銀津點心茶餐廳

營業中

休息中

而家茶餐廳，唔再只係食多士菠蘿飽，火腿通雪菜米。要走多元化路線，才能同其它食肆競爭，生存。呢間銀津點心茶餐廳，標明賣點心，但又有茶餐廳元素。你可以係到揾到西多士，咖啡，奶茶。呢度茶錢$6花旗參竹絲雞燉湯 $48一百分既靚湯好耐無飲過咁足料，咁入味既老火靚湯花旗參味剛剛好，沒有遮蓋了雞既鮮甜味蝦餃皇 $32四大粒，每粒入面有3隻蝦，真材實料外皮很薄，包不住三隻蝦既份量。菜心 $20鮮嫩清甜黑芝麻流心西多士 $25黑芝麻如泉水般湧出，淡淡黑芝麻味，甜度比糖醬低。西多士炸至金黃色，香脆可口，25蚊，平民價，抵食冰火雙槤 $33炸榴槤球就食過，一般般，外皮不算厚，但榴槤餡料較少。反之，白色既榴槤球有意外驚喜糯米皮煙煙韌韌，入面塞滿榴槤蓉，香味撲鼻，滿口榴槤味，超滿足仲想飲佢既奶茶，好似好吸引。不過夜晚晚，驚飲左瞓唔到，唯有等下次先了。

今日返工前同姐姐嚟咗呢度飲茶同姐姐都最鐘意食點心呢度好多選擇呀而且價錢相宜環境好乾淨仲好貼心有免費wifi比食客用兩姊妹點咗唔少嘢食必點嘅鳯爪、奶皇流沙包、流心奶皇西多士、鮮蝦腸等等鳳爪好入味、底下有d夠曬粉嘅芋頭索哂d汁好正鮮蝦腸蝦好大隻同彈牙個皮好滑奶皇西多士d流心奶皇餡超正好重蛋黃香、好邪悪好好味加埋個多士炸得金黃色剛剛好唔會乾曬章魚肉餅飯咸香味十足、飯夠乾身粒粒分明索咗d肉餅汁好香好好食燒賣大大隻蝦超級推薦雪山叉燒包包薄餡靚！成個包都熱辣辣！個包外層好香脆裡面d叉燒又唔太肥剛剛好同姐姐食到好飽超満足

今日與同事去太子見客肚仔發出強烈訊息，哇...原來2:00 係時候醫肚了！同事話附近有間好特別茶餐廳帶我去試下，就在隔離花園街，甫坐下來立即睇左點餐紙，認真有趣啊！點心是即叫即蒸，新鮮熱辣，有趣地方是點心不一定現普洱茶，你可以中西合璧配樽仔奶茶咖啡，西方代表有獨特的朱古力西多士，嘩😝呢個巧多士甜品控的朋友必試，我就減多四磅先黎挑戰！🤣🤣🥢銀津蝦餃皇 $32皮薄餡靚爽脆彈牙用來形容這籠蝦餃，絕對沒有誇張成份。🥢韭黃鮮蝦腸 $32腸粉痴的粉腸同事必叫鮮蝦腸粉，腸粉皮米香軟滑，鮮蝦不用形象二個字 「爽口」🤣🥢懷舊馬拉糕 $18軟綿鬆化馬拉油香氣剛好不會太搶鼻。🥢蜂巢芋角 $20呢家邪惡食物肥膩都要食，因為已買少見少好不容易遇上。🥢竹炭滋味流沙包 $23賣相已吸引了我，其流心的奶王大家睇睇唔講喇！🥢蓮蓉西米焗布甸 $20呢道甜品又是值得我為食他而跑步的，蓮蓉西米布甸，這古早味的甜點我豈可放過，西米包著香滑蓮蓉加雞蛋所焗出的布甸有點焦香實在美味！🥢最後當然唔少得香濃幼滑奶茶同醒神咖啡，咁就完全結束我這個超豐富一餐😋繼續努力開工 🕺🏻中西合璧點心簡潔光猛舒舒服服！

