銀礦灣餐廳 (已易手) 新餐廳

見到銀鑛灣酒店有生日優惠，包半自助晚餐，早餐，仲送生日蛋糕，加埋住一晚都係938，所以就同媽媽遠渡而黎一試。6點半黎到，唔算多人，環境都好乾淨簡潔。但眼前個個都一pair pair, 內心都有點不是味兒。幸好家母都算是美魔女，情侶檔feel 呃得下人。先㨂一下主菜，本身仲諗住一個叫扒，另一個叫下意粉， 居然無， 最後唯有叫左兩個扒。哈！一場黎到無理由叫中式飯吧。等食之際出去攞野食，真係一眼睇晒，menu上有d 沙律款其實佢都無既，選擇真係唔係好多。最好食係沙律，凍蝦其實唔算好鮮甜，個款不太結實，但加左海鮮醬算幾好食，所以最後都食左至少二十隻。煙三文魚色水真係唔係好得，暗暗黑黑仲好咸。泰式鳯爪除左面果層d 汁有味，食落去其實係無味。(記得要自己取汁)羅宋湯最好飲最正常，飲左幾碗。望住堆甜品，我的媽！蛋糕好乾身，有個唔知係咩布甸？質地好實，食落有d 雲呢嗱味。 甜品黎講最好食應該係芒果啫哩望見個糖水，我的天！蕃薯糖水個色紫到好似利賓納咁，有d 可怕，不過味道正常。望埋個生果，我的神啊！生果真係得蘋果，同酸到爆既綠色的柑，真係酸到核爆。主菜叫左香煎豬鞍配白菌汁， 塊扒超級大。肉質算幾爽，不過

趁住兩天假期，與男朋友一起離開巿區，到梅窩渡假，入住銀鑛灣酒店，晚餐我們決定留在酒店餐廳用膳，有半自助餐或自助燒烤供選擇，我最後揀選了半自助餐，除了主餐外，有自助前菜、甜品及飲品可供選擇，雖然款式不多，但味道都尚算不錯👌我點了檸檬牛油汁伴龍脷柳，清新的檸檬牛油汁，配上大大件香煎龍脷柳及炸薯條，一點都不覺得油膩，另人胃口大開。而男朋友則點選了香草西冷牛扒，香草味濃郁，但牛扒就過份熟透，咬口較韌，影響了整體的味道，不過仍算好味。重點是一邊食住美食，一邊望住沙灘美景，真是能夠放鬆心情，增進食慾的好地方

男友生日，上網見到酒店有生日套餐優惠，所以決定來避世兩日。套餐包含係酒店餐廳嘅半自助晚餐，即係前菜及甜品任食，另再加主菜。餐牌上睇落都好多嘢食，而實際上係無咩選擇。甜品沒有餐牌上嘅精選蛋糕，生果係蘋果同梨。因為之前都有睇過下啲評論，所以我哋都不抱有任何期望。煙三文魚嘅顔色好似浸煙水浸咗好耐咁，睇落唔新鮮，亦都吸引唔到我夾落去。沙律嘅味道普通，還算可以。蝦嘅味道都尚算可以，男友都覺得啲蝦係眾多前菜中來講，算係唔錯其他枱嘅食客幾乎都係成碟蝦拎來食。主菜我哋一個揀牛，一個揀豬。男友以“茶餐廳嘅牛扒”來形容尼塊西冷。食落肉質幾嫩，味道亦不差。男友解釋話應該係浸咗蘇打水，所以塊扒先咁大塊，肉質先咁嫩。好似都幾有道理🤔到我嘅“豬鞍”，其實即係豬扒。右半邊嘅肉有啲脂肪，所以比較嫩。個食到另一邊就變得好乾好“鞋”。成碟最好味嘅係粟米🤣來到甜品，椰汁糕清甜爽口，奶凍好香雲尼拿味，不過口感似係燉蛋🤔另外仲有餐湯同埋中式糖水。都係兩樣可以話係好味既。餐湯係羅宋湯，仲有好多蔬菜係入面，絕對唔係清湯寡水！木瓜雪耳都好足料。我去盛嘅時候已所剩無多，但都仲可以有雪耳＆木瓜。其實餐廳環境唔錯，但食物方面可以有更多進步

