釜之魂釜飯專門店 (淘大商場) (已結業)

行過donki就睇下有咩新餐廳好食。畢竟畢業後都好多年冇去過淘大商場。見到有間食釜飯，天氣又涼涼地諗住食個釜飯暖粒粒就行入去。人少少。又夠staff,坐低落完單就好快有餐前小食同湯。主菜個滑蛋豬扒釜飯黎。賣相吸引，飯面有幾條蟲草花點啜加色👍👍滑蛋豬扒就不過不失，個飯就味道較淡口個豬扒汁較多，外面炸皮比浸到淋哂。咬落唔老身唔柴。先係最重要。見到cm話牛舌串燒好食但今日冇貨，冇得試埋單連加一$78 lunch價還可以總體不過不失

一向少寫評論，本來也費事寫，但老婆話一定要數一數佢。大除夕31號晚一家人出街食飯，想去淘大花園，覺得那裡多選擇。來到見一些餐廳已有人龍，又見這家"釜之魂"門面唔錯，日式向來也合胃口，又即時可入座就進去了。叫了兩個飯，一個烏冬，沙律，炸榴槤丸等。食物很多不理想，吃罷感覺是中伏。1. 每樣食物份量是偏少2. 熱度不足，只是和暖3. 炸榴槤丸榴槤肉很少，唔夠味4. 烏冬麵普通貨式，淋。中有少黑點，不是胡椒，懷疑是蟻5. 最後沙律漏單，都費事食埋就走了

抱有高期望黎試呢間餐廳，因為價錢OK 又食到釜飯，可惜係水準一般。首先，呢個麵鼓湯實在係太咸了。死咸黎，明明有落到蔬菜去煲，應該無理由咸得咁緊要😟至於鰻魚釜飯嘅鰻魚黎講魚肉真係幾厚身，由頭食到尾真係好漏好飽🤣而令我失望嘅係個飯😩係我錯，我無睇食評就衝左去試，以我了解，釜飯係有日式高湯底嘅飯黎😢點知鰻魚釜飯係白飯底黎嘅？😞(帶返頭盔，錯左就當係我唔識嘢啦下😂)但我有幫餐廳諗原因，可能有鰻魚汁撈飯就無調飯底味掛……味道黎講，除左個湯，其實唔係差嘅，純粹過唔到我自己姐，”Sell 緊釜飯，但食落係唔係有味飯(唔計個汁)”

💛釜之魂釜飯專門店·我地又擴展新版圖啦 呢間我地想試好耐架啦 因為之前係銅鑼灣食過另一間釜飯我地好中意🍚但係我地真係比較少黎呢頭 所以一路都無機會🤭🤭·五花叉燒盛釜$78 l 金魂$98佢個飯係會跟一個前菜 湯同埋飲品嘅 都幾豐富😈不過我就覺得佢個飯偏濕少少 而且比較多汁 似普通嘅定食多啲🤣🤣不過佢個叉燒我自己幾中意 佢肥瘦好好 而且真係燒到好香口🐷個鰻魚都好大條嘅 不過味道就正正常常咁 冇咩燒過嘅味道咁 都係食肉類好啲🤭🤣🤣.📍九龍灣牛頭角道77號淘大商場三期地下G286-288號舖

中午同朋友一起去淘大行街，於是選擇左一間以前冇幫襯過的餐廳～想話試試新店。。。點知。。。中伏。。。午餐難道不同與晚餐？！送嘅前菜同湯中規中舉，而且湯都算夠熱，一開始感覺都唔錯！見到之前嘅評語，大多數都是很好的。。。因為同朋友都鍾意食牛，所以由午餐menu中叫左牛肋條，牛舌等套餐！牛肋條同牛舌嘅調味幾乎差不多，擺盤上來都係一Pat漿糊咁樣上枱，所謂色香味俱冇。。。同網上見到人地食評嘅圖片找不到相同的地方。。。唔通中午Menu同夜晚晚餐Menu竟然有如此大分別？！應該唔敢有第二次，有朋友幾乎淨係食咗兩啖就放手。。。有朋友話會搵一次試吓夜晚嘅菜式。。。但係中午嘅Menu就唔會再試啦⋯⋯

