銀都冰室

營業中

休息中

〈我喜歡的凍奶茶——初試華富村銀都冰室的早餐〉文︰嚴翔衛　　如果不是面試，恐怕絕不會到華富村，更沒有機會嚐試到那裡的銀都冰室。初踏華富村，人生路不熟，結果胡亂闖進一間。快過十一時了，一坐下，看看餐牌，點了個早餐︰沙嗲牛肉通粉、煎蛋、牛油方包和凍奶茶。試冰室的水準，大概有幾種食物和飲料可以判斷，其中沙嗲牛肉和奶茶是其中關鍵的兩項。　　早餐很快就來，我吃一匙沙嗲牛肉通粉，通粉彈牙，牛肉入味，均是軟硬適中。很多人不會吃通粉，要不連湯汁大啗吃，要不將湯汁完全隔乾，其實吃通粉除了口感，更重要的是湯汁在通粉的心中，像人喜樂把最美的情感藏於胸懷，又樂於與他人分享。通粉是一道流通的管子。可惜的是，銀都冰室的沙嗲汁過於油膩，通粉也變得非常油亮，雖然好味，但不宜多吃。　　我稍添了一些鹽在煎蛋和牛油方包，沒錯，牛油方包也要加一點。方包本身塗了牛油，已有奶油味，但灑點鹽，更豐富了它的層次，讓方包份外釣出一層鹹香；煎蛋也好吃，但可惜它送來的時候蛋黃已經穿了，因此換了吃法，刺起牛肉，蘸上蛋黃汁，又是一味。　　凍奶茶是無話可說了。老實說，熱奶茶更容易試出冰室的水準，但外面實在太熱了，我不得不喝凍的。沒想到一喝就喜歡

系出面望入去呢間食店度，其實個感覺都幾嚇人架，因為比人既第一個感覺 — 好舊，第二個感覺 — d野一定唔方好食得去邊。咁就錯喇，唔好俾間食店外表呃左，其實d野食一d都唔差架。果日，我同一個住系第二區既朋友入左呢間餐廳食飯，我同朋友都係女性，又唔係好肚餓，所以就諗住叫一個飯兩份分，商量之後，我地叫左鴛鴦雜扒飯，在店員的提議下，我地決定試下沙爹汁。跟餐送左個蘿蔔節瓜瘦肉湯，只可以用五個字黎形容，色香味俱全，我地差d仲想叫多碗，但想食左飯先，所以對個飯既期望好大。等左唔夠15分中，個飯就送到喇，我同朋友同時望住碟飯呆左，嘩，個份量係我地兩個女仔都未必食得哂架，無論係豬扒定係雞扒都好，都起碼有一隻手掌咁大，色同香都令我地幾滿意，味方面就略為遜色左d喇，沙爹汁略為辣左少少，溝完d飯後，都仲係覺得辣。埋單都係$28，對於宜家既女仔黎講，呢一餐無論係份量，或者係價錢，都係超值之選。

係華富放完狗, 去左呢度食lunch叫左最普通既set 沙嗲牛肉麵+奄列+熱好立克1.沙嗲牛肉麵牛肉幾"林" 幾入味值得讚既d 麵既軟硬度岩岩好2. 奄列我覺得乾左少少蛋汁唔係好夠不過夠多火腿3. 熱好立克真係麻麻地都係要落好多糖先會有d 甜味個隻不過呢度真係好有冰室風味環境好舒服值得再去

自從搬走之後，很久都未重遊此地，但這裏的格局，十年如一日，這樣古式的冰室，在香港已經愈來愈少見。今天來吃個下午茶，點了一客法蘭西多士和熱奶茶。兩者水準均甚滿意，西多的包很薄，因此蛋漿很易便入到麵包內，吃起來整件麵包都夠味。不像現時很多茶餐廳，塊西多厚厚的，咬起來中間白雪雪咩味都冇。正因為咁平時在茶餐廳慣了叫多牛油，今天來到同樣叫了多牛油，結果吃起來味道反而有點過濃。奶茶既香茶味又夠滑，水準拍得住蘭芳園的絲襪奶茶，但這裏就奶味重一點滑一點，蘭則茶味重一點。一場來到，見蛋撻剛剛出爐，就叫一個酥皮蛋撻試試。酥皮好像有點過實，唔夠鬆化，而蛋漿的香味亦較為遜色，總括來說蛋撻只是一般貨色，比它好食的地方還多的是。一個充滿回憶的地區，這麼有水準又有特式的冰室，希望可以長做長有保持下去吧。

