銀都冰室

營業中

休息中

有華富邨就開始係度打開門做生意嘅銀都 大大話話都50+年 老香港式茶餐廳裝修格局 街坊式招呼 平民又親切 好感自然增加不少望望餐牌本來想叫個菠蘿油餐 但諗諗又驚晨咁早quota就用咗一大截 忍下口 改叫個E餐 鮮油多加太陽蛋 奶茶熱嘅 多奶 唔該

茶記之旅貳@華富華富邨~~細細個就聽過佢個名。印象一直係極南之地遙不可及。最出名梗係倚山望海+UFO事件。人人住到風生水起。因而得到公屋豪宅之名。貝沙灣就係隔黎少少咋噃雖然有巴士直達。原來卅幾年從未踏足過。今趟難得黎到。極度陌生之餘又帶點親切感。因為都係井字加一字型樓。連色水都差唔多。而且成個平台街邊都滿佈老人家。吚喂！同我樓下有乜分別呢～再加埋領匯既神級複製技術鋪頭都差無幾。仲要有我最愛既“意樂”添。不過今日一別不知何年何月再見。最後揀左間舊式茶記探索一下一入鋪就衝向死角坐低。貪佢睇晒全場同方便自閉一下唔好阻人。極高既樓底再加上幾把吊扇。牆身顏色淡黃配淺木色卡位。Well成個感覺都唔精神一D都唔吸引噃。撞岩食飯時間比較多後生黎食。當然都有唔少手騰腳震既老街坊嘆茶啦。眼見好多人叫碟頭飯。但黎得都係堅持試菜之選～常餐熱奶茶~多士！又係秒殺多士。其實用心烤完配上適量牛油。要好食又有幾難呢？厚邊熱茶。睇色水都知茶味濃郁口感豐富絕不欺場。今次爭議點出係牛面度。見有人寫話淡貿貿好似用水開希咁好難食云云。無可厚非佢顏色咁淺未食都知乏味。之但係衰在佢個淡嗲味同個環境係絕配喎。清淡可能就係呢樹老街坊既

位於香港仔的華富村堪稱老牌屋村，而且擁有絕無僅有的無敵海景，實屬難得。可能是舊式屋村人口老化之故，消費力不及新屋苑，連鎖店進駐該村的情況少之又少，因此華富商場仍存在濃厚的老香港屋村格調，有著一種時光倒流的氣氛。1968年於華富村開業的銀都冰室仿佛將時光停住，裝修格局都讓人進入懷舊時光。這舊情懷吸引我與友人，既然來到華富村，就一試銀都冰室。然而老牌冰室雖然有年資歷史，食物卻令人失望，當日點了兩份下午茶：1. 沙爹牛肉公仔麵配熱奶茶所謂有圖有真相，沙爹牛肉公仔麵的賣相跟味道一樣，不太靠得住，公仔麵湯不夠熱，沙爹牛肉像溝了水般啖而無味；熱奶茶水準是連鎖快餐店以下。2. 炸雞脾配紅豆冰如上圖，炸雞脾不算大件，賣相口感像柴皮，亦沒甚麼調味，可幸的只是炸得夠熟，沒有血水；至於紅豆冰，應屬冰室必定處理得好的經典冰品之一，否則枉為老牌冰室。可惜令人失望，不夠冰凍之餘，紅豆份量太少，而且最敗筆是以膠杯上！個人認為，冰品或凍飲用玻璃杯上最有透心涼感覺，至少一般茶餐廳磨沙膠杯也算合格，老牌冰室居然用膠杯上紅豆冰，將整份懷舊感情完全破壞！至於環境及服務方面，懷舊裝修保養不過不失，整齊光猛；服務非特別殷勤，一般

早餐，菠蘿油，奄列，奶茶。菠蘿色普通勝在塊鮮油夠厚同凍。奄列裡沒有蛋汁而且上碟油淋淋。熱奶茶表面竟有不明結塊，喝下很酸有檸檬味，向侍者（老闆？）反映後，只是回覆“有d咁嘅事？"，於是大半杯奶茶便浪費了。

