釗記海鮮小菜

營業中

休息中

今日打算約朋友食海鮮，較早前睇過一段youtube，youtuber介紹一間大埔街市熟食中心之食店釗X海鮮小菜，於是今日就決定試試，一行人於漁檔買海鮮其中買了一條東星班約一斤重，買齊海鮮後就到上述店舖幫襯總共五味海鮮，其中三味出事：(1)東星班偷龍轉鳳換了一條不知名魚類相信係養魚，跟負責人溝通居然表示現場只有兩枱客人加工魚類聲稱送上之魚屬我們，企圖暪天過海，但我表示肯定不是這條並與負責人到漁檔了解，在理論半小時後經到漁檔了解當中，突然收到朋友通知食店另一負責人突然心虛在廚房取出一條已煮熟嘅魚聲稱係我哋所買之東星，經查證後確定是我們所買之東星。(2)豉椒炒聖子加煎米底，出來後居然沒有煎米底，向負責人溝通負責人不理會。(3)油鹽焗奄仔蟹夠膽將蟹蓋揭開取走蟹羔，為什麼肯定，因為一般加工奄仔蟹一定係中間斬半，不會揭開蟹蓋。(4)埋單時加工費亂收，向我們表示加工費680元我們總共五味魚約一斤(蒸)；蝦一斤半(灼)；聖子約一斤(豉椒炒)；蟹一斤半(焗)；扇貝兩斤(蒜茸粉絲蒸)，向負責人表示價錢並非價錢牌所示加工收費，負責人面部惶恐立即表示改為360元。希望所有人閱後不要光顧此等黑色店。

好食到呢！以後唔駛去西貢食海鮮啦！完全唔記得影相，食到最後既鮑魚先記得影相，實在太好味。真係勁大碟，每碟份量夠4人食唔會好似西貢既餐廳見你少人就比少d你。仲有，食完唔口渴，味精少，一定要再食。

老爹生日，他最愛的離不開蟹！碰碰運氣找大埔的避風塘炒蟹，竟然找到有如此多好評的小店！ 訂了幾個海鮮，到店舖後才知道，原來這裏是人頭$550收費的，以海鮮餐來說價錢也算中規中矩，既然來了，也就試一試吧！ ❣️避風塘炒蟹震撼眼球地大碟！三大隻肉蟹伏在山一般的炸蒜上，香氣撲鼻，令人急不及待😍即叫即煮，熱氣鍋氣滿分！一口炸蒜，味道像潮流辣椒油的蒜香！蟹肉鮮甜，加上炸蒜，可以再來點白飯🍚 ❣️果皮蒸鮑魚老闆見我們吃到差不多才蒸鮑魚的說 💕本以為蒸鮑魚沒有什麼特別， 只要材料新鮮就足夠。但這一口鮑魚，證明了什麼叫做剛好！鮑魚超級軟滑，每咬一口都滲透著鮮味 😋 ❣️ 豉椒炒蟶子蟶子剛好熟，加上火候十足的彩椒，惹味非常！ ❣️ 蒜蓉粉絲蒸扇貝這個菜式大部份地方都不太會失手，這裡也不例外，一貫的好吃。 ⚜️椒鹽鮮魷超愛吃鮮魷！那種越咬越好吃的口感令人太上癮。鬆脆香口的炸粉，咬開是鮮味十足的魷魚，能不愛嗎？不過比較之前的海鮮，這個比較普通。 ⚜咕嚕肉沒有太大的驚喜，是鑊氣十足的咕嚕肉

去完慈山寺，忽然想食海鮮，但又唔想去流浮山或鯉魚門咁遠。上開飯比我搵到尼間釗記，見咁多好評，一於試下。打電話過去，居然仲可以訂位，老闆仲問定我地想食咩海鮮，幫我地買埋。跟住飯友嘅推介，叫左避風塘炒蟹、芝士龍蝦伊麵、炒蟶子，真係樣樣都大碟又好食，連碟馬拉盞炒通菜都好好味，食到在座老、中、青6人個個都「直豎姆指」！臨走同大厨釗哥影左張相，大家可以認住佢！

呢間野啲海鮮真係好食到只應天上有地下無老闆又可愛盞鬼,真係唔講唔知以為去咗四季酒店，鮑魚鮮味大又多汁唔使講，有乜理由啲聖子都可以咁滑咁爽口，加返兩支550ml嘅青島你都唔好話唔過癮，蒜蓉通菜啲蒜蓉同啲通菜夾到好似Paul Newman Daytona 同初代版 Zenith機芯配合得咁天衣無縫。價錢的確冇得挑剔係大埔街市來講真係食得出遠超銅鑼灣避風塘炒蟹嘅水凖同實力，小弟心服口服俾老當益壯嘅釗sir由心嘅一個大母指公。

