銀津點心茶餐廳

【銀津點心茶餐廳食評｜$128嘆盡social media爆紅點心！】social media洗版力驚人！專程去旺角銀津點心茶餐廳，試晒網傳必食點心！$128套餐有齊奶黃流沙、西多士、千絲酥炸奶、章魚鮮蝦肉餅飯同金牌奶茶，性價比爆燈！奶黃流沙包一咬即爆漿，鹹香濃滑；千絲酥炸奶外層酥脆，內裡奶香幼滑，驚喜之作！章魚鮮蝦肉餅飯鑊氣十足，肉餅紮實彈牙；西多士淋滿煉奶，邪惡但滿足！金牌奶茶茶味濃郁，順滑回甘。整體點心水準超出預期，難怪成為社交媒體新寵！旺角花園街地舖位置方便，絕對值得為這股點心熱潮排隊一試！…查看更多

## 食評：銀津點心最近我去了一間叫「銀津」的餐廳，專門做點心，性價比唔錯 ,以下係我今日嘅美食體驗。### 腸粉首先上到嘅係腸粉，外皮滑溜，淋上甜醬汁，味道十分入味。每一口都感受到腸粉的彈性，配上醬汁， 幾好### 紅棗糕接住而來係紅棗糕，外觀可愛，呈現出魚的形狀，食落去口感軟滑，甜度剛好，唔會過於膩。這道甜品帶有淡淡的紅棗香味。### 芋角之後就係芋角，外層金黃酥脆，內裡鬆軟，帶有芋頭的鮮味，口感層次豐富。這款小食非常適合作為開胃小點。### 燒賣燒賣亦ok. ### 鳳爪排骨飯另外選擇咗鳳爪排骨飯，米飯粒粒分明，鳳爪同排骨鮮嫩多汁，配上特製醬汁，讓整個飯碗都充滿了香氣。份量充足。### 奶茶奶香濃郁，茶味還好。### 總結整體而言，銀津嘅點心質素非常高，無論係味道、口感都令人讚不絕口。價錢亦都合理，值得推薦！如果你係點心愛好者，呢間餐廳可以一試。…查看更多

最主要係為咗佢嘅流心西多士黎😂星期六嘅兩點幾到都滿座！不過好快等咗一陣就有位全日免加一 黑芝麻流心西多士 ($23)炸得幾香脆 流心效果絕對有都算幾多餡 不過食落就有啲失望個醬完全食唔到黑芝麻味只係有少少甜味只可以當一個普通有餡嘅西多士食有點失望🥲另外都叫咗一個甜品蓮蓉西米焗布甸 ($27)呢個而家好少餐廳有得食蓮蓉就唔係好食到唔係好甜 不過一定要熱辣辣食凍咗就會變咗一Pat 嘢 但整體都Ok銀津蝦餃王 ($32)幾飽滿 入面都有幾隻蝦蝦餃皮好黐 食落煙煙韌韌蟹籽燒賣王 ($31)算大粒 幾紮實 唔錯鮑汁鳳爪 ($30)鳳爪幾入味 都算多肉一份有五隻 都算好食雪山叉燒包 ($23)一份有三個 比想像中大個個皮好有奶酥味 都幾脆入面叉燒餡唔會太甜食到一嚿嚿叉燒 幾有口感黑松露脆皮鮮蝦腸 ($36)都幾重黑松露味 好似炸兩咁入面有一層好脆 包住隻蝦不過食落有點油膩千島醬蝦多士 ($38)一份有四件 個多士吸晒油😂勁脆 賣相都幾靚 蝦滑幾彈牙蜂巢芋角 ($22)都係一分三隻 又係炸嘢😂但係都幾酥脆 入面芋頭蓉幾綿密中間仲有少少好似叉燒包個餡鹹鹹地 都幾好食鮮蝦腐皮卷 ($28)脆卜卜 入面有隻蝦 正常OK…查看更多

雖然餐廳主要吃點心, 但我主要是為了芝麻西多士而去的 🤭 餐廳空間很細小, 所以枱與枱之間並沒有太多位置, 環境就像舊添好運一樣, 但如果像添好運一樣有水準狹窄環境對我來說是可以接受的。芝麻流沙西多士 $33中間加了大量芝麻餡, 一切就瘋狂地流出來, 芝麻又香又滑, 可能部份人會覺得它偏甜, 但我能接受 😚 由於芝麻餡實在太多, 每一件西多都可以點芝麻醬, 內外都有滿滿芝麻醬 🤤 芝麻控絕不能錯過!千島醬蝦多士 $40蝦多士樣子不太好, 不過多士蠻酥脆, 亦不會油膩, 蝦肉正常, 以點心來說這個做得最好。雪山叉燒包 $28叉燒包外皮鬆化軟熟, 做得不錯, 餡料也不會有太多醬汁, 這一點很好, 不過豬肉並非好材料, 除了不嫩口更有豬肉的羶味 🫣香煎黑松露鍋貼 $30鍋貼皮太厚, 完全食吃不到黑松露味, 唯一可以讚就是裡面有很多湯汁 😶醬皇金錢肚 $33鵪鶉蛋燒賣 $33金錢肚色澤偏橙不太吸引, 吃下去略嫌不夠味, 而鵪鶉蛋燒賣味道比金錢肚還要淡 🫠土魷蒸肉餅飯 $40並沒有進食只是嗅都嗅到飯已變壞了, 由於其他點心都一般, 所以直接要求店員取消, 再後加西多士, 臨離開看到單據並未有取消蒸飯亦沒有加西多士, 店員跟我說價錢差不多 🤨 雖然只是$7的差價, 我沒有要求店員退回給我, 但店員不應該這樣“側側膊” 🙄 而且食物這樣的質素, 肯定不會有下次 😮‍💨 …查看更多

放工放得夜唔想成日都打邊爐，所以今日就搵吓有冇夜茶可以飲。openRice就search到呢間銀津。除咗基本常見嘅點心之外，呢度都仲有其他特色嘅點心，所以我哋都叫咗幾款嚟試吓。瑤柱菜苗鮮蝦餃🦐平時都好鍾意食菜苗餃，覺得清清地幾好。不過呢一間竟然係用韭菜做嘅，討厭韭菜嘅我表示非常失望。唔知係我孤陋寡聞平時好多地方都用韭菜做我唔知，定係呢間餐廳咁有創意做韭菜蝦餃。鵝肝醬鹹水角🪿本身好期待呢個創新嘅配搭，但係食入口係一啲鵝肝味都冇，同普通鹹水角冇分別。黑松露香煎鍋貼🥟入口非常多汁，好Juicy，但係一啲松露味都冇。黑松露脆皮鮮蝦腸🍄‍🟫本身食頭一啖以為好似前幾樣嘢咁冇黑松露冇特別味道，到食第二嚿先知原來只係做嘅時候唔均勻，其實都有好香嘅黑松露味。另外值得一讚嘅係平時食入邊脆皮嘅腸粉好快就會變得唔脆，但係呢度起碼半個鐘入口都係非常香脆嘅。另外我哋都有叫普通嘅蒸點，例如蝦餃燒賣牛肉球，都正正常常不過不失。下次嚟可以揀返一啲基本嘅點心會穩陣啲。兩個人叫咗九個點心大概$300都算抵食嘅。另外仲見到佢有流心西多士，但係今日真係食唔落了，下次收工嘅時候都可以再去試吓🤤…查看更多