銀津點心茶餐廳喺先達廣場隔離嘅花園街，因為我係搭小巴去旺角，所以落車行幾步路就到，地鐵站出嚟都唔遠～係為咗佢個流心西多士嚟嘅，不過嚟到就順便喺茶餐廳setting下飲個茶啦☕️奶黃流沙西多士（$22）之前見人推介呢個，所以就嚟試下，果然冇令我失望🤤香港大學附近嘅「周記點心」整呢個都十分出色，而呢度嘅流沙西多士一啲都唔遜色！麵包炸得到金黃色，食落外脆內軟。一切開，啲奶黃流沙就流哂出嚟。食落甜甜地，而且咸蛋黃味香濃🤤蜜汁叉燒腸（$22）自己飲茶最鐘意就係點叉燒腸，嚟到呢到都要試下！叉燒份量幾足，唔會話淨係得皮，但得好少叉燒。腸粉皮滑度尚可美國花旗參湯鮮竹卷（$23）鮮竹卷都係我好鐘意嘅點心，而呢到嘅鮮竹卷係用花旗參湯煮。食落有花旗參味，幾特別！黑松露小籠包（$25）小籠包好少茶樓整得好味，試下呢到啦！皮唔算厚，但都唔夠薄。入面嘅豬肉味道都ok～不過略嫌湯唔夠！平時啲人最唔鍾意食粒的，因為最厚皮，但呢隻小籠包嘅精華就係喺正粒的到，唯有食埋啦！黑松露都幾香，都係幾特別嘅一款點心！蜂巢芋角（$20）見有人推介呢個都順便試埋啦～皮夾落比較硬，但食落係鬆脆嘅。餡好足料～有瘦肉、蝦肉、冬菇等等。不錯不錯

是日友人和我都一同放假，而友人又好中意飲茶，聽同事說這間茶餐廳的點心又平又好食，所以就去試試。餐廳在旺角先達對面，位置都易搵!我們大概11點幾去到，未算很多人，12點臨走前就開始多打工仔黎食啦!餐廳有卡位亦有普通枱，我們安排坐卡位，不會很迫，坐得舒適。點餐只需自行於點餐紙上寫好便可給予店員幫忙落單。金蒜鮮蝦春卷($25)，春卷應該是即叫即製，上枱時還是熱辣辣，外皮炸得很脆，內裡蝦肉彈牙!蜜汁叉燒腸($22)，腸粉唔會好厚，叉燒餡料都幾多，所以食落啖啖肉!山竹牛肉球($20)，一籠有3粒，跟出面酒樓的一樣，有腐皮在底，牛肉球唔會蒸到好淋，牛肉球入面還有爽口的粉葛，很有口感!名醬蒸鳳爪($20)，鳳爪份量不少，都蒸得幾淋，而且還有些芋頭一起蒸，味道惹味!醬皇金錢肚($28)，金錢肚唔會好韌，可以咬得開的，味道亦剛剛好！竹炭流沙包($23)，係茶仔可以食到呢款係酒樓賣得好貴既流沙包，而且真係有奶黃流沙，真係好正，仲要個包好軟熟！上湯魚翅罐湯餃($32)，呢到既罐湯餃比得上酒樓，餃子餡料很多，淨係蝦仁都已經有幾粒，而且爽口，加埋醋一齊食，味道更鮮！川弓百芷燉魚頭湯($48)，呢個燉湯真材實料，

這裡是在旺角區內近來頗具好評的點心茶記。差不多一面倒的笑臉好評，在這一旺區內的餐廳而且還是新開的情況倒是不常見的....今晚的胃口挺好，平常只會點一飯一菜的我，今次一口氣就來個一盅兩件，而且那"件"的份量是絕不可睇小....香菇雞飯一小盅，飯不多但炊得軟硬適中；雞肉挺滑而且入味；菇厚身但可惜只得一小隻。由於雞夠入味之關係，基本上飯都不用醮豉油，連料帶飯吃就已十分夠味....菜苗鮮蝦帶子餃算是一眾點心項目中較其一昂貴之選。皮很薄如透光，通常這一類餃皮都很容易弄得濕漉漉極易黏筷，但這兒做的卻沒有這問題，還乾爽的；饀內塞滿了料，大部份是菜和蝦肉，反而就不太找得到帶子肉的痕跡....最後是來一份近來在這一類點心茶廳甚流行的流沙西多....通常這一種流沙西多，饀大多是以奶黃為主。我今天食的這份亦不例外....用刀一𠝹開，流心奶黃馬上傾瀉而出，視覺效果已嬴晒。西多算是處理得不俗，入口起碼不會油淋淋的；奶黃的確是十分之甜，是甜得令我有點𠴱喉，一如所料的三個字 : "漏到爆"....說實在，我不喜歡太甜的東西的，不過好此道的話，也就當別論了....

