, 煎香多汁夾雜蕃茄片、生菜及醬汁, 整體鬆軟可口, 肯定好過附近茶餐廳。見到檯上放了兩幢布甸(每幢數個), 難道會有甚麼特別, 另加$3要了一杯試試看 --- 羅拔臣出品~凍茶襯焗飯, 熱菜蜜襯豬扒包 , 菜蜜調得濃味, 西洋菜仿如站在我面前, 選材好味!進餐期間見到有侍應大包

又係去試新店，地方不大，好似家庭性經營午餐：黑椒牛排煙肉飯+例湯+果汁先生$31常餐：兩拚麵，奄列,半件厚多士，熱奶茶 $35味道不錯，下次要試下晚餐，套餐+熱飲還未夠$50，在葵芳好難搵到架，一定要試下，好食就多個食飯既地方

今天是蛇年的最後一日，雖然在年三十晚也要上班，幸好放半晝，於是在葵芳開餐才打道回府。在葵芳新開了一間茶記，名為錦榮餐廳，在仁芳街口，說實在的確實都幾易找到的。進入餐廳，餐廳較細，座位也幾狹窄的，而且當大聲說話時，就會覺得嘈吵的。店員沒有送上餐牌，只有在牆上的海報閱讀，有小菜下午茶和快餐。然而快餐引起不到在下，只是向小菜鑽研。小菜附送例湯，是眉豆雞腳湯，例湯足料，味道對辦，完全是用上了眉豆和雞煲出的味道，沒有下味精，清甜。西芹炒雞柳。雖然只是一道普通菜式，但炒得夠鑊氣，西芹爽脆，雞柳沒有腥味，腰果雖有點深色，但不硬卻很脆。整個菜式比預期的好。米飯粒粒分明，略嫌有點硬度，問題不大。老實說，米飯都算幾大碗的，胃納細一點的話，幾乎可以兩個都可以吃到。凍奶茶香醇而順滑，回甘度適中，茶味十足，淡奶和茶不會搶了誰的風頭。整體而言，味道是超出了在下的預期，都幾好吃。

今天是蛇年的最後一日，雖然在年三十晚也要上班，幸好放半晝，於是在葵芳開餐才打道回府。在葵芳新開了一間茶記，名為錦榮餐廳，在仁芳街口，說實在的確實都幾易找到的。進入餐廳，餐廳較細，座位也幾狹窄的，而且當大聲說話時，就會覺得嘈吵的。店員沒有送上餐牌，只有在牆上的海報閱讀，有小菜下午茶和快餐。然而快餐引起不到在下，只是向小菜鑽研。小菜附送例湯，是眉豆雞腳湯，例湯足料，味道對辦，完全是用上了眉豆和雞煲出的味道，沒有下味精，清甜。西芹炒雞柳。雖然只是一道普通菜式，但炒得夠鑊氣，西芹爽脆，雞柳沒有腥味，腰果雖有點深色，但不硬卻很脆。整個菜式比預期的好。米飯粒粒分明，略嫌有點硬度，問題不大。老實說，米飯都算幾大碗的，胃納細一點的話，幾乎可以兩個都可以吃到。凍奶茶香醇而順滑，回甘度適中，茶味十足，淡奶和茶不會搶了誰的風頭。整體而言，味道是超出了在下的預期，都幾好吃。