避風塘炒蟹超級新鮮又大隻的花蟹，蟹肉飽滿汁美的蒜酥味，蒜酥飽含鮮美的蟹味，巧妙融合於一體.粉絲蒸扇貝肥多汁美的扇貝肉，不甜不膩充滿鮮味，紮實的貝肉，口感十足梅皮蒸鮑魚手掌大的鮑魚，新鮮的味道深入肉裡，嚼勁十足，滿滿的鮑魚肉，梅汁中和海鮮的腥味，不失去海鮮原味辣炒聖子皇整條彈牙有勁的聖子，混合微辣清甜的醬汁，順口不甜膩，飽滿入口老闆的手藝來自銅鑼灣的老一輩傳承下來，技術純精，遠勝銅鑼灣興記，價錢合理，海鮮一定是當天新鮮從街市上來

朋友升職話請食海鮮 本身以為係去西貢 點知佢帶我地尼大埔街市食初初聽去街市食海鮮仲想話佢好cheap 無諗到原來質素咁高避風塘炒蟹超大碟!!! 呢個份量真係好驚喜 有足足3隻大肉蟹 多肉又多膏重點係d避風塘乾蔥炸蒜 新鮮炸炸得好香好好味 飲埋啤酒一流真心覺得好食過好出名個間興記 芝士焗龍蝦伊麵係我地差唔多食完碟蟹先上枱 又係勁大碟 2隻大碟加埋佔左半張枱咁滯龍蝦件數好多 好鮮甜 厚肉彈牙 好易離殼 啖啖肉好滿足伊麵份量都好多 條條麵都掛住芝士 而且佢隻芝士濃味得尼唔漏我地食剩左一半 打包左一半走 第2日焗番熱尼食都仲好好味炒蟶子王蟶子夠新鮮 大隻厚肉 鑊氣夠 火候控制得好好易咬開 爽口又唔un 坦白講 係熟食中心食海鮮 環境真係比較減分但個師傅真係好有功架 真係要食過先知街市有咁正既海鮮價錢唔平 但物有所值 老闆都有咁上下年紀 好nice間唔中會過尼同我地傾計有d食客經過見我地食海鮮都會埋尼問下一齊傾計係街市食 環境雖然一般 但係有濃厚既人情味~

踩完單車去大埔街市熟食中心覓食 經過釗記見到有海鮮餐食🤩諗都冇諗過坐低咗啦 不過因為我哋係walk-in 冇預約 老闆就去咗樓下揀海鮮😋芝士龍蝦伊麵呢個一出場令到我哋嘩嘩聲 因為份量比出邊酒樓大幾倍同埋啲芝士比出邊好味好多 平時食龍蝦伊麵啲芝士非常稀但呢間係好濃味 撈埋啲伊麵非常惹味🤤好滿足主菜龍蝦絕對係新鮮 佢揀咗澳洲龍蝦 唔係好似出邊嗰啲波士頓龍蝦咁冇嘢好食👻四個人食都食唔晒🤭😋避風塘炒蟹呢個絕對要比五粒星🤩真係炒得非常好食 份量非常大碟 師傅絕對唔係Hea你講真比起西貢海鮮炒得好味得多 啲蒜蓉炒得勁香 得少少辣 唔會搶走蟹既鮮味我哋仲打包左啲蒜返屋企撈麵食😂😂😋豉汁炒蟶子平時通常都係蒸蟶子比較多 好少炒 師傅炒得好出色 大隻得尼又容易咬得開絕對唔係俾啲死咗嘅海鮮我哋😋蒸鮑魚蒸鮑魚已經係咁多個餸中比較平凡既一樣 見佢都洗得好乾淨👍🏻同埋都好林😋蒜蓉炒生菜總括而言真係估唔到熟食中心都有咁高質素嘅海鮮食😻