我同老婆都好耐沒有坐底飲杯茶食個點心了，在旺角搭九龍城小巴果條街有間點心新開，見有套餐都幾抵，仲要比我地見到有"黑芝麻流心西多士"，無錯，黑芝麻不是好多地方都有得食，我見到雙眼發光，於事入去試下先。【花旗參竹絲雞燉湯】叫左個竹絲雞燉湯來試下，我太耐冇湯水補身，同不是好多地方有花旗參既湯水可以飲，一來到淡淡的花旗參香味衝出來，內裡都非常足料，一飲啖湯有非常濃郁花旗參香味仲帶點雞香味，不錯，極力推介!!【銀津蝦餃皇】蝦餃非常大粒，皮又不會過黏，內裡有啖啖爽口既蝦肉，不錯。【上湯魚翅灌湯餃】這個灌湯餃比我感覺好有懷舊味道，湯底非常清甜，配上魚翅灌湯餃，皮非常薄，肉裡包住蝦肉、冬菇等，仲有一梳娃娃菜，睇落非常飽滿，好耐都未試過灌湯餃。不錯。【醬皇金錢肚】味道非常濃郁，份量不小，金錢肚又不會過淋，口感適中。【黑芝麻流心西多士】流心西多終於來了，對我來說是一個甜品，熱辣辣既西多，黑芝麻已經爆流出來，切開之後仲流出濃濃既黑芝麻香，黑芝麻饀又不算太甜，假如鍾意食黑芝麻的朋友，這個極力推介!!

今日與同事傾談中，發現原來大家已經隔了好一段時間無吃點心，又開始心癢癢，而同事告知先達廣場附近原來有一間點心店，一放工當然我倆結伴一起去吃啦。店家舖位比較細，所以枱與枱之間空間比較窄，但地方乾淨舒服。點心紙選擇非常多，而且仲有些特式小吃。鮮蝦芝士炸雲吞雲吞皮新鮮酥脆，餡料蝦肉爽滑彈牙，芝士味不太濃。名醬蒸鳳爪醬汁香濃，鳳爪軟嫩入味，好吃！瑤柱鮮蝦菜苗餃外皮滑溜，餡料蝦肉菜苗鮮甜多汁，每粒都好飽滿。蟹籽燒賣皇豬肉與蝦肉比例均勻，入口爽彈鮮美。韭黃鮮蝦腸腸粉軟滑，鮮蝦鮮甜彈牙，加少少甜豉油超正！北菇棉花雞魚肚軟淋，吸收咗大量湯汁又juicy又鮮美，雞件嫩滑多汁，非常喜愛。