趴走完香港仔大街、鴨脷洲大街，搭珍寶海鮮舫接駁船至黃竹坑，原打算繼續遊走黃竹坑及壽臣山一帶，奈何時間不早了，且也累了，故決定搭巴士返回華富邨享用下午茶。華富冰室約五時已落閘打烊了，華富之友C帶小妹去光顧人氣較高的銀都冰室。銀都冰室始創於1968年，是一間蠻古舊的屋邨冰室，裝潢也盡顯那個年代的簡樸味兒。去到時，蛋撻等新鮮即焗麵包早已售罄了。下午茶餐售價由$21-$27不等，以舊式屋邨來說，不算便宜。C要了奶油多士配熱檸水21，兩片熱騰騰的奶油多尚算烘得香脆可口、夾雜香甜的煉奶和牛油同吃，中規中矩之作也。熱檸茶徒見檸檬切片的新鮮飽滿模樣，味道應該也不賴也。小妹要了秘製雞翼、沙律配凍檸茶$27，甫見兩隻炸得乾身而瘦削的雞翼，以及少量普通貨色的沙律，略感失望。一試，炸雞翼醃得較為一般，不甚入味，且肉少骨多，失策之選也。凍檸茶茶味濃且清，不錯。

銀都冰室係中學時代已經開始食，到左依家出左黎工作已經好少機會去食。前日有時間有機會再去回味一下，發覺事隔多年味道一樣沒有什麼變化一樣咁好食。當日係中午的時候，可能都係因為星期六，人比較少，一入去就已經有位坐。同女朋友坐底後就叫左2個特餐，特餐有一個沙嗲牛肉麵，一個火腿奄列再加一個牛油方包，另外仲有叫左杯熱奶茶。沙嗲牛肉麵味道十分好，麵很爽口，唔會有「淋」的感覺。湯的味道比一般的茶餐廳濃，就算飲左幾啖都唔會覺得喉嚨渴。火腿奄列煎得啱啱好，唔會太乾。火腿絲十分多。牛油方包比較多牛油，感覺有點油膩。而那杯熱奶茶，飲落口幾滑，味道濃郁。整體上味道唔錯，同我以前中學時代既味道沒有什麼大差別，保持到以前的水準。價錢同以前食既時候差不多，沒有太多的調整。2個人食了60蚊。感覺算經濟。

今日5點半去呢到食TEA.. 佢地收6點叫左個豬排拼薯條... $22 + $2 = $24等左..10分鍾姐... 還可以啦... 炸野嘛!不過..今次薯條..炸焦了 係呢個令我有小小失望! 佢係幼薯條泥架... 其實我要食幼薯條, 去佢格離個間M記咪得囉..我想食傳統茶餐廳 ge粗薯條咋豬排好味.... 不過都係太細塊!好味好味 總算泥講都可以GE!! 好過成日都食M記=_=

一聽冰室都知有幾懷舊，我家附近就有兩間冰室，其中就係銀都冰室，因為這間比較大間，坐位都算幾好，又有新鮮出爐的麵包，所以都幾常去食。那天下午茶就去食個茶餐，炒蛋菠羅包，茶走。菠羅包剛出爐，炒蛋即叫即整，一啖包一啖蛋都幾好味！包又軟又熱，好新鮮！而茶走的茶又香，好喜歡這個配搭！整體十分喜歡這裡懷舊的感覺，在這裡TEA特別正！

香港冰室真係越來越少, o係我附近華富村還剩下兩間, 一間叫華富冰室, 另一間叫銀都冰室. 我每經開哩度就一定會去銀都, 因為d野好食好多, 又有出爐麵包, 蛋撻等. 菠蘿油或西餅嘆番茶或啡都不知幾爽! 連d 炒野都有番咁上下! 今日黎食下午茶, 睇下餐牌先啦~要左個法式豬扒包餐 $21奶茶先來, 好夠茶味又不澀, 正! 所以成日都心思思想黎飲!豬扒醃得幾夠味, 加埋d 生菜絲balance番冇咁油膩, 唔錯! 只係略嫌豬扒細塊左少少.如果各位如果經過哩頭, 一定要試試哩間冰室, 千其唔好去錯另一間

之前和朋友說起香港仔，令我聯想到一堆舊式公共屋邨，包括黃竹坑邨、鴨利洲邨和華富邨。碰巧星期二放假，於是乘坐巴士前往華富邨。到達華富邨商場之後，見到有兩間懷舊冰室。第一間無乜人幫襯，於是再行入一點，見到人頭湧湧，入去搵位坐低睇餐牌。話時話果度選擇都幾多，不過我唔想食得太飽，最後點左一個午餐。午餐肉公仔麵 - 就係一個公仔麵 + 兩塊煎香午餐肉，無乜特別。火腿奄列 + 多士 - 個奄列入口凍冰冰，塊多士都幾脆。不過就切到忽大忽細，技術上似乎需要有待改善。熱好立克 - 都OK啦!!最後埋單就多謝盛惠27蚊，是否值得就留給大家考慮吧!!