一行四人想食海鮮， 揀咗喺大埔墟街市嘅釗記海鮮。 揀咗呢間餐廳係因為有朋友介紹，佢話呢度啲海鮮好新鮮 ，師傅嘅手勢好好，調味剛剛好，香口得嚟唔會太過油膩，惹味得嚟唔會好咸，食完唔會有口渴嘅感覺！師父推介我哋食薑蔥炒蟹。佢話好多人都讚佢呢道炒蟹。的確係好食！份量好大份，應該有成三隻蟹， 蟹肉超多，肉身肥美，超多蟹膏，仲要係橙色嘅蟹膏， 唔係綠色好肉酸嗰啲蟹膏！啲薑爆到好透好好味，食落唔辣口。啲葱同配料都吸曬蟹嘅精華，好出色。豉油王大蝦碌。個蝦好新鮮， 每隻蝦碌都好大隻，肉爽，佢用豉油加蒜爆香咗個蝦身。蝦頭又有橙色嘅膏，我like! 呢度菜好惹味。個朋友真係冇介紹錯，師傅的確係幾好手勢。同師傅閒聊咗幾句，佢話未有疫情之前，其實佢嘅鹵水都好多人叫， 而家四人限聚，好少人叫鹵水食。希望疫情快過去， 到時拉齊七八個人去食佢啲鹵水！

成日聽人講大埔墟市政大廈啲嘢食好正，今次終於夜晚嚟試試呢度嘅海鮮😎扶手電梯一上就見到呢間釗記海鮮，坐低咗叫咗上湯龍蝦伊麵，並唔係出面行過嘅龍蝦伊麵！ 佢啲肉彈牙， 啲麵唔會過淋仲好有煙韌度， 索曬龍蝦汁真係好一流， 睇得出廚師嘅功架了得成蝶四個人分份量， 食到好滿足！另外我哋叫多咗個蒜蓉粉絲蒸扇貝😎呢個一上碟，真係不得了！扇貝超大隻！ 蒜蓉勁豐富，粉絲軟硬適中， 醬油嘅烹調帶出扇貝嘅鮮味，最值得一讚嘅呢就：係呢度嘅海鮮全部都非常乾淨！蒜蓉粉絲蒸扇貝如果再加多個白飯撈飯一流！另外，我哋再叫咗個蒜蓉炒油麥菜。 碟餸看似簡單， 但係食得出廚師喺考配料方面落足心機， 食得出去爆炒嘅蒜蓉同埋薑係慢慢爆爆出嚟到帶出香味。呢間海鮮小店簡直就係一班朋友食海鮮嘅必然之選😎😎😎 大家千祈唔好去西貢或者流浮山， 呢間真係無可取替

嚟到大埔墟街市2樓熟食中心，扶手電梯一上就望到釗記海鮮小菜，仲有人將啲魚獲交比間舖加工，相信出品質素應該唔錯，一於坐低歎個海鮮晚餐。芝士焗龍蝦跟伊麵底率先出場，賣相先聲奪人，首先係勁大碟，份量比一般酒樓大咗成倍，龍蝦件數又多；第二係龍蝦極之新鮮，入口爽甜鲜美，非常彈牙，配合蘸滿芝士嘅伊麵，惹味程度令人回味。再嚟又係勁大碟兼抵食嘅薑蔥炒蟹，蟹本身好新鮮，大隻又厚肉，仲係勁多膏，用大量薑蔥配料，炒得夠鑊氣，啖啖蟹肉爽口鮮味，食到舔舔脷，好食冇得輸。厨師伯伯除咗煮得好之外，面上掛滿笑容，態度親切，令人感覺舒服，下次定會再幫襯，支持吓佢。仲有好多小菜選擇，一定有款啱食

今晚去大埔探朋友，朋友介紹喺街市有間幾好食嘅小菜，決定去試吓大埔街市有好多檔口，各有特色，環境好寬廣，坐得好舒服，而且有冷氣，夏天啱晒我哋叫咗豉椒炒蟶子，賣相好靚，色彩繽紛，鑊氣好夠，每隻蟶子都好大條，而且食落好新鮮，配上豉椒好惹味食海鮮最緊要新鮮，呢碟蟶子絕對做到，而且份量好多，物超所值另外叫咗碟清蒸鮑魚，足足有八隻咁多，每隻都好大，同樣食落去好新鮮只要配上簡單嘅蔥花去蒸，再加少少豉油，就能夠帶出鮮味每隻鮑魚都好厚身，咬落啖啖肉好彈牙，以呢個價錢來講真係好值得一試飲品方面就有啤酒、汽水，簡簡單單配上美味嘅海鮮印象好深刻就係老闆兩夫婦都好熱情同親切，全程面帶笑容，主動同客人傾吓計，介紹吓食材，充滿人情味，街坊都食得好開心原來仲可以幫客人加工煮海鮮，見到有幾位客人都釣魚攞去煮，別有風味除咗海鮮之外，其實仲有好多小炒，不過因為每碟嘅份量都好大，我哋得兩三個人食唔晒，唯有下次再試小菜