平時去開九龍灣都只係會去德福商場搵野食，今日就行遠少少過淘大商場個邊睇下有咩食先行過去第一間就大大個字寫釜飯，就試下係咩黎先一入去員工好快手腳已經安排坐位，同埋溫馨提示我地今日既和牛釜飯得返兩、三客，如果有興趣就可以試下，嘩，我地就梗係落咗單先仲叫咗個牛舌釜飯，其中一個加咗$22，有麵豉湯、前菜同埋飲品和牛個汁係配黑椒燒汁，略微搶咗少少和牛既味道，但啲和牛好淋身，好好味牛舌釜飯就好有驚喜，好香係配燒汁，唔夠仲可以加汁添今次第一次試釜飯，有啲似係日本版煲仔飯，都係好傳熱，冬天食簡直係一流

今晚約了細佬到他家樓下吃個便飯，我們都是食肉獸，於是選了這家釜之魂，最喜歡他的厚燒鰻魚飯，真是皮脆肉厚😚❤️鰻魚（金魂）「有得揀，先至係老闆。」要吃一定要吃大條的鰻魚，今次我終於能夠獨吃一個鰻魚金魂飯了，鰻魚肉厚，魚皮燒得焦焦香香又煙煙韌韌，成塊掀起來吃，再包着珍珠米飯，真是人間一大享受。古味鹽牛舌盛釜牛舌的油脂燒起來還聽到滋滋聲，牛舌配上鹽來吊味後，令到鮮味大增，有極重的牛味👍🏼我們都一致認為牛舌的質感軟林林，但外皮燒得焦香，加上份量不少，我們都吃得很滿足。想不到除了鰻魚外，這裏的牛舌也是不錯。梅干手羽先雞翼上面沾有點點梅粉，吃起來酸酸甜甜，但又有雞翼酥脆的口感， 開胃又滋味。謝謝細佬請客❤️🙏😜

去到九龍灣搵嘢食，當然係去淘大啦！成條食街咁多選擇，好多時行到中間就已經入咗餐廳。而呢間喺食街嘅街尾，真係成日會遺忘咗佢。不過見咁多好評，一於試一試啦！ 我哋嗌咗一個鰻魚飯，汁燒牛肉飯同埋燒菠蘿。鰻魚都幾大條，燒得夠香，最好嘅就係可以同侍應要求加鰻魚汁，就算食到最抵都好夠味。不過要小心啲鰻魚有細骨！ 牛肉飯就比到好大驚喜。下午茶$48嘅價錢，比到有質素嘅牛肉，仲包埋嘢飲，抵啊！相比之下，燒菠蘿（$38）雖然好味，但性價比較低！喜愛程度：😋😋😋😋

九龍灣呢間專食釜飯其實釜飯有啲似日式煲仔飯試左個牛舌盛釜 日本醬油帶出左牛舌嘅肉味用嚟撈飯一流如果鍾意食鰻魚嘅話呢間嘅鰻魚釜飯都好出名玉子燒卷蛋脹卜卜蛋香混合左芝士髒髒炸香蕉其實即係炸香蕉糕曬上朱古力粉如果鍾意食香蕉糕嘅話可以試吓熱食口感更煙韌蜜糖番薯味道正常但分量唔算好多

我自己好鐘意食饅魚，今日就黎咗九龍灣食釜之魂食佢最出名嘅饅魚飯啦❤️要食當然食最好，所以我叫咗個「金魂」，鰻魚係用最肥美嘅部分，即係魚腩位置，咬落肥美肉厚🤤配埋餐廳自家秘制鰻魚汁，鮮味倍升另外哥哥叫咗個「古味塩麴牛舌釜」，牛舌香口，唔會好難先咬得開👍🏻配上燒汁同芝麻，非常美味男朋友就叫咗個「鐵板雞扒釜飯」亦都係最失望嘅一個，佢話食落去同大x樂果d雞扒冇分別，仲要塊雞扒好乾爭爭😢另外我地仲叫咗個日式炸雞，只可以話正常發揮，冇咩特別🙃不過為咗個鰻魚飯，我係會返黎再食嘅😌