復活節最後一天唸住寫意下, 見佢下午茶有D遊客係度飲啤酒，好似幾休閒，又望住個海。當晚對住個海BBQ, 燒烤只得我地一台, 唸住夠清休, 點知....... 雖然見到網上有劣評，心唸唔會甘差掛，點知就中伏啦, 食自助燒烤，佢D材料望落都好一般，全部放雪櫃, 個樣似放左好耐, 不過都算啦，都係一般野姐 完全無服務可言，燒烤坐露天，我入去歺廳拿隻乾淨碟用，個女侍應即刻跟出來問我拿咩食，我話淨係拿隻碟，因為原本隻碟已堆埋骨頭，佢話D碟唔可以拿，有骨就自己倒左佢，後來個經理出來睇下我係有無拿佢D buffet 野食，吹賬  , 後來想要杯水，個侍應叫我入去自己斟，入去見到剛才個經理，佢D水機都旡曬水，佢都唔加水，仲叫我比10蚊買支水，仲再次提返歺廳入面D碟唔可以隨便拿，佢仲問我有無去過外面既燒烤場，都係得一隻碟,  激氣 ，只係用多一隻碟姐, 話晒都係間酒店呀，佢唔同我換碟不單止，仲要話D顧客，果一歺我都食左幾百蚊，簡直一肚氣,  激氣到我要第一次寫食評, 評分係負數啦...D侍應，上下員工都甘對D客，歺廳經理都係態度好差，係唔尊重客人 差不多燒完時, 見一批內地旅行團入住, 呢間酒店專接待內

好耐冇喺度寫食評,聖誕食既野依家先寫~因為呢期實在太唔得閒la!聖誕放左幾日假入左去銀曠灣玩,第一次入黎..知道有間好似渡假式既酒店喺度,所以決定喺度住反晚.今次喺度試左個自助晚餐~款式唔算多,果度仲有BBQ.我果晚食得最多既係冷盤,因為比較好食D,其他果D味道好普遍.唯一比較滿意既係翡翠螺,因為都幾好肉,係最大果隻碼.夠鮮甜.三文魚係厚切,但好似冇咩味~BBQ係普通凍肉貨.另外仲有D意粉,中式菜,蛋糕等...整體黎講,最建議都係食返冷盤好食D~

第一次留comment就係因為頂唔順間野🙄 夜晚自助餐燒野食, 野食選擇唔多, 我就冇咩所做, 反正係度下假, 輕鬆下既就... 但係燒菜類食物, 同菇個d, 唔用錫紙包就完全燒唔到... 佢個度有錫紙, 但係只係提供俾半自助餐, 即係$2xx 即set, 就唔可以自己燒類既野食, 只係貴少少即set, 我地因爲想自己燒曬浪漫d, 不過就俾d服務激死咗... 我地只不過係問下d錫紙包唔包, 個男性職員已經態度勁差, 仲要成餐俾佢睥住曬, 驚死會偷佢錫紙咁, 食完都背脊骨落。一次都唔好試 完。

行山行到身水身汗, 志在有個地方有冷氣嘆, 今次好揀唔揀, 揀著個爛燈盞。景觀開揚裝修雅潔西多士 ($48連飲品)麵包好薄, 成件事感覺像吃糖漿加牛油。杯奶茶無乜茶味, 又唔滑, 雖然無期望, BUT……無諗過咁流。干炒牛肉意 ($68連飲品)份量很少, 黑椒牛肉唔嚡, 蕃茄意汁味道尚可。

