鋒記小炒王 (已結業)

老公鋪頭洗冷氣，洗完已晚上11點多，在筲箕灣附近的飯店已收得七七八八，只有峰記小炒王收凌晨兩時，就六人去開餐。我最喜歡吃他們的胡椒豬肚雞煲，來到時滾五至10分鐘，先喝湯嘗一嘗，真好味。跟着再打邊爐，叫了牛頸脊和生菜打邊爐，牛味濃郁，還叫了些小菜伴酒，椒鹽魷魚，雖然外皮不算太脆，但吃落肉很軟味道也不錯，簡單的蒸蛋，就沒有什麼特別。炸韭菜餃，是他們自己包的，鬆脆有肉汁，味道調得剛好還叫了支竹打邊爐，略嫌他太硬，煮很來也不林

星期五，天氣得12度，好想去食番個煲，6點行落街，話全場已訂滿，除非730交檯，有1.5小時，一於坐低食啦。來個胡椒豬肚雞煲，$200幾，卻超大煲，成個洗面盤咁大！先飲啖湯，超濃胡椒味卻又不嗆喉，極暖身，飲到底見胡椒碎，真材實料，雞肉超多無一隻都有大半隻，食得出是鮮雞，雞肉鮮嫩啖啖肉，2個人吾食飯淨食雞飲一兩碗湯已無限幸福溫暖滿足。但係話晒少炒王，想食炒田雞炒鱔，但得1.5小時，所以叫咕嚕肉，多菠蘿，也多肉，外脆內嫩，肉汁保存，咕嚕汁也甜酸彼此平衡得宜，醒胃惹味，美中不足是肉切得太細，欠過隱。

呢條街真係有好多好野食！今次我地就試下呢間！住係呢區既朋友，話呢道雖然叫小炒王，但呢度既雞煲都好出色，可以一戰！落單等左十分鐘左右，個煲就上檯啦～胡椒豬肚雞煲好食，夠胡椒，淨係聞都覺得好夠香好夠濃！老闆好好人，係落order時會問你想要幾多胡椒！你知，通常都要多胡椒架啦！咁先夠野味麻！雞煲當然要配啤酒啦！嘉士伯都只係廿蚊支，同三五知己邊食邊吹水一樂也！另外，老闆都會係泰國入貨，入一D當地好受歡迎既飲品，大家都可以問問老闆有咩新推介！

鋒記小炒王位於筲箕灣大街後巷, 好老實, 若不然是行完山朋友帶我來吃, 我真係唔會搵到呢間食店, 今次我地一行10人, 可以1次過試晒鋒記小炒王既招牌美食。呢間小店好旺場, 好彩我地訂左位, 否則18:30 己滿座, 有人等位。馳名胡椒豬肚雞煲（$248）真材實料, 湯底奶白色, 內有大量新鮮雞件、猪肚、黑胡椒及紅棗, 真係既補身又暖胃, 店員叫我地湯滾後可以先飲碗湯, 湯滾起時心有不妙……點解好似有陣"胛味"? 食友話可能新鮮猪肚洗得唔夠乾淨, 唔係話! 幸好滾多幾滾, 胡椒香蓋過晒個陣味, 呷一口湯也沒有了那陣"胛味", 飲完成身慶合合, 豬肚好腍身, 雞件也嫩滑, 有湯飲又有餸食, 一舉兩得。 枝竹羊腩煲($時價, 送生菜)羊腩煲除了羊腩外, 還加了大量馬蹄、生薑、枝竹及香芹等同炆, 羊腩炆得又腍又入味, 鹹香惹味, 大部份羊腩帶皮偏瘦, 羊皮好爽滑, 瘦肉也炆得鬆軟, 不韌, 無乜羶味, 唯一投訴是鹹了少許, 若這鹹度再點腐乳醬食, 太鹹, 又唔想放棄那碟絕配惹味腐乳醬… 黃金蝦 ($92/例, 我地加大至10隻)邪惡至極點, 黃金蝦炸到金黃香脆, 再加上大量喊蛋黃, 香口到不

聞名已久，終於今晚walk in，居然有位，可以一嘗名菜！胡椒豬肚鷄煲，上枱時，濃濃胡椒的香氣撲鼻，再混合鷄的味道，已經令人垂涎三尺！看到奶白色湯，賣相很吸引！湯的味道淸甜可口，雞肉嫩滑，豬肚很夠林，很入味，配料的紅棗及杞子大大粒，好味，份量頗多！撈起吸飽湯汁的粉絲，好滋味得無法形容！很飽足的一頓晚餐！下次會再來！

一去到就見到餐牌推介胡椒豬肚雞煲。那當然就要叫他來試一試。他的湯真的很鮮甜和真的很有胡椒味。還有他的雞真的落足料。之後還叫了他們的奶油蝦。他的真的很大隻，還真的很新鮮。配了奶油味，他的鮮味還更加突出。