• 釜 之 魂 釜 飯 專 門 店 •🐿舖頭名已經講明係日式釜飯專門店 而且出名食饅魚釜飯釜飯係日本傳統鍋飯 將米、高湯、食材放入鍋內慢煮除咗釜飯之外 仲會有烏冬同串燒可以食添(˶‾᷄ ⁻̫ ‾᷅˵)-餐廳主打饅魚釜飯 網上每一個食評都差唔多有佢饅魚釜飯一共分咗3款級數 分別係贅沢、極、特豐儉由人 想食超級厚肉既饅魚 可以揀贅沢-✨金極蒲燒鰻魚飯 • 極 💰$108魚腩位置 賣點係油份最高 極既鰻魚比特厚一半有多即使唔係最貴既贅沢 亦可以食到鰻魚既油脂焦香味鰻魚好大塊 完完全全覆蓋咗成碗釜飯 加埋蛋絲 好豐富鰻魚肉質算滑 蒲燒醬汁甜甜地 兩者互相融合 將味道滲入釜飯內 只係略嫌個飯有點乾-✨金極蒲燒鰻魚飯 • 特 💰$88 (茶漬飯 +💰$18)魚尾位置 賣點係焦香味最重 鰻魚薄薄一片 有細骨個人鐘意食比較厚肉既鰻魚 所以覺得呢款有比下去既感覺朋友加咗茶漬飯 打算同一個飯 但可以享受多重食法但好似同想像中有啲出入 一定要職員幫手加茶漬飯湯而唔係可以自己任意想就咁食定加湯食 而且湯既味道偏淡如果好想試下饅魚釜飯三食的話 都可以貪得意試下-🥚黑松露玉子燒💰$18一串迷你形玉子燒 表層燒得焦焦地

今日路經淘大要買野，見到有間食釜飯，裝修都好日式，門口擺設又好有心思，餐廳立場好明確💛喺香港都無食過釜飯，決定入去試下😋😋今次午市去幫襯，餐廳基本上都坐滿3/4，啱啱坐左最後一枱二人位。👅 金魂釜飯連飲品 呢個鰻魚飯係呢到必叫既釜飯😋睇見張圖舊鰻魚超大塊，黎到都無令人失望，足夠cover住個飯🤤饅魚汁好夠，亦都燒得啱啱好，厚薄適中👍🏻咬落去無骨，夠味唔咸亦都唔乾😍口感亦都值得一讚，唔會梅哂👍🏻飯撈埋鰻魚汁食好夾，好快就呑哂成個飯🤩👅 汁燒牛盛連飲品 呢個飯黎到好香，超多肉，肉汁好夠，洋蔥亦都好淋，配埋個汁超好送飯😛 飯底係珍珠米，軟硬適中👏🏻又係唔經唔覺就會清哂成個飯🌝

上網搵九龍灣美食就搵到呢一間，本身冇食過釜飯所以都好有興趣。個飯都正正常常， 味道都okay既。呢間價錢都相對便宜，所以同朋友叫咗好多小食😂 結果差啲食唔哂😂 啲小食都ok

朋友係一個鰻魚愛好者😆呢間餐廳係佢屋企樓下開左一段時間，佢都叫過我幾次同佢去食🤦🏻‍♀️結果終於抽到時間同佢去食啦❤️-餐廳嘅裝修好似日本嘅居酒屋咁，店員亦都穿上日式嘅服裝🤣仲要講埋日文～成個feel都好日本呀🤣-今次我就叫左個金魂😋鰻魚加上鰻魚汁，特別係尾尾嘅位，燒得好香口😋而且完全食唔到有任何刺👏🏻佢嘅珍珠米亦都煮得剛剛好，煙韌有咬口呀🤩估唔到係香港都可以食到咁就質素嘅鰻魚飯💯💯

俾「釜飯專門店」個名吸引咗，但因為九龍灣對我黎講唔太就腳，bookmark咗一陣先黎食。『金極鰻魚飯。魚腩位置』$108有3件鰻魚片，都算厚厚哋，入面仲有幾粒蔬菜，但個飯底都幾厚⋯⋯『五花豚肉釜』$78五花豚肉，真係有豐富嘅脂肪，多到可以撈飯食。⋯⋯『練梅凍番茄』$38太重梅味，同行友人食咗1/4就放棄；個人認為，如果個番茄再熟少少先醃，會好啲，因為個茄而家太實⋯⋯『黑松露玉子燒』$18一串玉子幾嫩口，蛋黃醬有少少黑松露味。回味指數：🌕🌕🌕🌗🌑。📍 釜之魂釜飯專門店 (淘大商場) (九龍灣)九龍灣牛頭角道77號淘大商場三期地下G286-288號舖。【後記】➡️食完個飯先發現，原來可以追加鰻魚汁，其實係十分需要，因為個飯比較厚，同埋烤過，所以比較乾身，有多少少醬汁比較好➡️用Openrice可以喺兩公里範圍內拎飛攞位，幾方便，唔使熱住等