影片
更多
2016-08-06
1848 瀏覽
嬉水最終失望而去（因為有泳客在泳池開大）大家早咗走，朋友介紹去咗呢度食宵夜，人多已經事先打電話去留位！但去到都要等！有人走就入幾個！地處後巷，唔講都唔知有餐廳，店面唔大，主要係方枱！三張方枱先可以容納我哋咁多人！不過好窄好迫，有時起身夾餸都阻到店員！呢度好似打仗咁！食物都係以小廚鑊氣食物為主！個個都叫胡椒鍋！入去前已叫定餸！所以一入座都上菜！馳名胡椒豬肚雞鍋（$248）呢個鍋真正足料，飲完成個胃成身都暖晒，碗底仲有好多胡椒碎！加大量紅棗！豬肚淋身唔韌，炆得入味！當湯之後，仲可以當火鍋底加餸淥一淥！加豬腸（$50）豬腸大條厚切，淋身唔韌，我喜歡食腸唔覺膻！朋友唔食就話啲湯有壓味！牛頸脊（$128）叫了兩碟，肥美有肉味！淥一淥夾起，唔韌好味！所以即刻encore!香煎蓮藕餅（$63）賣相比較黑，細件但厚身，煎（我覺得係炸）得外脆內軟，肉唔乾有肉汁，蓮藕碎夾雜其中爽口！鹹香好味！酥炸桶蠔（$148）呢碟上菜一刻真係好搶，啲蠔好似榴槤咁大塊，外皮鬆脆，桶蠔肉juicy又唔腥！好似啫喱咁！勁好味，不過食一隻都好頂肚！椒鹽鮮魷（$63）份量唔多，魷魚係新鮮爽身嘅（唔新鮮就好韌橡皮筋咁）炸皮唔厚！點
有人走就入幾個！地處後巷，唔講都唔知有餐廳，店面唔大，主要係方枱！三張方枱先可以容納我哋咁多人！不過好窄好迫，有時起身夾餸都阻到店員！呢度好似打仗咁！食物都係以小廚鑊氣食物為主！個個都叫胡椒鍋！入去前已叫定餸！所以一入座都上菜！
馳名胡椒豬肚雞鍋（$248）呢個鍋真正足料，飲完成個胃成身都暖晒，碗底仲有好多胡椒碎！加大量紅棗！豬肚淋身唔韌，炆得入味！當湯之後，仲可以當火鍋底加餸淥一淥！加豬腸（$50）豬腸大條厚切，淋身唔韌，我喜歡食腸唔覺膻！朋友唔食就話啲湯有壓味！
牛頸脊（$128）叫了兩碟，肥美有肉味！淥一淥夾起，唔韌好味！所以即刻encore!
香煎蓮藕餅（$63）賣相比較黑，細件但厚身，煎（我覺得係炸）得外脆內軟，肉唔乾有肉汁，蓮藕碎夾雜其中爽口！鹹香好味！
酥炸桶蠔（$148）呢碟上菜一刻真係好搶，啲蠔好似榴槤咁大塊，外皮鬆脆，桶蠔肉juicy又唔腥！好似啫喱咁！勁好味，不過食一隻都好頂肚！
椒鹽鮮魷（$63）份量唔多，魷魚係新鮮爽身嘅（唔新鮮就好韌橡皮筋咁）炸皮唔厚！點喼汁好味！
黃金豆腐（$68）外脆內軟，炸漿唔厚！黃金皮鹹香好味！豆腐好軟滑！熱到辣咀！（上菜一刻影唔切，所以比朋友夾咗幾塊）
牛油蒜香雞中翼（$63）雞翼大隻，入面熟透又滑！外皮重牛油味，香脆好味！蒜味唔重！好味！
馬拉炒通菜（$50）青通菜嫩口！馬拉辣辣地香口好味！
咖哩雞：嗌比小朋友撈飯！重香料微辣！椰香幾重！我都忍不住叫個香飯撈汁！雞肉唔嚡正常！店員兩公婆一腳踢！超級忙！所以勁爽手！叫食物對答都好豪爽！服務爽手！
所有香口食物都做得好好味！
啲收據係睇唔明嘅，最後大小同價，每人$112
張貼