嬉水最終失望而去（因為有泳客在泳池開大）大家早咗走，朋友介紹去咗呢度食宵夜，人多已經事先打電話去留位！但去到都要等！有人走就入幾個！地處後巷，唔講都唔知有餐廳，店面唔大，主要係方枱！三張方枱先可以容納我哋咁多人！不過好窄好迫，有時起身夾餸都阻到店員！呢度好似打仗咁！食物都係以小廚鑊氣食物為主！個個都叫胡椒鍋！入去前已叫定餸！所以一入座都上菜！馳名胡椒豬肚雞鍋（$248）呢個鍋真正足料，飲完成個胃成身都暖晒，碗底仲有好多胡椒碎！加大量紅棗！豬肚淋身唔韌，炆得入味！當湯之後，仲可以當火鍋底加餸淥一淥！加豬腸（$50）豬腸大條厚切，淋身唔韌，我喜歡食腸唔覺膻！朋友唔食就話啲湯有壓味！牛頸脊（$128）叫了兩碟，肥美有肉味！淥一淥夾起，唔韌好味！所以即刻encore!香煎蓮藕餅（$63）賣相比較黑，細件但厚身，煎（我覺得係炸）得外脆內軟，肉唔乾有肉汁，蓮藕碎夾雜其中爽口！鹹香好味！酥炸桶蠔（$148）呢碟上菜一刻真係好搶，啲蠔好似榴槤咁大塊，外皮鬆脆，桶蠔肉juicy又唔腥！好似啫喱咁！勁好味，不過食一隻都好頂肚！椒鹽鮮魷（$63）份量唔多，魷魚係新鮮爽身嘅（唔新鮮就好韌橡皮筋咁）炸皮唔厚！點

每年初三赤口都有跟藏友相聚的習慣，有放風箏、有燒烤、有行山，今年我們就選了到龍脊行山，去龍脊要在筲箕灣轉巴士前往，難得來一趟筲箕灣，我們行完山後，再由住在筲箕灣的藏友介紹下，到了鋒記晚飯。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊鋒記位於愛民街，距離筲箕灣港鐵站雖只數分鐘路程，但由於是一條橫街，如果不是附近的居民，或預先查看地圖，基本上都不會走到這裡。 枝竹羊腩煲(時令)羊腩煲一大鍋非常足料，入面放滿羊腩、枝竹、生菜和大蔥，湯底呈薑黃色，濃得不見底。隨羊腩煲還附送一盤生菜，份量不算多，但顏色翠綠，非常新鮮。待羊腩煲滾起，先夾一塊羊腩試試，羊腩入口羊羶味不算重，肉質已煲至非常軟腍入味，羊皮則帶點彈口，即使不用另蘸腐乳已非常夠味。枝竹吸滿湯汁，鹹香中帶點羊肉香味，非常好味。另外也空口喝了數啖湯汁，雖然頗鹹，但味道真是非常濃郁惹味。私房韭菜餃($48)吃罷羊腩後，還可以加其他火鍋料入內繼續煲。韭菜餃每一隻都份量十足，比平常的韭菜餃起碼大了三份一。煮熟後的韭菜餃，餃皮都變成半薄明，更顯得皮薄餡多。平常不大愛吃餃，因為大多皮都非常厚，但這個韭菜餃餃皮非常薄，只比雲吞皮厚一點，

上周末開始凍, 最佳選擇緊係火煱或煲仔飯, 呢晚要傾少少公事野, 經老友介紹, 話煲仔飯好有功架, 又有房可以傾下秘密野, 包廳三千蚊搞惦, 就去馬了呢晚有靚海蝦, 大扇貝, 走地雞, 真係招牌菜出齊煲仔飯, 羊腩煲當然最出色, 黃鱔鹹肉餅, 水斑等, 皮鮮肉滑。不過小炒就無咩驚喜, 可以再有改善空間食物賣相都好靚, 不過要傾公事唔方便影相, 下次黎再影

在很久以前吃過一次「鋒記」的雞煲，但因為太遠所以在這些日子也未曾光顧。早陣子因為比較多空閒時間，決定與家人前來一嚐令人掛念的雞煲。其實位置都比較難找，看了好幾次Google map才順利到達，當時7點幾已經到來餐廳，還沒有太過多的人，安排坐下就慢慢選擇吃什麼。小伙子說羊肉一流，這可不是一般在外面吃的，好像是澳洲的黑羊來的那好吧，反正在寒冬中，能夠吃上熱呼呼的羊腩煲也是好幸福的事吧！羊肉對脾胃虛寒，身體瘦弱，怕冷... 的朋友最好益，既有補血之作用又可以袪寒！'' 如何可以 不愛它 '' 正門口位餐廳內的掛牆餐牌枝竹羊腩煲－好香，好足料當中有：羊腩，馬蹄，生薑，枝竹，少許蒽羊肉不但不羶還比較軟肉，沾上一些腐乳，可真的是讓人回味無窮－Miss F