近排同女朋友行旺角，見到附近既一張流心奶皇西多士既poster，忍唔住入左去試😈。入到去先知原來係新開既點心鋪，而且仲好高質。-奶皇流沙西多士 $22依個價出去茶記食個普通西多都未必得，麵包炸得好鬆軟，蛋漿落得好足好重蛋香味。奶皇餡一切開個多士就爆曬出黎，奶皇餡質感造得岩岩好 唔會太過稀，奶皇味同咸蛋味亦都配合得恰到好處，超好食！另外仲有黑芝麻流沙揀，下次食我都會試下。🤓-蓮蓉西米焗布甸 $20依樣甜品真係好復古，記得好細個既時候都係跟屋企人去酒樓食過一次，依家亦都係得番某幾間酒樓會造，所以叫左個黎試下！啖啖都食到西米同蓮蓉，應該用左奶皇代替吉士餡。甜度岩岩好，表面亦都燒到焦糖化左，唯一可惜既係奶皇味遮蓋曬蓮蓉味，但如果未試過依款懷舊甜品既可以去依到平平地試下。-黃金流沙包 $22做到流沙既效果，奶皇餡都夠曬香，但包蒸得唔夠鬆軟。-銀津蝦餃王 $32蝦餃皮造得好薄好滑，內餡居然落左四粒蝦仁，好有誠意。-金蒜鮮蝦春卷 $20春卷炸得幾脆幾香，內餡都係好飽滿，唔係幾食到有蒜味，但整體黎講係幾好食。-韭黃鮮蝦腸 $32腸粉又係造到好薄好滑，好抵讚。但係長度就短左少少，可以大條番啲。蝦仁都係落

<旺角抵食好味點心>😃旺角呢間銀津點心 價錢相宜 有各式唔同點心外 仲會有樽仔奶茶同流心多士 都幾吸引😍入面環境唔大 但整齊光猛 經過 mk想食點心既朋友仔可以試下 ! 好味樽仔系列😍🍴樽仔奶茶 23 蚊☕由19 年奶茶王監製😍 茶香奶滑 甜度適中 正💪🏻🍴樽仔咖啡 21 蚊 ☕唔算好甜 咖啡味香濃 奶同甜度適中 比例好好 正💪🏻 🍴奶黃流沙西多士 22 蚊🥚🍞大大件西多士 外表香脆 一整開 d流沙爆哂出黎😈 流沙奶皇味香 帶 d沙沙口感 😃 夠香甜 西多 既皮其實 夠薄身 入面既流沙好多 口感豐富 正 🍴花旗參竹絲雞燉湯 48 蚊🐥🍲原盅上燉湯 入面既烏雞落足料 雞有雞味🐤 花旗參 個味幾出 😃 然後仲有 d瘦肉調味🐷好補 十分唔錯 🍴養顏紅棗糕 20 蚊🍡一籠三件既紅棗糕 外表靚好似鯉魚甘樣🐟 味道唔錯 口感煙靭 有 d似椰汁糕既口感 紅棗味出但又唔會好甜 正😀 🍴春風得意腸32 蚊 😃好有特色既點心 入面係充滿芹菜 同新鮮蝦肉 既香脆春卷🦐 🥬 出面用厚度適中既包皮包住 所以外面煙靭 入面香脆 點埋 gip汁都好味😃 🍴上湯魚翅灌湯餃 32 蚊🥟大大個灌湯

由於就快午夜12點仍未食飯，呢間近車站，又唔洗等位，入到去又坐光猛舒服，阿哥阿姐好好禮貌，3蚊位茶介，茶係好飲夠濃，求其點咗啲大路嘢，出事喇，好好食，即叫即蒸熱辣辣，蝦餃皮唔厚剛好，蟹籽燒賣冇肥肉，山竹牛肉球滑有馬蹄，人蔘湯鮮竹卷唔油仲飲晒啲湯，特別個牛肉腸粉，上枱亮晶晶，白裡透肉，啖啖肉，冇乜芫荽，配甜豉，滑滑皮，滑滑肉，好少會為一碟腸粉加咁多感想，同埋會為咗佢再返去幫襯。人家其實主打奶茶王，但次次都係食點心配中茶，個機會唔知等到幾時。

這間新開的銀津點心，款式很多，價錢合理，所以同朋友入去一試，比自己多個選擇。蝦餃：外皮晶瑩剔透，而且很薄皮，裏面原隻爽口蝦肉，十分足料。鮮人參湯鮮竹卷：鮮竹卷味道不過不失，人參味比較淡。鵪鶉蛋燒賣：細個每次去酒樓必叫的點心，因為仲意食隻蛋。藥膳雞腳：酒味不算太濃，雞腳煮得都幾腍。小籠包：皮薄汁多，沒有肉腥味，湯鮮且甜。蝦角：比較細隻，炸得香脆，裏面粒粒蝦肉。上湯炸粉果：好耐無見過這個點心，炸粉果鬆脆，點上上湯，入口鬆化。奶黃流沙西多士：必食之一，西多士外觀不甚特別，但一切開即爆出流心奶黃，蛋香味濃郁且不會太甜。

