銀咖哩 (已結業)

夜晚去海旁跑完步之後入咗去天晉，行吓行吓發現有間銀咖喱，就入去順便醫吓肚因為佢嗰陣時已經差唔多收舖，所以都冇咩人，於是我就好言行咁樣食我嘅咖喱豬扒飯望向窗邊發現夜景下嘅海旁都幾好睇，環境唔差嘅銀咖喱👍🏻

近海旁哩邊大部份餐廳都行貴價路線係銀咖哩係商場入面算最平，但人流好少基本上次次去都有位，可能做外賣比較多其實環境吾錯架！乾乾淨淨幾大間！食物質素正正常常拉！員工好好，做野都快手。

銀咖哩喺學生時期，銀咖哩陪伴咗唔少歲月，因為價錢比較抵食。今次經過就嚟重拾吓學生回憶。-------------------------芝士美式炸雞扒蛋包咖哩飯 $51兒家仲係用緊貝標誌性嘅銀色碟盛飯。哩個雞扒揀咗美式炸，炸粉冇咁厚，雞肉質唔會太鞋，可接受。咖哩同樣係以往果隻味，唔太辣。漢堡煎蛋咖哩飯 $48漢堡幾厚，有肉汁，唔乾。咖哩加埋蛋同芝士，令味道更加豐富。-------------------------哩間銀咖哩位於天晉匯，人流唔係好多，有室外用餐區tim，朝早仲可以睇到海景，環境唔錯。如果想靜靜地食餐飯，哩度係唔錯選擇。銀咖哩地址🎈將軍澳唐俊街28號海天晉滙1樓103號舖

叫左個富士山食物質素：飯係一Pat Pat 既塊用係實到有某些部位咬唔開既芝士同蛋係凍既腸係凍既汁係杰既最正常係「招牌」既吉烈豬扒，都只係極度一般既茶記水準！衛生：餐具要浸水抹3次，係3次先冇漬（只係冇漬）托盤係勁污糟（差過M 記，M 記都叫有張紙）但飲筒就咁放係托盤！簡單來講，抱住大菌食細菌既心態去完成餐飯！我從來未寫過食評，但都一定要彈，仲要夾硬彈足200個字，因為唔夠200字冇得比分，大家睇唔到！ 我唔會再黎！

銀咖喱其實喺香港有好多間分店，但我係第一次食😂Tko物價上升開得越來越多餐廳不過都係chill版貴餐廳，有時要錫返個荷包所以特登幫襯左海天晉商場新開分店，見到入面顧客小貓兩三隻，唔多人幫襯就算係都係外賣，但餐牌價錢經濟，食物相同個價錢都吸引令人想試吓。👓芝士豬扒蛋包咖喱飯 $48窮食算係咁啦？！有平民咖喱、窮食之稱嘅銀咖喱好似係好多人嘅回憶，初嚐又冇做定搜查所以吾知咩料，點知🥶好彩叫咗蛋包飯，雖然只係一塊薄蛋皮但都可以頂一頂，但如果就咁吉列豬扒咖喱飯$37仲平啲添。其實啲豬扒唔算話好難食擺唔到入口，純粹普通嘅炸豬扒啫，有調味同埋唔會有雪藏味，反而係啲咖喱汁出事，冇咖喱味，總之感覺好hea純粹係個計，真心自己去超市買咖喱磚煮得仲好食🤣見好多人其實都推介食富士山夠三個人食，不過已經冇意欲再幫襯😂但經濟方面就真係經濟嘅，算係咁啦幾十蚊有成kg俾你食。👓芝士照燒雞肉蛋包咖喱飯 $48係雞肉粒，純粹真係普通雞肉粒，落咗啲茄汁，如果要比較的話炸豬扒會好少少，但總之呢個款式就麻麻哋啦🥶

相信係最chill嘅一間銀咖哩😂暫時係將軍澳唯一一間銀咖哩以前東港城都有一間，可惜執左了😕 新開嘅銀咖哩位置:📍海天晉滙1樓有海景✅有落地玻璃✅有outdoor座位✅性價比高咖哩飯🍛同男朋友黎食，諗都唔駛諗，梗係叫 {富士山咖哩飯}🏔️💲88 可以滿足哂所有願望😂有吉列豬扒、腸仔、蛋、芝士、漢堡😋包你食到飽飽丫可以😋假日黎到人流都唔算多個個飯都見到佢係即叫即整♨️呢個價錢有呢個環境同食物份量質素🤔抵哂啦~