嘩！！！！！终於可以和寵物一齊望海灘，嘆3層架下午茶頂層有生果撻吉士好少，水果新鲜，撻皮唔脆身(不是鲜焗)第二層有煙燻火腿配蜜瓜多士芝士切餅芝士味香濃，餅底唔厚(蛋糕口感好實，好重芝士味)煙燻火腿比較淡<不算鹹>蜜瓜不算甜，底下多士少少脆身<一齊食，口感不錯，味道淡左小小>公司三文治有蛋，煙肉，菜，火腿(蛋的味道淡，無調味，但菜，蕃茄新鲜)外表不錯鲜蝦黑松露意粉無黑松露香味，用左黑松露油煮，味道少少鹹味，有淡淡松露味，意粉彈牙，蝦好爽口，這個意粉，雖然無黑松露的香味，但味道令人回味而且有海灘在旁<渡假感覺啊仲可以和愛犬一齊望海，嘆下午茶服務尚可<始终係渡假酒店餐廳，職員比較悠閒，但對寵物友善，這點加滿分！而且價錢不貴

擁有優美環境...一流位置可惜全無服務可言食物質數一般..............................

買套票，1晚住宿加酒店燒烤自助餐和早餐，價錢千幾蚊，非常抵，假期預咗多人，雖然超多人，但服務都算好好，食物都算多種類，以為無乜嘢食，但都算唔錯!自助餐，中，西，燒烤，早餐比我想像中多，都滿意!

晌銀礦灣渡假酒店住宿，喺包埋早餐，講過佢嘅歐陸半自助晚餐，順利成章就講埋佢嘅自助早餐喺點。之前，睇過啲酒店網評，話佢啲早餐麻麻，反而，食評就少講早餐，點都好，心裡已打咗底。雖然噚晚唔算早瞓，但慣咗早起，所以，大清早嚟到餐廳，就只得我倆公婆，變相包場食早餐。照例，先巡視一下個環境睇睇有咩食，包括：多士、粟米片、沙律吧（同噚晚嘅差唔多）、火腿芝士（夾麵包或多士用）、生果。另一邊喺熱盤區，包括：麥皮、瘦肉粥、椰菜炒麵、豬柳扒、茄汁豆、炒滑蛋、烚蛋、叉燒包、煎腸仔、炸薯寶及咖喱角 。飲品有橙汁、蘋果汁、咖啡、紅茶，整體而言，比預期多選擇，其實食個早餐，三幾樣嘢本身都夠晒啦。 橙汁、蘋果汁 先嚟一人一杯果汁，雖然唔知咩牌子，但飲落如果汁先生一類，唔會太淡太差。 第一碟早餐 冷熱嘢各一半，少少沙律用嚟開開胃，炒滑蛋估唔到又幾得喎，不過，早嚟有著數，因為炒滑蛋只有面部份喺較滑，越底就越變得唔滑；豬柳扒、茄汁豆、咖喱角都喺啲現成貨加工，所以，唔會有太大特別。 第二碟早餐 牛油烘多士、炒麵及牛奶粟米片，再配多杯咖啡，佢部烘多士機火力唔算好強，我想食得燶啲、脆啲，就要烘兩次，搽上牛油，就

老婆完咗一個學期，真正可以抖吓，趁著假期，同佢走咗入嚟梅窩行吓，仲計劃晌銀礦灣渡假酒店住番一晚添 。本來打算踩吓單車，行吓山，不過，天公不造美，啲長命雨由到步酒店無耐就未停過 。戶外活動被逼取消，連帶晚飯也費事行出去周圍搵，結果就晌埋酒店餐廳度食，唔使轉彎抹角，直截了當。好多人只識叫依度做銀礦灣酒店餐廳，其實佢正名叫「灣畔軒 」（Seashore Cuisine），此外，門口左右兩邊露天位查實又喺兩間餐廳，出門口向左嘅主力為露天茶座喺「海天一色」（Blue Horizon Café），向右嘅喺「聽濤吧」（Bayview Lounge）。當然，因為住咗晌度先知佢哋有別，不過，好多客人都睇為佢哋為一體，只喺當為室內、室外之別 。除因天雨關係，點解會揀晌度食？本身無睇過相關食物，只喺見佢做緊半自助晚餐，都喺$188位（原價$238），住客仲有八折 ，雖然入去睇過吓自助食物唔算多，但主菜嘅選擇好似又幾唔錯，計過出去食餐好好哋都百幾蚊位（碼頭附近嘅熟食中心、粉麵除外），倒不如晌度食吓、傾吓、上吓網仲好打發時間啦 。補充一下個環境，四正整齊，一室潔白襯少少蘋果綠，無乜花巧裝飾，但感覺卻