考完試後去醫肚，隨便地選了這間較陳舊的冰室叫了一份常餐，有火腿奄列、沙嗲牛肉公仔麵、餐飲一杯，盛惠二十七元火腿奄列煎得比較淡，不太吸引吧沙嗲牛肉比較韌，沒有咬口，加上沙嗲汁只是輕輕浸在牛肉的表層一放在湯麵上，沙嗲便被沖淡，弄得一點沙嗲味也沒有一間裝潢陳舊、座落在公屋區的冰室，一份這樣質素的常餐，我的評價便是不太抵吃了

家庭日想去鴨利洲逛逛，係openrice找到這個餐廳先吃個早餐，一行五人，去到已經爆棚，有個香港仔街坊讓咗張枱比我地，唔係人人肯放棄自己咁鬆動嘅位而去搭人枱讓位比人，未食已經好sweet。奶茶好飲，咖啡則一般。多士香口，通粉算彈牙，沙爹牛肉有肉味爽口，唔似有啲茶餐廳醃到林bad bad。最正係個菠蘿包，個面係脆架，未食過脆中之脆嘅菠蘿包面，勁！泊車係隔離屋邨停車場去食，無free parking都值得嘅。

這個星期累得要命，星期五好好睡了一大覺，睡醒已是下午，又不想去太遠，自己一人走了到附近的一條村的老冰室尋古祖港式屋村風味，門面真的非常殘舊，但內部的裝修又不似經歷了很多年，相信是裝修過之故。也十五個小時沒有放東西下肚了，快快手的點了一個茶餐及加一個只需五元的菠蘿油，在屋村冰室吃東西，真的是非常便宜呢，而等了不久，已經有得吃了。先來的是菠蘿油，菠蘿包真的很夠熱，但很明顯是用微波爐翻叮的，吃起來菠蘿皮濕濕腍腍，甩皮甩骨的模樣真的很麻麻，加上塊牛油吃起來偏鹹，真的非常奇妙，唯一慶幸的是包身尚算鬆軟軟熟，在極餓的情況下，當然快速吃光。菠蘿油吃至中途，西多士就送上了，很明顯這西多士是即製的，不像一些大型的茶記的，一早炸好再翻炸，真的難吃得要命，當店員端西多士到我的餐桌上時，見塊牛油已經是近融了一半，這西多士看來也炸得很夠熱，加了點糖膠，就急不及待要吃了，一切下去，原來西多士是有點花生醬作餡的，西多士吃起來夠熱，但不知何解外層又不是太香脆，多士的包身尚算鬆軟，但花生醬及蛋香都不太夠，純粹是靠糖膠及牛油的味道頂住，似乎真的是看得吃不得！之後也喝口茶，這杯熱奶茶也是用了最尋常的厚身瓷杯盛着，也是先用鼻

今早我和老公到很久沒有光顧的銀都冰室吃早餐，料想不到它的食物水準竟比以前好了很多!老公點了煎蛋，牛油麵飽，沙爹牛肉通粉和熱奶茶；至於我則點了煎雙蛋，火腿意粉及熱奶茶，而味道就如以下： 煎蛋：味道ok，而碟面的油又比以前小得多，感覺沒有那麼油膩‧牛油麵飽：由於麵飽是自製的，所以麵飽都很軟和新鮮，味道也不錯!沙爹牛肉通粉：牛肉味道醃得很出色，因為又淋又惹味，使整碟通粉生色不少，值得推介‧火腿意粉：相對起沙爹牛肉通粉，這碟通粉便變得普通了，但是味道都合格‧熱奶茶：比起以前進步得多，因為充滿茶味及奶味，十分合我們口味‧ 綜合而言，我們對銀都冰室的食物真是有點喜出望外，而且將來會再試一試其他食物‧

晏就有小小口痕,就去左銀都買野食啦...住華富村咁耐都冇去過銀都食野,見到其他食家都介紹奶茶同包咁就去try下啦,叫左個菜遠排骨飯,茶走,同包拎反鋪頭食.個飯同茶走比想像中好食好多.茶走真係好得,平時我日日都要飲反1,2杯!比起我平時飲果間,尼間真係幾好.不過個飯就冇想像中咁多,2個人食都食吾飽!個包真係幾得,係多油左小小,不過都幾好食!值得一試!