2008-05-22 今趟再來銀都冰室，貪其夠鑊氣的炒粉麵飯。今次光顧其外賣，要了五香肉丁火腿炒飯加杯凍奶茶，然後回校與自己班的學生一起共膳，一大樂事也。相比華富冰室，同一價錢，銀都冰室的食物水準確是更勝一籌的。加上其接近四十年的歷史，其更顯懷舊的環境也是獲筆者所受落的。正如前文於華富冰室的食評提及，在香港這類歷史悠久的屋村冰室仍倖存的沒多少間，希望大家會好好珍惜吧。

去好日都唔去的南區行0下, 好 random 咁0黎到第一次0黎的華富村, 0黎呢間好似幾舒服的冰室坐0下. 無乜胃口, 簡單叫個熱奶茶加個油多 (total $16) 就算.奶茶係「掛杯」的, 飲落奶味多過茶味好多, 麻麻0地鍾意.油多薄薄的, 烘得金黃色, 食落鬆脆, 牛油鹹鹹的, 幾滿意; 另外因為鍾意食油砂多, 自行灑 d 砂糖上去, 食得津津有味. 環境係舊式冰室格局, 比起 e.g. 白宮 / 美都 / 海安/ 中國冰室光猛好多, 但又有 d 似新式的茶餐廳, 感覺幾「精神分裂」, 不過整體0黎講都係幾舒服的; 招呼 ok, 阿姐阿叔們做街坊生意多, 對住我呢 d 區外客一樣好 nice, 幾有人情味的一個地方.題外話: 上0黎 Openrice 睇到 Oli 的食評, 先知原來呢度曾經有雜誌0黎採訪過? 失覺失覺!

2008-05-16平時帶飯多，甚少出外用膳，想不到學校附近有這間屋村冰室。典型樓底高舊吊扇及茶餐廳格局的卡位及裝潢，完全是筆者杯茶。要了個特餐 - 乾炒沙嗲午肉意粉配例湯及凍奶茶。平時在茶餐廳吃到的不是乾牛意就是乾炒黑椒牛意，今次來個沙嗲炒也頗特別，都幾入味，不錯的配搭。至於碗例湯就油了一點，杯凍奶茶都過得去。在這裡，吃什麼也沒有所謂，最重要還是那個能讓人懷舊一番的環境。

山長水遠由灣仔去到華富, 真係無失望! 我細個唔係住屋村, 所以對呢間店的環境唔係好有感覺, 但係男友好鐘意佢話鐘意屋村FEEL.我地叫左沙爹牛麵, 沙爹牛包, 熱奶茶沙爹牛夠味, 但係選麵好過食包, 因為沙牛好多汁, 個包濕曬. 奶茶都唔錯. 禁走前買左紙包蛋榚同高纖包, 紙包蛋榚麻麻地, 高纖包好味又好抵, $6五個喎! 味道又唔差.我見唔到滋味醬響MENU喎!有下次, 我地都好鐘意呢間舖!

當年返工，老細一聽本人住華富村，第一句就問：「有間舊式茶餐\廳好出名，有冇食過？」有D咁事？諗真下先醒起佢\講銀都，真係OK舊，但不妨礙其出爐包之好味，皮蛋酥同椰撻幫襯得最多。又有一期狂買卷蛋，區區三蚊，水準拍得住美金西餅。入去食，基於種種原因，反而無試過。成日見佢\有D擺\O係門口、雞尾包大小的麥包，望落無乜色水。睇左咖啡迷CANDY介紹先知，原來係銀都招牌貨。終於記得買，一試之下，大吃一驚。未見過咁勁的麥包，真係有一粒粒麥，仲唔止十粒八粒，係好多，成個包都係，多到你唔信。韌得黎唔難嚼，足夠油分（其實多左小小）所以唔會乾爭爭。麥包好難似菠蘿雞尾咁好味，不過銀都呢個絕對排得住。食完方發覺，市面九成平價的所謂麥包，假到無倫。一排五個，賣六蚊，其實貴D佢\都值。嫌人地醜樣，俾次機會，試下先講－－唔好似本人咁以貌取包，行出行入咁多年，今日先發現呢樣好野。絕對係華富特產，希望大家有緣一試。

今日和他來了這兒吃午飯，呢度真係好舊下，不過其實我對d茶記係情有獨鍾的叫左個滋味醬牛肉意粉..本身不喜吃辣的..d牛肉好淋，一般啦叉燒旦公仔麵，叉燒竟是咸的，很怪啊..不過隻旦係我最鍾意的半生熟旦，煎得不錯啊總括而言，係一間好普通的茶記

今天第二站是香港仔華富村,去了這間冰室吃飯,食物OK,可以一試.