放假同男友入梅窩hea遊，行下沙灘，食個Tea。見到銀礦灣酒店有露天望海茶座，被環境吸引，就試一試。落單菲藉姐姐，態度惡劣，飛餐牌，點了一個二人英式下午茶餐（$158 for 2），飛快收牌，然後問“Two Drinks?",令人不爽，彷彿阻佢收工。幸好送餐、送飲品的姨姨、叔叔都比菲藉姐姐友善。三層塔來了。1.頂層：四個小果撻，藍莓，士多啤梨，奇異果，mix, 撻皮較淋，水果有點乾，略不新鮮2. 中層：ham & melon 不錯，兩件朱古力間芝士蛋糕，尚可3. 低層：公司三文治四件，正常 （好難唔好食）4. 熱咖啡正常，凍檸茶男友話好怪好難飲。似乎這裡都是賣景，不賣好食物。

團購買房間，買埋自助晚餐，本來無祈望，夠鐘6點半到場，無乜客人，坐室內近落地玻璃窗，其實可以坐室外對住海灘食，但一來會大風，二來離食物又遠咗！室內裝修平實，唔華麗，所以初期無祈望先有驚喜！坐低時店員話未開始，預備中，等咗一陣！食物款式比想像中多！冷盤有長腳蟹腳！熱盤好多海鮮類！我好少食自助餐會食熱盤，今次係熱盤贏晒，尤其係蒸魚，好滑！沙律有蘆筍！室外又有燒烤，羊架好好味！雖然甜品比較失色，雪榚只是牛X雪榚，而且蛋糕味道一般！飲品任飲，有兩款果汁，熱飲有奶茶咖啡，但紅茶無檸檬，我唔飲奶茶，所以我去攞冷盤嘅檸檬沖熱檸茶！食食下居然有live band，只係兩個人兩個結他，只力唱懷舊英文金曲，唱到一陣，再每枱去點唱，仲會好先進，帶定平板電腦搵歌！所以一定識唱！

女友生日見團購有優惠$998（+服務費$222）住一晚酒店就試吓啦，買咗打電話去book，個電話永遠係留言，就算之後係房間打直線都係無人聽，咁上網用email book房，酒店就會回覆。Anyway，Book左一晚海景房加多$300，同埋女友生日有一個一磅嘅蛋糕🎂送幾好👍（但係個蛋糕唔可以寫名）😔。係餐廳食晚餐，係半自助晚餐，即係湯啊（得番一碗）😔，前菜、沙律、水果啊🍉，好似自助餐咁自己攞，但係款式唔多，咁就去問下個侍應，係咪有生日蛋糕，因為之前check in 嘅時候，俾咗張單我叫我去餐廳攞，佢竟然同我講「有啊！你係咪而家要啊！」佢咪傻架😂，前菜都仲食緊，主菜又未叫，問我依家要唔要蛋糕？已感覺奇奇怪怪😨，主菜揀咗個鵝肝牛扒總算OK😋，之後，叫佢可以上個蛋糕，奇怪的事又發生啦😱，佢竟然紙盒出來將個蛋糕想放入去，咁我咪話「依家要啦」，佢竟然話「唔係拎走呀，咁食唔晒點算啊」，我只好話「咁食唔晒咪有得佢囉，你剩係幫我點支蠟燭就得啦」😓，佢話「我哋冇蠟燭個喎」，個喎呢個尾音，我真係想頂佢個肺😡，咁大間餐廳有生日蛋糕，無蠟燭？算數，咁諗住自己攞個生日蛋糕去比女友啦，佢竟然攞咗個蛋糕過去水吧話攞埋