錦榮餐廳 (已搬遷) 新店位置

喺葵芳都幾多野食，但我要推介一下呢間隱世茶餐廳，地方雖然唔顯著，但佢既下午茶三文治好特別，包係用牛油煎過，外脆內軟，口感非常特別，喺出面以我所知，喺太子都有一間茶餐廳可以食到~

以後有多一個不錯的選擇了, 係葵芳廣場工作近一年, 近黎有朋友介紹話金潮斜對面近街市有一間茶餐廳開左, D野食幾好食, 中午就叫個外賣試下, 叫左個 " 焗雞扒飯 " , 等左半粒鐘, 終於有人送到, 打開飯盒, 嘩...好熱, 應該係成個鍚紙盒即叫即焗, 熱力十足, 賣相無咩特別, 但D熱力放到D雞扒香味出黎, 都好有衝動去食, 真的不錯, 很好食, 雞扒焗出黎外脆內軟, 肉汁咬出黎連飯一齊食, 口感非常的好, 真係又香又好食.

上星期六約左朋友葵芳等,但早左收工就諗住去返食慣食熟既茶記食個TEA,但係行行下發現有間茶記新開張,見門面光鮮企理,膽粗粗試下佢。一入到去,水靜鵝飛, 正想打退堂鼓之際,就比熱情既老闆招呼到唔好意思走。反正坐底左,就試下佢話既招牌豬扒飽。豬扒飽餐$25,凍飲+$2,合理價位話說回頭,本人睇食評就睇得多。寫,都係第一次呢間既豬扒飽用上法式麵飽,而非一般茶記既麥記式漢堡飽麵包外脆，加上牛油烘焙，豬扒煎至金黃色，肉汁完全留係塊扒入面配上新鮮生菜同番茄,口感一流各位食家可以參考佢地提供既圖片，出品同照片完全相同食過其他茶記既豬扒飽,呢間係首屈一指,就連好耐以前風摩全港既澳門茶餐廳都要行埋一邊。如此用心制作,值得讚許其他食品未有品嚐,有機會再去一試。