頭輕輕眼矇矇, 父母各有不適, 唔好意思叫佢地落街幫我買野食, 唯有頂住自己落街買。買左個提子麥包。正常大小, 但係就好墜手下。一咬就明白點解咁墜手, 包唔夠鬆軟, 空間唔夠多, 應該係發酵不足所致, 而且濕度較高, 除此之外, 味道則算過得去, 但係提子乾少, 只有寥寥數粒, 不過我志不在此, 所以冇所謂。平時食開其他包都冇唔夠鬆軟同偏濕o既問題, 今次係第一次食呢度呢一隻包, 可能係揀錯包食或者偶一失手。今次招呼係一個年紀較輕o既姐姐, 笑容滿面, 好有禮貌。此外, 連續兩日見到大大個脹卜卜豆沙燒餅賣相幾吸引, $2一個, $5更有3個, 下次真係要試下。

因為家住呢間冰室所在華光樓o既連體大廈, 所以好多時都會落黎買個包做lunch, 貪佢就腳, 唔駛街坊裝見咁多人。最近日日返學校補課, 搭車之前都會係度買包再過OK買罐morning coffee一路行一路食, 食飽飽先有力行上山返學同上堂。最鍾意o既係呢度o既"高纖"麥包, quote住高纖其實唔係反話, 只係覺得個名有d奇怪而已。而事實上, 呢隻全麥包的確真係好高纖, 包身偏硬, 並唔係好似餐包咁軟腍, 咬落真係有麥粒, 而且都幾多。有一朝撞正7點半鐘岩岩出爐, 熱辣辣, 個包面仲脆o既tim! 好好feel. 其實平時食都ok脆。$3大大個, 食完好飽, 對我來說, 做lunch都夠。仲食過蛋撻, $2一個, 唔太差咁啦, 酥皮好鬆, 不過合我口味, 蛋就一般, 係口痕想食果時o既選擇。亦食過蝴蝶酥, 一次偏甜, 一次冇咁甜, 都ok, 傍晚5點半買都仲算脆, 擺過晚都唔太腍。叉燒包整得幾好味, 餡料夠, 肉汁都夠。椰絲包比起出面o既冇咁甜。腿蛋包好一般, 蛋好淡。芝士腸仔包, 包比較實, 芝士冇溶係腸仔上面-___-"兩個禮拜朝朝食, 朝早係包櫃度倣野o既嬸嬸已經認得我, 朝朝

見Olivian 的食評話等緊我的一個食評，馬上要寫啦，點敢要千評小姐等。知道Olivian見到雜誌介紹話呢間野是間懷舊有特色的茶記，我既然住咁近，就襯星期六朝那完全屬於自己的時間，走過去試試。這裡都是街坊客為主，不算多人，門口亦見貼出某飲食雜誌的文章。坐低後望望餐牌，食物跟一般茶記都沒甚麼兩樣，只有一個看來好似特別的叫「秘製芝味醬」，就點這個吧，我叫的是芝味醬牛肉通及鴛鴦走。落單時侍應姐姐還提提：「辣既喎！」，乜都要試，冇所謂啦。牛肉通粉，加上一堆辣醬作配料，外表冇乜野，以為唔會辣得去邊，唔理三七廿一攪勻佢，攪完先覺出事，d辣油出晒黎，成碗野紅晒。死頂都要食啦，真係好辣！辣醬辣而不香，裡面的蒜茸和乾瑤柱發揮不了用途。而牛肉亦略韌，有些真的咬不開而放棄。鴛鴦走始終沒有勝香園的好，這次落奶份量稍多，咖啡味給奶味蓋了不少。其實類似的茶記，不算什麼特別，亦未去到好懷舊到值得專程去試的一類，有時真係幾配服雜誌記者寫文能力。

見到雜誌專題介紹茶記，這間還是專題第一版，專程去到華富村試下。雜誌推介菠蘿包及蛋撻，所以一坐底先食呢兩款。菠蘿包不是剛出爐，仍有微暖。包面唔夠脆、而包身較實，不夠鬆軟的。蛋撻真係新鮮出爐，難食極有限，酥皮不是十分之鬆化，有好多茶餐廳會好食過佢。我再食個特餐，火腿奄列-薄薄的蛋塊，表面又多氣孔，未食已知又老又"鞋"；牛油方包-佢d麵包是自家製的，方包亦麻麻，質地較重較濕，唔夠乾身；叉燒湯意-ok啦，不是腍腍的意粉；奶茶亦是普通貨式。而老公食快餐的秘制豬扒麵，豬扒唔錯，夠鬆化又入味。如果我是街坊，為了方便，我可能會是常客，可是我唔係，試過一次後，不值得由老遠再來。p.s.是日大王都有去，等緊佢個食評。