難得平日放假，同阿媽去了行下街，順便食個午餐。這間在旺角新開不久的點心店，食物款式不比酒樓少，但價錢卻比較抵食。我們點了一個二人套餐，另外再加了一個燉湯。川弓百芷燉魚頭湯裏面有半邊魚頭，阿媽最鍾意食魚雲，味道鮮甜，但略嫌中藥味較淡。燒賣點心全都新鮮熱辣，即叫即蒸，燒賣裏面豬肉肥瘦均勻，有粒粒蝦肉。鮮蝦菜苗餃菜苗餃外皮不算太厚，裏面啖啖菜苗，還有些蝦仁。春風得意腸腸粉包著的春卷炸得香脆，一定是點完即做，春卷還冒著煙，裏面有些蝦肉粒。鳳爪排骨飯排骨不會太肥，肉質都很腍，飯粒爽口不腍。最後套餐還送上餐茶。整體食物質素不俗，比某連鎖酒樓更抵更好味。

 已經很久沒有茶樓喝茶了，今日經過 銀津點心茶餐廳就突然想去食點心。餐廳環境整潔!乾净企理而且裏面點心的選擇都有很多樣化！和去了茶樓一樣無咩分別，重要呢度只係收3蚊茶介，認真係良心小店。奶黃流沙西多士：一切開就有海量的奶黃湧出，奶黃香滑濃厚配上西多！簡直是人間美味。春風得意腸：見個名幾得意就叫左試下。原來嫩滑的腸粉皮裏面是包住脆皮，然後内餡係鮮味十足的蝦仁！呢個腸粉口感豐富又特別，認真不錯。鮮人篸湯鮮竹卷：湯鮮竹卷比起炸的鮮竹卷更為清淡和健康，而且食起身都無咁油膩。高湯沒有味精而且真係有條小人篸在裏面。鵪鶉蛋燒賣：而家鵪鶉蛋燒賣真係已經賣少見少，估唔到餐廳有的食！！原粒的家鵪鶉蛋加上燒賣童年的回憶立刻湧上心頭。香菇滑雞飯：雞件嫩滑又夠入味！蒸出来的冬菇滑鸡饭也特别香，熱騰騰的蒸饭配上醬油吃起來特別暖心也暖胃。

今日帶著兩老去食點心！家人一向喜歡中菜，對中菜都有好高要求的，今日行過旺角見到朋友曾經推介我食的點心舖！於是我地就入左去試下。呢度的點心價錢親民，選擇又夠多!茶介只是每人3蚊。韭皇鮮蝦腸：腸粉皮薄身剔透，可以見到裏面彈牙的蝦肉！内餡分量十足，蝦肉鮮美彈牙。京式小籠包：父親大人要求要點！點心上菜是還是熱辣辣的，即叫即蒸。小籠包湯汁豐富，肉餡嫩滑而且味道適中，一點都不膩口。熏上醋一齊食更是美味。黑芝麻流心多士：流心包就食得多，流心多士真係第一次食。多士一切開裏面的芝麻就逼不急待地流出來！絕對要打卡!黑芝麻味道香濃，不會很甜也不會太膩。金蒜鮮蝦春卷：呢個春卷真係不得了！！！春卷炸的很香脆，連家人進食時我都能聼到 “索索” 聲。内面更包住原隻鮮蝦，蝦味十足。上湯魚翅灌湯餃：灌湯餃的外皮很薄，喝了一口清甜的湯汁我便知道餐廳沒有加任何的味精！實屬難得。薄薄的外皮包着蝦 、 鮮 魷和切細 了的魚翅等，材料十分豐富，灌湯餃味道濃郁又鮮味。餐廳點心便宜又高質數，下次一定會再光顧。而且餐廳又不收加一服務費！如果我住附近一定會每天都去飲茶。