我個人都超鍾意食雞，已經唔係太講究新鮮雞同雪雞嘅問題，這家店朋友介紹所以試下，雞煲很多選擇，但店員介紹一個招牌雞煲(夠香，夠干身)所以就叫左黎試，雞煲 208蚊 係唔夠一隻雞，份量少，雞件又鞋，簡直難食，所以我都唔打算再叫其他邊爐配料，情願埋單之後再去食魚蛋粉，不過我見隔離枱叫的豬肚雞好似唔錯，不過我唔會再試。

十一月二十一日 (星期四)我倆自小居住新界九龍，若不是工作地點在中環，相信會是香港島的路癡特別是筲箕灣，更是甚少踏足是晚，相約了食友們來到筲箕灣，要試試他們讚不絕口的鋒記人生路不熟，花了一點時間才找到位於隱蔽小巷的這家鋒記來早了，先坐下等齊人哈哈! 還收到一個"預期"中的喜訊，真是可喜可賀，期待喔~一場來到，當然點了羊妹大讚的胡椒豬肚雞煲奶白色的湯底，送上已聞到極濃的胡椒味這煲應是吃過最濃郁的胡椒豬肚雞煲先飲一啖湯，明顯地，胡椒是多得有點過份食友也說今次胡椒是落得比前重手然而，豬肚味也同樣的突出，爽而不韌，味道不俗雞件皮下脂肪不多，肉挺嫰滑，也吸盡了湯底精華話說，食友未到，已一早whatsapp著我們要先預點這裡的韮菜餃我倆當人不讓，一到就點定了韮菜與豬肉的份量，差不多是八二之比大大隻飽滿的韮菜餃，爽口非常，餃子皮雖薄但不易穿吸收了湯底的精華，令餃子更香口美味，誠意推介！雖然這裡叫小炒王，不過也不難發覺餐牌內有不少泰式小菜見到不少食客也點泰式蝦餅，就要一碟來試試蝦餅即叫即炸，等了十多分鐘熱辣辣送上外層炸得香脆，不算油膩蝦肉爽口彈牙，就算熱氣，也得吃多件才肯罷休~想吃蠔，在砵酒煮蠔與酥炸

已經係n 次食呢間， 味道越來越差。 招牌雞煲d雞'鞋',  小炒王偏咸， 最差係鼓油王炒面， d鼓油咸到苦， 同伙計講， 要求再炒， 佢話個人好味唔同，無得再炒， 叫佢用水拖拖， 佢話唔可以。 以後唔會再返去幫襯！！！

鋒記响東區都有Ｄ水準，我亦食過幾次，今晚試下佢地嘅泰國菜！ 先叫咗個木瓜沙律 味道唔錯，木瓜絲亦爽口，醒吓胃嘅前菜 跟住要咗個炭燒豬頸肉，水準一般，急凍貨式肉質較硬，個汁就OK！ 之後就係酸辣蒸烏頭泰式酸辣汁個味幾好，點落Ｄ魚度一齊食，正！為一就係倏鳥頭細咗Ｄ！ 最後點咗個芭堤雅烤鷄，全晚我覺得最好味，鷄就唔大但「烤」得好香，最好係無用油炸，肉質唔太粗糙，食落啱啱好！食完飯仲同老板傾两句，佢地Ｄ泰國菜式，係請泰國人做，有返泰國嘅味道。不過上菜就慢Ｄ，仲有泰國菜式只係供應到11時，Ｄ師傅要收工！最後真係飽住個肚埋單，今餐都算係有水準嘅晚飯。

是夜同朋友仔食飯，特登搵路黎鋒記諗住食好野。不過有時真係可能期望愈高，失望愈大．．．首先，等位已經令人覺得好混亂，寫低左名之後一直無叫過名，但係就有人不斷入去。我等，但係都係等唔到。最後出到聲問，佢就話叫左我無人應．．．我睇返張list，無人應點解又唔刪左我個名呢？坐底，叫野食先！我叫個妹妹幫我落單，佢隔兩張檯距離叫我講。我第一次試呢種遙距落單，感覺真係好新鮮！不過，我都唔知佢聽唔聽到我落左咩，我見佢頭也不回就入單，真係醒目！鋒記小炒王($68) - 小炒王就咩都有d，食起上黎個味道係唔錯的，但係有點兒太鹹。蝦乾夠大隻，加埋菜圃腰果一碟都幾豐富。椒鹽鮮魷($58) - 呢個幾好味，熱，脆，魷魚新鮮。菠蘿炒飯($78) - 好啦，食哂所有野都未黎就催佢一催，點知佢同我講無落單．．．原來遙距落單呢種技術太新穎，未必所有野都落得哂．．．其實人與人之間真係可以唔駛咁多遙距溝通下次有機會，我會返黎再試，因為講真果句，食物味道係唔錯的。但係我希望呢種落單模式可以唔駛咁新潮，令我食小菜之際都可以有返ｄ飯食下咁就好啦！