今日約左幾個老朋友飯聚，之前聽朋友介紹左間野，于是去試下先，去到之後老細話下次可以打電話預約講定食咩，可以預先準備靚海鮮，唔洗等咁耐，因為我哋係臨時上去，所以老闆娘即刻落咗樓下揀海鮮，最終我哋經老細叫咗四人海鮮餐，見到老闆娘拎住幾袋新鮮海鮮返嚟，即刻滿心期待，跟住老闆話好快有得食，跟住同啲friend吹吹下水，唔經唔覺就已經嚟第一味餸芝士龍蝦伊麵未食之前感覺有啲普通，點知食落之後果然有驚喜，用料新鮮之餘，濃濃嘅芝士香味入面有蒜香味，龍蝦肉質鮮甜彈牙，再加埋底下嘅伊麵，果然一絕，最啱我呢啲芝士控🤤第二味餸係果皮蒸鮑魚呢味餸賣相吸引，可能係因為我鍾意食鮑魚嘅關係，已經流晒口水🤤鮑魚肉質彈牙，加埋果皮嘅淡淡清香，真係忍唔住一啖放落口第三味餸係避風塘炒蟹我真係重點推介呢個，重點推介，重點推介。因為重要嘅嘢要講三次，呢個餸睇落好似好普通，但係真係好考廚師嘅功夫，我第一次食咁好食嘅炒蟹，之前出面食嘅都唔似係炒，似撈多啲，味道只限於外殼，入面啲肉都無味。但係我我食呢一味，可以食得出廚師嘅用心，海鮮唔使講，肉質鮮甜之餘，料頭入味夠，蟹雖然係主角，但係啲料頭都好正，好香，即刻嗌老闆來一碗白飯，配搭料頭一

款款菜式都係老細親自主理芝士龍蝦伊面：我從來未試過係大排檔食到咁大隻既龍蝦伊面 龍蝦爽口彈牙 龍蝦既份量真係多過伊面 絕對唔係誇張 伊面夠入味配以濃濃既芝士味 啖啖肉之餘又可以享受到伊面既細緻 一流👍🏻果皮蒸鮑魚仔：鮑魚仔就食得多啦大家 但係蒸熟既時間就係重點蒸得太耐會太老會韌 蒸得唔夠時間又會唔熟而老細就將蒸既時候拿捏得十分之好 既爽口又新鮮彈牙 另外仲可以睇下圖片既比較 同包tempo一樣大架 絕對係物超所值👍🏻避風塘炒蟹：避風塘炒蟹最重要係個味 呢味避風塘炒蟹味道十分到位 正正係因為最重要個味 好多舖家就會忽略左隻蟹既質素 但呢間釗記既蟹肉新鮮彈牙絕對唔係比死蟹你食 避風塘既味道又唔會影響左蟹肉既鮮味 相映成趣。椒鹽賴尿蝦：賴尿蝦新鮮有羔 炒得又夠入味 椒鹽既味道唔會過濃 成件事係十分之夾 連唔係咁中意食賴尿蝦既我都食完一隻接一隻 停唔到口啊！

生活總有唔如意，食好嘢善待自己，打打氣，兼幫小店撑落去。飲早茶唔知有咩揀，直接去檔口了解吓，大叔二話不說揭開蒸籠蓋任睇，除咗爪骨飯、骨飯，仲有最後一盅咸魚肉餅，即時搶走佢，加多碟山竹牛肉。咸魚係至愛的梅香，有少少骨，咬落即溶，唔死咸，同少肥肉餅最夾。餸的份量剛好，夠送飯。飯面的薑片外形雖然粗糙，勝在夠辣、薑味濃，豐富咗成個飯的味道，多得佢，個飯更滋味。最重視的白飯，軟硬適中，粒粒分明，唔係冇味碎米。睇佢細細盅猜疑唔夠飽，食食吓先驚會食唔晒碟牛肉。呢盅飯值得一啖一啖咁細味，出色過上次喺好彩食的同款飯。茶錢六蚊一位，高過預期。頭壺茶用嚟食碗筷，加水後等一段時間先飲用，沖出嚟的香片冇清香撲鼻，勝在入口甘香醇厚。